يوميات المشتركات((بريجيم المطوع مع ام عزيزان))

[شـــفـــافـــه]

رد: يوميات المشتركات((بريجيم المطوع برمضان مع ام عزيزان))

وعليكم السلاام ورحمة الله وبركاته هلا كوكيز احنا بخير دامج بخير

وينج الله يهداج من زمان مادشيتي عسى المانع خير

ماعليييه لايضيق خلقج كلنا في يوم خربطنا وتحسفنا عااادي بس المهم تلتزمين باجي الايام والي راح راح

حاولي اتبلشين مرة ثانيه وكل ماتشوفين شي حلو تعوذي من ابلييييس هالاباليس حتى برمضان نتعوذ منهم لووووول

وان شاء الله نوزن الاسبوع الثاني وانكون حييييل نازلين صج شفتي وزنج ولا بعد؟؟ ناطرين فطورج اليوم لاتنسين

شيوووخه سحورج خفيف وحلو زييين استمري يوميا على جذي وباذن الواحد الاحد ابتنزلين وااايد

انا اليوم مشتهيه اتسحر رقي لان صج الرقي يشبع فيه وايد سوائل والدليل روحات تكرمون الحمام تكثر

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))

اليوم تسحررررررت ..

روب اكتيفيا + عصير اناناس .. << عشان احرق لان احس شووي صار في خربطه بالرجيم

لاني كثرت حلوو كليت 3 قفاش ونص ..

ان شاء الله باجر بدايه الاسبووع خلوونا نلتزم شووي ..

شيووخه انتي تقولين خربطت بالحلو ماكله 3 ونص
شنو الجريمه فيها؟؟الا بعد معاهم لقيمات وحلو ثاني اذا بس الحلو الي كليتيه 3 ونص عادي مافيها شي
يعني بدال المحلبيه والكنافه واللقيمات الي عندج بالريجيم

 

[مدرسة طفشانة]

رد: يوميات المشتركات((بريجيم المطوع برمضان مع ام عزيزان))

حبايبي متى تسجيل الوزن هني عشان نشوف النتايج؟

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))

حبايبي متى تسجيل الوزن هني عشان نشوف النتايج؟

وينج حبيبتي,,صح النوم:dddds:
ماقريتي المشاركات امس وقبل امس الي وزنوا وعلمونه بس
شيوخه ودمع الشوق ونانا88 وشفافه الباجي خامرين الله يستر
احنا قلنا كل اسبوع نوزن..
بس شرايكم نخليه اسبوعين علشان يمدي يبين:tomato2:

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))

شلونكم اليوم

محد دش للحين يعني انا اول وحده بتقول يومياتها,,,احم احمممم

فطوري كان 3تمرات,,وشوربا وجلاص ماي وحبه خبز عروق
بعد الصلاة,,4 قفاش عيش مربين+4 قفاش مطفحين هريس وبسسس
وعقب شاي وقهوه
وتوني اشتهيت شي حلو عاد ريلي متسلط يايب بقلاوه,,كليت 3 قطع من الشعريه الصغار(عش العصفور مادري البلبول)لاني مااقاومه بصراحه واهو اخف نوع بالبقلاوه
وبأذن الله بلتزم علي السحور بعد:ggdw:

 

[عليـاء]

رد: يوميات المشتركات((بريجيم المطوع برمضان مع ام عزيزان))

يعطيكم العافية بنات
وبالعافية عليكم أكلكم
يارب تضعفون بصحة وعافية

 

[بقاياالليل]

رد: يوميات المشتركات((بريجيم المطوع برمضان مع ام عزيزان))

ام عزيزان ((الباجي خامرين الله يستر
احنا قلنا كل اسبوع نوزن..))
من قالك خامرين وربي تعبانه من الهم موقلت الدوره جاتني علها البلاء حالتي حاله من تحاميل لتحاميل عشان الالم
بس الحين عصبت وقست وزني وطلعت اممممممم اعلم ولابلاش

نقص وزني كيلوو احد فقط لاغيربصراحه زعلانه وعصبت وماكليت ولاشي بس الحمد لله وناويه اقفل فمي خلاص مابقي شي للعيد للحين ماشريت بنطلونات ابي اشتري للوزن الجديد

شيخه مبروك ع النزول مانتبهت انك نازله تستاهلين بس بسالك وش افضل نوع عصير اناناس بدون سكر مافيني اقطعه واعصر وروب اكتتيفيا في نوعين في نوع صغير تحسيه كنه مربع على مستطيل ونوع دايري مدري فهمتيني ايت افضل

ملاحظه ماابي اغير الرقم بتوقيعي اله بعد ماتنتهي :eh_s(1):

