Diet خففي أكلج يلا انطلقي معاي 1\5\2012

[فواصل]

مساء الخير


مع الاسف ما رحت للأخصائية لظروف خاصة

بحاول القى اقرب موعد


و السموحة يا بنات



ويومياتي لليوم


الريوق

كابتشينو سكيني

٣ كراكز (قشطة - ٢ جبنة كرافت ) خيار مقطع


السناك

٢ شوكليت صغار

شاي اخضر


الغداء


سلطة معكرونة


السناك


حبة شوكليت و قهوة


العشاء

٣ بقصم ( ٢ حبنة مراعي خالية من الكرسترول - ١ فيلاديفيا بالبصل خفيفة ،لايت )

كوب شاي حليب

و

اذا قدرت بلعب رياضة خفيفة

 

[لاحزن مع القرآن]

مساء الخير صبايا
اشتقت لكم حيل 
ماقدرت أشارك الأيام الي طافت
كنت تعبانة فيني حرارة
تو أمس الحمدالله راحت الحرارة
وطبعاً ماكو دايت ولا قدرت أمشي
بس ماكنت آكل حيل

 

[الكيكه دندن]

اهلين

حبيباتي

يومياتي لليوم

الريوق فطاير نص لبنه بالزعترونص زعتر ونص فلافل باللبنه حجمهم متوسط +شاي حليب

الغدا
لاني كثرت بالريوق
تذوقت المندى اللحم قفشتين فقط +روب بالقرفه

العشا

نص خبزه وشاي حليب

*****

دلوعه مشكوره عالمعلومه الحلوه ولا تخافين بالقروب كلنا مصفيين النيه ههههه وبالنسبه للسكر بسجل اسمه ان شاء الله

فواصل مو مشكله قلبي يوم ثاني ان شاء الله

لا حزن مع القرآن سلامتج والله منشغل بالي عليج وقلت اشفيها ما شبكت ماتشوفين شر

فكره ربنا يخليهم لج يا حياتي

الحين وقفت اكل خلااااااص
وبشرب كله مااااااي ليما اخلص اللتر والنص وكالعاده اذا جعت باكل لوز

والتمارين راح اشوف بعد شوي شنو راح اسوي وبقولكم

تمااااااام

 

[رواسي شامخة]

مااااااااتشوووووفين شر حبيبتي لا حزن مع القران وماااعليه حبيبتي اجر وعااافية ان شااااااااءالله....

بنااات بالنسبة لسكر الريجيم بانووواعه ترى سمعت انهم ينشطووون الغدة ويجيبون امراااض والعياااذ بالله...
احسن شي تاخذون السكر العادي او السكر الاسمر بس تقللون كميته وحتى طالب الشمري لما تجين تراجعين عنده ما يقولج اخذي سكر ريجيم بالعكس يقول حطي السكر العاااادي ولا اااا وبعد يقووولج حسب الرغبة... 

 

[الكيكه دندن]

اها يسلمو رواسي اوكي بلا سكر دايت بلا امراض الله يحفظنا وننزل وحنا بصحه وعافيه

وصحيح انا مره شفت ببرنامج يقولون مو لازم انه خالي من السكر او اي شغله للدايت انها مفيده مرات يكون منتاجات الدايت كلها سكر ومكتوب عليها خالي من السكر او السعرات يعني يقصون علينا

احنا علينا ناكل نفس اكلنا لكن بطريقه صحيه وبكميه اقل

 

[لاحزن مع القرآن]

الله يسلمكم حبايبي
والشر مايجيكم ان شاء الله

من بكرة ان شاء الله أرد لجدول يوميات الدايت

 

[فواصل]

لا حزن مع القرآن


ما تشوفين شر حبيبتي

 

[الكيكه دندن]

باقي الحين

سيده

ومريم

صارلهم تقريبا 3ايام ان شاء الله يكونوا بصحه وعافيه

انا راح ابلش الحين تمارين خفيفه

وعقب ارد واكتب لكم معلومات دايت

 

[Dalo3h]

حبايبي الاخصائية قالت مو كل سكر ريجيم زين بس هذا افضل الانواع وقالت انه افضل من السكر البني

بس مثل ماقلت مسموح كيسين بس باليوم اكثر من جذيه راح يضرج واعتقد طالب الشمري يدري ان احنا مانستغنى عن السكر وجذيه يقولكم يمكن ويمكن لا

اهيا نبهت واللي تبي تزيد تزيد سكر عادي انا راح استخدمه لانها اذكرت لبنت عمتي اضرار السكر الابيض وشنو يسوي بالجسم والبني بعد تكلمت عنه

