Diet خففي أكلج يلا انطلقي معاي 1\5\2012

[فواصل]

هلا بنوتات


شخباركم

وحشتوني

واخيرا فتح المنتدى

يومياتي

لا جديد بس لعبت في النادي

و اليوم لي عودة مع يومياتي

 

[الكيكه دندن]

هلا والله بالحلوين اخباركم وحشتونا

اكمل يوميات امس بما انه المنتدى قبل شوي فتح
الضحى
كليت سلطه فواكه بارده بالزبادي وعليها رشه قرفه

الغدا

3 قفشات رز مع مرق دياي +سلطه خضار

العشا
بقصم وشاي حليب

اليـــــــوم 30\5

الريوق

ماكان لي نفس اكل بس قلت اتريق مبجر الساعه 6
لانه عندي موعد اسنان
كليت
بقصم وشاي حليب

رديت من الموعد واخذتها نووومه قعدت 11 ص مع اني ماشبعت نوم
وكليت عالضحى
كاستر شوكليط فيه مانجا ونتفه كيك

وللحين ماتغديت

بس بما اني عالضحى كليت حلو راح اكل ان شاء الله دجاج مشوي شوي وعليه رشه فلفل اسود وسلطه خضار

وبعده بشرب شاي اخضر وراح امشي نص ساعه واذا قدرت راح اعمل نص ساعه تمارين مع تامي
وراح اقولكم ان شاء الله شنو سويت


هااااا مستعدين للميزان يوم الجمـــــعه

 

[الكيكه دندن]

هذا غداي

وبعد شوي بشرب شاي اخضر

وبعده بساعه ابلش مشي نص ساعه ونص ساعه تمارين

 

[كلـي سكـر]

شلونكم بنات
اللحين انا انتظر الاذان ياذن
و بيكون فطوري شوربه شعيريه خفيفه
و ربع قطعه حلا و كاس ماي
و صيام مقبول لكل صايمه

 

[الكيكه دندن]

تقبل الله صيامج حبيبتي

البقيه وينهم يؤيؤيؤ ؟!!!


عاد بعد ما خلصت غداي نطرت ساعه بعدها بلشت مشي نص ساعه

بعدين شفت مسلسلي المفضل اوراق متساقطه

بعد ما خلص كليت تفاحه
وقعدت مع الماما شوي

الساعه 6 م قررت اتعشى حتى اوقف اكل من الساعه 7
وكليت نص خبزه وشاي حليب


وبالنسبه للشاي الاخضر ما شربت راح اشرب ممكن عالساعه 8

الحين راح اقرا قرآن

عقب اذا خلصت راح اعمل تمارين للبطن والمؤخره والارجل والايدي والخصر

ان شاء الله

 

[لاحزن مع القرآن]

عوافي حبايبي
الريوق
توستة مع جبن وزيتون
سناك
سلطة فواكه
الغدا
توستة مع تونة بالصلصة الايطالية وسلطة
المغرب
سناك بار شوكليت من كلوقز لذيذ وفيه 83 سعرة حرارية بس
مع حليب قليل الدسم

 

[الكيكه دندن]

الحين خلصت تمارين نص ساعه
وراح اتابع الحين مسلسل فاطمه

واذا خلصت امممم مادري يمكن انام او اقعد عالنت

 

[سيدة المنزل]

سلام يابنات المنتدى بط كبدي
مازالت اموري تمام وزدت عليها رياضة مشي ساعة الاربع او نصف ساعة فاليوم

 

[فواصل]

صباحو

شخباركم

يومياتي ليوم امس


الريوق

شاي احمر مع سكر دايت

بيضة مسلوقة

قشطة

نص خبز لبناني

و وحدة من البنات جابت ريوق

فخذت حبة كل من ميني كرواسون و ميني فطيرة


وملعقتين صغار تشيز كيك

الغداء

سلطة

واكتفيت بها لاني خربطت في الريوق


العشاء

رحت مطعم ابل بيز وكانوا مسوين قائمة وجبات ب 550 سعرة حرارية فقط

فطلبت دجاح مشوي وعليه رشة جبن و بصل و مشروم و خضار سوتيه

عصير برتقال

و بس

وتقريبا شربت 5 اكواب ماء

و مشيت نص ساعة بالسوق

كنت ناويه العب رياضة بس اكتفيت بالمشي​

 

