يوميات قروب (( عزوبيات للرشاقة ))...تابعوني..

[نهايات الوله ~]

يوم جديد ..


الفطور : بس شربت ماي
الغداء : توست مع تونه 2 ملعقه سلطه
العشاء : شوي دجاج مشوي مع روب خيار

الرياضه
مشيت نص ساعه ماكملت كان مطر
وكملت بالبيت ع الاستيب 100 مره
ونطيت على الحبل 80 مره
وتمرين الخصر 50

شربت شاي اخضر
وخلطة الشاي
7 كاسات مويا

مره مبسوطه :ggdw:

 

[رومــآ]

مرحبآ

بنات

بنات احد يستعمل حبووب الروكتآآن ؟

مدري انا وزني 60 بس احس طالعة لي كرشوونة صعنوونة هههههههههههههه

 

[نهايات الوله ~]

لا ماستخدمها .. سوي تمارين البطن وبتروح
وين باقي البنات

 

[SARA*]

اشلونكم بنات شخباركم مع الرجيم
انا من الخميس وانا اخربط واليوم شوي ظبطت نفسي يعني ماكثرت وايد ولعبت 100 مره ا لاستيب
ومن باجر ابدي انزل يومياتي

ماشاء الله نهايات الوله من شفت يومج اتشجعت للرجيم
لان احس بهذا القروب اذا الوحده خربطت الكل يخربط واذا وحده التزمت الكل يلتزم
وان شاء الله هالاسبوع التزم على ايدج

روحي حمد لله على سلامتج والله يساعد الوالد والوالده يوميه مخرعتهم

حلم بيتحقق
حياج معانا وياريت تنزلين يومياتج

 

[SARA*]

وانا بعد مااستخدم لا حبوب ولا اعشاب لا ن بصراحه الحبوب تخرع وامس كانت حلقه دكتور اوز عن الحبوب الرجيم واتصل على اكثر من شركه تصنع هاي الحبوب بأسيا ومحد يرد عليه لان كلها مغشوشه وحلل الحبوب ممن تتكون اكثر فيها مضادات للاكتئاب ومواد مضره للجسم ووايد تكلم عنها وعن مضارها ويقول مافي شي سحري يقدر ينزل وزن من غير تعب وحميه ورياضه

 

[عشقي اناني]

ااااااب

 

[نهايات الوله ~]

وين باقي البنات ... افا بس :eh_s(4):

ساره من جد .. انا من شفت الكل يخربط فجاة لقيت نفسي اخربط
وقررت هالاسبوع اكون غير ونرجع حماس مثل قبل .. موفقه حياتي
واحنا هدفنا الخمسينات لازم نوصل لازم .. :eh_s(9):

يومي

الفطور .. شربت ماي مالقيت بيض للاسف
الغداء .. 4 قطع دجاج وم ص ايدام خضار بس كوسه + 3 ملاعق سلطه
العشاء .. سلطه ومو كثير


الرياضه اليوم
مشيت ساعه ونص
وسويت تمارين الاستيب 100 مره
البطن 100 مره
نطيت ع الحبل 100 مره
والخصر 100 مره

حدي متحمسسسسسسسسسسسسسسسسسه :eh_s(9):
وشربت شاي اخضر العصر
وقبل الغداء والعشاء خلطة الشاي
والماي 4 وبكمل عليهم

وبث :eh_s(22):

 

[SARA*]

نهايات الوله فرحني حماسج وان شاء الله نوصل لل خمسينات باسرع وقت
مشاء الله يومج حلو
انا اليوم غصب التزمت لان قبل الدوره اشتهي الاكل والحلو وايد
وباجر الله يعنيني واحاول اشغل نفسي وماافكر بالاكل

 

[SARA*]

الياسمين
وينج

؟ ؟ ؟

 

[NaYoob]

قوه بنات سوري ماقمت ادش المنتدى إنشغلت

بالدوام والدراسه وصارلي في فيلجا 4 أيام

حدي خربتها زدت كيلوين صرت 66 :eh_s(2):

من امس ما تعشيت واليوم تريقة بيضه وحده

وغدا كليت شوي مجبوس دياي ماكثرت

 

[oshi_q88]

