يوميات و مناقشات حملة رشيقات العيد الاضحى ( الجزء الثاني )

[عاشقة الككاو]

هاي يا حلوات
اي مس يو والله

هاليومين الي طافو كانو حلوين والاوضاع كلها ماشية ف السليم ولله الحمد والمنه ..

طبعا انا كل يوم الصبح اول ما اطلع من ال w.c عزكم الله اطمر ع الميزان ههههه مو بيدي لا تقولون غلط واحباط

مااعرف المهم الحمدلله وزني نازل يارب لك الحمد حتى ترضى ولك الحمد بعد الرضى ولك الحمد اذا رضيت ..

كنت 63.6
والصبح 62.4
صحيح انه مو نزول قوي بس اعتبر نفسي سويت انجاز ، والحين بطرش حق مشرفتنا الوزن


يومي امس
الصبح كوب شاي حليب كرنيشن وسكر تروبيكانا كيس واحد نص ل كوبي والنص الثاني ل زوجي غصبته ياخذ بس نص الاخ يقول انتي جيس بروحج وانا بروحي بس افا عليكم وانا بو هندي ههههه بس حرام ما كمله الظاهر ما عجبة لانه يحب السكر يكون ظاهر ..

المهم التكملة 3 بسكوتات ماري غمستهم بالحليب
خبزة شعير سمرة وخفيفه حييييييييل من المطاحن
اكلت وحدة وشووووووية
مع لبنه بينار لايت + زيتونة
وجبن تشيدر وموزريلا الي يجب بقوطي ازرق حديدي اكلت شوي مع الخبز
وبس الحمدلله

السناك
2 فنجان قهوة وحبة تمرة

الغدا
مسقعه
اكله مصرية الي اهي عبارة عن ( باذنجان- بطاط- طماط- فلفل رومي - بصل ) كله مقلي طبعا

واكلته مع خيز ايراني عاد اتوقع اكلت خبزة الا ربع لانها وايد كبيرة مشا الله + صحن سلطة تقليدية. ورشفة من كوكاكولا

ادري كثرت بس كنت ميته يووع


السناك

2 خوخ 2 عرموط او يسمونه كمثرى


العشا
نص خبزة مصرية لبنه ونص خبزة فاصوليا بيضة مع قفشة عيش وحدة + عضة وحدة من وجبة هابي ميل من ماك لما رحنا ارض المعارض وشربت رشفه سفن اب كنت محتاجه شي بارد ..


ع الساعه 11
اكلت حلو التك من لو فات بس تقريبا اكلت ربع او نص لان امي الله يطول بعمرها خذت جم لقمة واختي جم لقمة وانا جم لقمة والف حمدلله ..


اي صح نسيت اقولكم اني بالمعرض ذوقوني يوغرت بنكهه فواكه وكان بحجم التمرة او اكبر نتفة وذقت نوعيين


لو تلاحضون بنات
يومي كان مشكل وفيه كل شي يخطر ببالكم !!

انا تعمدت اسوي جذي بس حاسبت ع الكميات لاني اعرف نفسي زيييييييين اذا مسكت نفسي وحرمت نفسي بخرب ام الرجيم واكل بشراهه نفس اول ف قلت مابي احرم روحي عشان لا يصير كبت وانفجر ..


اي ونسيت اقولكم اول امس مشيت بالحديقة مع خالتي تقريبا 35 دقيقة
وحسيت جسمي ينبض وحااااار من كثر ما مشيت بضمير هع

وان شالله ما اكون نسيت شي

 

[عاشقة الككاو]

نصايح بالصميم :

تمرين القفز
معظم الأمهات من تغير أجسامهن وزيادة أوزانهن بعد الزواج ، ومن عدم وجود وقت كاف لممارسة التمارين الرياضية في المنزل ، مع العلم أن خبراء التغذية يؤكدون أن ممارسة التمارين الرياضية لمدة 20 دقيقة يومياً مفيدة جداً لكِ ولصحتك وتقضي على وزنك الزائد بكل سهولة .
لذا عزيزتي الأم فأنتِ لا تحتاجين أكثر من 20 دقيقة يومياً لتحصلين على جسم ممشوق وقوام ملفوف ، فلا داعي للتكاسل عن ممارسة هذه التمارين وتابعي معنا السطور القادمة نقدم لكِ فيها تمارين منزلية سهلة من برنامج " خليك in shape " الذي يذاع على فضائية " الآن " .
تنصح خبيرة التمارين الرياضية كل أم بأن تمارس رياضة المشي في الشارع أو في البيت أو بصعود ونزول السلم فكل هذه التمارين تساعد على حرق الكثير من الدهون وتحارب الكثير من الأمراض كما أن ممارستها لا تحتاج إلى معدات أو آلات فهي تمارين بسيطة .

