يوميات قروب (( عزوبيات للرشاقة ))...تابعوني..

[نهايات الوله ~]

مساء الخيرات

شوقي انا هنا :eh_s(1):
روحي ههههههههههههههه كفو

بنات اليوم

فطوري : شوية نواشف مع اهلي وشاي ماكثرت هع
والغداء : ايدام سلك مع رز

مدري شفيني خبصت :eh_s(4):
كانه الهمه نزلت شوي :ch12:

 

[SARA*]

وانا بعد ماقصرت بالتخبيص يوميه بعد مااكتب يوماياتي لازم اخبص مادري شفيني البارحه قبل النوم اكلت 3 حبات فطاير تقديم واليوم كعدت الريوق اكلت اكل وحده لازم تزيد 10 كيلو مو تضعف 10 كيلو
الله يستر

 

[~ miss NERD ~]

اهلا بنات شلونكم؟

انا ناسيه اني مسويه رجيم مادري شفيني!
صارلي جم يوم مو مسويه رياضه بسبة الكليه
و صارت امس عندي عزيمه و ما قدرت امشي
و اليوم كله دراسه لاعت جبدي و الله

تدرون شلون؟
شكلي ببتعد عن الميزان شهر كامل عشان لا اتحبط

 

[*شوقي معنيني*]

ولهاااانه علييييكم
سوري ماقدرت اكتب يومياتي
بس بكتب يوميات امي
الريوق: تفاااح وصمونه جبن لايت وميرتدلا وتوست اسمر
الغدا: ماكليييت
قمت من نوم كليت ٣قفاش معكرونيه
ومشييت
ولعبت رياضه
بعديت كليت كيويتين
ودياي مشوي
وبسسس حمدلله
يااااارب ترجع لي الاراااده القويه

 

[SARA*]

شوفي معنيني بالعافيه

بما ان اليوم خميس فهو يوم الميزان
وزني كان
62.8



وزني اليوم
62.3
نزلت نص كيلو الحمد لله

 

[~ miss NERD ~]

^ انا قايله ماني قايسته بس اللقافه مادري شلون صايره و رحت قسته

كان 59.5
صار 59

مو نازله وايد لاني موقفه رياضه
بس الحمد لله

 

[SARA*]

مس نرد مبروك النزول يلا نص كيلو احسن من يثبت او يزيد وان شاء الله هذا الاسبوع ننزل اكثر


وينكم بنات يلا اليوم ميزان

 

[روحي تحبك...]

مساء الخير


ومساء القهر لي انا بس

طبعا حضرت جنابي مع كل رجيم دشتي لاااااازم تجيني ضربة على راسي

خلوني اقولكم قصه صغيره... الله يسلمكم هذا يوم الجمعه الي فاتت سويت بروتين صافي
الجمعه ماشي حاله الاحد هم ماشي حاله لييييييين قبل صلاة العشا بشوووي ... ولاا طاااااااااااااب دخت وطحت عليهم
وصحوني بالبيت بالطريقه التقليديه بوكسات وطراقات وكلونيا... اضطريت اكل...طبعا محد يدري عن رجيم

الاثنين اخذت راحه... بديت الثلاثاء مع كوتون كاندي ماشي الحال..

اما نجي عند يوم الاربعاء... انا توني متخرجه << باركولي مو تنسون لوووووووول

ورحت اجيب الشهاده مع ابوي ... ما تريقت غير بيضتين بس.. وطبعا يومها شوي حر

وابوي يقولي من قبلها بيوم ويهج اصفر يا بنت اكلي وانا مااابي.. يوم الشهاده مرينا مطعم واشتره ريوق
ترجااااني يا بنت اكلي خليني اطلب لج لو شاي وحليب بس وانا مابي مابي ... قال كيفج بس انا اوريج

يعني حر وفريرة من دكتور لي دكتور يوقعون اخلاء طرف ومن مكان لي مكان... هني جان يصير فيني

طاااااااااااااب مره ثانيه بس هالمره اقوى اغمى علي بالكليه جدام البنات... جان رفيجتي تدق على ابوي
وتقوله... عااااد ابوي هني ارتفع عنده العداد .. لمن ركبوني السياره هات يا زف هات يا تجعم
يقولي يا بقره مو قلت لج اكلي قلت له كا انت تقولي يا بقره يعني بطه
يقولي هذي الي تبيني اذبحها لووووووووووووووووووووول




وداني للدكتور ... ما شاء الله الدكتور زودها علي ويحش براس ابوي اكثر


بليل اقولكم شقالي الدكتور لووووووول ترقبوا هع

 

[SARA*]

حبيبتي روحي تحبك حمد لله على سلامتج وانا مع ابوج الله يخليه لج شنو هذا الرجيم يوميه طايحه ومغمي عليج اهم شي صحتج لا تتبعين مره ثانيه هاي رجيمات المتطرفه احسن رجيم هو سعرات الحراريه والله راح يناسبج وانت ماشاء الله مايبيلج وايد كله كم كيلو وتوصليين للوزن المثالي

 

[نهايات الوله ~]

هلا بنات

اعذروني بالويك اند مادخل كثير ...
ناهيكم عن التخبيصات القميله واللزيزه ههههههههههه
احس اني زدت كيلو وفعلا :eh_s(2): وزنت وانا قايلتن لع بس اللقافه
شكلي مع مس نرد بخبيه واوزن بعد شهر احباط :bbbiu:

لكن هالاسبوع ان شاءالله مختلف لاني بمشي من بكره
مع صديقاتي بالحاره وخلاص اتفقنااا ومافي سحبات هع
وبكمل رجيم وماتدرون يمكن انقص 10 كيلو باسبوع هههههههههههههههه
قوة الحماس ..