 

[NaNa88]

رد: يوميات المشتركات((بريجيم المطوع برمضان مع ام عزيزان))

شخباركم بنات عساكم بخير ؟؟ اليوم فطوري تمره وشوربه وسمبوستين وقفشه تشريب و4 قفاش يريش وتوني قبل شوي كليت جلي والسحور يمكن اكل رقي مشتهيته من زمااااان الله يبارك فيج حبيبتي شيوخه ومبروك عالنزول الحلوو منها للاعلى

والله انا رايي من راي ام عزيزان نخلي الوزن بعد اسبوعين عشان يفرق ويانا

 

[مدرسة طفشانة]

رد: يوميات المشتركات((بريجيم المطوع برمضان مع ام عزيزان))

حبيبتي ام عزيزان كنت ناطره الميزان على أحر من الجمر بس لما وزنت صدمه
طلعت بس نازلة نص كيلو
عشان جذي بقولكم يومياتي أحسن
فطوري كان شوربة بطاط وسلطة مع سمبوسه وحسيت اني منغثه مادري ليش
والحين كليت جيلي
وبتسحر روب وتمر

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))

حبيبتي بقايا الليل
موقصدي عنج(الخامرين) انتي معذوره وعذرناج,,بس حلو رفيجتج عايده الشهري مسيره عليج ومبين نازله 1 كيلو يعني يمكن كيلوين,,بس تري حتي الكيلو حلو وانتي وزنج مو وايد يعني نزولج لازم يكون اقل من غيرج,,ونعمه الكيلو يفرق بالمقاس رقم اورقمين لان كيلو دهون..انتي شايفه الكيلو شكثر مسكتيه شلتيه؟,,اهو بالكلام شويه بس بالصج وايد:ggdw:

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))

حبيبتي ام عزيزان كنت ناطره الميزان على أحر من الجمر بس لما وزنت صدمه
طلعت بس نازلة نص كيلو
عشان جذي بقولكم يومياتي أحسن
فطوري كان شوربة بطاط وسلطة مع سمبوسه وحسيت اني منغثه مادري ليش
والحين كليت جيلي
وبتسحر روب وتمر

التزمي بالريجيييييييييم وانتي بتنزلين,,,من ويييين يايبه شوربا بطاط انا ماأذكر اني قلت بطاط:eh_s(14):
وسؤال؟؟متي وزنتي؟؟ومتي األتزمتي بالريجيم,,اعتقد توج ماصار لج اسبوع يعني اذا تخربطين ونازله نص كيلو زين

 

[ام عزيزان3]

رد: يوميات المشتركات((بريجيم المطوع برمضان مع ام عزيزان))

يعطيكم العافية بنات
وبالعافية عليكم أكلكم
يارب تضعفون بصحة وعافية

مشكوره علي الدعوه الحلوووووووووه

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

شفافه ..

شيوووخه سحورج خفيف وحلو زييين استمري يوميا على جذي وباذن الواحد الاحد ابتنزلين وااايد

انا اليوم مشتهيه اتسحر رقي لان صج الرقي يشبع فيه وايد سوائل والدليل روحات تكرمون الحمام تكثر

اميييين يارب العالمييييين فديتج ..

عليج بالعافيه الرقي حلوو كله اليااااااف وايد زيين ويشبع صاجه ..


ام عزوز ..

شيووخه انتي تقولين خربطت بالحلو ماكله 3 ونص
شنو الجريمه فيها؟؟الا بعد معاهم لقيمات وحلو ثاني اذا بس الحلو الي كليتيه 3 ونص عادي مافيها شي
يعني بدال المحلبيه والكنافه واللقيمات الي عندج بالريجيم

مادري حسيته الحلوو وايد دسم عشن جذي حسيت بالذنب :\ ..

لا بس كليت الحلوو بدون اي شي ..

بس شرايكم نخليه اسبوعين علشان يمدي يبين

انا عادي جذي و لا جذي كل 10 ايام راح اوزن عشان المسابقه المثبته بالقسم ..

فأي شي تامرووووون فيه يصير ..

شلونكم اليوم

محد دش للحين يعني انا اول وحده بتقول يومياتها,,,احم احمممم

فطوري كان 3تمرات,,وشوربا وجلاص ماي وحبه خبز عروق
بعد الصلاة,,4 قفاش عيش مربين+4 قفاش مطفحين هريس وبسسس
وعقب شاي وقهوه
وتوني اشتهيت شي حلو عاد ريلي متسلط يايب بقلاوه,,كليت 3 قطع من الشعريه الصغار(عش العصفور مادري البلبول)لاني مااقاومه بصراحه واهو اخف نوع بالبقلاوه
وبأذن الله بلتزم علي السحور بعد

علييييييج بألف عافي حياتي ام عزوز ..