ينصحك خبراء التغذية بإتباع هذه النصائح والإرشادات الخاصة بغذائك لتنعمين بجسم مميز وملفوف :


قللي الأطعمة الدهنية ويفضل الامتناع عنها ، فهى تحتوى على وحدات حرارية أكثر من أي طعام آخر، لذلك يفضل تناول اللحم والسمك المشوي أو المسلوق بدلاً من المحمر "المقلى" واللبن بدون دسم ، حيث يحتوى كل 150 ملل من اللبن الخالي من الدسم على 27 وحدة حرارية ، بينما فى اللبن الكامل الدسم كل 150 ملل تحتوى على 95 وحدة حرارية.
كما يجب أن يستعمل السمن النباتي بدلاً من الزبد ، وعصير الليمون الحامض بدلاً من متبلات السلطة ، وبدلاً من البطاطس المقلية يفضل تناول البطاطس المشوية أو المسلوقة.
- قللي الحلويات والجاتوه والبسكويت الغنى بالسكر ، فهذه الأطعمة الغنية بالوحدات الحرارية ضارة بالخصر ، وتناولي ثمرة فاكهة عند الشعور بالجوع بين الوجبات كى تشعرين بالشبع وتحصلين على قدر كبير من الطاقة.
- اهتمي بنوعية المشروب الذي تتناولينه ، قللي من المشروبات التي تحتوى على الكثير من السكر والمواد الغازية وتناولي ما لا يقل عن اللتر أو اللتر ونصف من الماء فذلك يزيل السموم من الجسم ويحافظ على صفاء البشرة
مثل وصفات كليوباترا



أحبكم يا حلوات

وبليز شدو الهمة وخل نرجع نفس اول حمااااااااااااااااااااااااااااااس وتحدي

ماباقي شي للعيد
ماتبون تبهرون الكل ؟؟؟؟؟

 

[زعفرانة_73]

عوافى بنات والله يحفظكم
والله ما أدرى شكلى بوزن بالصيدليه أضمن ،وبدور ميزان سنع:eh_s(10):​

 

[زعفرانة_73]

بارك الله فيج عاشقه نصايح قيمه:eh_s(17):​

 

[Madrideya ~]

قوه بنات شقول لكم وشخلييييي امس الأربعاء خرربطت لين قلت بس ما ادري شصار فيني
كنت ماشيه اوك طول اليوم وبليل هجمت عالاكل لا شعوريا حدد دي منحرجه منكم ...
وعاقبت نفسي اليوم المفروض يكون أوف بس عشان خرربطت امس كنسلته , بس الحمد الله يارب أني وزنت قبل الخربطه وكان وزني 73.9 يعني 74
يعني نازله نص كيلو ،، بس اليوم الصبح يوم وزنت كان 75 بس الطبيعي أن بعد كل خربطه الوزن يزيد زياده موقت وبعد جم يوم يرجع ...


كويتية حبيبتي اعتمدي وزني ٧٤
خاطري ما يجي العيد إلا وزني 70 أو 71 تهقون اقدر !!!

 

[الوناسة]

وااي اليوم وزني 51.3 زايده عُشرين عاد ان شاء الله مو دهون
لأني قمت أسوي رياضة اكثر فيمكن عضلات

 

[*وهم*]

شكرا اختي عاشقة الكاكاو على النصايح

قوه بنات شقول لكم وشخلييييي امس الأربعاء خرربطت لين قلت بس ما ادري شصار فيني
كنت ماشيه اوك طول اليوم وبليل هجمت عالاكل لا شعوريا حدد دي منحرجه منكم ...
وعاقبت نفسي اليوم المفروض يكون أوف بس عشان خرربطت امس كنسلته , بس الحمد الله يارب أني وزنت قبل الخربطه وكان وزني 73.9 يعني 74
يعني نازله نص كيلو ،، بس اليوم الصبح يوم وزنت كان 75 بس الطبيعي أن بعد كل خربطه الوزن يزيد زياده موقت وبعد جم يوم يرجع ...


