نبيك الأفضل ...بالشهر الفضيل...

[Eng_7asasa]

اصدقييين اييييييييهعلويه لي متى لاعت جبدي والله عيب بنت وزنها بالسبعينااات


وانتى من اهله كويتية تعوذي من بليس كله من الدوره تقلب المزااج

 

[_zahra]

قوة بنات شلونكم شخباركم

اول مرة اصحي مبجر مع ان اس رادين من المسجد ساعه 2 ,,قلت خل اشيك الصفحات اللي طافتني,,شخباركم حبايبي ,,والله شادين الهمة الا انا مخربطة ومالي عين اتحجي بعد المهم ,,في وحده منالخوات باحدي الصفحات ذكرت رجيم السوائل لمدة اسبوع ودي اجربه بس يتعب كأنه؟

 

[_zahra]

شكلي برد بنااااااااام لأن حدي عطشانه ويالله الساعه 7 الصبح "
تصبحون علي خير يا حلوين ههههه

 

[ROSIE]

مرحبا بنات كيفكم انشاءالله بخير

أنا دوري كأي امرأة جربت السمنة و حاربتها لسنة كاااااااااااملة اني اعطيكم خلاصة تجربتي ...بس بالله استفيدوا و طبقوا ...اذا مليتي بعد شهر ووقفتي بكيفك ...راح تظلين دبة طووول عمرك
و راح تظلين طوووووووول عمرك تبكين على الأطلال و تقولين لو اني بديت العام الماضي كان هالسنة انا رشيقة
و راح تكرهين نفسك أكثر و أكثر

)-:

الأكلات الدسمة ماراح تنقرض ... و ماراح تسمنك لو أخذتي منها 5 ملاعق بس و كملتي الباقي سلطة و زبادي
و الحلويات ما راح تضرك لو أخذتي قطعة صغيرة بس و الباقي تمر أو رطب
ورجولك ما راح تتكسر لو سويتي رياضة يومياً ...بس اح تتكسر و يصيبها النقرس بكل سهولة لو وصلتي ال40 سنة و انتي سمينة و كأنك جدة مو بس أم !!!

حالة محزنة صح ؟؟

طيب اشتغلي على نفسك ...خلي مشروعك من الآن الى رمضان الجاي الله يحيينا ( صحتي +رشاقتي و بس )
تثقفي بهالمجال ...اشتري كتب صحية و انصحكم بكتاب كارلا حبيب (أسرار التغذية) عند مكتبة جرير ) مفيد جداً
جداً جداً
لا تخدعون بخزعلات المنتديات (خلطة مدري ايش للتنحيف و الخل الفلاني لشد الشحوم !!! )
الشحوم مو بالمعدة عشان تحرقينها بخلطات حارة راح تصيبك بالقرحة و سرطان المعدة بعد كم سنة
و الشحوم مو على الجلد عشان تدهنينها بخل عشان تذوب !
و الله لو انها ثلج !!

الشحوم تحت الجلد بطبقات يعني ما راح تحس الا اذا صبيتي ماء نار فرضاً !!

بعيد الشر عن الجميع

يعني خليك ذكية و احرقي الشحوم بالأشياء اللي سببتها لك ..
ايش هي ؟؟

الأكل الدسم و الحلويات و كل الأكل الغير صحي لو اخذتيه يشكل يومي
و كثرة الجلوسسسسسسسسسسس
و بس
!

الشحوم تنحرق بالحركة ...
الرياضة لمدة ساعة يومياً لحد ما تعرقين و ينهد حيلك

اقرأي عن فوائد الرياضة بقوقل لجسمك و قلبك و شبابك و حتى نفسيتك و بشرتك

و الله اني احبكم في الله و عشان كذا نصحتكم من مبدأ المسلم يحب لأخيه ما يحب لنفسه ...
و انا مالي ؟ نحفت و خلصت ووصلت وزني المثالي (55) من 4 سنين ...


شدوا حيلكم و لا يضيع وقتكم و انتم جالسيين بالمنتديات ...

الرشاقة تبي حركة كثيرة باليوم يعني حتى لو سويتي رياضة و مشيتي ساعة و نصف لا تجلسين طووووووووول اليوم مقابلة النت !!
و على بالك انك خلاص انهيتي الواجب و سويتي احسن رياضة !!
لأ حبي ..
شدي على حالك
تبين نتيجة واضحة على جسمك ...لا يهمك الميزان ...و لا تفكرين فيه
اتركيه بعد اسبوعين من بدايتك النظام و اكرفي رجولك كرف بالمشي و الرياضة و الهرولة و كل شي تقدرين عليه
و انتي جالسة قدام التلفزيون سوي تمارين ليدينك بالأثقال ( ترا كلنا لنا زنود و ما نحب شكلها ..و حلها الوحيد هو تمارين الأثقال الخفيفة -من 5 الى 6 كيلو )
رجاءً لا أحد يقول تطلع عضلات ...ترا هذي خرافة ,,,راح يطلع لك عضلات لو أخذتي حبوب هرمونات معينه زي التستروجين -هرمونات ذكرية يستعملونها السيدات الرياضيات اللي بمجال كمال الأجسام و السباحة و الجمباز ....الخ )

