Diet خففي أكلج يلا انطلقي معاي 1\5\2012

[الكيكه دندن]

اهلين صباحكم رشاقه وصحه وعافيه يارب

فواصل ولا حزن مع القرآن والروزنه اللي مستمرين

روزنه شلونج

بالنسبه للشاي الاخضر انا احب اشربه بعد الاكل لان سمعت دكتوره تقول ويفضل تكون الوجبه اللي ماكلتها فيها رشه فلفل اسود

اما قبل الاكل قريتها من موقع اجنبي هم قصدهم حتى تشبعين ونا عن نفسي افضل قبل الوجبات يكون قلاص او ثنين ماي


اليوم 15\6

ريوقي

اومليت بالخضار+جبن شيدر قليل الدسم +خبزه بيضه مليت من الاسمر هههه +شاي حليب


سهرانه من امس نومي تلخبط


الحين راح اقرا سوره الكهف واحاول اريح وانام :*

 

[فواصل]

هلا بنات


وحشتوني


كل شي تمام بس ناقص ازيد الحركة شويه

بكرة برجع مثل قبل واحسن

 

[فواصل]

بخصوص الميزان


انا معاج يا كيكة


علشان ما نتضايق ونخرب كل شي

 

[الكيكه دندن]

مايوحشك غالي فواصل

ايييه ان شاء الله بالنسبه للوزن افضل جذيه

تكمله يومياتي

الظهر كليت زبادي اكتيفيا بالخوخ

قعدت من النوم متاخر عالمغرب شربت شاي وكليت شابوره


والعشا

راح اكل فطيره لحم

والتمارين راح اكتب لكم لما اخلص ان شاء الله

 

[قــمر]

مساء الخير

وحشتوني

بالنسبه للميزان احس صج يحبط نوزن كل اسبوعين

انا نزلت بس نص كيلو انحبطت االصراحه مدري انكم غيرتو

بالنسبة للدايت انا مستمرة بقووه بس قمت احس بدوخه وكسل والرياضة ما اسوي

رحت يوم الخميس عند اخصائية تغذية وعطتني دايت 1200 سعره في اليوم ولازم اكل خمس وجبات باليوم

الصراحه انا كسلانه حدي ما ابي اطبخ هههههههه

بحاول من بكره ابلش فيه

 

[الكيكه دندن]

اهلين حبيبتي وحشتينا فكرتج انسحبتي

زين انج مستمره

بصراحه انا ماعرف عدد السعرات الحراريه اللي المفروض اكلها امممم بس راح ادور بالنت

لقيتلي هالمثال

ممكن اطبقه

المرأة تحتاج إلى (0.85) سعرة حرارية لكل كيلو من وزنها لكل ساعة.
مثلا: امرأة وزنها (70) كيلو غرام، تحتاج في كل ساعة إلى (60) سعرة حرارية تقريبا، وتحتاج في اليوم الواحد إلى (1428) سعرة حرارية.

مع انه وزني للحين لانه نومي متلخبط صاير يطلع مرات 73 ومرات 72

 

[الروزنه]

مشيت ساعه
فطوري قبل النوم
زبادي
تغديت
صحن وسط سلطه ملفوف وكرفس وومعلقتين صالونة خضار ولحم

خذت اصبع جيز كيك واصبع كيك كاكاو

تصبيره
قطعه صغيره جح ونسكافيه بمعلقه ص سكر بني وشاي اخضر وحبتين كوكيز قليل الدسم وحبتين صغار بسكوت مالح

العشا
معلقتين مكرونه بالباشميل ومعلقتين مضروبه دجاج
شربت شاي اخضر
بمشي نص ساعه ان شاء الله عقاب على بين الوجبتين احس كثرت مع انها قطع صغيره

سحور ان شالله
زبادي وبرتقال

يومي يعني احس الدوار والدوخه يخليني اخبص

 

[قــمر]

اهلين حبيبتي وحشتينا فكرتج انسحبتي

زين انج مستمره

بصراحه انا ماعرف عدد السعرات الحراريه اللي المفروض اكلها امممم بس راح ادور بالنت

لقيتلي هالمثال

ممكن اطبقه

المرأة تحتاج إلى (0.85) سعرة حرارية لكل كيلو من وزنها لكل ساعة.
مثلا: امرأة وزنها (70) كيلو غرام، تحتاج في كل ساعة إلى (60) سعرة حرارية تقريبا، وتحتاج في اليوم الواحد إلى (1428) سعرة حرارية.

