ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

[يمامة]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

** للتذكـــير **

عَنْ جَرِيرِ بْنِ عَبْدِ اللَّهِ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ :

صِيَامُ ثَلاثَةِ أَيَّامٍ مِنْ كُلِّ شَهْرٍ صِيَامُ الدَّهْرِ وَأَيَّامُ الْبِيضِ صَبِيحَةَ ثَلاثَ عَشْرَةَ وَأَرْبَعَ عَشْرَةَ وَخَمْسَ عَشْرَةَ
رواه النسائى وقال الألبانى حديث حسن


وعن أبي هريرة رضي الله عنه قال : أوصاني خليلي بثلاث: بصيام ثلاثة أيام من كل شهر، و ركعتي الضحى، وأن أوتر قبل أن أنام
صحيح البخاري



وعن عبدالله بن عمرو بن العاص رضي الله عنهما قال : قال رسول الله صلى الله عليه وسلم: "صوم ثلاثة أيام من كل شهر .. صوم الدهر كله"
متفق عليه



** والأيام البيض تبدأ من الغد : ( الاثنين + الثلاثاء + الأربعاء )


اللهم أعنا على ذكرك وشكرك وحسن عبادتك

جزاج الله كل خير

 

[shams2008]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

الحالمه
اجرنا واجرج
تسلمين حياتي

 

[shams2008]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

بنات لحقو علي معدتي تعورني ومغص رهيييب في بطني من العصر

وروح عزكم الله للحمام وطلع ولعوار يزيد اخخخخخ يابطني ومعدتي عوارهااا بايخ

ادعولي ان مافيني شي ان شاء الله

ماتشوفين شر روحي الطبيب او اخذي حبه باسكوبان اذا عندج ان شاء الله ترتاحين

 

[ZajiL]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

:nbvppw:

السلام عليكم ورحمة الله وبركاته
شخباركم ان شاء الله بخير وصحه وسلامه وبفضل من الله
الحمدلله ربي الي قدرني ولحقت على تجمعكم ومريت على كل الصفحات والصراحه
مــــــــــــــاشــــــــــــاء الله

عليكم روحكم حلوه وتهبلون وتشجعون الواحد للانظمام لمثل هالنجمع الراقي تبارك الرحمن :friends:
انا لي 3شموور وشوي والده وطبعا انا حملت مرتين وره بعض وبالحملتين اكتسبت وزن زايد
قبل لا احمل من 3 سنين كنت للاسف 64:eh_s(15):
والحين للاسف 90:eh_s(16):

انا المفروض انزل وااااااااااايد بس راضيه اوصل 70 :eh_s(9): والعشره الاخيرين ايوون مع الوقت :eh_s(9):
المشكله الي حاصله معاي اراتي تحت الصفر
يمكن من اليهال واللويه وعدم الراحه والتعب الجسماني والنفسي والي زاد همي وزني الزايد وشكلي المرعب :s142:
<<< حشى هلك مو مره
الي ابيه منكم يالطيبين تساعدوني وتدعموني عشان اقدر استمر وانزل واكون لكم شاكره:friends:
وعلى مانبدي 1-4 راح اضبط روحي وازهب العده واحط الخطه وابلش من الاربعا بجد وجتهاد :eh_s(15):

لكم خالص تحياتي وامنيتي لكم بالنزوول بصحه وعافيه يارب :082502bye_prv:

:bye22:

 

[أحلى عيون]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

بنات ماشاء الله حدكم تحمسووون
انا دخلت مع احلى عيون لما كانت تجمع الرابح الاكبر بس للاسف مااستمريت لان كانت عندي ظروف والحين صار لي 3اسابيع مسويه رجيم نزلت 5كيلو وان شاء الله معاكم انزل اكثر
اليوم تريقت صمونه نخاله حشيتها بيض طمام مع كوب حليب
وغداي راح يكون شريحتين سمك مشوي وسلطه وعشاي زبادي اكتيفيا
واشرب شاي اخضر بعد الوجبه

بالعافيه على قلبج يا قلبي والله يوفقج وفعلالا تمنيت انج تكملين ويانا بس الحمدلله انج كملتي وياانااا مع هذا القروب الي اتمنى من كل قلبي الاستمرار فيه لمده 3 اشهر ان شاء الله وتنزلين اكثر من 5 كيلوااات

انتووووووووووووووووووو هني خيانه !!!!