علياء ..

يعطيكم العافية بنات
وبالعافية عليكم أكلكم
يارب تضعفون بصحة وعافية

الله يعافيج اميييييين يارب العالمين ..

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

ام عزيزان ((الباجي خامرين الله يستر
احنا قلنا كل اسبوع نوزن..))
من قالك خامرين وربي تعبانه من الهم موقلت الدوره جاتني علها البلاء حالتي حاله من تحاميل لتحاميل عشان الالم
بس الحين عصبت وقست وزني وطلعت اممممممم اعلم ولابلاش

نقص وزني كيلوو احد فقط لاغيربصراحه زعلانه وعصبت وماكليت ولاشي بس الحمد لله وناويه اقفل فمي خلاص مابقي شي للعيد للحين ماشريت بنطلونات ابي اشتري للوزن الجديد

شيخه مبروك ع النزول مانتبهت انك نازله تستاهلين بس بسالك وش افضل نوع عصير اناناس بدون سكر مافيني اقطعه واعصر وروب اكتتيفيا في نوعين في نوع صغير تحسيه كنه مربع على مستطيل ونوع دايري مدري فهمتيني ايت افضل

ملاحظه ماابي اغير الرقم بتوقيعي اله بعد ماتنتهي :eh_s(1):

حبيبتي ماتشوفييييين شر وسلامتج ..

حبيبتي لاتزعلين ترى الكيلوو و الله نعمه اذا نزل .. يالله شدي حيلج و ان شاء الله في وقت

الحين احنا بدايه الاسبوع الثاني وبقا 3 اسابيع شدي حيلج و الله يمديج تنزلين الله يوفقج :ggdw: ..

الله يبارك فييج حياتي و اله ..

انا استعمل عصير اناناس كي دي دي اهوا بدون سكر .. وطعمه احلى شي ..

ومع روب اكتيفيا اهما نفس الشي المدور و المربع بس المربع اصغر ..

واي شي تبين من عيوني ..

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

نانا88 و كعبه الاحزان ...

عليييييكم بألف عافيه ان شاء الله ..

 

[دمــ الشوق ــع]

رد: يوميات المشتركات((بريجيم المطوع برمضان مع ام عزيزان))

السلام عليكم بنات

انا اليوم فطوري شوربا +سلطه مع صلصة لايت + كبه + ملعقتين جريش + حبة ورق عنب + دايت

كوب اعشاب

ساعه 8 اكلت برتقالتين

ساعه 10 نسكافيه +كاكاو


سحور
3 حبات شابوره + حليب +برتقاله

 

[دمــ الشوق ــع]

رد: يوميات المشتركات((بريجيم المطوع برمضان مع ام عزيزان))

بنات من لحين اقولكم

انا راح اخربط في سحور يوم الخميس الجاي

لان عندنا حفلة القرقيعان للعائله
وكل وحده من حريم خواني وخواتي راح جيب طبق
بصراحه راح يصير في اغراء موطبيعي

انا راح اخربط بس راح احاول اقلل


الله يستر

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

بقايا ليل ..

عليج بالعافيه ..
حاولي تقلليلن يوم الخميس بالاكل لان حرام راح يضيع تعبج كله مال الاسبوع :\ ..

 

[شيخه***البنات]

رد: يوميات المشتركات((بريجيم المطوع برمضان مع ام عزيزان))

يومياتي المتأخررررره اليوم ..

الفطور ..

تمره + قفشتين شوربه + كبه ..

بعد الصلاه ..

3 قفاش تشريبه + قفشه هريس + 2 سمبوسه جبن ..

بعد التراويح ..

كتكات صبعين + قهوه عربيه ..

السحوور ..

نص خبزه سمره + جبن لايت + خضار السلطه + نص روب اكتيفيا ماكملته ..

 

[مدرسة طفشانة]

رد: يوميات المشتركات((بريجيم المطوع برمضان مع ام عزيزان))

التزمي بالريجيييييييييم وانتي بتنزلين,,,من ويييين يايبه شوربا بطاط انا ماأذكر اني قلت بطاط:eh_s(14):
وسؤال؟؟متي وزنتي؟؟ومتي األتزمتي بالريجيم,,اعتقد توج ماصار لج اسبوع يعني اذا تخربطين ونازله نص كيلو زين

صاجه والله أم عزيزان توني ملتزمة معاكم بالريجيم وانا اليوم الصبح وزنت وكنت 95.5 وأول رمضان كنت96 بس ان شاء الله ألتزم هالأسبوع وأشوف نتيجة أحسن ودعواتكم وياي