منو حابة تسوي معاي رجيم عبدالله المطوع

["أم شوشة ^^ومنفوشة"]

مشكورة وما قصرتي

 

[فـرفـر]

انا ابي انزل 5 كيلوو


شلون اسوي الرجيم مو عارفه

 

[لذوذه]

مساء الخير عليكم
هاذي صورة وزني اليوم

7
7
7
7
7



الوزن = 83.5

وبروح بعد شوي اشتري اغراض الرجيم
ومن باجر صـــــــــــــــــــامدون _03BA:

:ggdw::ggdw::ggdw::ggdw::ggdw:

 

[mn.mn]

أنا اليوم بختار حق العشا شابورة وحليب

وامس واليوم موقفة الرياضة عشان اسبوع المرور بحاول باجر العب على الاوربتراك

تبون الميزان كل يمعة ؟

 

[Ya7aLaTi]

السلام عليكم

بدش وياكم عادي ؟ :eh_s(22):

بس إنتوا مشالله شكلكم كلكم كبار.. وأنا عمري 19 :eh_s(22):

دعسوني بينكم عادي ما أبين لوووووووووووووووول :dddds:

المهم..

أنا صارلي يومين أسوي رجيمة .. ولاقيتا هني بالمنتدى.. وهذا الرابط..

http://www.q8yat.net/showthread.php?t=145671


بس مكتوب أكثر من رجيم... أنا قاعدة أسوي ثاني واحد.. عادي ؟؟ ولا لازم بالترتيب وأنا نطيت حق ثاني واحد ؟؟ :080402ask_prv: لأن أنا عبالي إن أكثر من رجيم وأنا أختار إلي يعجبني.. بس إلي فهمته من كلامكم إن لازم بالترتيب

هذا إلي قاعدة أسويه..

الرجيم الثاني


الافطار

شريحة توست أسمر أو 1-2 شابورة
+
شريحة حلوم قليل الدسم أو ملعقة لبنة أو شريحة مرتديلا أو بيضة مسلوقة
+
خضار السلطة ( طماط - خيار - فلفل أخضر)
+
كوب حليب خالي الدسم


الضحى

عصير برتقال أو أناناس أو نسكافيه 3 في 1 ماركة تروبيكانا


الغدا

قبله كوب ماء

يومين = تشيز برجر من ماكدونالدز + دايت
يومين = سلطة + ربع خبزة أو 1 توست + 1همبرجر أو ربع صدر دجاج أو علبة صغيرة تونة أو
3 أيام = سلطة أي كمية (ملعقة وسط زيت زيتون) + 2همبرجر أو صدر دجاج أو سيخ مشوي أو علبة تونة


المغرب

كاكاو وسط أي نوع + 1 فاكهه + شاي أو قهوة


العشاء

قبله كوب ماء

5 أيام = سلطة (ممكن وضع أي نوع من الخضار ) مع اضافة صنف واحد من الاصناف التاليه :

2-3 شرائح جبن حلوم
أو
2-3 شرائح جبن مالح + ملعقة زيتون شرائح
أو
3-4 ملاعق ذرة + روب خالي الدسم


يومين = من اختيارات العشاء في الرجيم الأول

وكنت يومين قبل الرجيم مخففة أكلي واااااايد... وأنا قاعدة أمشي كل يوم (صارلي 4 أيام) أمشي ساعة أو ساعة ونص :ggdw:

وإنشاالله بقيس وزني يوم السبت ويا رب نازلة :yaaaaaarb:

إي صج نسيت أقول لكم..

وزني 88

طولي 167

الهدف 65

يعني أبي أنزل 23 كيلو.. يا رب أقدر أنزلهم :yaaaaaarb:

يا رب كلنا نضعف ونوصل الوزن إلي نبيه بصحة وعافية يا رب :yaaaaaarb:

 

[شيخه***البنات]

حياااااااتي ام فجوووره شلووونج يالغاليه ...

الله يوووفقج ياااا رب .. و ان شاءالله انا بعد وياااج انا باديه برجيم المطوع من يوم السبت ..

وان شاءالله راح اكمل ..

الله يووفقج ويوووفق كل البنات اللي وياااج يارب ..

 

[مغتربة 2006]

بنات انا مو عارفه شلون احط صوره الميزان ممكن وحده تعلمني على الخاص

 

[ام فجور 2008]

حياااااااتي ام فجوووره شلووونج يالغاليه ...

الله يوووفقج ياااا رب .. و ان شاءالله انا بعد وياااج انا باديه برجيم المطوع من يوم السبت ..