وانا ادوركم بالتجمع هناك
ليش ماقلتوووووووولي ؟

احلي عيون

عليج غرامه


جني
انتي الوحيده الي سالتي عني مشكوره حبيبتي



طبعا انا معاكم اكيييييييييييييد
وزني اطرشه 1-4 اوكيييييييييييك

هههههههههههههههههههههههههههههههه


حياج الله يا قلبي والله اشتقنا لج واكيد انتي ويانا بس راح اسجل اخر وزن لج بالقروب اوكي ولا وزنج زايد

وعظم الله اجركم يالغلالا

صباحكم ورد ورشاقه وصحة بناااااااااااااااااااااااااات
اليوم أنا كنت شاطره
بما انى ما عندى خدامة لحد الحين -----> مأساة غير منتهيه

بعد ماراحوا عيالي المدرسه نظت البيت كله
وتريقت 2بيض مفيوح +عصير أناناس
وبعدها بنص ساعه أكلت كتكات صغير
شسوي لازم أحلي
وبعدها قاعده أشرب شاي أخضر
أبي أضعف:eh_s(16):
شخباركم انتوا بنات ؟

الله يعطيج الف عافيه يا قلبي والحركه بركه على قوله جنونه ههههههههههه


وبعد كل وجبه بساعه او ساعه ونص اشربي شاي اخضر ويا الزنجبيل

احلا عيون
مشكوره وماقصرتي ياحياتي وانشاالله بفضل الله ثم فضلج راح نضعف بعزم انشاالله

جنان 2006
مشكوره ياعمري والله يوفق الجميع

هلا يا قلبي الله يسلمج وبصراحه ماسويت شي كله بمجهودكم وان شاء الله تنزلووووون وتحققون اهدافكم يارب والله يوفق ولدج ان شاء الله ويقبلونه

السلام عليكم ورحمة الله وبركاته

كيفكمممممممممممممممممم

اشتقتلكم يا الخوووونة ع قولة شموسة هههههههههههههههههههههههه

لا استغفر الله انا ادري شفت يمامة كاتبة الرابط بس انشغلت وما قدرت ارد امس

وتسلم احلى عيون رسلة لنا الرابط بعد

بالتوفيق للجميع

وهلا بالشعب اليديد

ويارب نوصل لأهدافنا

وزني ان شاء الله بكتبه يوم الاربعاء اذا كان لي عمر

سلامي للكل

هلالالالالالالالالا وغلالالالالالالالالالالالالالالا يا قلبي حياج الله

وسجلتج ويانا يا قلبي راح اسجل اخر وزن لج في قروب والله وتحقق منايا ولا اخاف بعد مثل شموسه زدتي هههههههه

آلحمدآلله لحقت ع آلحمله
ورآي عرس آختي لآآآزم آضعف

وآنآ آلتزم بس نزولي بطيييئ
آن شآلله بحط آلصوره وآلتوقييع آللحين

عشرينيه
آلوزن: 67 ونص
آلهدف:60
آلطول : 164

آلله يتمم لنآ على خييير
.
.
.

حياج الله يا قلبي وهلالا فيج وسجلتج وياناا


القروب ان شاء الله بدايه الرسميه بتاريخ1/4 بس ما يمنع تكتبين يومياتج


واتمنى الالتزام بيوم الاربعاء من كل اسبوع للوزن وارفاق الوزن لي على رسائل خاصه

بنات ماشاء الله حدكم تحمسووون
انا دخلت مع احلى عيون لما كانت تجمع الرابح الاكبر بس للاسف مااستمريت لان كانت عندي ظروف والحين صار لي 3اسابيع مسويه رجيم نزلت 5كيلو وان شاء الله معاكم انزل اكثر
اليوم تريقت صمونه نخاله حشيتها بيض طمام مع كوب حليب
وغداي راح يكون شريحتين سمك مشوي وسلطه وعشاي زبادي اكتيفيا
واشرب شاي اخضر بعد الوجبه

حياتي انتي والله نونو والله يوفقج بعد وتنزلين بصحه وعافيه وماابي كلمه مااستمريت في هذا القروب لاء ابيج ويانا ان شاء الله ليما اخر الشهر ال3 على خير يارب