و انتي بالمطبخ سوي تمارين لخصرك ...و انتي منسدحة و متسطحة ع السرير سوي تمارين لجنوبك و سيقانك
التمارين هذي كلها بقوقل ...ابحثي و يا مالك من الصور و مقاطع الفيديو

الأكل لا تشيلين همه ...أكل الرجيم مو شي خيالي نازل من السماء مكتوب عليه طبعة باللون الأحمر - لأهل الرجيم فقط !!
أكل الرجيم نفس أكل البيت بس حطي ببالك 2

* النوعية (أكل صحي ) مو مقلي و دسم و يكون حبوب كاملة زي خبز البر فواكة سلطات زبادي الخ
* الكمية ( خفيف ) ما يصيبك بالتخمة و يملا بطنك ...لازم تقومين و انتي خفيفة نصيحة رسولنا الكريم (و ثلث لنفسه )

كذا مره اقرأ بكتب التغذية ان أي طريق للرشاقة لازم يمر من خلال الأكل الصحي
يعني خليك صديقة للفواكة + السلطة + الخضروات + الأشياء الطازجة اللي كلها فيتامينات و معادن ...

اختي بعد الولادة ب8 شهور ...نزلت من 84 الى 69 من سنة تقريباً و عندها 4 أطفال و لا زالت على نفس وزنها و كأنها صغرت 10 سنين ...لأنها مستمرة على نفس نظامها الطبيعي المرييييييييييييييح جداً لكل ربة بيت و أم و حتى بنوته و طالبة
تجلس مع زوجها و اطفالها و
تاكل نصف أكلها القديم بالضبط و تزيد عليه سلطة
و تمشي كل يوم ساعة
ما عندها شغالة و عندهت 4 كتاكيت ...يعني لا أحد يقول راحت نادي و لا فاضية

حبايبي ...العاقل من اتعض بغيره ....لا تضيع أعماركم و انتم تبحثون عن رجيم جديد ... امشي على نظام واضح و متوفر عمله بكل بيت و امشي عليه فترة طوييييييييييييييييييلة حتى لو سنة و نصف
انتي لك سنوات و انتي وزنك زايد تبينه يختفي بيوم و ليله !!!

اصبري و خلي كل يوم يمر عليك يوصلك لهدفك و يعدل صحتك ...كل يوم تاكلين فيه أكل صحي و تسوين فيه رياضة حتى تعرقين و يمر عليك ساعة مو ربع و ثلث ساعة !!!
هالليوم هذا مع الوقت بيصير أيام و شهور و راح تنحفين

فيه طريقة كنت اسويها بتليفوني الجوال عشان اتحمس ...اروح للتقويم و أحط موعد تنبية بعد اسبوعين
و أكتب عنوانه الوزن اللي ناويه عليه ...و غالباً أنا منطقية كيلو واحد يعني
طول هالأسبوعين مستحيل أشوف الميزان عشان اتحمس و ازيد رياضتي
و اذا مروا هالأسبوعين و رن المنبة أقوم اشوف وزني
اذا صرت نازله كيلو ... اهيص من الفرحة و أحط تنبه ثاني بعد 3 أسابيع و احط كيلو و نصف كهدف ..
و هكذا ...
من جد هالطريقة تجيب نتيجة معاي
لأني كل ما أفكر أخبص أقول و المنبة اللي بعد اسبوع ؟؟
اخاف أتفشل قدام نفسي و أرادتي ...

حبايبي الوزن بيدينك ...لو انتبهتي للكالوريز الداخلة و الطاقة المستهلكة بس شوي
الأكل اللي يدخل جسمك احرقيه بالرياضة ...عشان يصير فيه توازن بين مصادر الطاقة اللي تدخل و الكالوريز اللي تحرقينها و تطلع ...

حطي ببالك انك ناحفه ناحفه ... و أكدي هالقول بفعل ..يعني طبقي ...
أحياناً احس اسلوب بعض البنات فيه يأس و قلة حيلة و كأن الرشاقة شي خيالي !
ليش مستبعدين نزول الوزن و كأنه معجزة ما راح تجي الا بطلوع الروح ؟؟؟
؟
حبيبتي ...
ما تشوفين الرابح الأكبر كيف أوزانهم فوق ال200 أحياناً و بسنة يصيرون غزلان
!
استمري على رياضة يومية ...و ابشري بالرشاقة

نوعي برياضتك ...اذا عندك جهاز خلي يوم تتمرنين فيه ع الجهاز و يوم مشي عادي بالحوش
يوم قسمي رياضتك بين طلوع و نزول الدرج و بين هرولة و مشي و جهاز ...يعني ابدعي و كثري حركة رجولك
ماراح تنحفين و انتي جالسة تفكرين بالرجيم ...صدقيني ...