مع انه وزني للحين لانه نومي متلخبط صاير يطلع مرات 73 ومرات 72

انا مشكلتي وقتي لين اللحين ماقدرت انظمه احس نفسي في صراع :eh_s(16):

 

[الكيكه دندن]

عوافي الروزنه

قمر الله يعينج شوفي هو بدايه كل شغله لابد يكون في صراع وتعب
بس عقب هالشي راح يصير كل شي تمام ان شاء الله
انا ضبطت نومي بس ماعرف شاللي صار وخلاني اخرب كل شي :rgewrg:

راح احاول انظمه مره ثانيه احس لما كنت انام مبجر ياحلويي وزني قام يضبط وينزل الحين متلخبط نومي احس وزني ثابت

وصحيح وبما انه نومي متلخبط احس اني ماقاع اكل عدل كله اشرب شاي وكورن فليكس وهالشي غلط لانه كثره الكورن الفليكس بالكميه كانج ماكله 4 خبزات :eh_s(1):

احس هالشهر عملت قرارات غلط بس احاول اعدلها ان شاء الله


الحين مشيت نص ساعه

وشربت شاي اخضر

راح اقرا الحين سوره البقره وقرآن

ليما ياذن الفجر

:*

 

[الكيكه دندن]

الأمل لَا يأتِي مِنْ فَراغ .. لا يُولَد مِن العَدَم ،
هُناكْ قيمَة إيمَانية عَميقة هِي " التّوكُل عَلى الله "
إزرعهَا فَيكْ .. ثّمْ ارسُمْ الأملَ أنّى شِئت♥ .. !

صبـــــــاح الخيرات


كيف الحلوين فديتهم:*



16\6

قبل الريوق قلاص ماي

وقلاص سبغول لان صاير معي امسـاك

نطرت ساعه

عقب تريقت فطيره حلوم كـامل وربع بيتزا+شاي حليب

​

 

[الكيكه دندن]

هذه القائمة ستساعدك على الحصول على فكرة عن ما هي أفضل الأطعمة لجسمك، ومحاولة التدرج في وصفاتك
و اتباع نظام غذائي صحي كل يوم عندما تستطيعين.​

​

الفـاكهه​

الفواكه مهمة للغاية. يجب محاوله تناول 2 كوب منها كل يوم. التركيز على تناول مجموعة متنوعة، مثل الفاكهة الطازجه ، المجمدة المعلبة أو حتى المجففة منها . يمكنك شرب عصير الفواكه كذلك، على الرغم من أنك يجب أن يستخدم باعتدال عند القيام بذلك.​

مشمش
المشمش يحتوي على بيتا كاروتين الذي يساعد على منع الضرر ، ويساعد أيضا على حماية العينين. مشمش واحد يحتوي على 17 سعرة حرارية، والدهون، 0 غرام واحد من الألياف. يمكنك أن تأكل منها جافة أو لينة.​

مانجو
ومانجو متوسطة الحجم حزم 57 ملغ من فيتامين (C)، وهو ما يقرب من الجرعة اليومية بأكملها. وهذا المضادة للأكسدة تساعد على منع التهاب المفاصل، وكذلك تعزيز الجهاز المناعي.​

البطيخ الأصفر
الشمام تحتوي على 117 GG من فيتامين (C)، والذي هو تقريبا ضعف الجرعة الموصى بها. نصف البطيخ يحتوي على 853 ملغ من البوتاسيوم، والذي هو تقريبا ضعف ما في الموز، مما يساعد على خفض ضغط الدم. نصف البطيخ يحتوي على 97 سعرة حرارية، 1 غرام من الدهون، و 2 غرام من الألياف.​

طماطم
ويمكن أن تساعد الطماطم على خفض خطر الإصابة المثانة، والمعدة، وسرطان القولون الى النصف اذا كنت تأكل واحدة يوميا. والطماطم تحتوي على 26 سعرة حرارية، والدهون 0، وفقط 1 غرام من الألياف​

 

[الكيكه دندن]

مساء الــــورد

بعد الريوق بساعتين اخذتها نوووووومه وما قعدت الا الساعه 7م

هههههه

يعني بس تعشيت

1حلوم1سبانخ وشاي حليب


وكله اشرب ماي الحين

 

[قــمر]

اليوم شربت ماي دافي + عصير ليمونة ع الريق

بعدين كليت روب اكتيفيا لايت مع قرفه وتوست اسمر مع جبن سلايس خالي الدسم وكوب حليب قليل الدسم مع 7 لوزات

رحت بيت هلي وشفت علبة بسكويت ماقدرت اقاوم هههههههه كليت 3 بسكويتات مع كوب شاي حليب

العشاء سويت لي ساندويش خبز لبناني مع بيض مفيوح وشطه

الصراحه انا اللي ابي اغيره في نظامي هو الريوق ابي اقوم الساعه 6 الصباح واشرب ماي دافي مع عصير ليمونه والساعه 7 اتريق

قريت ان الفطور وايد مهم ويخلي الجسم يحرق بسرعه وينزل الوزن حتى الدكتوره قالت لي لازم اتريق الله يعين

 

[قــمر]

كنت ادور عن اشياء تزيد من حرق الجسم للسعرات ولقيت هالمعلومات حبيت اشاركم فيها :

- اول معلومة حصلتها ان لازم نتريق ههههههههههه لان اذا ماتريقنا نبطىء من عملية الحرق

- لازم اغلبية الاكل ناكله خلال اليوم وبعد الساعه 8 بالليل ما ناكل او ب4 ساعات قبل موعد النوم

- لازم ما نجوع نفسنا لان اذا جعنا بنرسل اشاره للجسم ان احنا جوعانين وراح يبطىء من عملية الحرق (اول مره اعرف هالمعلومه)