وبالعافيه على قلبج

احلى عيون يعطيك العافيه مو مبينه

يمامه وينك رجعتي دشتي ولالا ؟

انا اليوم دشتيه وتغديت دجاج مقلي وبصل وسلطه وشربت شاي اخضر

بالتوفيق للجميع وانشاالله نضعف بصحه وعافيه

هلا يا قلبي موجوده واتابعكم اول باول بس اليوم والله تعبت وكنت كله نايمه


وبالعافيه على قلبج

بنات حاولت احط التوقيع واغير الصورة كله يطلع لي الملف غير صحيح


بليييييييز... ساعدوني

يا حياتي انا راده على البنات يعني حتى التوقيع يطلع لج الملف غير صحيح مو معقوله ليش كلنا طلع ويانا الي انتي

على العموم حبوبه الصوره الشخصيه الي تحت اسمج احفظيها بكمبيوترج وبعدين اخذي كلمه لوحه التحكم وبعدها تعديل صوره الملف الشخصي وكان الله عفور رحيماا

 

[shams2008]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

زاجل

حياج الله معانا وان شاء الله تضعفين يأرب

 

[أحلى عيون]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

بنات ندز الوزن 1\4يوم الاربعاء لاحلى عيون او 7\4؟؟

هلا حبوبه يا قلبي نونو يوم الاربعاء 7/4 الوزن ترسلونه لي على الخاص ويوم 1/4 بدايه اليوميات يعني بهذا اليوم ابي التزاااااااااااااام التام بالرجيم

وحياج الله

السلام عليكم

شلونكم بنات ..؟؟

شلون الريجيم

انا اليوم تريقت خبزه سمره وجبه دايت وللحين ماتغديت ومو يوعانه بس لما ارضع بننتي راح انهار مثل امس ههههههههههه

بس اصبر ميخااااااااااالف

بس بالنسبه للوزن انا الاربعاء مسافره الصبح شلوووون احط وزني متى؟؟؟

هلا حبوبه تروحين وتردين ان شاء الله بالسلامه


مو مشكله يا قلبي عادي ارسلي لي قبل السفر بكم يوم

على راحتج حابه يوم الثلاثاء ولا الاثنين الي يعجبج

اوكي ساروونه ادزه الثلاثاء ان شاءالله

سارونه شسوي مليت من جسمي والله انا ماحب اسمن ابدا اكره اشتري ملابس تلاقيني ماشتري لان ماحب شكلي فيهم ولازم انزل وزني بس قاعده اشرب ماي وايد وحليب خالي الدسم بس اليوم ماشربت حليب ..

وبعدين ريلي ضعيف لما امشي يمى انغث من شكلي مع انه مو واضحه السمنه وايد لاني طويله 177 بس بديت انغث من شكلي وايد احسه غلط

هلا حبوبه لالالا يا قلبي ماابي كلام اليأس وان شاء الله تنزلين بسرعه واذا مو قادره حاولي تاكلين فواكه وخضروات على اساس انها تشبع والله كثر ماتاكلين خس احسن لج منه مفيد لج وللبيبي


والله يقويج يا قلبي وما نبي يأس وان شاء الله تحققين حلمج وهدفج يا قلبي

بنات انا عندي حفله بتاريخ 2010/04/07 اتمنى اضعف وايد من جذي اخترت نظام قاصي بس الله يصبرني واكمل للحفله

ان شاء الله يا قلبي تضعفين بس ديري بالج من الدوخه لانه الوحده اذا مااكلت تدوخ وانصحج بالنسكافيه على الريج والله روعه ويشبع

 

[shams2008]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

أحلي عيون

أجرنا. وإجرج يالغالية ماقصرتي

آخر مره وزنت معاكم ليلحين مأوزنت
يوم آخربط ويوم تمام التزم مقزرتها جذي أو وجبه وحده وأكل كل شيء
مادري إذا زايده أو لاء الأربعاء أوزن بالصيدلية وأطرشه لج

 

[أحلى عيون]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

:eh_s(9):عليكم بالعافيه بنات
شخباركم
انا تونى تغديت 1توست+ م لبنه
وبعدها شاي أخضر