دخخلوني ممعككم آمآآنة آبي آننحف :eh_s(2):
مشششكلتي آحب الكشششخة بسً آتتحط آذآ مآدخل ععلليُ :eh_s(2):
بخخآطريُ آسسوي رجييم التمر والمآيُ :eh_s(10):
آن ششآء الله دوامي بكره بآلكلية ببلشَ الرجيم بكره على الاقل
الكلييية تآخذ وققتي ومآتخلييني آككل :ggdw: وآآحآول آمششيُ بالكليية
وعسسآني آنحف :eh_s(2):

 

[oshi_q88]

نهايات الوله ~
حححلو رجيمش حيييل
آسستمري آن ششآء الله يتحقق مطلبشَ وعققبآليُ

 

[الياسمين23]

مساء الخير شخباركم وحشتوني

انا الخميس خليت فري جان امرض

حاشني فايروس بشفايفي صاروا كبار وارمين كلهم حبوب لا اتحجي ولا اكل و اذ بشرب أشرب بعود

دكتوره تقول اكلتي اكل نزل مناعتج طلعت الفايروسات

والسبت يتلي الدوره و اليوم صخونه نشله و كحه وبلاعيم كلش مو مترقعه

الحمدالله ع كل حال ادعولي

 

[*شوقي معنيني*]

بنااااااات ااااااااااسسسسسسفففففه
من زمااان مادخلللت
لانه جد اظروفي ماسمحت لي
كلشش
بس ابشششركم
خررربطت وااااااااااايد
من اليوم بااديه ريجيييم
واصصصك حلجي
احم فرشو لي السجاد الاحمر
وييبو ملح عشان نبط عيون الحساد

 

[SARA*]

شوشا حياج معانا
الياسمين حمد لله عسلامه وماتشوفين شر
نايوب وشوقي معنيني الكل خربط وان شاء الله نرجع نلتزم

 

[SARA*]

السلام
يومي

الفطور
نص خبز ابيض +بيضه مقليه +شاي

الغدا
سلطه +5 ملاعق عيش +3 افندي

العشاء
نص خبز ابيض + نص كوب حليب +ملعقه جبن كرفت
الرياضه
100 الاستب

 

[نهايات الوله ~]

ساره ..
الله يسمع منك يارب .. ان شاءالله ماتضعف الهمه بس :eh_s(15):
استمري وبنوصل .. كثفي الرياضه انصحك تجيب اللي ماينجاب هههههههههههههههه

نايوب .. شوقي
مابتكلم معاكم زعلت :bbbiu:

ياسمين
وحشتيني مااااااااره
والف لاباس عليك .. ماتشوفين شر يالغاليه
انتي ماتاخذين فيتامين مع الرجيم .. ؟

شوشا
هلا وغلا :eh_s(7):
قصدك رجيم التمر مع حليب او لبن .. انصحك كل اسبوع رجيم مختلف
وان شاءالله تضعفين احنا هنا نشجع بعض وبنوصل باذن الله

 

[نهايات الوله ~]

يومي ..
قعدت من 9 الصباح اكلت ربع خبز بر مع شوية بيض وطماطم
وفنجال حليب ..

الغداء
ايدام شوي الخضار بس كوسه .. و4 ملاعق رز وكثرت سلطه

العشاء
3 ملاعق تونه .. 4 ملاعق سلطه .. و4 ملاعق زبادي


الرياضه
مشيت ساعه و 40 دقيقه
وكملت تمارين 100 الاستيب
الخصر 100
البطن 100 ومن الجوانب 100
نطيت ع الحبل 100

شربت 5 كاسات ماي وبكمل
وكاسه شاي اخضر

حدي تعبااااااااااانه جسمي يعورني

 

[نهايات الوله ~]

شكل القروب بصير مهجور :eh_s(16):
المنتظمين انا وساره بس ...................!!!


وين الباقين وينكم بناااااااااااااااااااااااااااااااااااااااات :eh_s(11):

 

[SARA*]

حبيبتي نهايات الوله بالعافيه
واستمري
وياريتا تحطين تماري الخصر والبطن الي تسويه
انا مااسوي رياضه بس الاستيب 100 مره حتى مااطول 10 دقايق بيها واكعد

روحي تحبك وينج اشلونج ان شاء الله بخير
المشتركات الجدد وينكم ليش ماتنزلون يومياتكم