Diet خففي أكلج يلا انطلقي معاي 1\5\2012

[كلـي سكـر]

السلام عليكم بنات
ان شاء الله ابدا معكم هذا الشهر بس نتايج الايام اللي راحت
اربع كيلو ( 94 ) و كان مفروض انقص اكثر بس وقفت رياضه
و يادوب بس يحافظ على الوزن بس خلاص برجع للرياضه لا غنى عنها وقت الرجيم
و ام امس خبصت خبيصه اربع حلا على الفطور و على العشى كليت ام ابو الدسم
و سرت قرقع على نهايه اليوم خوفي زدت بس ربي ستر
قلت اذا زدت اليوم اللي بعده يوم كامل بس ماي
و لكن انا اساساً اكون صايمه يعني لين اخلص السبع ايام
اليوم انا صايمه و باقي ثلاث ايام
و افكر اخلي كل اثنين و خميس صوم بركه بعد ما اكمل اللي علي
و هم يضعف و الله ، و مع الرياضه يا سلااام
و معجزه اخيراً قم الصبح ابغي اضبط نوم
لصلاه الفجر و الاختبارات و الرجيم كل شي مخربط من رقده العصر
اللي مرات اطول و تسير رقده اساسيه

 

[الكيكه دندن]

صباح الخيرات لحبايبي

شلونكم ان شاء الله بخير

يومياتي لليوم

قعدت الساعه 9ص
شربت قلاص ماي

كليت فطاير ربع فلافل باللبنه وربع حلوم كامل ونص سبانخ

 

[كلـي سكـر]

الكيكه دندن​

يا دندون اقول ليش بدل ما نكتب وش كلينا
ليش ما نكتب مقادير الوصفه و نتشارك
انا الصراحه مالي باكل الرجيم ما اعرف
صرحت محمصه عند قسم الاكل الصحي بالمنتدى التعلم من البنات
فانا اقول لو بين فتره و فتره سوينا خفايف اي شي حلو
نحط مقاديره و صوره اذا انتم فاضيين

 

[فواصل]

مساء النور

كلي سكر

ممكن تستفيدين من يومياتنا

لاني مرات القى افكار حلوة للريوق و العشا

وفي موضوع كامل عن اكل الرجيم

وهاي الرابط

http://www.q8yat.com/t1036966.html

 

[فواصل]

وبحط كم طريقة حتى نستفيد

غداي بيوم من الايام الي طافت :

سلطة جرجير وبيديان مشوي بخل وليمون ( في بايكيا مقلا حق الشوي خطيررة اتينن حق شوي الخضروات و اللحوم والبيرقر كلش ماتحسين اللحم يتشرب الزيت )
و شوربة حارقة للدهون ( بروكلي و كوسا و سليري و ممكن ملفوف بس ماكان عندي حزتها الكمية الي تبين و تضيفين لهم شوربة الهيليون الجاهزة من كنور او ماجي و الله عجيبة من ناحية الطعم و المفعول ... تقدين تخلطينها بالخلاط بس حلاتها چنكي قطع كبيرة تاكلينها وتحسسج بالشبع )
]

 

[فواصل]

وهاي رابط للعضوة قطوووة

حبيت موضوعها

ويستاهل التميز

http://www.q8yat.com/t1005176.html


وهاي رابط لكيكة الجزر

http://www.q8yat.com/t1045685.html

 

[لاحزن مع القرآن]

مرحبا
اليوم شفت وزني 62
كان 64 الحمدالله زين
انا طولي 152 يعني يبيلي 10 كيلو بعد

 

[الكيكه دندن]

اوكي افكار حلوه ونا قلت لكم عن سلطه الفواكه الطبقات بالزبادي جربيها تشبع مووت ولزيزه

فواصل حلوين المواضيع وحلوه فكره الاكلات الدايت نستفيد

لاحزن مع القرآن ماشاء الله حلوه نزلتي 2 كيلو ماشاء الله

تكمله ليومي

بعد الريوق بساعه مشيت ساعه الا ربع


بعده المشي خذيت دوش منعش وشربت حليب شوكليط خالي الدسم

الساعه 3
تغديت 3ملاعق أكل مندي لحم +ربع فطيره لحم

وبعده كليت اكتيفيا مانجا

 

[كلـي سكـر]

