^kloOot^ ---الرشاقــــــة انــــــــاقة والمتـــــــــن ملاقــــــة

[جنان2006]

مساء الخير والورد

غلاها

عليج بألف عافية ان شاءالله


كلوووت

هلا وغلا عزيزة وغالية قلبي وألف الحمدلله على سلامة بنوتج العسولة ربي يحفظها ان شاءالله
وعليج بألف عافية ان شاءالله وقواج الله ياقلبي
وألف مبروك نزولج عسى ربي يتمم عليج ويزيدج من فضله وتنزلين أكثر بصحة وعافية ان شاءالله تستاهلين كل خير

وبالنسبة للرياضة والله أدري اني امقصرة بس والله مو كسل بس ظروفي مع اليهال ماتسمح لي أروح الممشى وماعندي جهاز بالبيت وكل مارحت عند أهلي أحاول أمشي نص ساعه على جهاز المشي ... وإذا بسوي تمارين بالبيت اليهال اسم الله عليهم يطامرون فوقي عبالهم قاعده ألعب والله كريم ان شاءالله

 

[جنان2006]

انا بديت اليوم برجيم الكيوي والأناناس وان شاءالله يتحرك وزني هالأسبوع

اليوم الحمدلله تغديت : تبولة + بيضة مفيوحة + عصير اناناس وكيوي

المغرب : شربت جاي اخضر

وتعشيت قبل اشوي : تفاحة خضرا + عصير اناناس وكيوي

أحس مافيني حيل بس الله كريم ان شاءالله المهم يتحرك الوزن

والله يوفقكم ان شاءالله

 

[غــلاهــا]

الله يوفقج يارب و ضعفين ياااارب ..

ويخلي لج عيالج ..

تحجون عن نفسكم ؟

موظفين ؟ ولا طالبات ولا ربات بيووت ؟

جم عمركم .؟

اعمار عيالكم ؟؟

 

[^kloOot^]

انا عندي بنت ولد صغار حضانه وروضه
عمري 25 سنه

توني صارلي 3 سنوات متوظفه




وانتى جنون

وغلاها ؟؟




اليوم ريوقي 5 تمرات

ولبن اكتيفيا بدال الحليب


والغدى بتغدى بره دياى مشوي وسلطه انشالله

 

[جنان2006]

السلام عليكم
اشلونكم عساكم بخير؟؟

آسفة عالتأخير كنت تعبانة اشوي
الظاهر رجيم بو ثلاث وجبات مايوالمني من أمس أحس بدوخه وإن مافيني حيل كلش واليوم من قعدت وأحس بعوار راس مو طبيعي ودشيت المنتدى الضحى بصبح عليكم نفس كل يوم بس ماقدرت حاشني صداع نصفي اسم الله عليكم ومو قادرة حتى أشوف الشاشة لأن يمسكني عوار نص راسي وأشوف مثل إضاءة بيضة بعيوني وعلطول خليت ريلي يوديني عند أهلي أرتاح عندهم وأخلي اليهال عند أختي اتجابلهم على ما يهدى العوار اشوي... وأمي وأبوي عصبوا علي يقولون كله من الرجيم شوفي روحج وراج يهال لي متى جذي بطيحين علينا ومن هالحجي وأمي حلفتني آكل اليوم وما أسوي رجيم عشان آخذ مسكن البروفين يهدي عالعوار اشوي والحمدلله ماخربطت وايد بس كليت 2 تكة و1 شيش طاووق و1 عرايس واشوي تبولة وعقبها شربت جاي وشكلي برد على رجيم المطوع أو ربيع بو 5 وجبات باليوم .. وكنت بمشي عالجهاز اليوم بس والله ماقدرت كله منسدحة بالغصب أقوم أصلي وأرد أنام اشوي

والحمدلله على كل شي



كلوووت
عليج بألف عافية ان شاءالله
وعسى ربي يخلي لج اليهال ويرزقج برهم وصلاحهم اللهم آمين ولج طولت العمر ان شاءالله


غلاها
أجمعين ياقلبي يزاج الله خير عالدعوة الطيبة جزيتي بمثلها

انا عندي بنت وولد بنتي بالحضانة وولدي توه سنة و8 شهور

وعمري 27

وربة بيت

وانتي؟

 

[غــلاهــا]

hi
اليوم انا نمت وايد قطيت بناتي ع امي ونمت نووووم خخخخ

اكلت 3حبات كاكاو بلجيكي مال رجيم ..

وشربت لبن ..

واكلت حبتين شبس والله حبتين خخخخ

و اكلت قطعه خبز ..

و الحين اكل فراوله واشرب ماااي ..

وبس ما كلت شي ..

كلووتوو الله يخلي لج عيالج يارب ..

جنون ماعليج شر ان شالله وسلامات و شوفي رجيم غيره ..

والله يخلي عيالج ان شالله ..

انا موظفه ..

عندي رسيل سنه وشهرين ..

و اسيل شهر و 15 يوم ..

وعمري 23..

 

[غــلاهــا]

باجر بسوي رجيم الكيوي والاناناس ..

يكون الصبح : ساعه 7 ع الريج كمون وليمون .. بعدين ساعه 9توست وجبن و عصير اناناس او كيوي ..

و من 10 الي 1قهوه و ماي و حليب خالي الدسم ..