وان شاءالله راح اكمل ..

الله يووفقج ويوووفق كل البنات اللي وياااج يارب

هلاشيوخه الله يوفقج وينزلج للوزن الي تبينه

 

[ام فجور 2008]

السلام عليكم

بدش وياكم عادي ؟

بس إنتوا مشالله شكلكم كلكم كبار.. وأنا عمري 19

دعسوني بينكم عادي ما أبين لوووووووووووووووول

المهم..

أنا صارلي يومين أسوي رجيمة .. ولاقيتا هني بالمنتدى.. وهذا الرابط..

http://www.q8yat.net/showthread.php?t=145671


بس مكتوب أكثر من رجيم... أنا قاعدة أسوي ثاني واحد.. عادي ؟؟ ولا لازم بالترتيب وأنا نطيت حق ثاني واحد ؟؟ لأن أنا عبالي إن أكثر من رجيم وأنا أختار إلي يعجبني.. بس إلي فهمته من كلامكم إن لازم بالترتيب

هذا إلي قاعدة أسويه..

:23_asmilies-com: كبرتنا وحنا تونا مراهقات توني 24

 

[mn.mn]

فديت حبيبي حياج الله معانا وشدعوة عاد كبرتينا الشباب شباب القلب

والله انا برايي سويهم بالترتيب وايد احسن عشان تلقين نتيجة حلوة لما تخلصينهم

الليدي المغتربة في موضوع مثبت بالقسم عن شريط الوزن الطريقة سهلة سوي نفس الخطوات وراح يضبط معاج

شيوخ هلا والله بالطش والرش وناسة بكل مكان مدعسين عمرنا عشان نضعف باي طريقة

 

[ام فجور 2008]

أنا اليوم بختار حق العشا شابورة وحليب

وامس واليوم موقفة الرياضة عشان اسبوع المرور بحاول باجر العب على الاوربتراك

تبون الميزان كل يمعة

من من مشكلة يوم الجمعه زواره يمكن لا رديت

 

[mn.mn]

:23_asmilies-com: كبرتنا وحنا تونا مراهقات توني 24

وي عيل انا اكبر وحدة فيكم انا 28 و4 شهور بالضبط

 

[mn.mn]

من من مشكلة يوم الجمعه زواره يمكن لا رديت

خلاص نخليه الاحد شرايكم ؟

 

[ام فجور 2008]

اليوم رحت عبط حق المعهد مال المساج بس ما كنت رايحه بسوي بس كنت بسالها عن الكريم بس نحسية ماتبي تقول اسمه قلت لها شدعوة
عاد قعدت اسولف معاها عن المساج وقعدت قلت ماراح اطلع الا وانا عارفة هالكريم من وين
جان تقولي شربي ماي بارد الصبح لانه يحرق سعرات حرارية
والكريم تلاقونه بسوق الفلبن يصير ريحته على فكس
وبنات اذا بغيتوا شي حق الخطوط الي تطلع بالبطن عندكم كريم افالون وبيوتي ماما بالليل قبل لا تنامون دهنو بطنكم وافخوذكم لان حتى لمن تدهنين بطنج راح يلين البطن اذكر انا حق بنتي لي صار فيها امساك تكرمون امي تقولي دهني بطنها بيبي اويل عالشان يلين

 

[ام فجور 2008]

اوكي الاحد الاحد شورج وهداية الله

 

[mn.mn]

أم فجور على طاري الكريم انا استعمل كريم بارتنر لوف حلو والله

ينباع بسوق الفلبن بس انا شريته من سوق السالمية ب 4 ونص

هناك ارخص بس انا ما اقدر اروح الديرة ماعندي وقت

 

[ام فجور 2008]

اي حتى انا اذا ابي شي ماروح الديرة لان كل زحمة حتى انا اروح عند الهندي الي صوب ستي سنتر

 

[ام فجور 2008]

اذا تبون تسون مساج سكروا ايدينكم نفس البوكس

وبهذه العظمة فركوا المكان الي تبون تسوون له مساج
محد جرب الشورت الحراري
انا امس كنت بدز صورة وزني على الاب توب بس وصله البلوتوث مادري شفيها

 

[mn.mn]

انا ما جربته مادري احس يضايق ومو ذيج الفايدة فيه

ها بديتي اليوم بالنظام الاول ؟ انا تريقت شابورة وحليب

 

[ام فجور 2008]

اي بديت فيه
بس ماشتهي ريوق لان اول ماقعدت شاربه بطلين ماي بارد