[لاحزن مع القرآن]

صباح الخير
أنا أمس تعشيت نص بيضة مسلوقة مع خس
واليوم
الريوق
توستة مع جبن وزيتون

 

[الكيكه دندن]

صباحو للحلوين النشيطين الله يحفظكم يارب

اخباركم وشلون اوضاعكم ان شاء الله تمام

قعدت من النوم الساعه 7ص
شربت قلاص ماي
بعده بعشر دقايق تقريبا

تريقت

2ماجرو توست بالحبوب مع زعتر +2 بيض مفيوح+شاي حليب

واشرب ماي كله هالوقت الساعه الحين 11 الا خمس

وان شاء الله اليوم اطلع اشتري اغراض للدايت لان اللي عندي خلصو
وبالمره امشي رياضه


بنات اشرايكم كل وحده تعرف عن نفسها وهوايتها ووو كل شي لان احس انه احنا بالقروب يعني ما نتكلم ويا بعض حابه يكون في بينا حوار ونصير مجموعه حواريه ههههه يعني نتكلم على الموضه مثلا الصحه انا قلت قبل اللي عنده معلومه تضيفها اللي راحت تكتب لنا وين وشسويت ووواوكي نبي حركه



راح ابلش انا خلنا نطلع شوي من موضوع الدايت اوكي​

 

[الكيكه دندن]

عرفي عن نفسك .. ؟!

انا دندن عسوله وطيوبه وحبوبه وهاديه ومشاغبه هههه كاني زودتها :edbf4317b9:

2 -حلمتي بها و تحققت .. ؟!
يكون عندي معاش شهري بدون وظيفه ._03BA:
3 / حلمتي بها و لم تتحقق .. ؟!
اكمال دراستي الجامعيه

4 / هوايتك المفضلة ؟!
التسوق الازياء الموضه

5 / ماذا ستكونين وما الذي تودين فعله .. ؟!

احب اكون مصممه أزياء وعندي دار أزياء او بوتيك

6 / صديقتك المفضلة .. ؟! :friends:
صديقاتي من ايام المدرسه للحين مستمره معاهم واحبهم تقريبا 4:gathering:


7/ لونك المفضل ..؟

اعشق كل الألوان واللي يشدني اكثر الوردي والكركمي


8- عطرك المفضل .. ؟!
احب العطور الهاديه مثل عطور ذابودي شوب واخر عطر استخدمته كان من اسكادا انكريدبل مي وحبيته
اما المناسبات الكبيره احب استخدم لها عطور قويه نفس عطور القرشي

9 / أكلتك المفضلة .. ؟!
عني احب الشيز كيك والكوكيز لكن من كثر ادماني عليهم خرب جسمي عشان جذي قررت اني ما اكل منهم نفس اول يعني احاول اكله يكون صحي واقل سعرات واذا صار وكليت فيه سعرات عاليه احرقها بالرياضه
واحب الاكلات الشاميه والمصريه والهنديه والبحـــريه .
وغير اكلاتنا الخليجيه يميم لكن ادير بالي ابي جسم ممشوووووووق ههه.:082502bye_prv:

10/ شئ لا يمكنك الاستغناء عنه .. ؟!

الكلينكس هههه على طول بيدي
11 / أجمل مرحلة دراسية .. ؟!

ثاني متوسط لاني اكتشفت اني شطوره يعني ايام الابتدائي مايكون عندك احد يذاكرلك فتصير منبوذ بالمدرسه هههههه
اما بعد ماكبرت شوي عرفت شلون اذاكر حق روحي .:flower:


12/ مثلك الأعلى في الحياة .. ؟!

الرسول عليه الصلاة والسلام ياليت نصير مثله

13 / حكمتك المفضلة .. ؟!
لا يفقد الزمرد شيئا من قيمته إذا لم يُمدح:sfg:


14 / هطول المطر بماذا يذكرك .. ؟!

أيام الطفوله كنت انا وخواتي على طول اذا نزل المطر نطلع الشارع ونلعب ونتنطنط وناسه :27d66a9c24b146327bf
15- كلمة أخيرة " بعد التعب " .. ؟!

