من تجاربكم شنو الشي الي تسوينه وانتي مكتئبة ويغير مزاجج180درجه؟

[(كويتيه عسل)]

اكثر شي اتمشى بالسيارة وافتح الدرايش على الاخر احس اني طايرة لوووووووووووووول
او اروح الجمعية واشتري كيك وحلويات اهي اللي تعدل المزاااج

انا بعد واطلع بليل احب اطلع بليل وخصوصا بلشتا

واذا كان الجو ممطر احب اسمع اغنية اليسا اواخر الشتا وااااااااااي اارتااااح

وشحليلي اصير طيبه اللي يبي يطوف اوقفله ههههههههههه

واذا رحت الجمعية مايبقى كاكاو وحلاو وكيك برد ... وماسكات وكريمات ... مااشتريه

وارد البيت يمكن 5 او 6 جياس كلهم كاكاو وحلاو وكيك وخراااااابيط ...

 

[منانا]

مشكوورين على اختراااعاتكم العجييبه والله صج الشغلات الي قلتووها مع انها بسيطة بس والله تسوي شغل

احلى شي انج تصيرين طيبه عسووولة هههه ترا صج توني الاحظ هالشغله انا بعد لما يضيق خلقي او زهقانه اصير طيبة مع النااس واضحك واسولف مع الكل بس اذا اكتئاااب اصلي ما اتحااااجى

 

[نــعــوومــه]

.....................إذا حسيت إني متضايقه البس احلى ماعندي واقعد اتمكيج واسوي تسريحه يعني اقعد احورف بعمري..............

 

[SaD FaCe]

الصراحه ولا شي

 

[حبيبه امها]

هلاااااااااا بنات
ماشاء الله افكاركم حلوة .. وتقريبا نتشابهه

وعني انا على حسب نوع الاكتئاب والسبب بس الاكثر اني :
1- استغفر الله وايد
2- ااروح حق رفيجتي او اطلع معاها المهم نسولف
3- الرقص ... وصج يعدل المزاج
4- التسوق .. وحتى لو اروح الجمعية المهم اشتري اغراض لي تونسني
5- اكشخ واقعد بالبيت ​

 

[منانا]

الله يسلم ايييدكم كلكم يارب على كل كلمة كتبتووها

كل افكااركم اتينن مشالله وجاري تطبيقها تدريجيا


الي عندها اقترااحات او تجاارب لا تبخلووون فيها والفايده مو حقي بروحي اكيد للجميع

 

[[..كـــــرك..]]

اقعد ابجييييييييييي لين ادوخ وانام

واذا قعدت اكسر خاطر نفسي !!

خخخخخخخخخخ

او ادز مسجات لرفيجتي نقعد نسولف احبها هالبنت تحسسني الدنيا بخير خخخخخخخخخخ

 

[ناتشوو]

والله طلع فينا اكتئاب مزمن
خل نستفيد من بعض
يعطيج العافية منانا على الموضوع
اقول سؤال خارج عن النص
شنو معنى اسمج؟

 

[*^ *الليليم]

الرقــــــــــــــــــــــــــــــــــــــــــص
حدااااااا بنفع حطي كله حرتج فييييييييييييييييييييييييييييييييييييييييييييه
ههههههههههههه
موضوع جميــــــــــــــــــــــــــل ،،،

 

[فراشه]

اقره كتاب وناسه يسلي

 

[فيفي محمد]

لما امر بهالحاله طول اليوم اكرر هذا الدعاء
اللهم اني عبدك ابن عبدك ابن امتك ناصيتي بيدك ماض في حكمك عدلا في قضاءك واكمل الدعاء والله العظيم اتحسين براحه عجيبه وراحة بال ومرات افتح المصحف واقرء جزء او جزءبن

 

[منانا]

والله طلع فينا اكتئاب مزمن
خل نستفيد من بعض
يعطيج العافية منانا على الموضوع
اقول سؤال خارج عن النص
شنو معنى اسمج؟

اي والله الاكتئاااب فينا فينا ماكو فكه ههههه

معنى اسمي الله يسلمج له قصه ... بنت اختي اول ما بدت تتعلم الكلام كان صعب عليها اسمي لانه حرووفه صعبه عاليهاال مو بس اهي حبيبتي فطلع معاها هالاسم وقامو اهلي ينادوني فييه بعد لحد ما نسوه مع الوقت فحبيت احييه مره ثاانيه لاني احبه


تنفع قصه قبل النوم ههههه مشكووره عالسؤال ناتشو

 

[دلوعه نصور]

أنا وحده مصابه بالاكتئاب المرضي يعني اكتئاب مزمن لأن الحزن تراكم فيني خلال 6 سنوات اعوذ بالله الله لا يواريكم احساس حده كريهه مافي شي يترس عيني ويغير نفسيتي لو اروح الصالون واسوي سبا واعفس غرفتي واشتري بنتلي مايتغير شعوري -- بس ماقول غير حسبي الله ونعم الوكيل على الي سبب هالشي فيني من ايام المراهقه --

