"_* حلم الرشاقه يتحقق مع شغوبه ولخبوطه*_" (2)

[شغب مشاعر]

قدامك العافيه لخبوطه ماتشوفين شر..

انا احس مرره شبعااانه من عشااي جد التمر واللبن مشبع وربي يافديته والله..

يااارب ياكريم يارحيم يامجيب انك تنحفنا من غير شر وبصحه وعافيه والكل يوصل لهدفه ياااارب

 

[لخبطه مشاعر]

يعافيك ربي

 

[شغب مشاعر]

الحمدالله مشيت ربع سااعه وسويت تمارين الزنود 100 مرره وقضيناا اليوم على خير وعقبال النحف يااارب الي يوسع الصدر ياكريم

 

[دلع حمودي]

صباحو

وينكن ياحلوات

 

[غيوض الشوق]

صباح الخير جميعا

اليوم بديت بنشاط مفرط <<<الله يتمم تف تف

والحمدلله مشيت 40 دقيقه واكلت 3تمرات مع قهووووه

يالله اليوم احس اني خافه وباين على يالله من فضلك وان شاء الله الجمعه النتايج حلوه

 

[غيوض الشوق]

لخبطه وش اخبارك من زمان عنك وسلامتك ماتشوفين شر

 

[شغب مشاعر]

صباااحكم سكر ياعسولاااااااات..

انا اليوم صحيت 10 ونص هع وتو الحين اخذتلي كاس لبن و5 تمراات وشبعت الحمدالله..

غيووض منوره من الصبح هع الله يسمع منك يارب وتكون نتايج حلوه احس انا متخوووفه وعلى الوزن راح احدد رجيمي

اسبوع الجاي يعني لوكان حلوو بسوي رجيم طالب الشمري الي نزلته لو ماعجبني الوزن قااااااااااسي او دشتي والله يستر

 

[شغب مشاعر]

اهلييين دلع منوره غريبه مو بالدوام هع

 

[لخبطه مشاعر]

مساء الخيرات يالرشيقات

ماشاء الله دوم يارب هالنشاط
انا بعكسكم كسل بس اغصب نفسي على المشي واسوي تمارين الخصر
وان شاء الله الاسبوع الجاي يكون افضل <<< متحمسه للاسبوع الجاي اكثر من هالاسبوع

انا اكلت كبده من شوي والله يستر بجرب عشان المعده
وبمشي العصر باذن الله وبالليل

يعافيك ربي غيوض وان شاء الله هالاسبوع تنبسطين بالوزن
ومايجي العيد الا وانتي شكل ثاني
ويارب كلنا ننحف بصحه وسلامه

 

[شغب مشاعر]

رجيم السوائل ((الرشاقه الأكيده))

طريقة الرجيم أول مرحله تستمر 13 يوم مايدخل فمك غير سوائل من عصيرات طازجه او معلبه بس الافضل

تكون بدون سكر وبرضو تشربين الشاهي بأنواعه بس يكون محلى بسكر خاص بـ الرجيم وبرضو شوربات

بس الافضل تكون شوربات قليله في سعراته الحراريه يعني يقلل من الزيت والافضل شرب شوربات الخضار

والتقليل من شوربة العدس لأني قريت انا سعراتها مرتفعه

طبعا ان هالرجيم استخدمته بس ما اضفت شووربه يعني كنت اشرب عصيراات بدون سكر ولبن قليل الدسم بس ونحفت كيلوو

ونص بأسبوع

هذا برمضان طبعا وجسمي متعود على الرجيم ومن الاوزان الخفيفه وانا مدري وش علة وزني برمضاان كان بالزور ينزل

بس الرجيم حلوو ومشبع اذا كان في اناناس وانا اول ما القى ها الاناناس ابسووويه ان شاء الله..

 

[شغب مشاعر]

بنااات انا تصفح واحووس والي يعجبني ابنزله لكم تيب

بس السوائل عن تجررررررربه

مرااحب لخبووطه لازم الكسل عقب الاكل الطبيعي 3 اسابيع راح يكون في صعوبه شووي اول اسبووع

اما عن نفسي مرتاحه مع اللبن والتمر واهم شي الوزن ينزل مابقى شي للعيد الله يبلغنا وياكم خيررر...

 

[شغب مشاعر]

الحمدالله مشيت نص ساعه وقضيت وسويت تمرين الزنود 100 مرره الحمدالله

 

[شغب مشاعر]

مساااء الخيرااات...

اكلت 5 تمرات وكاس لبن..

وجبة العشا احتمال احذفها او اخذلي تمرتين ونص كاس لبن بس >> مدري ماسكه معي هع

حبيبة ميدو >> بكيفتس انتي هع ايه دامك مو معلمتني ابسميك كل يوم اسم خع خيع خوع خاع

وشسمه وينك انتي وابدااع تعالي يلاا لايطق وزنك وتبجيييين

ننتظركم وننتظر حماااسكم..

يلااا بروووب نوافيكم بالجديد لصار جديد..

 

[لخبطه مشاعر]

ايه شغوب رجيم السوائل حلو وينزل الوزن بس لازم مشي
بدون حركه ماينفع تتخزن السوائل بالجسم

اما رجيم التمر واللبن احت مال اعتمده الاسبوع الجاي يا هو او الكورن فلكس على حسب
لانو ما احس هالاسبوع راح يتحرك وزني
بعد الدوره مدري ليه يهنق هههه

 

[دلع حمودي]

يااااااااربي مزاجي معكر مره

 

[شغب مشاعر]

لخبوط ونسس رجيم التمرر وبعلولي يستانس لاشافني اكل ها الاكل الصحي لووول

يعني مافي هذره على راسي هع هع..

انا والله بدور على ها الاناناس ان لقيته خططت لرجيمي اسبوع الجاي وعلى حسب الوزن بعد الله يستر..

دلع وراتس وش بوه مزاجك..

يؤ حتى انا مع الدوره الله يستر مايتنح وزني بس لتنح انا ولا هو اسبوع الجاااي

 

[دلع حمودي]

معكر مررررره

ومالي خلق شي

 

[شغب مشاعر]

طيب انا بعالجك:dddds:

هههههههههههههههههههههههههههههههه سوي كذا اضحكي طيب قولي انا سعيدتووون وقميلتووون وصدقيني

تطيبين بأذن الله:friends:

لووووووووووووول

 

[دلع حمودي]

ههههههههههههههههههههههههههههههه

والله ضحكتيني

الله يسعدك يادوبا

وتنحفين هالاسبوع 5 كيلو << قويه

 

[شغب مشاعر]

من جد قووويه هع بس يجووز وش دراك ربنا كريييييييم

ويسعدك يااارب انتي وشسموووه لووووول