من بكرا رجيم دشتي لمده شهر للجادات فقط حياكم

[white haert]

بناااااااات عندي سؤاال
الحين في بعض الاكلات حاطين عدد الكارب وبعدين كاتبين ومنها سكريات
شنو يعني كارب ولا سكريات​

 

[يارب اضعف]

بنوتات فديتكم اكتبو اوزنكم فالتواقيع
شرات ما انا مسويه عسب نعرف كيفالنزول صاير ونعرف منو فينا بتكون الرابح الاكبر لكل اسبوع
شو رايكم احس حماس ولا ...

 

[بنت مشرف ق5]

وايت هيرت

جااي حليب يعني كلش موو حليب !! مو !!
لاتخليني اعصب عليج بروحي مافيني حيل:eh_s(1):
تبين تنزلين بسسس كيلوين بشهر مع الالتزام ولوعة البيض واللحوم .. شربي حليب كيفج



فوفوو

ان شاااااءالله يختيي من بؤك لبااااب السماااا :eh_s(2):
بس يمكن عشاان ام الشباب احس جسمي منتفخ
بس ترا انا بشكل عام طماااعه ابي انزل بسسرعه
وبخصوص وزنج سوي نفسي مااقيسه الا كل 20 يوم والاهم عندي القياسات بالملابس تتغير حتئ لو ثبت
عشان لايضيق خلفي وافل ام الدايت



يارب اضعف

انا اقول كل وحده تقول شكثر ضعفت وجم المده احسن



شقيقة النعمان

والله يالييت نفتح موضوع يديد
الصفحات صارت ثقيله ويالله تفتح
وبالمره نسجل اسامي البنات الملتزمين

 

[بنت مشرف ق5]

صج نسيت



يارب اضعف

مووووو زين لاتاكلين الفايتمن علئ معده خاليه
يسويلج فرحه لاسمح الله
حتئ لو تشربين نسكافي وقطعة كيري
بس عل معده خاليه no



وايت هيرت

السكريات اهي نفسها الكاربز
فأنتيّ اقوي الاثنين
حتئ لاحظي يكتبون ( 39٪ كابز منها 20 سكريات )

 

[يارب اضعف]

اوووكيه بنت مشرف مو مشكله
هيه شقيقة النعمان نفتح موضوع احسن
امممم عشاء اليوم دجاج تكساس خليتهم يبولي صدور مع انه دياي بس لنه مقلي احس بتأنيب الضمير
وقليت قفشه وحده سلطة ملفوف

 

[فوشيهـ]

هههههههههه وايت هارت ياحبي لك


بنت مشرف كلنا طماعين وربي بس انا احاول اخفف عنك << ياصريحه انتي ههههههههه


المهم لين فتحتو موضوع جديد نادوني عاد لاتنسووني :*_*:

وصح سوو شريط ميزان .. بس انا ماعرف بصراحه اسويه ..
​

 

[غـيوم]

السنه اللي طافت سويته وايد حلو نحفت عليه 3 كيلو

بس نسيته شنو الجدول بالضبط

افيدوني الله يوفقكم

 

[abaliabal]

السلام عليكم بنات

انا مليت من الريجيم وخربطت وايد

الحين قررت اني من باجر ابتدي مرة ثانيه....... وعرفت سبب الخربطة ومثل ماقالت كتووووون

طلع من الحلو

ان شالله بكتب كل شي وبخش الميزان وبحط الصور ويا انا يا هالوزن

ابي ارد رشيقة
,,,

يا بنات الهمة

الهمة

 

[فوشيهـ]

يومي

الفطور : بيضتين وجبنه سلايس نصها.. مخبووصين + خس ..

الغدا : سيزر سالد من غير دجاج .. والدريسيج يعتبر مافيه كاربز .. ما اكلت خس كثير .. بس كم ورقه قطعتهم ...

العشا : حبة ناجيت من ماك + اخذت وجبة بيج تيستي من ماك .. طبعا شلت الخبز وقلت له يحط لي بس مايونيز من غير شي ..

يوم ذقتها بغيت ارجع يالله لك الحمد تحوم الكبد .. اكلت النص تقريبا وماقدرت اكمل مع اني جوعانه .. اكلته مع ورقتين خس وشوي سفن اب ..


شربت شويه ماي يمكن 3 غراش وسط.. يعني ليتر تقريبا ..

