مرحبا يا صبايا يا رشيقات المستقبل
انا شفت الموضوع اول مافتح ولما شفت صاحبة الموضوع قالت كلنا نلتزم بريجيم واحد ما اشتركت لان ودي امشي بنظامي بروحي مو شرط نظام واحد يمشي عالكل
انا متبعه ريجيم النقاط واللي حابه تشوف موضوعي بقسم الانظمه الغذائيه حطيته
انا تسلطت علي الدوره ونزلت قبل رمضان بيوم وللحين ما صمت وحيل خربطت
بس قلت ستووووووووب لي متى وين اللي تبي تشتري للعيد بدلة منيكان :\
عاد قلت باشترك معاكم لما شفتكم خذيتو راحتكم وكل وحده رجيمها بروحهها
وابي اشترك ماعليكم امر
ونبي تشجيييييع وحماس واراده وما ايي العيد الا احنا سمبتيكات
انا طولي 162
ووزني 75ونص
وهدفي الاول 65
وبعدين يصير خير عال10كيلوات الثانيه انقصهم بعد العيد شوي شوي
وهذا اهو نظامي يا رب يعجبكم
السلام عليكم ورحمة الله وبركاته
أشلونكم يا حلوين
اليوم قلت بس مليت وراح أروح لدكتور تغذيه أخذ ريجيم حق رمضان
بس توني أفرفر بين الأنظمه يا أما اشوف النظام فيه وايد أكل أو نتفة اكل وانا بحالتي اذا انعطيت ويه خربتها واذا صار تقشف هم خربتها <<<<ماتقولين عيل شنسويلج :krkrkr:
المهم التفت يمي والا الاقي جدول نظام النقاط واذكر مره سويته بوقت عادي مو رمضان ضعفت قريب ال5 كيلو باسبوعين
ومعروف هالنظام ممتاز للكل لانه يعتمد على حسبة النقاط اللي مو بس مبينه عالسعرات الحراريه !! لا بالعكس حسبة النقاط داخله فيها كمية الالياف والدهون والسعرات ومن جذي تنحط النقاط :rerrerek:
فقعدت جابلته ومخمت <<<<بنتي صاحيه تغرد حدي ماكو شغل :d
المهم قعدت افكر وافكرر وافكرررررررر لين ما طلعتلي نظام يعجبني ويمشي مع نظام الأكل ببيتنا
وانا النقاط المسموحه لي 20 نقطه بس نظامي اقل بين 22 الى 24 نقطه (حسب اختياراتي للأكل) لكن الرياضه تحرق النقاط :ggdw:
وهذا النظام مو منقووووووووول هذا انا سويته على اساس جدول نظام النقاط واجتهادي ومو من عند دكتور
ووزني الحالي 76
وهذا اهو النظام عليكم بالف عافيه واللي بتطبقه معاي حياها الله
بس تذكري لاااااااااااااازم رياضه
القواعد الأساسيه:
شرب بين 2-3 لتر ماي باليوم (بس بالفطور تشربون ماي اثناء الوجبه لكن باجي اليوم الماي قبل او بعد الاكل بنص ساعه)
لعب الرياضه أقل شئ 20دقيقه
ممكن للي حابه (انا باسوي هالشي) أخذ حبة فيتامينات يوميا احتياط علشان الواحد مايدوخ
وهم للي حابه (انا باخذهم) في حبوب اسمهم كروميوم مافيها اي مكون مضر بالمره وعملها تحرق النشويات من الاكل (يعني اخذ حبه بعد التشريبه)
مسموح شرب الاعشاب والشاي والقهوه بدون حليب مع سكر دايت
ممنووووووووووع شرب المشروبات الغازيه حتى الدايت لانها تسبب تفخه بالبطن ويطلع كرشج
عند الجوع اكل كمية مفتوحه خس أو علبة زبادي اكتيفيا المخفوق
الريجيم:
عند الأذان:
3 تمرات + كوب لبن أكتيفيا او خالي الدسم + كوب صغير شوربة خضار
نقوم للصلاة تالي نكمل فطورنا
بعد الصلاة:
8ملعقه تشريب + قطعة لحم حجم نص كف اليد
اللي تبي تاخذ معجنات او كبب لكل حبه تحذف 2ملعقة تشريب
واذا حذفتي اللحم تزيدين 4 ملعقه تشريب أو 2 معجنات
بعد الفطور بنص ساعه (عصير كيوي بالاناناس أو كيوي بالبرتقال)
الساعه 9-10:
ماعون صغير محلبيه (عاديه من الحليب والسكر العاديين مو شرط خالي الدسم)
أو
1 حبة معجنات
أو
1 حبة بقلاوه صغيره
أو
حبة كبه
أو
1قطايف
السحور :
أحد الخيارات التاليه:
(1)
كوب حليب خالي الدسم + 2 توست + طماط + خيار + شريحة جبن
(2)
كوب حليب خالي الدسم + 9 ملاعق كورنفليكس فتنس \أو سبيشل
(3)
كوب حليب خالي الدسم + ربع خبزه + بيضه مفيوحه + طماط وخيار وخس مع ملح وفلفل اسود
بالنسبه للعصير : مناسب لانه يمشي البطن وحيييييل يريحني ويضعف
وطريقته :
كوب عصير برتقال + 1 كيوي بالخلاط
أو
شريحتين اناناس فريش +1كيوي + 3\4 كوب ماي بالخلاط
*****
وهذا نظامي أن شاء الله يعجبكم وان شاء الله نشوف نتايج حلوه
وتذكرو يابنات ننقص لو كيلو او حتى يثبت وزننا أحسن مليون مره من أن يزيد :ggdw:
وتذكرو حكمة الله بالصيام وفرضه عليننا بان نحس بالفقارى وقليلين الأكل ولما ننهد وناكل بشفاحه يروح مننا هالاحساس ونخسر غرض الصيام
وكثرو العباده والصلاة تره الصلاة وراح تنسون الأكل والصلاة رياضه من الله سبحانه وتعالي وصحة للمسلم تخليننا فيننا لياقه ونشاط ولو تشوفون حركات الصلاة بتكتشفون أنها افضل انواع الرياضات وكلها حركات تشد الجسم وتلين العضلات سبحان الله
الله يعوده عليننا وعليكم بالصحه والعافيه يارب