اتمنى يكون تجمعنا هذا خير وننزل فيه وكلنا بصحه وعافيه يارب .:yaaaaaarb:

 

[تووته البسكوته]

هااااي بنوتات
شالاخبار عسا ضعفتووو
دندن جم نزلتي واذا خلص الشهر انا بفتح موضوع وابي تشاركون فيه لان شهر ٥ خلص خخخخخخ

 

[الكيكه دندن]

اهلين توته حبيبتي باجر راح ناخد الوزن لالا موضوعي مستمر ههههه اذا تبين تفتحين موضوع عادي انا اشجعج وان شاء الله يصير معاج قروب حلو .

 

[الكيكه دندن]

مساااااء العسل

غداي اليوم الساعه 1م

رز مع فيليه سمك وخس وطماط

الحين الساعه 4 وربع
اشرب شاي حليب واكل ربع خبزه

 

[فواصل]

مساء الخير

كيكة


يحليلج

انا من هواياتي القراءة و المكياج و الشوبينغ و السفر

وحاليا ادخل الرياضة وبخليها نمط حياتي

وبخصوص الطموح

ان شاء الله اوصل الى مراكز العليا = حلو التمني *_^


وبخصوص الوزن

رحت حق الاخصائية اليوم و عطتني الجدول

وسألتها عن الوزن

تقولي الاحسن نوزن كل اسبوع مب يوميا

 

[فواصل]

اي واكدت لي عن الرياضة و اقلها المشي يوميا لمدى ساعة الا ربع

 

[كلـي سكـر]

حلووه الفكره دندن
انا بعد اليوم صايمه هههههههه شعور الصوم حلو
عاد انا هواياتي الكتابه و القراءه و الطبخ و التصميم و الرسم و كثير هوايات
اتمنى اضعف و ان الله يسترني و يستر كل بنات المسلمين و المسلمات
و عيش سعيده
قدوتي رسول الله محمد
و اللوان على حسب الشي فا في اللوان تناسب اللبس و اللوان للغرفه و جي
عطري ما عندي الحلو حلو
اعز صديقاتي كثار و احبهم موت الله لا يحرمني منهم
الاب توب كل بايدي ما اخليه
عندي خمس اخوان و اختين و انا الثالثه
و انا قطريه و احب اهل الكويت و السعوديه و الامارات لان عندي
قرايب هناك و ما شفنا منهم الا كل خير و الحمد الله
احب الطبخات الخليجيه و الشاميه
احب اصور و ازور و اسير و اطلع و اتعرف
احب المكياج و الفاشن و الموضه و اتا الجديد بس البس اللي يناسبني
و عاد من اضعف ما في شي يعوقني ان شاء الله
اتمنى اسوي اكبر منتج نسائي فيه كل شي
و بس !!

 

[الكيكه دندن]

وناسه كلي سكر وفواصل طموحاتكم حلوه ياااااااارب تتحقق آآآآمين


الحين راح اطلع اقززززز بالسوق ههههه وناسه
بس ماراح اشتري ملابس الا لما اضعف واوصل للـ62 يصير مقاسي 1

انا وايد اتعب اذا صرت البس 2 او 3 هههههه

فواصل صحيح انا من كم شهر كنت افكر اعمل دايت وابلش بدون رياضه ولكن ماكو فايده ما اضعف
هالمره قررت ارد للرياضه والحمدلله في نتائج حبيتها والميزان مثل ما قلتي راح نخليه كل اسبوعين ان شاء الله
لكن البطون يبيله اصرار خله يحرق كل الحلويات اللي عايشه داخله ههههه
لما ناكل نستانس وعقب نصير ديناصورات منقرضه لالالا ماينفع
يلا اخليكم الحين
الله يحفظكم

اشوفكم باجر لان اذا رديت ان شاء الله راح اكون حدي نعسانه وانخمــــــــــد
3>

 

[الكيكه دندن]

هلاااااااااا والله

صباح ومساء الخيرات

اليــــــــوم مثل ما اتفقنا اخـــــذ الميزان يلا كل وحده فيكم تتفضل وتكتب لنا جم صار وزنها بعد شهر من التخفيف

أنا دندن

قبل شهر كان وزني محير مرات 75 ومرات 74

بعد شهر ماشـــــــاء الله


والحمدلله

صار 72​