قررت اني اصك حلجي بس هالمره صج !!!!(Season Tw0)

[Pretty L@dy]

بنااات جم كالوري بالهمبرجر ؟؟؟؟؟؟؟

 

[Jalowry]

مبروك النزول بنااات أبشركم ضيوفي راحوا حق حماتي (اخت ريلي)
يقعدون عندها جم يوم عقبها راح يردون لي لووول (يافرحه ماتمت):eh_s(16):
عاد انا ماوزنت لاني هالشهر خورتها خوره لووول :eh_s(2):
كنت واايد مشغوله ويا ضيوفي ويابنت حماتي الله يشفيها
ويخليها حق أهلها اللهم امين..
ان شاء الله راح ابتدي معاكم من باجر :eh_s(9):
والله يوفقنا يميع :yaaaaaarb:

 

[Jalowry]

صور تشجيعيه بناااااااااااااااااااااااات :eh_s(15):

 

[Jalowry]

حبيبتي برتي دورت بالنت وهذا اللي لقيته ان شاء الله يفيديج

هذا البرغر مال المطاعم:
هارديز
برغر ووبر حجم كبير 500 كالوري
برجر مع الجبنة 320 كالوري
برجر دجاج 370 كالوري
برجر سمك 500 كالوري
بطاطس مقلي حجم عادي 230 كالوري



--------------------

ماكدونالدز
برجر بيك ماك 560 كالوري
برجر بالجبن 310 كالوري
قطع دجاج نجتس 290 كالوري
برجر دجاج 490 كالوري
برجر سمك 440 كالوري
بطاطس مقلي حجم وسك 320 كالوري


وهذا برجر اللي انتي تسوينه بالبيت:
همبرجر لحم مدور (( إمريكانا )) مشوي عدد 2 = 220 سعرة حرارية
برجر مشوي بدون بقسماط = 170 كالوري

ان شاء الله اكون افدج..

 

[Jalowry]

صباحو

شخباركم

وحشتوني

واااااااااااااااااااااايد

ولكم بااااااااااك :ggdw:
هلا وغلا فيج حبيبتي فواصل طولتي الغيبه
بشرينا شلونج وشلون الرجيم معاج أخاف اتكونين خرتيها
لووول:eh_s(1):

 

[Jalowry]

وينكم اليووم ؟؟؟
يومياتي
الافطار: قلاص عصير برتقال
الغدا:4 قطع شيش طاوق وصحن سلطه
العشا: تفاح وبس

بنات كنت ابي اشتري جهاز السير شنو رايكم فيه بناااات؟؟؟
هل يستاهل اني اشتريه لاني سمعت انه يساعد في تنزيل الوزن للجزء
السفلي..( الارداف والفخوذ والاوراك).

 

[((!ورد جوري!))]

صباح الخير شلونكم حبايبي شخبار الدايت معاكم أنا الصراحه خربت الدايت بس إن شالله ما راح أتراجع اليوم راح أبدي من أول وأشد حيلي يارب أنزل راح أكتبلكم يومياتي بالتوفيق للجميع *

 

[oJgJI]

قوه بنات شلونكم شخباركم
جالوووري اهلين وسهلين ومرحبتين شلونج شخبااارج
اقولج شنو رايج على موضوع الميزان ؟!

انا الحمدالله تقريبا مستمره بس بدون رياضه والدوره اخيرا انزلت عقب معانا معاها
امس يومي كان الريوق خبزه وجبن والعشا صدور دياي مسلوق مع جزر وبتيتو

واليوم تريقة فطيرة جبن حدي كنت ميته يوووع

وسوري اني مو قاعده ادخل وايد بس هم لهيت مع ولادت اختي ومن اسبوع مرت اخوي ما شاءلله لا اله الا الله عليهم وهم مع الصبغ صبغت بيتنا كله لووول

 

[oJgJI]

وردة الجوري تقدرين تسوين يوم مفتوح عادي خربطي بشي المسموح وبعد الساعه ٤ اكلي مفيد وخفيف

 

[((!ورد جوري!))]