تسلمين فواصل على المساعده
دخلت على الرابط و صدق في افكار الصراحه امكن اسويها على الفطور
لاني صاميه الله يتقبل صوم كل صائمه
و انا لما رحت الجمعيه شريت شيش طاووق و كفته
و شورمه و دجاج مشوي و كله مطبوخ مسبقاً بس نشويه على السريع و ناكله
و عشان جي ابغي افكار سريعه و شريت لبن قليل الدسم و روب قليل الدسم
و اكتيفيا قليل الدسم و خبز بر و خضار و فواكه ابغي انوع بين هذي الاشياء و لقيت افكار
للفطور الصراحه امكن اسوي سندويشات الشيش طاووق بالفلفل الاسود و الخيار
و تنصحوني اسجل بالاجازه بنادي رياضي !!
و اي صاحبات الايفون و الايبود لقيت في برنامج حلو اسمه Mo. Cycles
كثير حلو ينظم الوقت فيه كثير ممزيات تقدرين تكتبين ملاحظات على الايام المهمه
و كيف المزاج و اليوم مثلاُ حسيت بدوخه تشنجات و في خيارات كثير
مثلاُ جاتج الدوره و نسبه الغزاره و وزنج اليوم كم و اذا عندج مثلاً
شهر فقط للرجيم تقدرين تحددينه و تكتبين الملاحظات لكل يوم
و نصايح و ساعدني الصراحه و في كثير برامج مفيده و حلوه
لتنظم الرجيم و الوقت

 

[الكيكه دندن]

هذي فكره البرجر بالشوفان

اختراع لأختي بس حبيته
برجر بالشوفان (تاخذي البرجر العادي خليه يصير لين شوي بعدين جيبي البهارات اللي تحبيها وتعجنيها بالشوفان كوريها واضغطي عليها ليما يصير شكلها مثل اقراص البرجر
جيبي حبه وحده شابوره دايت
كسريها وخليها مثل البودرغلفي البرجر فيها شوي مثل البقصماط واشويها .

حطيتها مع توست ماجرو بالحبوب الكامله للدايت موجود بالجمعيه ب550

وحطيت عليها زبادي بالقرفه طبعا استبدلته بالمايونيز
وكان طعمها حلو حبيته

واذا حابه تحطي معها خضار مثل الخس والطماط براحتج .

 

[رواسي شامخة]

السلااام عليكم ...
شلوووونكم حبااايبي...
مشكووورة فواصل فديتج على المواضيع الحلوة مثللج..(؛
انا اليوم قعدت وكليت بيضة مفيوحة مع زيتون بالشطة مع خبزة مع شاااي
وعلى العصر كليت صحن صغير فواكه معلبة بس دااايت وبعده كليت كباب مشوي مع زيتون بالشطة مع خبزة
وتعشيت كورن فليكس فيتنس مع شاااي حليب...

 

[الكيكه دندن]

قبل العشا حسيت بجــوع

اخذت قبضتين كورن فليكس وهات ياقرمشه هههههه

وبعده العشا المعتاد

شابوره دايت من الفيصل احب طعمها+شاي حليب

انا عالعشا ما اقدر اكل شي تقيل اتعب

الحين ادور موضوع نصايح واترجمه لكم ان شاء الله

 

[قــمر]

اليوم قعدت الساعه ثلاث كليت قطعتين بسكويت دايجستف مع حليب نيدو عليه فلفل اسود عشان الدوره تكرمون وقبل شوي شربت كوبين حسوو عشان الدوره بعد

 

[الكيكه دندن]

كُن قَارِئَاً [ لِلقُرآنْ ]

فَقَارِئ القُرآن لَا يَشكُو :
هَمَاً، وَ لَا غَمَاً، وَ لَا ضِيقَاً، وَ لَا ضَجَرَاً. .

[ الَّلهُمَ إِجعَل القُرآنَ رَبِيعَ قُلُوبِنَاْ ]~♥

***

كيف تخسرين وزنج الزايد من غير دايت

إذا ماكنتي تتبعين نظام غذائي معين وحابه تخسرين وزنج الزايد لابد من العوده للأساسيات في النظام الغذائي

لانه غالبا مايكون أفضل حل وطبعا التغير المفاجئ والجذري لنظامج الغذائي ماراح يدوم والتغير التدريجي اهوا افضل حل .