راح يمر الوقت بسرررررررررررعة و ما يجي رمضان الجاي الا و انتي واصلة وزنك المثالي و قريرة العين

خلي هدفك لرمضان الجاي ....الوزن المثالي ....و بس و شدي حيلك عندك سنة

(-:

 

[كويتيهx5]

هلا بنات
اي الظاهر من الدوره اف صايره تاثر فينا اكثر من اول

يارب اليوم الجمعه
لا اله الا انت الحي القيوم لا اله الا انت سبحانك اني كنت من الظالمين

يارب ارزقني ولا تحرمني يااارب اشتغل يارب ونولني الي في بالي ان شاء الله.
وترزق كل بنات هالتجمع الي في بالهم اميييين

 

[Eng_7asasa]

هلا روزي وايد حلو لامها واشجع صج وهذا الي انا متبعته ما احب اقيد نفسي برجيم انا العين اذا خربطت اقوم ثاني يوم سيدة عقاب و جبدي تلووع وجسمي احس جني مريضة وثقيلة شعوور كرييييه

عشان جذي ماا قمت اخربط و لو اخربط شي خفيف مو وجبة من ماكدولنز وربعا كرهة الفاست فوود واضراره على الجسم

 

[ROSIE]

http://www.4shared.com/get/13165995...ssionid=3B6C548570ACD924BD5B981024F1F5D7.dc90

تمارين للتنحيف powerpoint

 

[Eng_7asasa]

هلا زهورة شلوننج شخبارج ليش التخربط الميزااان الاثنين ماتبين ةتجوفييين نفسج نازلة؟؟

 

[ليمونه79]

مرحبا بنات اشلونكم والله صح لسانج روزي كل الكلام صح وانا من شهر 3 قاعد اطبق هذا النظام وان شاء الله يجي شهر 3 الجاي واكون قاطه 20 كيلو يارب

 

[ROSIE]

كويتية الله يرزقك امين
جيسي كلامها اقنعني نفس نظام البنت دزيتلك صورتها البارحة

 

[Eng_7asasa]

اميين كويتية الله يسمع منج

ويشافي ام مشاري ويردها حق اهلهااا

وينصر الاسلام والمسلمين

 

[Eng_7asasa]

اي صاجة روزي مشكورة على التمارين

 

[ROSIE]

الله يشفيها ويفرح اهلها بالعيد

 

[ليمونه79]

مشكوره روزي على التمارين واهم شي التطبيق

 

[كويتيهx5]

امين يشافي ام مشاري يارب وكل مرضى المسلميين

يعطيج العافيه روزي

 

[كويتيهx5]

بنات حتى وانا اسوق سياره امرن ايدي اشد على السكان حق الصدر والزنود بعد.

يعني طول ما انتوا قاعدين سوى تمارين.

مرة وحده طلعت مع اوبرا وحيييل متينه خففت اكلها وخلته صحي وبس كانت تلعب مع ولدها هذي كانت رياضتها.

 

[_zahra]

هلا بنات شلونكم

حساسه انشالله ابي اشوف نفسي نازلة بس التخربط مو اني قاعد اكل وجبات يقيلة لالا والله ,هالسنة يير اصلا كل من يقول اكلج خفيف, بس التخربط ان ازود كبه والا سمبوسة او بيتزا جذي يعني بس انشالله الاثنين بشوف مع اني قست اليوم وزني ,,

 

[Eng_7asasa]

اي عادي كلنا مرات انسوي جذي بس حاولي بليل وقت السحور ما تخربطين


امين كويتية الله يسمع منج

 

[نشميه]

قوه بنات

بعترفلكم اعتراف خطير :krkrkr: امس خربطت بس مو وايد لا شويه كليت كاكاو صغير اللي ايي مع القرقيعان شسوي من بدا رمضان ما كليت وكليت من الفطاير الصغار




اليوم فطوري

شوربه ماجي الشعريه عقب ما سويتها صفيتها وخذيت بس قفشتين ونص من الشعريه وسويت قطعتين فليه بالفرن

 

[Loving Stella]

السلام عليكم بنات شلوووونكم
ان شاء الله كلكم بخير مشكورين للي سألو عني و الله يحقق باذن الله الي ابالكم والي إبالي بهالايام الفضيله و ليالي الجيام سبحان الله الايام مرت سرييييييييييعه جنه امس اول يوم رمضان كاهو قرب يخلص هالشهر الفضيل و عساكم من عواده و نازلين باذن الله


و الله يشافي مرضى المسلمين و يقرعين اهاليهم بشوفتهم ان شاء الله

تمام الحمدالله حساسة


بليز بنات ادعولي بالايام الفضيلة هذي اني احمل و ان يحقق ربي كل احلامكم و املكم يا رب

يارب باذن الله تحملين و الله يحقق الي في بال بنات التجمع كلهم