قررت اني اصك حلجي بس هالمره صج !!!!(Season Tw0)

[Jalowry]

اليوم صحيت متأخر ماتريقت على طول تغديت
وكان غداي تبوله ومشاوي
والعشا عزمني ريلي بره هههههههههه خربتها
وبس

 

[oJgJI]

حركااااااااات جالوريييي بدع يا جميل براحه هههههههههه عوافي حبيبتي

يايبه معلومه لكم


هل اللحوم الباردة مسرطنة كالمرتديلا والبسطرمة والتركي؟
نعم إستهلاكها يزيد خطورة الموت المبكر من السرطان وامراض السكري والقلب

اسم الله علينا وعلى حبايبنااا

كل ماشفت شي بحطه لكم عشان نستفيد

 

[oJgJI]

الوله انتي تتكلمين عن البطاط الودجز الجيس الجاهز هذااا وايد في دهون
ولا اللي تسوينه بالبيت
انا مره سويت بطاط ودجز بالبيت طبعا مو نفس المطعم بس طعمه حلو و بالفرن

ومشكوووره على الاهتمام وزين نبهتيني
انا اول شي قلت بالفرن يعني مافيه دهن
يوم قريت الجيس مكتوب عليه 87 % دهون

ايي عليج نور المجيس وايد في دهون

ااذا تعرفين تسوينه انت علميني .. معاج وحده ماتعرف شي بالمطبخ فاشله فشل ذرييع اوو. كل شي
فكل شي تشوفوني اتكلم عنه اكييد جاهز خخخ

 

[اسيره احساسي]

عافيه بنات للي خربوها وردو باجر للرجيم مو تسحبونها جم يوم

امس قعدت متأخر عالعصر وشربت عصير تفاح طبيعي
وتعشيت صدر دجاج مع خضار مشوي
وتوه الحين شربت عصير اناناس مع كورن فلكس بدون حليب
يوّنس الكورن فلكس لما ينوكل جذي مقرمش

 

[Pretty L@dy]

قهههههركتبت لكم و دست اغلاق و راح كل شي

 

[Pretty L@dy]

ان شاء الله اليوم ببدي الرجيم بعد اللي خربطته أمس

الوله مايبيله شي البطاط الودجز
بعد ما تغسلين البطاط قطعيه مع قشره و حطي عليه ملح و فلفل اسود و شوي كمون و قفشه صغيره باربيكا ( فلفل احمر بارد) و قفشه صغيره ثوم بودر و قفشه وسط طحين و قفشه صغيره نشا للقرمشه
وبعدين حطي البطاط بصينيه تيفال و دخلي الفرن
وعلييج بالعافيه

 

[نظآره سودآ]

جـآلوري انا سمعت انه مضر حتى الأشياء اللزجة

 

[Pretty L@dy]

جالوري
انا بعد سامعه ان الرجيم بالدوره مو زين
يعني اهم شي لا تيوعين
موزين اليوع
والاشياء اللزجه مثل الموز و الباميا و بعد الحوامض موزينه انا ما اكل سلطه وقت الدوره
شربي قشر قهوة زين بالدوره

 

[نثية زوجها]

مسااااء الورد يا رشيقات

طبعا امس بليل اتحلطم احس خربت اللي سويتيه فقررت انه اليوم اعيد الاسبوع الاول من ريجيمي وقلت ماراح اعطي نفسي مجال ااجل
دام اني متعوده عالاكل الخفيف وصرت اشبع بسرعه وشهيتي قلت حيل بس تدرون شنو اكثر شي فاقدته اكل بنتي المهروس ههههه اوكلها واكل الباقي مجاهده نفسي مساعه ماذقت شي منه

ريوقي كان بيض مع بذرة الكتان وشاي نعناع وربع خيار

وغداي كان سلطه خس وخيار

والحين بسويلي مطاره اعشاب اشرب منها لي العشا
وبسوي رياضه خفيفه بعد شوي مع مشي ربع ساعه