جنان عليج بالعافيه

بنات أنا مشكلتى أمووووووووووووت بالكاكاو
والدوره موعدها اليوم أو باجر
شسوي ؟؟:eh_s(16):
بنات فيه وحده قاعدة تستخدم حبوب لسد الشهيه أنا ناويه أطلبلي حبوب زين الأتات الذهبي وأخذه علي 1-4 لأنى ببلش الرجيم بشكل أقوى بعد الدوره :eh_s(9):
يمكن أمشي علي رجيم أسامه حمدى جربته من أول وايد نزلت عليه

يمامه قواج الله :eh_s(15):

هلا يا قلبي انتي مثلي انا الدوره متاخره علي والله يستر هههههههههه << تخيل حامل

على العموم شوفي يا قلبي بالنسبه للكاكاو فيه بمركز سلطان كاكاو للدايت يعني اسم الله عليج للي فيهم سكري يعني السكر وايد شويه انا كنت اكله واهو ماركه سلم

وبالنسبه لحبوب تسد الشهيه انا قاعده اكل حبوب ماجريم دايت الي من لبنان روعه تبارك الرحمن تبيعهم دكتورتي التغذيه

واذا حابه تاكلين حبوب انصحج والله اما بسيبوترم المصري اكلهم زوجي تبارك الرحمن ونزل عليهم وايد او حبوب ريداكت السوريه قاعده اختي تاكل منهم وفعلالا تقعدين يوم كامل وانتي شبعانه بس تحسين بدوخه من قل الاكل

 

[مدرسة طفشانة]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

اشلونكم بنات
مشكورين حبايبي عالدعوات الحلوة الله يسمع منكم ويبعد عنكم كل شر
حبيبتي شمس عظم الله اجركم وآخر الأحزان يا رب
في البداية اقول الحمد لله الذي لا يحمد على مكروه سواه
اليوم الظهر سويت حادث وتعورت رقبتي شويه وما كليت من الظهر لي المغرب لما رجعت من المخفر والوكالة وكليت فواكه
احس نفسيتي تعبانه والله تعبت من العيون مادري على شنو>>> الله يبعد عنا وعنكم شر العين والحسد
عشان جذي خذيت اجازة اليوم وباجر عشان اظل عند بنتي لأنها تعبانه رجع عليها العوار وما نققدر نعطيها مسكن بس كورتيزون
الحمد لله كل ما يصير شي يقولون لي المؤمن دايما مبتلي اقول يا رب تحسبنا من المؤمنين وتآجرنا على صبرنا ان شاء الله

 

[قمراالجبيل]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

السلام انا الحين تعشيت ادري متاخر بس ورانا صيام بكره

عشاي دشتي ربع دجاجه وسلطه الحمد الله

اخواتي الدشتيات وينكم

ماكنتوشه خطاك الشر حبيبتي زاد فقدتك اليوم

انشاالله ننزل بصحه وعافيه والكل يوصل لمبتقاه

 

[ZajiL]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

شمس

مشكوره ياقلبي على الترحيب
وعظم الله اجرج ان شاء الله اخر الاحزان

مدرسه

خطاج السو حبيبتي بالحديد ولا بالعبيييد


بنااااااااااااااات بالنسبه للصوره الشخصيه حاولت احطها مايصير حفظتها بلابتوبي حطيتها كله يطلعلي هالمسج

هذا ليس ملف صورة صحيح

؟؟؟؟؟ شسوي قولولي اهئ اهئ

 

[أحلى عيون]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

إس إس إس الســــــــــــــــــــلآلآلآلآلآلآلآلآم عليكوووووووووووووم


أنا جييييييييييييييييت ونووورت القروووووب الجديد​

:eh_s(20):

يا هلالالالالالالالالالالالالالالالالالالالا وغلالالالالالالالالالالالالالالالالالالالالالا والله خشوووووووووووووفه تو ما نور القروب


بصراحه ما دريت انج رديتي الكويت حتى مااستانسنا مع بعض ههههههههههه والحين شفت التوقيع انج رديتي للاردن


شخبار الوالده والبيبي عساهم طيبين

السلام عليكم خواتي يوم مخربه الدعوه هههه
الفطور بيض ومشكل مع عصير برتقال فرش

والغداء توست اسمر حلوم وسلطة فتوش
و بعد الغداء بساعه شربة شاي اخضر كوبين

والعشاء بيتزا << شفت خواني ياكلون ما قدرت اصبر بس كليت قطعتين

ومن بكره اتفقت انا ورفيجاتي نسوي رجيم مو بس علشان نظعف علشان يكون اكلنا صحي ما راح نشتري من الكافتيرا راح نجيب معنا توست اسمر ونكفيه وشاي اخضر وكرون فلكس حق الرجيم وسكر رجيم ونشتري سلطه من الجمعيه

