يوميات بسوووووومه بكل همه ونشااااط ،،،

[..بسووووومه..]

وعليكم السلام هلاااا والله ام بشااار

الله يضعفنا ان شاءالله

انا تسحرت ٧ تمرات مع روب

 

[برستيجي مآركة]

موفقه موفقه حبوووبه ان شاءالله الكل ينحف بصحه وعااافيه...وعليج بالرياضه..

 

[شيخة الغراشيب]

ماشاءالله بعدج صايمه جم يوم عندج باجي واخلاف قوليي لنا جم نزلتي كله التوتل هههههههههههه

 

[..بسووووومه..]

حيالله برستيجي ماركه

ان شاءالله يارب كلنا نضعف
وشكرا ع مرورج

وبحاول التزم برياضه*

 

[..بسووووومه..]

هلا شيوووخه

والله علي قضاء ٧ ايام وشوال ٦ كلهم ١٣ يوم

وامس خلصت ايامي واليون بديت شوال

وانا نزلت كيلوين اسبوع الي فات وهالاسبوع السبت بوزن
وبقولكم

وانتي بشريني شلون رجيمج

 

[ام بشار]

أنا اليوم في بوفيه بالدوام وأكلة بالملعقة كل طبق قفشتين وعليكم الحساب ههههه:d غدا ما فيه وعشا روب

 

[..بسووووومه..]

خخخخخخخ عليج بالعافيه



انا اكلت ٤ تمرات ع الفطور مع كوب لبن

بقوم اتسحر سبع مع لبن

 

[..بسووووومه..]

ما قدرت اكل سيع تمرات

اكلت اربع تمرات مع كوب لبن ع السحور

الله يعين

وان ساءالله استمر ع الرجيم

بس بحاول التزم برياضه

 

[..بسووووومه..]

توني خلصت من الرياضه

سويت وانا صايمه ما طاوعني قلبي انام وانا مو مسويه الرياضه

لبست البدله الحراريه
وسويت الرياضه الي حطتها اختي ام بشار اتوقع
حيل حلووووه

وبعدين مشيت عشر دقايق بعد الرياضه مباشرة

وسويت رياضه لايديني ( الزنود) خمسين مره ورا وخمسين جدام

وسويت رياضه لصدر ٣٠ مررره

وبس تعبت

اخذت شوور والحين بروح انام

سلام

 

[ام بشار]

يعطيج العافية أسومة أنا اليوم ما تريقة إلا 3تمرات وقهوه عربية والغدا 5ملاعق عيش وروب أكتيفيا إنشاء الله أسوي رياضة اليوم

 

[..بسووووومه..]

شدي حيلج ام بشااار

ونورتي اليوميات

انا اليوم حالتي حاله

تفطرت تمره وحده من غيرر لبن
واكلت. ثلاث سمبوسات ادري تخبيص

بس والله من التعب اكلت اي. شي
اليوم سويت لشعري كيراتيين في البيت اختي سوته
وانا سهرانه مو نايمه

توني خلصت بلعت ثلاث سمبوسات وييت بنام

وما ادري ليش سويت هالكيراتيين شعري ناعم
بس جذي سويته ابيه حرير

وان شاءالله يضبط

ان شاءالله باجر بلتزززم اكثر

 

[شيخة الغراشيب]

انا خربت اليوم ع العشه لاني كنت ماماكله شي طول اليوم باجر عندي عزيمه رحت الصالون ييت العايله كلها تفطر يلست كلت معاهم

 

[ام بشار]

هلا بسومة والله أنا جوعانة حدي اليوم ماأدري ليش ومن كثر الجوع ضبطة حق عيالي النودلز بس ما أكلة بس بطرف صبعي لقمتين وبس للحين جوعانة شوي باكل خزة سمرة من أمير الأمراء وروب وعصير أناناس الله يتمم علينا

 

[..بسووووومه..]

هلاا والله بشيخه وام بشار

حياكم حبيباتي

شيخه حط بالج من القعدات العائليه
تخيلي لو ياني احد انا انخش بالدار عشان ما ابلع خخخخ

هلاا ام بشار استمري
وشكلي بذوق خبز الاسمر حق امير لامراء
شوقتيني له

////////

انا نمت مبجر ولما قعدتني اختي اتسحررر
ما قمت بس شربت ماي قبل الاذان

والحين صايمه ،،،

ان شاءالله يارب فطوري تمرر ولبن بس

::::::::؛؛:::؛؛

رياضه بسوي بس ع خفيف لانه ما اقدر اخذ شور عشان شعري

بس

اشوفكم ع خيررر

 

[ام بشار]

هلا بسومة ديري بالج لاتسوين رياضة عشان مايخرب الكراتين من العرق بخصوص خبز أمير الأمراء أخذي اللي فيه بذرة الكتان طعمة يمييييي لذيذ وأنا بعد أخذت منهم معمول تمر خاص للرجيم أكلة المغربية مع القهوة وعليج بالعافية مقدما

 

[دبه موت]

بالتوفيق غلاتي الانتظام ثم الانتظام والاعتدال في الاكل مافي اريح منه

 

[khawla&tito]

يسلموووووووووووووووووووووووووووووووووووووو

 

[..بسووووومه..]

هلاااا ام بشاااار

ما سويت رياضه مثل ما قلتي خفت ع الكيراتين

وبجرب معمول التمر بعد

 

[..بسووووومه..]

هلاا بنوتات

عدل كلامج خيتوو

/////////////

انا اكلت اربع تمرات وكوب لبن ع الفطور

وتوني اكلت 7 تمرات وكوب لبن

بس

 

[..بسووووومه..]

السلام عليكم

اليوم السبت والعصرر يعني وقت الميزان

وزنت

ونزل وزني كيلو واحد بس

والله كنت متوقعه اكثر بس الحمدالله واحد احسن من لا شي

وعرفت الخطا برجيمي مثل ما وضحتلي وحده من الاخوات

لازم سبع تمرات

وثلاث مراات باليوم ما ينفع اقل من جذي

المهم بنات انا حيل متحمسه اني اكمل رجيم التمر باجر

وراح ايدي بالاسبوع الثالث باجر باذن الله وباكل ثلاة مرات باليوم

والاثنين اخلص صيام

وباجر اخر يوم للكيراتيين وببدا برياضه باذن الله

وان شاءالله الاسبوع الجاي بنزل ٣ كيلوات باذن الله تعويض عن هالاسبوع

ويلا باركولي ع الكيلو الواحد خخخخخخخ

وبشروني عن اوزانكم