وقست وزني الصبح ٦٦،٩٠٠
زدت كيلو وخشيت الميزان وقلت بقيسه السبت الجاي عشان يشجعني الميزان وما تضعف ارادتي

بنات كلنا خربناها بالويكند يالله نبدي من اليوم نعوض شووي وماتضعف ارادتنا
والله يقوي ارادتنا يارب

 

[نثية زوجها]

على طاري الدوره صرااااحه احاتيها مابي اوقف ريجيمي عليها بتجيني بعد اسبوع بظل على ريجمي وبشربلي اعشاب اكثر عموما اذا الريجيم يسد جوعج فعادي ماتاثر المشكله اني اجوع اكثر ومتعوده عالطحين والعصيده والمرقوق مادري شلون بتحمل بس اذا التزمت بالريجيم وكليت اللي ابيه يرد وزني بسرعه وبالنزوووول صعب حيل نبي شي ينزل الوزن بسرعه وليش بطيييييئ بالنزول والله قهرررررررر

 

[oJgJI]

مسااااااء الخير بنااات شلونكم
واااي بدعت اليووم طبعا انا صايره ماخبص وايد وايد بس عل خفيف
اليوم اول ماقعدت اكلت قفشه عسل حق الدم
وتغديت متاخر عشان ماتعشا مع اذان العصر تغديت
٢ كباب دياي مع عرايس
وبعدين بشرب قشر قهره وزنجبيل وجاي اخضر وبقزرها ليه الليل
وبمشي ان اشاءلله بس صايره بسرعه اتعب

 

[نظآره سودآ]

نثية

ترا الدورة قبل ماتجي بأسبوع تزيد الوزن بس مااي مب دهـون

 

[oJgJI]

بااااااااااااك يا بناااااااااات

شلووونكم وينكم مااااااالكم حس

شفييييكم عسى ما بدعتووو

 

[اسيره احساسي]

صباح الخير بنات

امس كالعاده قعدت متأخر حيل لأني ما انام الا الصبح
تعشيت 1 توست اسمر وحطيت عليها جبن شرايح لايت
وخياره وعصير اناناس ..
بعدها سويت رياضه ومشيت , بعدين الساعه 12 حسيت بجوع
كليت شابوره مع حليب .. بس ماعجبني طعمها اول مره اذوقها
كليت شويه كورن فلكس


بنات بسألكم صج السهر ما يساعد على تنزيل الوزن؟

 

[Jalowry]

صباح الخير بنات
راح اكون مشغوله هالاسبوع لان عندي ضيوف
ان شاء الله راح احاول كثر ماأقدر اني مااخبص
ومشكورين بنات على النصايح الصراحه اول مره ادري ان الرجيم
وقت الدوره مو زين افدتوني واايد يعطيكم العافيه
يومياتي
الريوق": عصير برتقال
الغدا: 7 ملاعق رز + نص سمكه مشويه
العشا:"بيض مقلي وقلاص عصير برتقال
السناك":3 حبات معمول

 

[نظآره سودآ]

اليوم ببدأ من يديد من بعد الدورة

 

[oJgJI]

صباحكم خير بناات
وااااااي بنات انا قاعده احوس بهل حر من بنك ليه بنك ببجي الله ياجرنا من النار ياربي
تريقة كرواسونه وعصير تفاحه

 

[Pretty L@dy]

صباح الخير بنات



بنات بسألكم صج السهر ما يساعد على تنزيل الوزن؟

قالتلي مره دكتورة تغذيه ان عمليه الهضم تكون اكبر الصبح و تقل بالليل
لاني انا اسهر بعد
قالتلي حاولي تقعدين مبجر

 

[Pretty L@dy]

الوله الله يعينج صج الحر متعب

نظاره سودا انتي خلصتي من الدورة و انا يتني

بديت اليوم بحلييب زنجبيل و شابورة

 

[عشق رسامه :$]

موفقين