مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[د-سعاد]

يسعد صباحكم يا رشيقات

بأكتب يومي أمس وارجع أقرأ الصفحات اللي فاتني

 

[د-سعاد]

حسبت لكم السعرات طبعا هالمعدل حق اللي ماتلعب رياضه نفس حلاتي تقريبا بينزل من نص كيلو لي كيلو كل اسبوع اللي باتمرن اكيد بتنزل اكثر اساسا الجسم بيحرق 500 سعره يوميا علشان يقوم بعملياته الحيويه يعني هال500 انتي ضامنه انها بتروح من غير ماتمارسين اي مجهود وبالنسبه للوجبات يكون 5 باليوم ثلاث وجبات رئيسيه + وجبتين خفاف وانتي وطرقتج بتوزيع الوجبات المهم انج ما اتعدين الالف وشوي اللي مسجله عندج ولاتنسووووووون من 6- 8 قلاصات ماي يوميا .

مشكوره يالغاليه :eh_s(7):

 

[فواصل]

صباح الخير ....شخباركم ....قطوة :حبيت اشكرج من كل قلبي لاني ضفت الاخصائية اللي قلتي عنها وطلبت منها رجيم خاص للشهر الفضيل يحليلها ما قصرت ...ونظامها حلو ...الله يوفقج ويشافي الوالدة من كل مرض

 

[Aryam30]

صباح الخير بناتات شلونكم وشلون الرجيم معاكم ان شالله يارب تكون اموركم ماشيه ميه ميه

 

[Aryam30]

اريام ههههههههههه
فكرتج ابداع
زين ايدج تقدرين ترسمينها اما جسمج شلون تقدرين تتحكمين
الا اذا احد يرسملج

وتخيلي عاد احد يدش الحمام ويلقى جسم مرسوم عالطوفة

خخخخخخخخخ

وشمعنى الحمام اصلا راح يروح بالماي من الغسيل والسباحة ماراح يظل شهر كامل


وبعدين ماسمعتي اغنية شخبط شخابيط
لا تشخبطين عالحيط

ههههههههههععععع

اهي الفكره ياتني عزج الله بالحمام بس التطبيق بيصير بغرفة النوم عاد شوفيلج زاويه مدعوسه ورسمي جسمج برصاص عاد كل وحده على حسب جسمها اللي متنها بس كرشه توقف على جنب وترسم جسمها من جدام واللي متنها ياي بالعرض تعطي ظهرها حق الطوفه وتمرر القلم حوالين جسمها :dddds:

 

[Aryam30]

مشكوره يالغاليه :eh_s(7):

العفو حبيبتي

 

[تووته البسكوته]

هاي ياحلوات ....
امبييه اريام حدي حبيت فكرتج وبسويها ان شالله ..بس لايشوفني ولدي عشان ما يتعقد ههههههه

 

[تووته البسكوته]

بنات فيني شغله حيييل تنرفزني

مادري ليش فيني طبع اذا شي ارتحت له وحسيت اني اضعف عليه ما استمر ..ولا اسويه ...احس جني اعاند روحي
يعني مثلا الجاي الابيض شريته وماشربت الا مره وحده مادري شسوي برووووحي

 

[كويتيه سبيشل]

العفو كويتيه ياقلبي
مساعه وانا تحت الدوش ياتني فكره تضحك بس يتراوالي بتصير ...اهي حركه تسوينيها علشان اتابعين تغيرات جسمج تذكرين لما كنا صغار شلون كنا نرسم ايدنا ؟ مو كنا نحط ايدنا على ورقه واصابعنا مفتوحه ونمشي قلم الرصاص بين اصابعنا ؟ فكرت اسوي نفس الحركه بس بدال ايدي الزق جسمي كله بس مو على ورقه ... على الطوفه وتمشين قلم الرصاص على جسمج ويصير قياس لج كل شهر اوقفي ومشي القلم على جسمج وشوفي الفرق

هههههه خوش فكره

 

[قطوووة]

فواصل حاضرين حبيبتي

توته .. انا شريته وتم فترة مالمسته
بالبداية طعمه ماتقبلته
بس مرة على مرة
حبيييييييييييييته وادمنته

عادي ابدي بالتدريج
سوي اسكتانه

 

[تووته البسكوته]

قطوه انا حبيته واايد ..بس مادري ليش ما شرب

 

[fatma A]

شنو احسن رياضه حق الكرش ما عنه ما عندي بطن بس عندي كرش سفلي يعني كرشي طايح

 

[eman el.roo7]

بناااااااااااااات انا لقيت روحي زايدة كيلو اهيء اهيء من وين يــــــــــــــــــا ..؟؟؟


اهيء اهيء شكلي خبصت بالاكل ... ياااااااااااااااااااااا معين اعني ..

يوم السبت يوم الميزااااان الله يسسسسسسسسسستر ...

اليوم قلت بسوي رجيم التمر و اللبن .. و اكلت روب و ملعقة كمون + 7 حبات تمر ...

وان شاء الله انزل كم كيلو لين السبــــــــــت الله يستر ..
​

 

[Blue .]

-









بنآت انآ اليوم صآيمه ، علي دين
المهم ان اليوم فطوري رآح يكون : صدر دجآجة مشويه بحجم الكف + سلطه + شوربه
السنآك : قطعة حلآو صغيره

و الله يعين : )

 

[MISS_RIOOM]

السلام
انا اليوم صايمة نص شعبان
انتو شلووونكم
انا طلعت زايدة كيلو شكلي لما سهرت خبصت
انشالله ارجعهموو زيادة
ادعوولي

 

[MISS_RIOOM]

حساب كتلة جسمي

 

[قطوووة]

ميخالف

لايكون الميزان كابوس

تونا باول اسبوع

 

[أحلى عيون]

شخباركم بنات ان شاء الله الكل بخير


انا الحمدلله الي الان صايمه بس اليوم حدي تعبانه حراره ولوز مو قادره اوقف والله حتي شاشه الايفون صارت اثنين واكتب لكم



فطوري طبعااا مااشتهي اي شي اكله وجسمي حيل متكسر نسكافيه مع ربع خبزه اسمر بجبن دايت

مادري يومياتي مااكل بصراحه والدكتور يقول اذا مااكلتي ماراح ينزل وزنج


وربي يشفيني ان شاء الله وارجع لصحتي واكمل طريقي

 

[كويتيه سبيشل]

شخباركم بنات ان شاء الله الكل بخير


انا الحمدلله الي الان صايمه بس اليوم حدي تعبانه حراره ولوز مو قادره اوقف والله حتي شاشه الايفون صارت اثنين واكتب لكم



فطوري طبعااا مااشتهي اي شي اكله وجسمي حيل متكسر نسكافيه مع ربع خبزه اسمر بجبن دايت

مادري يومياتي مااكل بصراحه والدكتور يقول اذا مااكلتي ماراح ينزل وزنج


وربي يشفيني ان شاء الله وارجع لصحتي واكمل طريقي

حبيبتي الله يشاافيج ان شااء الله :eh_s(7):

 

[تمره بحلاوتها]

بنات شريت علكة الرجيم من الصيدليه

بـ ٧،٧٥٠ دك العلبه فيها ٢٤ علكه

الصيدلاني يقول طبيعيه ١٠٠٪

منو جربتها ؟؟؟؟؟؟!!​