كويتية حبيبتي اعتمدي وزني 74
خاطري ما يجي العيد إلا وزني 70 أو 71 تهقون اقدر !!!

خيتو تلاحقي عمرج يعني باقي شهر بس لازم ماتتركين اي مجال للتخبيص او اذا خبصتي سوي رياضه

في الشهر تقدرين تنقصين 7 كيلوجرامات تقريبا وهذا يعتمد على الاراده

واكيد ان شاء الله توصلين الستينات يوم العيد حتى لو 69 يعتبر انجاز

وربي يقوي ارادتج ^_^

 

[متنانه]

قووه بنات
خميسكم ضعف

بنات انا كنت حاطه هدف ما يخلص شهر 9 الا واناا مودعه الثمانينات

ومايخلص شهر 10 الا طالعه من السبعينات

ومايخلص شهر 11 الا داشه بالخمسينات

باي طريقه كانت ان شاء الله رجيم كميائي واثبتها بعدين

الحمدالله وصلت تقريبا لهدفي الاول
وزني الحين
80.8

وعلي الدوره

انا ماشيه على رجيم 12 يوم

اول ثلاث ايام البان وثلاث الايام اللي وراهم فواكه وبعدهم ثلاث ايام سلطات وبعدها ثلاث ايام مشاوي

جربت الرجيم قبل هالمره نزلت عليه 7 كيلو

ولما شفت الشهر بيخلص وانا بعدي بثمانينات قلت مالي الا هو الحين انا بيوم الفواكه

وبعدها عشان احافظ على وزني راح امشي على رجيم 800 سعره حراريه اسبوع واسبوع اللي وراه رجيم 1000 سعره حراريه
واخذ يوم اوف
وابلش سبوع 1200 سعره حراريه وبعدين ارد حق نفس هالرجيم

وانصحكم بنات بحبوب ايزي لاكس انا اكل بس حبتين باليوم حلوين

صج انا وزني 80 بس بشكل امبين اني نزلت اكثر واتوقع انه منهم وخصوصا البطن
انا والده قيصريه ماتخيلت بطني تخف والله يا بنات انها خفت مع هالحبوب




والحمدالله

 

[*وهم*]

اليوم سالفتي سالفه مع الميزان الالكتروني هههههههه

انا متعوده اني اوزن مره وحده وخلاص اعتمد على الرقم هذا وبالفعل الحمدلله نزلت


اليوم كل شوي يا يزيدني نص كيلو او ينقص

واخر شي اعتمد على هذا الرقم يعني طلع 70 فاصله كم جرام

70.8

والحمدلله

ومبروووك للي نزلو واللي ثبت وزنهم استمرو على النظام بينزل بعدين

 

[زعفرانة_73]

قوه بنات اشلونكم
وناسه الويك اند شويه نرتاح من لوية المدارس
يالله شدوا الهمه نبى تشجيع أكثر الله:eh_s(9):​

 

[متنانه]

كوويتيه توني قعدت من النوم وقست وزني

لقيته 80.6

 

[Madrideya ~]

وهم حبيبتي مستحيل انزل 7 كيلو بالشهر صعبة حيل علي لان النزول بطيئ جدا عندي ،، انا راضية 3 كيلو مني لي العييد ..!! بس ابي اكسر هالثبوت من رديت من السفر الوزن يا 75 او 74 مو راضي يتحرك الميزان شوي !! احس بإحباط :eh_s(2): اخوي يقولي عشان تكسرين هالثبوت ابدي بالرياضة القاسية بس صعبة حيل علي لاني دوامات ودراسة ودنيا وحاله وعفسة انا زين اسوي 3 او 4 مرات بالاسبوع !!! وهم انتي من فتره قلتي انج تعانين من ثبوت بس ماشاء الله عليج لا اله الا الله قدرتي تكسرين الثبوت الاسبوع اللي بعده ! بس شلون علميني اكسبي فيني اجرر

وساعات احس انها عين لووول مو تضحكون لان من بلشت الدوامات والكل منهبل من التغير
الملحوظ في جسمي بس لو افكر فيها وايد بنات امتان واضعفوا بالعطلة شمعنه انا !!