واخذت حبة فيتامين بس باقي لي الثانيه تحت بالمطبخ .. عندنا عمال ماقدر انزل ..



رحت الريااضه اليوم بس مالعبت بضمير مره .. كان مفرووض ارقص بس زي ماقلت لكم عندنا عمال محتلين البيت كله..



سي يوو تمورو ان شاءالله
​

 

[بنت مشرف ق5]

^^^

عووووووافييي يارب



اليوم ال((( 17 )))

الريوق ::: بيض عيون وخسه صغيره + جاي اخضر ودارسين
الغدا ::

شرايكم فيني وانا سنعه
الدرسنج حبيته ( ملعقة صغيره مايو زيت زيتون ورشة فلفل اسود )

شربت بعدها زنجبيل ودارسين

العشا :: بيض عيون

مااااكو رياضه اليوم
وشربت لترين ماي

وسلامتكم

باقي يومين عالميزان :ch12:

 

[فوشيهـ]

وه وه لبى السناااعه بس بنوته .. يارب اتعادى منك ههههههه

بالعافيه حوووبي


و اييييييييييه باقي يومييييييين ..

بحاول بكره اشتري ميزان جديد ان شاءالله ..

ف اذا جا الوزن غير عن الي نقصته اول لاتهزئوني لاني مو زايده اكيد بس اختلاف بالميزان هع

لاني شاكه بميزان اختي الخايس


المهم نشووفكم بكره ان شاءاللله بحاول اناااااام
​

 

[برونزية رشيقة]

قوة شلونكم دشتياااااااااااااااااات ؟

إذا راح تبطلون(((( تجمع ثاني حق رجيم دشتي)))) قولولي هالمرة جادة أبي أشترك معاكم وأضعف .. المرة أللي طافت صارت لي ظروف وقفت الرجيم وخبصت الدنيا وما قدرت أدش المنتدى بسبب هالظروف .

 

[بطوووطة$بيضة]

شلونكم بنات



امس كنت تعبانه مادشيت


الحمدالله ملتزمة وصايرة خوووووووووش بنيه

مشتهيه شي حلو بس موقاعدة اكل من وصباتكم حق الحلو اخاف يبطأ نزولي

شدو الحيل مابقى شي على الميزان

اليوم فطوري ماي وعجة وبشوف شنو اتغدى
اشوفكم بعدين حبايبي باي

 

[بطوووطة$بيضة]

صج بنات اذا ابتفتحون تجمع يديد لا تنسوني اوكي،،،،،

 

[white haert]

ثانكس بنت مشرف يعني عااادي اهما واحد الكاربز
وفووووشيه الى الى الاماااااااااااام سر هههههههههههههههه
اليوم نويت ارد اسوي بروتين
قعدت متاخره
وسويت ريوقي بيض مع نص خسه ومرتديلا ديااااي وبشرت عليهم جبن شيدر للنباتييين واكلت حبه الفيتامين والحين اشرررب ماااااي
والغدا ان شاءلله كبااب مع خس ونفس الشي ابشر عليهم شيدر
العشااااا يمقن تونا يمقن بيض مفيوووح
​

 

[white haert]

انا ان شاءلله معاكم بتاريخ 20 بشوف وزني اللله يستر
وووواااااايد مخربطه بدايه الاسبوع
وان شاءلله مع البروتين ارد اضعف
وبنااات اللي تعرف اتسوي لنا توووقيع
خ تسوي ​

 

[white haert]

ههههههههههههههههههههههههههههههههههههه
توني استوعب انج زافتني شرووووفه
اي والله لوعه البيض واللحوم اللي يديمها نعمه بس كل هذاااااااااااااااااااااا في سبيل الرشاقه ان شااااءلله​

 

[فوشيهـ]

شريت ميزااااااااااااااان جدييييييييييييييد

ومره خااايفه من لخطبة الميزانين


برب غدا تاايم
​

 

[white haert]

عوااافي فوشيه
بنااات على طول حاسه بلوعه جبد ليييش يعني من الاكل ولا من الرجيييم

 

[فوشيهـ]

كم يوم لكي وايت هارت ؟!

اذا اول اسبوع احس طبيعي تكونين كذا

اذا اكثر ماعرف .. بس خلي فطورك وعشاك خفيفين .. والغدا عادي ..
​