 

[منانا]

لا حول ولا قوة الا بالله

الله يعينج حبيبتي دلوعة نصور وعلى قولة الشااعر تعددت الاسباب والموت وااحد وانا اقول تعدد الاسباب والاكتئاب واااحد بس اهم شي ان احنا ما نعطييه فرصه يستمر او يتعمق واايد بحياااتنا ولا اذا بنشوف الدنيا والناس حوالينا نلاقي وايد اشياء تضيق الخلق خصوصا اذا كان فينا قابليه واستعداد كبير للتأثر بالسلبيااات


انا قاعده احااول واقاااوم وانتوا بعد والله يعين الجميع

انا بس علاج قاعده اخذه صارلي فتره مسببلي اعصاااب واكتئااب مو طبيعيين مع اني بطبعي هااديه وفيني بروود اعصااب بس شغله وحده عفستني فما بالج امور الدنيا شرااح تسوي فيينا
الله يصبرنا ولازم نكوون اقوى من الظروف واحنا نمشييها ما نخلييها تمشيينا



صار فيج اكتئااب او تضايقتي من شي ؟؟؟


بطلي موضوووعنا وراح تلقيين وااااااايد افكاار حلوة ما قصروا البنااات حطوها والحمدلله قاعده استفيد منها انا وغيري اكيد

 

[عقر بقر]

اطالع دي في دي او اطلع

 

[legally blonde]

يعتمد على الوقت من اليوم

اذا بالليل و كلشي مسكر
ارسم و ألون
و اشوف اشياء كوميدي
ارتب الالبومات
اركب بزلز
اسوي جرد على اغراضي و هدومي

و لما يصير الفجر اصلي و انطر الشروق بس تنور الدنيا اطلع اتمشى عالبحر
و اتريق في ماكدونالدز البحر أو مركز سلطان
عقب الريوق اروح لامود اسوي مينيكير و بيديكير على ما يفتح السوق
اروح السوق و كلما اشتري شي ادخل الحمام ألبسه
يعني أغير هدومي و انا بالمجمع اكثر من مره

جربوها ترا صج صج ونااااااااااااااسه

بعدين ادخل فلم بالسينما بروحي و طبعا بوب كورن كاراميل و بيبسي

اطلع غالبا اكون خلاص تماااااااااااااااااااااااااام الحمدلله



و مرات اذا كنت معصبة اروح بروحي حديقة الشعب و اركب اللعبة اللي يربطونج بالحبل و تقطين نفسج من فوق
هذي الحركة شقاقيه_03ba:

 

[Gatwa]

أتسبح واتعطر واسوي شعري واشرب قهوا او نسكافيه واسمع موسيقى هاديه واقراء قصص او اشوف بباي

 

[روح البخور77]

اقعد بروح - واكل كاكاو بطريقه مو طبيعيه - بعدين ابجي ابجي ابجي ابجي لين انام بعدين لما اقعد اتحسف اني كليت هالكثر بس من كثر ما الواحد كله مكتئب صار يستغرب لما يحس انه مستانس بيوم او بلحظه؟

 

[فـرفـر]

موضووع حلوو حيل

انا دايم اصلي ركعتين وادعي وابجي من قلب سبحان الله تروح الضيقه

 

[منانا]

يعتمد على الوقت من اليوم

اذا بالليل و كلشي مسكر
ارسم و ألون
و اشوف اشياء كوميدي
ارتب الالبومات
اركب بزلز
اسوي جرد على اغراضي و هدومي

و لما يصير الفجر اصلي و انطر الشروق بس تنور الدنيا اطلع اتمشى عالبحر
و اتريق في ماكدونالدز البحر أو مركز سلطان
عقب الريوق اروح لامود اسوي مينيكير و بيديكير على ما يفتح السوق
اروح السوق و كلما اشتري شي ادخل الحمام ألبسه
يعني أغير هدومي و انا بالمجمع اكثر من مره

جربوها ترا صج صج ونااااااااااااااسه

بعدين ادخل فلم بالسينما بروحي و طبعا بوب كورن كاراميل و بيبسي

اطلع غالبا اكون خلاص تماااااااااااااااااااااااااام الحمدلله



و مرات اذا كنت معصبة اروح بروحي حديقة الشعب و اركب اللعبة اللي يربطونج بالحبل و تقطين نفسج من فوق
هذي الحركة شقاقيه_03ba:

بروجراامج عجييب ودي اسيفه بتلفووني للاوقاات الصعبه احب هالسواالف مشكووره


والبناات كلكم افكااركم اتينن بعد مشكورين والله يعطييكم العاافيه

الي عندها فكره لا تخشها