حددددي محبطه وتخبيصة امس احبطتني زيادة

 

[Madrideya ~]

متنانة حبيبتي اول شي مبروك النزول وعقبال ما ابارك لج المثالي وانتي قدها
بس النزول عندج ممتاز بالشهر 10 كيلو وايد حلو ،، شنو نوع رجيمجج اللي تمشين عليه انا خاطري بنزله قوية قبل العيد !
وخاطري برجيم كيميائي بس وايد يحذرون منه يقولون اللي تنزلينه فيه تردينه دبل انتي شرايج والرجيم اللي مشيتي عليه بالفترة اللي طافت كان كيميائي !! وشلون راح تثبتينه عشان ما تردين اللي نزلتيه


كثرت عليج اسأله سوري بس شسوي ميييييتتتته عالضععف وابي اي طريقة عشان اوصله

 

[متنانه]

مدريديه تبين تكسرين وزنج حطيلج بالاسبوع يومين ورا بعض بس عصاير واحسن شي عصير ليمون مع برتقال

او تشربين مع الوجبه عصير كيوي مع اناناس

بس اسبوعين وشوفي وزنج شلون ينزل بس طبعا مع رجيمج

اما بالنسبه لرجيمي اهوا صح كيميائي
وللمعلومه اكبر غلط تاخذين اوف مع رجيم الكيميائي لانج راح تزيدين بهالاوف
عشان جذيه نكمل رجيم في حرمان شوي بس 800 سعره حراريه باليوم لمدة اسبوع
وراها باسبوع ابدي ازيد باكلي وتصير 1000 سعره حراريه باليوم لمدة اسبوع
اهني اخذ يوم اوف يا غدى ولا عشى ويفضل يكون غدا
وبعدها ابلش ازيد باكلي شوي يصير اكلي 1200 سعره حراريه باليوم

بجذيه اكون قاعده انزل وزني وما ارد الوزن الي خسرته من الرجيم الكيميائي

بس يبيله اراده وهدف

ولازم تاخذين فيتامين بعد الغدى

 

[*وهم*]

وهم حبيبتي مستحيل انزل 7 كيلو بالشهر صعبة حيل علي لان النزول بطيئ جدا عندي ،، انا راضية 3 كيلو مني لي العييد ..!! بس ابي اكسر هالثبوت من رديت من السفر الوزن يا 75 او 74 مو راضي يتحرك الميزان شوي !! احس بإحباط :eh_s(2): اخوي يقولي عشان تكسرين هالثبوت ابدي بالرياضة القاسية بس صعبة حيل علي لاني دوامات ودراسة ودنيا وحاله وعفسة انا زين اسوي 3 او 4 مرات بالاسبوع !!! وهم انتي من فتره قلتي انج تعانين من ثبوت بس ماشاء الله عليج لا اله الا الله قدرتي تكسرين الثبوت الاسبوع اللي بعده ! بس شلون علميني اكسبي فيني اجرر

وساعات احس انها عين لووول مو تضحكون لان من بلشت الدوامات والكل منهبل من التغير
الملحوظ في جسمي بس لو افكر فيها وايد بنات امتان واضعفوا بالعطلة شمعنه انا !!


حددددي محبطه وتخبيصة امس احبطتني زيادة

مدريديه تخيلي انا فكرت نفسج

وياني احباط كبير والله خاصه لما امنع نفسي واشوف ثبات الوزن تقريبا اسبوعين ثبت لكن ماخربطت بس يمكن زودت وجبه يعني بدال السندويشه خليتها 2


لكن اللي خلى وزني يتحرك الريااااضه

عاد الرياضه اللي اسويها جدا خفيفه

خذيها قاعده كل ما تقرب وزنج من المثالي كل ما قل عدد الكيلو جرامات اللي تنزلينها


من الناحيه الصحيه نزول الوزن كيلو جرام او كيلو ونص او بالكثير 2 لكن اذا فوق هالشي ابد محد ينصح فيه :

والسبب يقول لج اللي ينزل بالاسبوع فوق المعدل الطبيعي بعد فتر ه يصير تعب ودوار وهبوط

حتى اي مجهود قليل بسرعه راح تتعبين

وها الكلام من دكتوره مصريه ..