ومانجيب معانا مصروف علشان الا حق السلطه والماي علشان ما نخورها


وامانه ادعوا لي

بالعافيه على قلبج بس يا قلبي حاولي ماتاكلين شي دسم واذا بديتي بشي لا تقولين اليوم اكل وبكرا اسوي رجيم هذا ما يعتبر رجيم

وياليت تعلميني كم صار وزنج قبل يوم الاربعاء

 

[ZajiL]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

اخييييييييييييييييييييييرا ضبطت الصوره كله يطلعلي الملف غلط حاولت الف مره ههههه<<<مصره

 

[سيــدة الغــــيد]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

السلام عليكم شلووونكم بنات وماشاءالله عالهمه ان شاءالله لأخر المده مو تضعف همتكم


امس

قعدت الساعه 12 الضهر شربت نسكافيه :nbptr:

العصر الساعه 4 اكلت اربع حبات ورق عنب ماقاومتهم

الساعه 10 مساءا شربت نسكافيه :nbptr:
الساعه 3 ونص فجرا سويت لي 2 توست اسمر مع همبرغر شوي وشريحه جبن لايت طماط وخيار وخس + دايت بيبسي :082502bye_prv:

اليووووم


الساعه 3 العصر شربت نسكافيه :nbptr:

ولهيت فالبيت تنظيف وترتيب الا الساعه 12 :eh_s(20):
اكلت كلوب ساندويش امريكانا اسمر دياي تركي + عصير برتقال تروبيكانا :082502bye_prv:

وبسسسسسس :eh_s(15):

المشكله باااجر دوام يعني اليوم بيصير طويل اهني صج راح اجوع الله يعين


للعلم انا متبعه رجيم طالب الشمري بس مارحت له احسه سهل والاكل اللي يكتبه احبه :sfg:

وسلااامتكم
:nbvppw:

 

[ZajiL]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

عندي سؤال

الوزن اصوره وادزه ولا اكتبه عادي وادزه لكم

وادز وزني الحين ولا 1-4 مع البدايه ؟؟؟

 

[أحلى عيون]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

بنات لحقو علي معدتي تعورني ومغص رهيييب في بطني من العصر

وروح عزكم الله للحمام وطلع ولعوار يزيد اخخخخخ يابطني ومعدتي عوارهااا بايخ

ادعولي ان مافيني شي ان شاء الله

عسى ماشر يا قلبي المغص ما يجي الا بوجود الدوره او انه فيكي تكرمين امساك حاولي تشربين ماي وايد والله يشافيكي روحي شوفي نفسك عند الطبيب وطمنينا عليك

:nbvppw:

السلام عليكم ورحمة الله وبركاته
شخباركم ان شاء الله بخير وصحه وسلامه وبفضل من الله
الحمدلله ربي الي قدرني ولحقت على تجمعكم ومريت على كل الصفحات والصراحه
مــــــــــــــاشــــــــــــاء الله

عليكم روحكم حلوه وتهبلون وتشجعون الواحد للانظمام لمثل هالنجمع الراقي تبارك الرحمن :friends:
انا لي 3شموور وشوي والده وطبعا انا حملت مرتين وره بعض وبالحملتين اكتسبت وزن زايد
قبل لا احمل من 3 سنين كنت للاسف 64:eh_s(15):
والحين للاسف 90:eh_s(16):

انا المفروض انزل وااااااااااايد بس راضيه اوصل 70 :eh_s(9): والعشره الاخيرين ايوون مع الوقت :eh_s(9):
المشكله الي حاصله معاي اراتي تحت الصفر
يمكن من اليهال واللويه وعدم الراحه والتعب الجسماني والنفسي والي زاد همي وزني الزايد وشكلي المرعب :s142:
<<< حشى هلك مو مره
الي ابيه منكم يالطيبين تساعدوني وتدعموني عشان اقدر استمر وانزل واكون لكم شاكره:friends:
وعلى مانبدي 1-4 راح اضبط روحي وازهب العده واحط الخطه وابلش من الاربعا بجد وجتهاد :eh_s(15):