لا بس من جد نو تخبيص بعد الان اقولها وبعالي الصوت لا لا لا والف لا
تدرون اخوي خاطب باركوله ولازم ازيد اصرار نحو الرشاقه

 

[نهايات الوله ~]

روحي قوة العناد اللي براسك ... حرام عليييييييييييييييييك
يعني كم مره طحتي وتكملين وش هالرجيم مايسواا عليك
رجيم فاشل غيريه .. والف سلامه عليك

ساره ههههههههههههههههههههههه نفسي مخبصه
لازم نقوي نفسنا من بكره يكفييييييييييييييييييييييي :eh_s(11):
ومبروك لك النص كيلو حبيبتي انتي ومس نرد :eh_s(7):


شوقي ..
بالعافيه عليك واستمري
لاطالعين فينا وتتراجعين ترا ياويلك :rerrerek:

 

[رومــآ]

اليوم هرييييييييييييييت نفسي بالريااضة هههههههههههههههه

ساعتين مشي وركض ولعب بالدراجة

 

[نهايات الوله ~]

ماشاءالله عليك عقبالي انا نص ساعه وملل

 

[SARA*]

روما ماشاء الله استمري

نهايات الوله وانا بعد خربطت بصراحه يومي يفشل

الريوك
1 خبز العادي +جبن كرفت +شاي

الغداء
زاد من غدا بناتي بطاطا مقلي تقريبا 20 حبه اكلت مع كاتشب +سلطه

المغرب
2حبة بسكوت اوريو + نص بفك السفينه

العشاء
كولا دايت
بيتزا ببروني صغيره من بيتزا هت
+2 حبة فطاير تقديم

وختامها 2 علك اكسترا نعناع


روحي انت سويتي يوم البروتين انا اليوم صج يوم الكربوهيدرات


من باجر رجيم عدل ومافي خرابيط ورياضه على الاقل نص ساعه باليوم

 

[حلم بيتحقق]

مرحبا بنات
شلونكم؟
انا عضوه جديده وهدفي الاول من مشاركتي بالمنتدى تنزيل وزني
حبيت تشجيعكم لبعض واذا في مجال ودي اشترك معاكم بس انا وزني واااايد

 

[نهايات الوله ~]

حلم بيتحقق
اكييييييييد ممكن
حياك بقروبنا حياتي .. وان شاءالله توصلين لهدفك
اكتبي طولك ووزنك ويومياتك وراح نشجع بعض
ومافي شي صعب قوي الهمه وبتوصلين

 

[حلم بيتحقق]

وزني (احين وزنت ) 97 بس انا وياي الدورة فيمكن يكون زايد اشوي
طولي 158
هدفي اوصل 69 خلال ثلاثة اشهر
وانا رجيمي راح يكون لمدة عشرة ايام فواكة للتنظيف الجسم
وبعدين راح ابدا في رجيم السلطة
يمكن يكون قاسي بالبداية انا ودي انزل بسرعة وبعدين اتبع نظام السعرات الحرارية ودعواتكم في اربعين يوم انزل على الاقل 15 كيلو يارب
وطبعا مشي الجامعة وركوب الدرج والرقص بتكون رياضتي

 

[~ miss NERD ~]

^ان شاء الله تنقصين بصحه و عافيه

واي مادري شفيني بنهاية الاسبوع لازم اوقف رجيم!
ان شاء الله باجر ببدي مره ثانيه مع رياضه

 

[روحي تحبك...]

يسلموووووو بنات والله يسلمكم

عااااد اقولكم شنو قالي الدكتور المصري ربنا يسامحه

دخلني ابوي عالدكتور وقاله انه البنت مسويه دايت ومن هالسوالف وداخت..

طبعا اول شي طلب تحليل... وننطر نتيجة التحليل... طلع فيني فقررررررر دم << كل هالشحوم وفقر دم


جان يقولي الدكتور .. انتي عندك كام سنه؟ قلت 21

طيب اهي الرقيم الي بتعمليه قلت له دشتي... قال ايه هو؟؟ شرحت له

جان يقولي وهو يقط النظاره يخرب بيتك عامله في حالك ايه.. ده ما يصلحش الا الي عمرهم
فوء 25 سسنه.. قلت عادي وايد بنات مسوينه .. قالي انا معاكي ممكن في عومرك عملوا بس اوزانهم اكبر منك
وبنية جسمهم اكبر كمان.. انتي مش تخينه اوي وبنية قسمك ضعيفه .. انا هني تحطمت

قلت والحل قال اعملي اي دايت تاني او تخفيف مع ريااااااااااااضه وشرب عصير برتئال تازه


<< شيش ابوي علي

لا تشوفون ابوي ... كرتوووون برتقال يابه على طووول وقالي كل يوووم اشوفج تشرين منه فاهمه يا بقره << اهئ اهئ اهئ


الحين ماخذه اوف هالجم يوم بس من غييييييييييير تخبيص ولا زيادة اكل على ما اخلص علاجاتي

وان شاء الله خير

باليوم اشرب 3 مرات شاي اخضر

ولا يهمكم يا انا يا هالجم كيلو

 

[نهايات الوله ~]

هلا بنات ..

روحي .. سلامتك ومن جد غيري الرجيم
اهم شي صحتك

حلم .. حياتي راح توصلين اذا استمريتي وانتظمتي اكيد

مس نرد شكلنا تعودنا ع اليوم المفتوح ودعسنا تخبيص
ابتدي من جديد وماشاءالله اهم شي مازاد وزنك


ساره
شوقي
ياسمين
مات الاحساس

وينكم