قالت لان اهني صار ارتخاء في العضلات

وهالشي نحن مانبغيه يصير لان من مجرد ماتاكلين شوي وجبه عاديه او تكثرين راح تنصدمين ان راح يزيد وزنج كيلوجرامين :eh_s(10): وصار لي هالشي


لكن بديت ادور بالنت عن الريجيم الصح وشو سبب ثيات الوزن وشو الرياضه اللي تحرق السعرات يعني في رياضه تزيد العضلات وفي تحرق و و و و



***


حطيت لنفسي قاعده :

صح ان نزولي بطيء لكن لازم احتاج للصبر والاراده واهم اهم شي انج دايما تدعين بان الله يقوي ارادتج
وتنزلين وانتي بصحه وعافيه ان شاء الله

قلت لازم ابتعدت عن هذي الاشياء لفتره لان ابغي انزل وزني من غير ما اخبص :

ابتعدت عن :

البطاطا المقليه
المعكرونه الحمرا
الرز
الخبز اللبناني
الكاكاو

شفت نقاط ضعفي قلت لازم ها الاشياء اقطعها لفتره ولما اوصل لوزني اللي اباه حتى لو 65 راح ارجع الها لكن بحدود ..


واتبعت نظام يشبه نظام السندويشات وادخل فواكه وشوربات و اشياء مشويه

صح مرات اكل مقالي لكن نادره وماتكون بطاطا مقليه مثلا ليش لان انا قلت ماراح اكلها ..


واهم شي لازم اكل من 3 الى 4 وجبات في اليوم وتكون خفيفه . . .لان حتى لو ماكنت جوعانه لازم اكل شي خفيف علشان الجسم يحرق سعرااات علشان جذي يقولون لاتطوفون وجبه ..




والماااااي خليه دايما وياج وكل ماتتذكرين اشربي



وبخصوص الرياضه :

* انا اسوي مرتين او 3 مرات بالاسبوع مرات يمر اسبوع ما اسوي لكن بالاسبوع اللي ثبت وزني سويت تقريبا 3 مرات مادري مرتين


* اختاري الرياضه الخفيفه يعني مثال :

:eh_s(9): نفس جذي ههههههههههه نطي و بعد وانتي واقفه مكانج تحركي كانج تركضين وتمشين

وشوفي لج درج اركبي وانزلي يعني خطوه ريولج فوق وخطوه الثانيه ع الارض
واسرعي ..


يعني سوي حركات تحسين ان جسمج كله يتحرك هذي الرياضه ماتبني عضلات تحرق سعرات اكثر شي

ووشوفي كيف


وربي يوفقج .. ^_^:eh_s(9):

 

[*وهم*]

يومياتي ليوم الخميس كانت :

* سندويشة ( شريحتين توست _ جبن ) _ شاي احمر
* كوب شاي بالحليب
* حبة موز
* دياي بالفرن مع شوية كتشاب ومايونيز
* رطب _ قهوه
* علكه


وان شاء الله ما اكون نسيت شي




بس ويييين الباقي ؟؟؟!!!!!

 

[زعفرانة_73]

بسم الله
===
صباح الخير بنات الله يحفظكم وجمعه مباركه علينا وعليكم.
يومى27/9
الريوق
القهوه ما كملتها


الغدا
استبدلت العصير بتفاحه


سناك
برتقاله

العشا

سلطة روب مع خيار وملفوف عليهم خل الثوم وشابورا
اللهم لك الحمد

بنات ما حد يعرف جم سعره بجيس الكتشب الصغير؟​

 

[كويتيه سبيشل]

صبااح الخير بنااات

اناا اسفه امس ماا نزلت النتاايج
بس والله رديت من المدرسه رحت المستشفى عندي موعد
ولما رديت قطيت نفسي بالفراش
وتوني قعدت

ان شااء الله
اليوم بليل انزلهم

 

[الوناسة]

صبااح الخير بنااات

اناا اسفه امس ماا نزلت النتاايج
بس والله رديت من المدرسه رحت المستشفى عندي موعد
ولما رديت قطيت نفسي بالفراش
وتوني قعدت

ان شااء الله
اليوم بليل انزلهم

عاد اخذي راحتج :eh_s(22):

 

[الوناسة]

على الريج اقلاص ماي
وبعد ربع ساعة
ريوقي نص خبزة سمرة وقفشتين زعتر وقفشة زيت زيتون

وإذا يعت بشرب حليب خالي الدسم