1-السيطره على الرغبه الشديده للطعام لديك

يمكن أن يكون من السهل الاستسلام للرغبه في تناول الطعام من دون نفهم حقا ما يعنيه حقا هذا الشعور . يمكن أن تكون شهوتك لتناول الطعام في كثير من الأحيان مؤشرا على نقص غذائي معين . افهمي الرسالة، وأوجدي بدائل صحية وغالبا ما يكون فكرة ذكية

لأنها سوف تساعدنا بأن نشعر بشعور أقل بالذنب عندما نختار لتلبية الرغبة الشديدة بدائل صحيه .


2- مزيد من الانتباه عند تناول العشاء



على الرغم من أن الخيارات التي تقوم بها على مائدة العشاء لها آثارعلى محيط الخصر لديك، ويمكن للاخطاء في مائدة العشاء أن يجعل المشكلة أسوأ مما يجب أن يكون.
فحاولي تتخلصي من العادات الخاطئه مثل المضغ بسرعه حاولي تمضغي ببطء، واختياره طبق اصغر

حاولي تاكلي وجبات نباتيه

حذاري من تناول الطعام العاطفي كان تكافئي نفسك او تعوضي نفسك عن حرمان معين بالعاطفه وتعوضي عنه بالاكل .

تصبحون على خير

 

[فواصل]

مساء الخير

كيفكن

يومياتي

الريوق

توست اسمر و عليه مسحة لبنة قليلة الدسم وشاي حليب مع سكر ستيفا (قرطاسه اخضر)

الغداء

ربع خبز لبناني

صدر دجاج مشوي

رشة فلفل


تبولة

السناك

لوز

شاي احمر بدون سكر

العشاء

كرواسون جبن و خيار و حليب فرش قليل الدسم

و لعبت في النادي نص ساعة

وشربت حوالي 5 اكواب تقريبا

 

[فواصل]

كل اللي شكروني

العفو

وما سويت الا الواجب

 

[الروزنه]

مرحبا اختي حابه انضم لكم وانا نظامي التخفيف والمشي على السير بديت من 3 شهور تقريبا
وزني الحالي 79 طولي 154 يبيلي انزل 27 كيلو وخايفه من رمضان ابي اتغير من المراهقه وانا سمينه
وزني المثالي 52 يارب اوصله بعافيه
هدفي التالي70
الاقصى 60 بيني وبينج ابي اوصل الاربعينات


اليوم
مشيت بطئ 40د

الفطور
بيض مقلي بدون زيت
2توست بر وشريحة جبن قليل الدسم
شربت شاي اخضر


الظهر
حبة بسكويت كليجا ونسكافيه منزوع الدسم بنص معلقه صغيره سكر اسمر

الغدا
كوسه وسط ونص محشي بطاطس
شربت شاي اخضر

العشا
طاسه صغيره خبز رقاق مرشوش بلبن وحبة توست بر الي اول وحده ومعلقه وسط لبنه رشيتها بعسل
و3 لقم صغيره بيض ولقمتين صغار جبن شيدر

شربت شاي اخضر



مشروباتي نعناع وشاي كويدا الاخضر من الاسبوع الماضي بديت فيه
ماعندي ميزان اوزن في المستشفى خخخخ

 

[لاحزن مع القرآن]

صباح الخير
أنا امس ماقدرت أنام عدل من خرابيط الويك اند
معدتي تعورني ولايعه جبدي بالليل شربت سفن اب
صرت أحسن الحمدالله
اليوم الصبح
الريوق حليب قليل الدسم مع ٣ حبات تمر

 

[تووته البسكوته]

صباح الخييير ياحلواااات
انا اليوم كان حايشني احباااط مادري ليش بس من قريت موضوعكم حسيت ان في امل ماكو ياس
حلاتكم صديقاتي

 

[رواسي شامخة]

السلاااام عليكم...
شلوووونكم..؟
هلا وغلا بكل البنااات اللي انضموا لنا وهلا بلاحزن مع القران وتوتة البسكوتة ...تووتة لاتيأيسين وخلي قداام عينج هدف وتحدي نفسج انج توصلينه وبتوصليينه بإذن الله...(؛
اليوم تريقت بيضة مفيوحة مع زيتون بالشطة مع خبز مع شاااي..