الوله اي والله صح كلامج راح أسوي جذي يومي تريق حليب وشابوره والغدا نص دحاج مشوي مع سلطه ودايت وبعده بساعه جاي أخضر والمغرب كوفي والعشا إن شالله روب قليل الدسم مع خيار و٣حبات كيوي طبعا قبل اغدا والعشا خلطه الكمون هذا يومي بس اليوم ما قدرت أمشي بنتي تعبانه وأخذتها للمستشفي علي العشر راح أطقلي فره بالحوش لاني صارلي ٣أيام ما مشيت

 

[((!ورد جوري!))]

بنات منو فيكم جربت حبوب شيتوكال المصريه ودي أخذهم بس متردده

 

[Pretty L@dy]

حبيبتي برتي دورت بالنت وهذا اللي لقيته ان شاء الله يفيديج

هذا البرغر مال المطاعم:
هارديز
برغر ووبر حجم كبير 500 كالوري
برجر مع الجبنة 320 كالوري
برجر دجاج 370 كالوري
برجر سمك 500 كالوري
بطاطس مقلي حجم عادي 230 كالوري



--------------------

ماكدونالدز
برجر بيك ماك 560 كالوري
برجر بالجبن 310 كالوري
قطع دجاج نجتس 290 كالوري
برجر دجاج 490 كالوري
برجر سمك 440 كالوري
بطاطس مقلي حجم وسك 320 كالوري


وهذا برجر اللي انتي تسوينه بالبيت:
همبرجر لحم مدور (( إمريكانا )) مشوي عدد 2 = 220 سعرة حرارية
برجر مشوي بدون بقسماط = 170 كالوري

ان شاء الله اكون افدج..

مشكووووره و ماقصرتي حبيبتي

واااي هاليومين مشغووووله وايد
بس ملتزمه بالرجيم

 

[Pretty L@dy]

ريوووقي ....
الغدا... تونه مع خبز
العشا... خبز بيتزا
لبن اكتيفيا

 

[Jalowry]

هلا وغلا حبيبتي وله....بالنسبه للميزان أفضل شي انه يكون كل اسبوعين
وعليج العافيه.

ورد وجوري سلامة بنتج ماتشوف شر ..وعليج العافيه.

هلا حبيبتي برتي العفووو ماسويت شي وعليج بالعافيه.

يومياتي ...
الريووق: ساندويش سلطه ...
الغدا: 2 برجر مع صحن سلطه.
السناك: تفاح
العشا: 3 تمرات وقلاص لبن وبس...

بناااات مارديتو علي بخصوص جهاز السير؟؟؟

 

[oJgJI]

جالوري والله جهاز الجري انا عندي بس مو ركض عادي مشي امشي خطوات كبيره وشويه سريعه بس ماصار شي
بس يوم قطعت العجين خفت اردافي والفخوذ

وردة الجورب ما تشوف شر بنتج وعوافي على قلبج

برتي يعطيج العافيه وعوافي

 

[oJgJI]

اوكي جالوري حدديلنا يومين مناسبين ولا تبين نبدي تاريخ ٩ عشان وزنا اخر شي تاريخ ٢٥ الشهر ؟!!

 

[oJgJI]

باك يووومي كان

على الخمس حليب نص الدسم مالقيت خالي الدسم مع بسكوت دايجستف يمكن ٤
وتعشيت عرايس ٣ مع عصير اناناس
وعقبه شربت جايين اخضر
وسلامتكم

 

[((!ورد جوري!))]

الوله الشر ما يجيج يومي قعدت متاخر ....الريوق مع الغدا ... سلطه وجبن شيدر قليل الدسم وعصير أناناس بعده بساعه .....جاي أخضر ....سناك...قهوه ....العشا خربتها كنت معزومه أكلت قطعتين بيتزا وسلطه ودايت ومشيت نص ساعه وبعده شربت جاي أخضر وإن شاالله ما أزيد باجر راح أبدي

 

[نظآره سودآ]

أبي الدورة تنزززل

الحين قامت تحبس الماي بجسمي

لم اخلص

بخفف والعشاء بيكون عصير اناناس وكيوي

إذا نحفت شي عدل بكمل

وإذا لا يمكن اسوي كيميائي

حق رجيم الأناناس الحين بنسخة

 

[نظآره سودآ]

