~¤ô¦ô¤~ دوانية رشيقات المستقبل ~¤ô¦ô¤~الجزء الثالث

[توفانا !!]

السلام عليكم بنات يصير ابدا معكم من الحين

 

[اثمان]

صباح الخير

ان شاء الله ببدا رجيم لمده 3 شهور ونص لحد رمضان

وبرمضان ان شاء الله يعيد علينا وعليكم بالخير نبدا برجيم برمضان

 

[اثمان]

الهدف الاول 70 والهدف الثانى 60

وباجر الصبح ان شاء الله اوزن واحط لكم وزنى

 

[اثمان]

صباح الخير

بنات اللي يبون يدشون حياهم الله

 

[اثمان]

اليوم ريوقى :

عصير برتقال

بيضه مسلوقه

واكلت شوية زيت وزعتر

ادرى اتريق مبجر بس لان ورانا مدارس

 

[ضحى الكويت]

السلام عليكم ورحمة الله وبركاته

اشلونكم شخباركم بنات لكم وحشه وفقدناكم وفقدنا اللمه والحلوه والتواصل بينا

اثمان .... اختى اشلونج شخبارج عساج بخير يارب بشرينى عنج ويارب ان شاء الله ينولج اللى بالج وتضعفين بصحه وعافيه يارب


وانا بعد ببتدى معاج ان شاء الله وابى اضعف 15 كيلو

وانا وزنى الحين 88

الهدف الاول .... 80

الهدف الثاني ..... 75

الهدف الثالث .... 70




ويالله بنات همتكم معانااااااااااااااااااااا


خنتشجع قبل شهر رمضان ما بقى شى على الاقل نخفف ننزل بس ما نزيد

وجزاها الله خير اختى اثمان اللى نبهتناااا



وفاصل ونواصل ......​

 

[ضحى الكويت]

السلام عليكم ادري متاخره بس
ممكن اكون وياكم وابي ابدي يومياتي من
بكره اذا مافيه ازعاااج

وعليكم السلام والرحمه وحياج الله معانا يا قلبى ويالله نبتدى كلنا وكل وحده تشجع الثانيه بس ياريت تكتبين الوزن واهدافج ما عليج امر

 

[ضحى الكويت]

السلام عليكم بنات يصير ابدا معكم من الحين

وعليكم السلام والرحمه اختى حياج الله معانا بس ياريت تكتبين لنا وزنج واهدافج ونتواصل كل يوم اهنى ان شاء الله

 

[ضحى الكويت]

ريوقى اليوم .... حليب فرش المراعي كوبين وكامل الدسم مع 5 بقصم التاوه الكويتييه


ادرى بتقولون هذى مينونه خوش رجيم بس ما تدرون قبل شلون كان ريوقى

ابى اخفف اشوى اشوى علشان جسمى ما ينصدم واستمر بالرجيم ....

 

[اثمان]

اهلين ضحاوي هلا والله
:nbvppw::nbvppw::nbvppw::nbvppw::nbvppw::nbvppw::nbvppw::nbvppw::nbvppw::nbvppw:

وياج حبيبتى كل الخير

 

[اثمان]

وزني اليوم: 89.1

 

[اثمان]

والله يعينا ويثبتنا

وان شاء الله ننحف بصحه وعافيه

 

[ضحى الكويت]

هلا وغلاا فيج يا قلبى اثمان


مافيى فرق بينى وبينج ايدى بيدج ويالله نضعف


انا مخططه على الغدااا يكون ديايه بالفرن مع خضروات وعيش مشخول بس راح اخذ 6 قفاش مع لبن

وماخططت للعشى بس اخطط راح اكتبلكم يومياتى


فاصل ونواصل ....

 

[اثمان]

هلا ضحاوي

اليوم غداى احتمال كبير تونا مع سلطة خيار بالروب

 

[اثمان]

سناكى الاول: كباتشينو تروبيكانا مع شابوره

والثاني قهوه مع مكسرات

طبعا مع شرب الماي

 

[ضحى الكويت]

اثمان بالعافيه عليج بس ياريت توخرين بالبدايه سالفة المكسرات مو وقته الحين يا قلبى انتى


وقليلى من السناكات اهيا اللى موديتنا بداهيا ااااا

 

[اثمان]

يااااااااااااارب ثبتنا وقوي ارادتنا:yaaaaaarb:http://www.q8yat.com/t996004.html

 

[اثمان]

ضحاوي

بطبق نظريتج بالريوق

 

[اثمان]

ضحاوي

مجربة عشبة رجل الاسد؟

 

[ضحى الكويت]

اثمان

لا والله ما جربتها يا قلبى بس الوالده تمدح الشوفان تقول مع الحليب تحطينه ويضعف

ويمدحون على الريج تسوين قلااص ماى مغلى وتقطعين شرايح ليمون وتحطين كمون وتشربينه على الريج يطير الكرش يقولون

وبعد يمدحون بذره الكتان

وشاى المرميه


وبتطالعين ما على المشى شى اذا عندج وقت امشى اول شى نص وبعدين زيديها وبجذى بإذن الواحد الاحد بتضعفين

انا والله مشيت جم يوم وبعدها وقفت بس برجع امشى احسن كل يوم ساعه على الاقل ...


وسورى طولت عليج تعرفينى قرقتى وايده ​