اللي وزنها فوق 100 تشارك ضروري

[تيناا]

بالتوفيق بنات

استمروا

 

[RegaLoS]

انا معاكم بنات ودي ارجع جسمي نفس قبل

انا طول عمري متروسه او حتى لما كنت صاكه ال100 كان متنى موزع او مو مبين علي
بس من يبت ولدي او انا انفجرت
انزل 10 او ارجع ازيدهم انزل 15 او اردهم
سويت كيميائي نزلت فوق 25 كيلو باقل من شهر او رديتم

طولي 168
زني للاسف 135 امتنكم

انا كنت مبلشه رجيم نزلت 4 كيلو او وقفت او اليوم رجعت على الرجيم

رجيمي سعرات حراريه
يوم اكل 700 سعره
الي عده 900 سعره
الي بعده 800 سعره
بس ما اعدي 1000 سعره لان نشاطي خفيف

ريوقي كافي لاتيه من تروبيكانا
اوطول ما انا بالدوام اشرب ماي ماي

ارجع البيت على الساعه 2
على ما اغسل او اصلي
غداي :
لوكارب ساندويتش من هارديز بدون مايونيز او بدون كتشب ( عباره عن خس داخله همبرجر مشويه او طماط و جبن )
او
2 صدر دياي مشوي من دياي تكا
او
جيسين شوربه كنور مع ذره


او بين الوجبات اشرب ماي ماي

او شاريتلي كاكاو رجيم بعد الغدا اكل كسره او كسرتين منه علشان اغير الطعم
عشاي
روب مع خيار
او
1 علبه عصير اناناس كيديدي + 2 كيوي بالخلاط


انشاءالله اضعف على خير خصوصا ان شهر 1 عندي كذا مناسبه مهمه بحياتي او ودي اتغير لها

هدفي الاول
20 كيلو

هدفي الثاني
هم 20 كيلو ان شاءالله
هدفي الثالث
5 كيلو
ان شاءالله احقق حلمي
مع ان للعلم زوجي يحبني متينه او وزني عاجبه او كل ما اضعف يقولي بس وقفي

بس مالي شغل فيه اهوه جسمه رياضي ماشاءاله او انا يمه منتفخه
صحتي اهم

 

[RegaLoS]

بنات هالموقع وايد مفيد يوميا ارجعله فيه كل شي
عن السعرات الحرارية او غيره فيه لسته على اليمين اقروها
http://www.moh.gov.sa/badana/Usage.htm

 

[تيناا]

مشكوره يالغاليه على الموقع وانشالله تحققين اهدافج

 

[عروووب21]

مرحبا بنات وحياج ريقالوس اتوقع جذي نكج


وبالتوفيق يارب وماعليج من ريلج صدقيني يجاملج لو يشوف وحده ضعيفه وجسمها جذاب بيتغير كلامه


وبتشوفين شراح يقولج بس تضعفين

 

[Dam3a1979]

هاي بنات ،،،،

والله بصراحه صارلي اسبوع وانا مخففه الاكل ما اقول انه ريجيم قاسي لا والله مجرد تخفيف علشان ما اخترع واوقف المهم قمت الصبح من النوم ولا وزني 99 يعني ها نزل اشويه بس والله هذي بداية المشوار .​

مشوار الألف ميل يبدأ بخطوة

 

[Dam3a1979]

بنات هالموقع وايد مفيد يوميا ارجعله فيه كل شي
عن السعرات الحرارية او غيره فيه لسته على اليمين اقروها
http://www.moh.gov.sa/badana/usage.htm

أولا حبيت اقولج حياج الله معانا

ومشكورة على الرابط الحلو

انا عن نفسي مبلشه اليوم ريجيم التمر واللبن

 

[Dam3a1979]

مرحبا بنات وحياج ريقالوس اتوقع جذي نكج


وبالتوفيق يارب وماعليج من ريلج صدقيني يجاملج لو يشوف وحده ضعيفه وجسمها جذاب بيتغير كلامه


وبتشوفين شراح يقولج بس تضعفين

انا برايي عرووب حرام الظلم يمكن الريال صج عاجبه الوزن

بس اكيد راح يعجبه أكثر اذا صرتي أضعف

ترى في رياييل يحبون المتن صج والله

الله يكثر منهم انشاءالله

 

[miss disaster]

هلا بنات شلونكم؟؟؟

ادري طولت وايد بس شسوي ظروف

انا اليوم بديت رجيم مره ثانيه

وللأسف وزني :112.6
بس انشاءالله ناويه قبل شهر واحد اكون اقل من 100

ادعولي بالتوفيق والله يوفقكم

 

[Dam3a1979]

حيا الله بيبي

صج وينج طولتي عسى ما شر؟؟

باذن الله بتوصلين للي تبينه وأكثر بعد يالغالية

انا بديت آخذ ريدكتيل 15

وايد محسسني بالشبع

 

[miss disaster]

هلا دمعه وين البنات يومين ورا بعض دخلت وكتبت ومحد رد اوكتب يومياته شسالفتكم؟؟

والله المنتدى علق عندي وبعدين بدينا اختبارات قصيره والحين اختبارات فتره عشان جذي طولت

انتي وزنج شلونه وللحين مع الدكتوره ولا لا؟

 

[((معشوقة خالد))]

السلااااام بنااات

اشلوونكم شخباركم ...