مابقولكم الرجيم لين اسوي شوية حشرة فالمقدمة...~

هالرجيم ربيعتي سوته وبدون رياضة ونزلت عليه في اسبوع واحد 10 كيلووووو وجسمها استوى خبااااال...هي من قبل كانت ملامحها كيوت بس وزنها مخرب عليها لان فيه فيه زيادة مال 15كيلوووو ويوم سوته اول اسبوع نزلت 10 كيلو والاسبوع الثاني تقريبا نزلت مال 12 كيلو على كلامها يعني وصلت للمثالي طلع جمالها وبين وييها وماشالله عليها تبارك الرحمن استوت صدق صدق صدق كييييييوت فالشكل والجسم^^

ويا حبايبي الرجيم بيكون متنوع يعني مب بس نوع واحد عشان نحن مانبغي نرجع نزيد الوزن الي خسرناه بسهولة..لان معروف الي اي بسرعة يروح بسرعة...~

وانا تابعت وقريت كل ردود الموضوع وفيه بنات جربت ومشيت عليه اسبوع كامل وكانت نتيجه اول واحده عملت الريجيم ده نزلت فى الاسبوع 7 كيلو ونصف علشان لخبطت فى النص كده اكلت شيكولاته وبسكويت بسسس مرة واحده .... يعنى نتيجته مجربة وحلوة

يلا بالله عليكو تشجعوووونى علشان انا قراية فتحتى ان شاء الله بعد اسبوعين وعايزة ابقى رشييييييقه والبس الفستان الاحمركده وجسمى يبقى زى الموديل هههههههههه

الرجيم ...~

اليوم الاول...
الفطور ===== حليب خالي الدسم او لبن خالي الدسم + تفاحة..~
الغداء ===== كورنفلكس بو ديج ويا حليب خالي الدسم او لبن خالي الدسم(الكمية الي تبينها بس كمية معقولة يعني حدج صحن ونص ) ..~
العشاء ===== عصير اناناس وكيوي بسسسسسسس ^^

اليوم الثاني...
الفطور ===== شريحة توست محمص (او شابورة بالنخالة) + حليب او لبن خالي الدسم..~
الغداء ===== سلطة (خس+خيار+ نص ملعقة مايونيز لايت + تونة بالماي بدون زيت ابد..تقدرين تحطين فلفل اسود بس لو تخففين الملح قد ماتقدرين وااااااايد احسن لان الملح يبطء نزول الوزن )
العشاء ===== عصير اناناس وكيوي بسسسسسسس ^^

اليوم الثالث..~
الفطور ===== شريحتين انااناس + حليب خالي الدسم..~
الغداء ===== نص صدر دياي + سلطة (خس وخيار ) + شريحة جبن خالي او قليل الدسم..~
العشاء ===== عصير اناناس وكيوي بسسسسسسس ^^

اليوم الرابع..~
الفطور ===== حليب او لبن خالي الدسم + تفاحة..~
الغداء ===== قطعة همبرجر مشواي+ خضار عالبخار
العشاء ===== عصير اناناس وكيوي بسسسسسسس ^^

اليوم الخامس..~
الفطور ===== حليب او لبن خالي الدسم + نص حبة جريب فروت او حبة كيوي..~
الغداء ===== بيضتين مسلوقتين + سلطة فواكه
العشاء ===== عصير اناناس وكيوي بسسسسسسس ^^

اليوم السادس..~
الفطور ===== 2 حبة فاكهه + شريحة توست + حليب خالى الدسم
الغداء ===== سلطه خضراااء ( تقدرين تضيفينلها قطع بسيطة صدور دياي او تونة بالماي لو حبيتي ) او صحن ونص كورنفلكس بحليب خالي او قليل الدسم..~
العشاء ===== عصير اناناس وكيوي بسسسسسسس ^^

اليوم السابع..~
الفطور ===== تفاحة خضراء + حليب خالي الدسم..~
الغداء ===== 3 حبات نقانق مشوية + سلطة (خس وخيار)
العشاء ===== عصير اناناس وكيوي بسسسسسسس ^^

وهالرجيم يا بنات لو مشيتوا عليه اسبوع ونزلتوا 10 كيلو لازم تكسرونه يوم وتاكلون كلللللللل الي خاطركم فيه حتى لو حلويات وبعدين ترجعون تسوونه بس تغيرون يعني اول يوم فالاسبوع الاول يكون 3 يوم في الاسبوع الثاني وجذي ..~