لاكلمت بنت عمتي برد اكتب لكم

انا بستخدمع لاني ماالعب رياضة وايد فحاول اخفف كالوري كثر مااقدر

 

[لاحزن مع القرآن]

فواصل
الشر مايجيج ياعمري

بالنسبة حق اليوم
تريقت توستة مع جبن وزيتون
والحين سناك قطعة ككاو
ومشيت نص ساعة

 

[لاحزن مع القرآن]

سكر الدايت بصراحة أنا احترت فيه
ناس تقول زين وناس تقول موزين
بس اخصائية الي كنت عندها بدايت كير
تقول عادي مايضر
بس أنا ما استخدمه كثير ماأثق بكلامهم
أكثر شي استخدم سكر عادي
ويكون مرة باليوم مو أكثر

 

[Dalo3h]

ماادري بس اهيا نبهت مو اكثر من كيسين وعموما كل شي له مضار ومنافع
واهيا قالت افضل الانواع تروبيكانا فانامصدقتها لاني لقيت بكذا موقع متكلمين عنه



انا شربت ثلاث قلاسات ماي وبعدها بنص ساعه تريقت صمونه وجبن لايت مع سكانة جاي

وبعدي شوي باكل سلطة


واليوم انشالله بحاول امشي

 

[رواسي شامخة]

السلااااام عليكم يابنااات قروووبي الغاالي...(؛

دلوعة فديتج انا قلت من باااب النصيحة لأن مااافيه شي بالدنيا مافيه سعراات حرارية الا الماااااي ...وبعديييين مافيه مثل الاجانب وحبهم للصحة والعافية شووووفي دكتور اوز وغيره تلقينهم ما يستخدمون للدايت الا السكر الاسمر واللي هو في الاصل سكر عاااادي بس حاطين عليه دبس وتغير لووونه واخصائية التغذية سوووري بس اهم شي تنزلوون عشان ماتخسر سمعتها ....
فأنت استعملي اللي انت مرتاااحة عليه بس يعلم الله اني قلتها من باب النصيحة والاخوة..وانا عن نفسي استعمل السكر العاادي بس اقلل كميته...
والله يوفقنا ويوفق الجميع...

 

[رواسي شامخة]

وعلى فكرة بصرااااحة عجبني توقيعج
عجييييييييييب...ضحكني الله يوفقج ويساااعدج ويعينج على التخرج بمجمووع يرفع الراااس..

 

[قــمر]

امس كنت بالمستشفى وي ولدي وماقدرت ادش اكتب يومياتي بالمستشفى كنت أطالع الأمهات وتقريبا ثلاث ارباعهم متان ههههههههههههه قلت بيني وبين نفسي هاي مصيري اذا ما تحديت نفسي وضعفت

 

[رواسي شامخة]

دندوووون ويييينج ؟؟؟

وييينكم بناااات...التجمع هااااااااادي ؟؟؟

ويييييييييييييييينكم؟؟؟؟>>>>ادري اني مزعجة(؛

 

[Dalo3h]

وعلى فكرة بصرااااحة عجبني توقيعج
عجييييييييييب...ضحكني الله يوفقج ويساااعدج ويعينج على التخرج بمجمووع يرفع الراااس..

حبيبتي مشكوره ع النصيحه وتسلمين يالغالية ع الدعاء انشالله يارب

 

[فواصل]

مساء الخير. ... يومياتي الرجيمية =. الريوق. : سندويش فول بدون اي اضافات. و كابتشينو سكيني. ....السناك : ماي و ٢ شوكليت صغار و قهوة. واخر شي شريت شاي اخضر. ....... الغداء : برجر مشوي و شرايح فلفل اخضر و مشروم و روتي اسمر وتبولة و ملة صغيرة باستا .............السناك: حبة كل من ميني سينبون قد اللقمة و ميني كيك و قهوة ......... العشاء :بيض عيون عليه رشة فلفل اسود بدون خبز. ......... قررت اوقف واشرب ماي وبحاول احرق كل اللي كلته برياضة خفيفة .....سوري على الخربطة لاني اكتب لكم بالايباد

 

[رواسي شامخة]

دندوووون عسى المااانع خير ياارب...
شفيييج ماطليتي علينا اليوووم...

 

[قــمر]

اليوم شربت ماي+عصير ليمونه ع الريق وسويت التمارين كان تقريب ٢ الظهر وماكليت شيء لين ثمان بالليل انشغلت ويا ولدي الساعه ثمان كليت روب امتيفيا+توست اسمر ويا جبن سلايس خالي الدسم+ كوب حليب خالي الدسم مع ٧ لوزات واللحين ابي اسوي التمارين بس ولدي قاعد يصيح يادوب دشيت من الاي باد وكتبت لكم تصبحون ع خير