الغدا فواكهه اناناس و كيوي و عصيرهم ..

العشا عصير اناناس و كيوي مع ليمون ..

باجر اول يوم والله كريم ..

 

[love love]

كلوووت سوي تجمع للكرشه عاد اعجبج بكرشتي الحيين

 

[جنان2006]

صباح الورد بنات اشلونكم عساكم بخير وعافية

غلاها

الشر ماييج ياقلبي ويزاج الله خير عالدعوة الطيبة
وعليج بألف عافية ان شاءالله
وعسى ربي يخلي لج بناتج ويحفظهم ويرزقح برهم وصلاحهم آمين ولج طولت العمر ان شاءالله
والله يوفقج بالرجيم ويارب تنزلين عليه بصحة وعافية

 

[جنان2006]

عالم حواء

الله يوفقج ان شاءلله وتنزلين بصحة وعافية يارب

 

[جنان2006]

اليوم تريقت : خبزة خفيفة سمرة + جبن لايت + عصير اناناس

 

[جنان2006]

الضحى شربت عصير اناناس وكيوي + 1بسكوت دايجستف لايت


وتغديت : 2 برجر مشوي بالفرن + بطاطة وسط مشوية بالفرن

 

[جنان2006]

باااك

وينكم بنات التجمع حده صخخخخخة عسى المانع خير ان شاءالله


السناك المغرب : حبة وحدة معمول التمر بطحين البر + جاي أخضر


وتعشيت قبل اشوي : تفاحة خضرا + روب

 

[غــلاهــا]

hi ..

شخباركم امس بنتي كانت مريضه ..

اليوم ريوقي : ع ريج كمون مع ليمون ..

ساعه 10 توست اسمر مع جبن و عصير اناناس ..

ساعه 12 شربت حليب خالي الدسم ..

و الغدا: قطعتين فليه مشوي صغار وايد مع سلطه و خبزه خفيفه سمره وعصير كيوي ..

بعد شوي بشرب جاي اعشاب ..

 

[غــلاهــا]

وينكم ؟؟؟

انا شربت عصير ساعه 7 ..

وتوه شربت اعشاب وبس خلاص يتصكر الحلج ..

 

[جنان2006]

مساء الخير
اشلونكم بنات عساكم بخير؟

فطوري اليوم : 1 معمول تمر البر

وورا الصلاة كليت كلوب ساندويش أمريكانا أسمر (مرتدلا وجبن) + تبولة

وللأمانة اشتهيت آكل حلو كليت اصبع تايم آوت

وحدي ضايق خلقي من وزني ومن الدوخة
شفت وزني قبل الفطور للحين ثابت
وأمي امحلفتني ما أسوي رجيم بو 3 وجبات عشان أكسر ثبات الوزن وهم مو راضية أمشي عالجهاز لأن الدوخة تروح وترد علي
والله كريم ان شاءالله أتوقع هالأسبوع بعد وزني بيكون ثابت وان شاءالله بس اتخف الدوخة برد أمشي عشان ينزل وزني أسرع نفس الأسابيع اللي طافت

 

[جنان2006]

هلا وغلا غلاهاااا

اشلونج قلبي عساج بخير؟
ماتشوف شر بنوتج ربي يحفظها ان شاءالله
وعليج بألف عافية

كلوت ====> وينج !!

 

[جنان2006]

تعشيت قبل اشوي ربع خبزة ايرانية + جبن لايت + لبن خالي الدسم والحمدلله


تصبحون على خير

 

[جنان2006]

صباح العسل

اشلونكم بنات عساكم بخير؟

كلوووت فقدتج ياقلبي عسى المانع خير

غلاهااا اشلونج واشلون بنتج الحلوة ان شاءالله أحسن الحين؟



تريقت : 2توست أسمر + جبن سلايس قليل الدسم + حليب خالي الدسم والحمدلله

 

[^kloOot^]

بنات سامحوني بس والله مستمره عالرجيم



الله يحفظ عيالكم يارب والله طلعنا كتاكيت



لهيت بروضه ولدي والعيد الوطنى وخذيت اجازه


بنات انا حدي مستااااااااااااااانسه لانى كلما وانزل لانى صج ماشيه عدل على محمد ربيعه وصج رجيمه موطبيعي ماشالله نازله هالجم يوم بس كيلو ونص

حدي مكيفه




وكرشتى خفت




وحتى ريولي


ابي 6 كيلوات بس الحين وانا مرتاحه














عالم حواء------------ضحكتينى عاد انا عندي الكرشه ولا الزنود وييييييييييع اكرهم


الكرشه يبله مشي مشي مشي
مو معده لانه المعده بس تقوي العضلات بسسسسسسسسسسس



امشي وقللي الوجبات السريعه وهالخرابيط والككاو وشوفي شلون ترى ياهل الثاني صعب انج تنزلين مو نفس الياهل الاول

انا اقول لحقي على كرشتج بسرعه لالالالالالالالالالالالاتزيد لووووووووووووووول














بالعافيه جنان وغلاها




شدو حيلكم


جنون انتى متينه ولا متروسه ؟؟؟ اذا متروسه لالالالالاتغطين على نفسج وانا اشوف محمد ربيعه ممتاز اذا بشهر 10 كيلو ومضمون وماييب الدوخه ولا شي كل اكل صحي