منو حابة تسوي معاي رجيم عبدالله المطوع

[ام فجور 2008]

السلام عليكم ورحمة الله وبركاته
انا الحمدلله قدرت ايود نفسي وشربت عند رفيجتي
استكانتين جاي وقطعتين كاكاو جواهر لاني ما كليت الكاكاو حق الضحى
وعقب ما رديت تعشيت 3 قطع بيتزا صغار + عصير اناناس وبس
...........

وبشرج ام فجوره شريت القرص وسويت عليه لمدة 10 دقايق
والله يوفقنا جميعا وننزل بصحه يارب

يا الظالمة يا لذوذة 3 قطع بيتزا
عليج بالعافيه بس جان اكلتي على الاقل معاهم زينيكال

القرص وايد زين انا لمن اسوي فيه احس خواصري مشدودة

 

[ام فجور 2008]

https://start.trysensa.com/dms850/index.cfm?action=checkout.main&utn=8
ياليت الي فالحه بالعنجريزي تعلمنا شنو

 

[ام فجور 2008]

يالله بنات شنو تريقتو انا ثاني يوم لي بالرجيم
تريقت توست وجبن + ماي بارد على الريج

 

[mn.mn]

صباااااااااااااااح الخير ام فجور اشلونج انتي مو ما شية على النظام الاول ؟

شلون ريوقج توست وجبن المفروض حليب وشابورة ؟

فديت حبيبي عليج بالعافية وجباتج بس ما يصير جكن برجر لانها مقلية بالرجيم مكتوب جيييييييييييز برجر

روعة خيال لا ترهقين جسمج بالرياضة بعدين يتعود واذا هديتي الرياضة راح تردين خير الامور الوسط

 

[ام فجور 2008]

هذا النظام الأول

ஹ ஹ ஹ



الفطور : توست اسمر + جبن قليل الدسم + خضار + نسكافيه مع سكر تروبيكانا وبحليب خالي الدسم



الغداى : صدر دجاج مشوي + سلطه خضراء + بيبسي دايت
: سيخ مشوي ( طاووق والا تكه ) + سلطه خضراء + بيبسي دايت
: جيز برجر من ماكدونلدز + بيبسي دايت
: 2 همبرجر مشوي + سلكه خضراء + بيبسي دايت



العشى : روب + خيار + بيبسي دايت
: سلطه سيزر ماكدونلدز + بيبسي دايت
: 4 قطع بسكوت ماري + حليب خالي الدسم

وي من من لا تقولين انا هذا الي نقلته

 

[ام فجور 2008]

http://q8yat.net/showthread.php?t=225584

انا اخذته من هالرابط

 

[ام فجور 2008]

فديت حبيبي عليج بالعافية وجباتج بس ما يصير جكن برجر لانها مقلية بالرجيم مكتوب جيييييييييييز برجر

اي انا جذي قلت مايصير دجاج لانه في مايونيز ومقلي فكرت فيها قلت يمكن البنت ما تحب اللحم

 

[mn.mn]

أم فجور انا ماشية على الرجيمات اللي بهالرابط

http://q8yat.net/showthread.php?t=145671

 

[ام فجور 2008]

من من تقريبا نفس الشي بس الريوق الي يفرق

 

[ام فجور 2008]

من من شفتي الرابط الي حاطته الانجليزي مافهمت شنو بس الي فهمته ان عندهم شي يضعف طلي عليه شوفي

 

[mn.mn]

اي صح عموما انتي كملي اللي بديتيهم وبعدين سوي اللي بموضوع بنت الكويت

اللي عندج انا بعد طابعته وحاطة ببالي بسويه

 

[mn.mn]

من من شفتي الرابط الي حاطته الانجليزي مافهمت شنو بس الي فهمته ان عندهم شي يضعف طلي عليه شوفي

اي شفته انا من قبل شايفته هذا عبارة عن بودر ترشينه على الاكل

وجنه لما تبدين تاكلين تحسين بالشبع او يسد شهيتج بس مادري احس كله خرابيط

لاتفكرين بغير الرجيم العدل والرياضة

 

[ام فجور 2008]

آآآخ على الرياضه
من من جربتي تشربين ماي بارد على الريج ؟
وشنو الرياضه الي تلعبينها انا عندي القرص والاوربتراك كل ما ابي العب فيه بنتي توقف يمي اخاف احوشها وان زفيتها بجت

 

[mn.mn]

لا والله ما جربت الماي ما اقدر احس بطني يعورني

انا امشي من مرتين الى 3 مرات بالاسبوع وهم العب على الاوربتراك ربع ساعة

يعني احاول على الاقل 5 ايام بالاسبوع العب رياضة ماعدا اسبوع المرور والقرص ان شاء الله اذا قدرت بشتريه

 

[ام فجور 2008]

لا من من لايطوفج القرص تلاقينه بالرياضي يمكن على دينارين يطلع خصر حتى اول ما تخلصين منه تحسن خواصرج شادة انا اول ايام كنت احس بعوار بخواصري وشادة

 

[ام فجور 2008]

:23_asmilies-com: انا مشكلتي في بنتي ما تخلي الواحد يسوي شي
واليوم مفكرة اتغدا جيز بيرجر اطلع من الدوام وامر المطعم وبعدين اروح زوارتنا عند امي

 

[mn.mn]

ام فجور انا الحلو بجسمي اول شي يبين خصري بس الله لايراويج اللي تحت اخاف القرص يضعف خصري زيادة

ومن تحت اتم عريضة احس شكلي يصير غلط بس هم ناوية اشتريه على الاقل يخليج تتحركين وتحرقين سعرات

 

[mn.mn]

:23_asmilies-com: انا مشكلتي في بنتي ما تخلي الواحد يسوي شي
واليوم مفكرة اتغدا جيز بيرجر اطلع من الدوام وامر المطعم وبعدين اروح زوارتنا عند امي

صاجة من الياهال تكرهين تسوين شي بس انتي حاولي حزة نومتها او حطي لها العاب

وخلي الخدامة تقعد معاها لو نص ساعة جدامج على ما تخلصين وعلى الغدا خلي الجيز برجر

حق اليمعة او السبت يمكن تطلعين تتغدين بره عشان ما تتوهقين

 

[ام فجور 2008]

ساعات اشوف بنات وايد يقولون ودي اي شي بجسمهم يصغر
انا ماعندي شي محدد لان المتن يخرب الجسم كله
انا لمن شفت نفسي بالجام قلت اول شي بطني وزنودي وافخوذي والزغاديد الي بظهري حتى برجولي فيها كرش هههههههه

 

[mn.mn]

ميخالف شوي شوي لما تنزلين كل هذا بيختفي ان شاء الله

وحق الكرش جربي الزنجبيل الفرش مع الدارسين العواد فوحيهم وتالي حطي بالكوب جيس جاي اخضر

انا استمريت عليه فترة واااااااااايد فرق علي بطني حتى ريلي لاحظ