ممكن تسجلوووني معااكم ... >> والا ترى بقط وجهي عند بابكم .؟؟

هههههههههههههه ههههههه


اذا موافقين اكوون وياكم .. ترى من باجر ببلش ريجيم ..

واذا مو موافقيـن .. ماراااح اسوي ريجيم .. واكسبووا ذبني ..... ههههههههههههههههههه

ترى انطر ردكم .. فمان الله ,,

 

[miss disaster]

هلا فيج معشوقة خالد

وانشالله توصلين للوزن اللي تبينه

وانا انشالله راح اشجعج واكييد ابيج تشجعيني

انا الحين وزني صار 111.2
الحمدالله وانشالله ناويه اكمل

بس يلا قوليلي طولج ووزنج

 

[نونو الدبدوبه]

اهلين بنات اخباركم
من زمان عنكم؟؟
انا زوجي اخذ اجازه اسبوعين وسافرت دبي وبعدين كملتها عند اهلي رجعت زايده كيلوين وزني الحين 100ونص
ومن اليوم باديه برجيم حلوو وينقص كويس لان الاسبوع الجاي تبدا اجازة عيد الاضحى وبخليها صيام وتخفيف لان بكون عند اهل زوجي
يالله بنات كلنا نصوم عشره ذي الحجه وتشوفون النحف مع الاجر

 

[miss disaster]

هلا نونو

ما ادري وين البنات؟ حتى دمعه ما أدري وينها


انا خربطت ورجع وزني وقبل ثلاث ايام بديت رجيم

وكان وزني :112.6

واليوم وزني :111.2

بسألج انتي شنو رجيمج ؟

 

[Dam3a1979]

مرحبا بيبي ونونو

انا جهازي خربان صارله جم يوم واذا دشيت الموثقع وايد يعلق معاي ليش مادري

عموما انا صامده ولله الحمد وليلحين مستمره عند الدكتورة

اعترف اني صرت اخربط هالفترة وايد وايد وحاشني اسبوع زدت فيه كيلو ونص بس عوضته ولله الحمد

عموما بشكل عام انا من بلشت مع الدكتورة نزلت ليلحين 10 كيلو

بديت الموضوع وزني 135.5

الحين صار 125

الحمدلله الحمدلله

والله يا بنات حاسه بفرق وايد وايد كبير بهالنزله

حتى قياسي صار وايد أصغر وقطيت كل ملابسي اللي كنت البسهم قبل

 

[Dam3a1979]

اهلين بنات اخباركم
من زمان عنكم؟؟
انا زوجي اخذ اجازه اسبوعين وسافرت دبي وبعدين كملتها عند اهلي رجعت زايده كيلوين وزني الحين 100ونص
ومن اليوم باديه برجيم حلوو وينقص كويس لان الاسبوع الجاي تبدا اجازة عيد الاضحى وبخليها صيام وتخفيف لان بكون عند اهل زوجي
يالله بنات كلنا نصوم عشره ذي الحجه وتشوفون النحف مع الاجر

الحمدلله على السلامة يا نونو وانا اقول وين الغيبة هاذي كلها

يالله فوقه فوقه حرام والله التعب اللي فات كله راح من غير نتيجه

انا سويت ريجيم التمر واللبن بس طلع مثل ما قالتلي الدكتورة ما ينزل دهن من الجسم بس ماي وبسرعه يرجع

عشان شذي رديت عليها والتزمت معاها

 

[Dam3a1979]

هلا نونو

ما ادري وين البنات؟ حتى دمعه ما أدري وينها


انا خربطت ورجع وزني وقبل ثلاث ايام بديت رجيم

وكان وزني :112.6

واليوم وزني :111.2

بسألج انتي شنو رجيمج ؟

بيبي انا ادرس بالجامعه بعد وتخصصي محاسبة وانتي عارفه ان هالفتره كانت كلها امتحانات عشان شذي ما كنت اقدر على طول اتابع بالتجمع بس ما اهملت دكتورتي كنت اراجعها حتى لما وزني ما ينزل ومستمره معاها قلت ميخالف حتى لو اخربط بس اروح لها عشان ترجعني للطريق المستقيم

 

[FuLL.MooN]

السلام عليكم
صباح الخير شلونكم صبايا ريغلوس عادي انا 117.7 تقريبا بس قوليلي شلون تحسبين السعرات الحرارية

 

[FuLL.MooN]

بيبي شنو ريجيمج