لكم خالص تحياتي وامنيتي لكم بالنزوول بصحه وعافيه يارب :082502bye_prv:

:bye22:

هلا وغلا وحياج الله يا قلبي وياناا وانا سجلتج معانا وان شاء الله مايجي تاريخ 7/4 الا وانتي نازله كم كيلو

 

[أحلى عيون]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

اشلونكم بنات
مشكورين حبايبي عالدعوات الحلوة الله يسمع منكم ويبعد عنكم كل شر
حبيبتي شمس عظم الله اجركم وآخر الأحزان يا رب
في البداية اقول الحمد لله الذي لا يحمد على مكروه سواه
اليوم الظهر سويت حادث وتعورت رقبتي شويه وما كليت من الظهر لي المغرب لما رجعت من المخفر والوكالة وكليت فواكه
احس نفسيتي تعبانه والله تعبت من العيون مادري على شنو>>> الله يبعد عنا وعنكم شر العين والحسد
عشان جذي خذيت اجازة اليوم وباجر عشان اظل عند بنتي لأنها تعبانه رجع عليها العوار وما نققدر نعطيها مسكن بس كورتيزون
الحمد لله كل ما يصير شي يقولون لي المؤمن دايما مبتلي اقول يا رب تحسبنا من المؤمنين وتآجرنا على صبرنا ان شاء الله

لا حول ولا قوه الا بالله

الف الحمدلله على سلامتج وما تشوفين شر بالحديد يا قلبي ولا فيج اسم الله عليج


يا قلبي من تطلعين من البيت استودعي نفسج وبيتج وعيالج وزوجج من كل شر والله يكون بعونج على العموم الله يصبر قلبج وهذا اختبار من رب العالمين يشوف صبرج وان الله مع الصابرين والله يشفي بنتج يارب

 

[أحلى عيون]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

السلام عليكم شلووونكم بنات وماشاءالله عالهمه ان شاءالله لأخر المده مو تضعف همتكم


امس

قعدت الساعه 12 الضهر شربت نسكافيه :nbptr:

العصر الساعه 4 اكلت اربع حبات ورق عنب ماقاومتهم

الساعه 10 مساءا شربت نسكافيه :nbptr:
الساعه 3 ونص فجرا سويت لي 2 توست اسمر مع همبرغر شوي وشريحه جبن لايت طماط وخيار وخس + دايت بيبسي :082502bye_prv:

اليووووم


الساعه 3 العصر شربت نسكافيه :nbptr:

ولهيت فالبيت تنظيف وترتيب الا الساعه 12 :eh_s(20):
اكلت كلوب ساندويش امريكانا اسمر دياي تركي + عصير برتقال تروبيكانا :082502bye_prv:

وبسسسسسس :eh_s(15):

المشكله باااجر دوام يعني اليوم بيصير طويل اهني صج راح اجوع الله يعين


للعلم انا متبعه رجيم طالب الشمري بس مارحت له احسه سهل والاكل اللي يكتبه احبه :sfg:

وسلااامتكم
:nbvppw:

هلا يا قلبي بالعافيه عليج وان شاء الله تنزلين وانتي بصحه وعافيه واكيد القروب ماشاء الله ماشي بوجودكم وهمتكم ويارب ان شاء الله الهمه فعلالا ما تضعف مع مرور الاياااااااااااااام

 

[أحلى عيون]

رد: ஐ◄███▓▒░ تجمع قروب سأصل الى هدفي لجميع الاوزان لمده 3 اشهر░▒▓███►ஐ

عندي سؤال

الوزن اصوره وادزه ولا اكتبه عادي وادزه لكم

وادز وزني الحين ولا 1-4 مع البدايه ؟؟؟

هلا حبوبه يوم ان شاء الله الاربعاء من كل اسبوع يكون عندنا الوزن يعني تاريخ 7/4 اول ايام الوزن ترسل رساله لي على الخاص


وتاريخ 1/4 يبدأ القروب الصحيح يعني مافيه لعب ولا تخبص ولا سرقت الاكل ههههههههههههه

وبالنسبه للوزن على راحتج يا قلبي تبين تصورينه ولا عادي اكتبيه لي بس اخواتي امانه ابي الوزن من غير كذب << اسفه على الكلمه والله كله بمصلحتنا يعني ابي الوزن الصحيح