- لازم نشرب ماء والاحسن يكون بارد عشان الجسم يحرق سعرات اكثر عشان يدفي نفسه من داخل (ما احب اشرب ماي بارد )

- لازم ناكل وجبات صغيره طوال اليوم

- لازم نسوي تمارين الايروبيك وخاصة اذا سويناها الصباح راح يتم الحرق مرتفع طوال اليوم

- لازم يكون في جسمنا عضلات مو كله دهون لان العضلات تعتبر مثل المصنع اللي يحرق السعرات

واسمحولي ع الترجمه ما اعرف وايد اترجم

 

[الكيكه دندن]

تسلمين قمر معلومات وايد حلوه


انا اتريق دايم الحمدلله

بس مشكلتي ما اتغدا

ولاحظت انه لما اهملت الغدا صار معي امساك

بحاول اجهز غداي من الصبح واخليه بالثلاجه بس اقعد من النوم اسخنه واكل

او اليوم بحاول اني انام بعد ما اتغدا بساعتين

لانه ابي انظم نومي وصرت اسهر يعني الحين انا موقفه اكل من الساعه
8 م

وكله اشرب ماي ليما يطلع الصبح الساعه 6 ص اتريق

وبحاول عالساعه 9 او 10 اتغدا

وبعدها عالظهر انام

واقعد 6 او 7 اتعشى خفيف

واليوم ماسويت تمارين حاسه بكسل ان شاء الله باجر

راح اكل قبضه كورن فليكس باللوز والعسل لانه حسيت بجوع وعلى اساس قلتي اذا جعنا بناخر عمليه الايض

وانطر وقت الريوق هههههه

 

[الروزنه]

عورتي قلبي صار لي 3شهور مع الامساك حتى مع التنظيم وزيادة الالياف وشرب زيت الزيتون على الريق والسوايل والمشي لخربطت خربطه جا مده يروح انصحج عالجيه لا يزيد ياريتني عالجته من البدايه
رحت الدكتور سوالي تحليل غده سليمه لله الحمد وعطني مرتين ملينات قامت ما تفيد قمت ازيد الجرعه او اخذهم جميع بس حاليا افضل مع اني ما حليت المشكله عندي قولون
شرايج بسبغول اشتريه

حاسني قلبي من الشاي الاخضر بس صرت مدمنه له اي شي بسيط ابي احرقه به
بكره ان شالله اوزن

يومي صايمه
مشيت40د بطئ
فطرت طاسه وسط خضار مشكله وصحن وسط ملفوف
شربت شاي اخضر
العشا
خبز زعتر صغيره
شربت شاي اخضر

تصبيره
معلقة عجه بالجبن

تسحرت
ربع شمام
وقبل الامساك
تمره و3 ملاعق وسط لبنه كامل الدسم مشتهيته

 

[الكيكه دندن]

صباحو

اهلين حبايبي

مرحبا الروزنه سلامتج قلبو

اييه الاسبغول انا احبه وحتى الدكتور اوز اللي يطلع بالام بي سي ينصح فيه بس اهما عندهم شكله غير لون المسحوق اللي داخل على برتغالي مادري اذا عندهم بنكهات

انا شربته امس قبل الريوق بساعه والحمدلله ارتحت

جربيه حتى وحده من خواتي عندها التهاب بالقولون ولما نصحته فيه ارتاحت وراح الالتهاب بالقولون الحمدلله

ممكن تخلطينه مع الزبادي

او مع عصير البرتقال
انا افضل اشربه مع الماي قبل الريوق



اليوم

17\6

شربت شاي +بيض بشيدر +طماط وفلفل وذره وخبزه سمره

 

[الكيكه دندن]

غداي

شوربه خضار بالشعيريه

عشاي

شاي حليب وشابوره دايت

بعد شوي راح اسوي تمارين وراح اقولكم شنو سويت

 

[قــمر]

اليوم الحمدلله ولدي قعدني الساعه 6 الصباح قلت يلا فرصه اتريق

كليت علبة زبادي اكتيفيا لايت مع قرفه
توست اسمر مع جبن سلايس خالي الدسم
كوب حليب قليل الدسم مع لوز

ورقدت تقريبا ع الساعه 7 مدري اذا غلط والا لاء ارقد عقب الريوق
لان الدكتوره قالت لي لا ترقدين بعد الغداء اذا تبين تنامين نامي بعدين تغدي

تغديت الساعه وحده ونص سلطة روب مع خضار وزيت زيتون وحبة سوداء
وكوب عصير تفاح فرش

والعصر كليت بسكوتين دايجستف

والمغرب كليت نص وحده

والساعه 8 ونص تعشيت برجر مشوي مع جبن سلايس خالي الدسم وتوست اسمر
وكوب عصير اناناس كي دي دي

واللحين شربت كوب حليب قليل الدسم مع لوز

الدكتوره قالت لي اشربي قبل لا تنامين كوب حليب او زبادي قليل الدسم

وتصبحون ع خير

 

[الكيكه دندن]

ونتي من اهل الخير حبيبتي


خلصت تمارين

تمارين المشي ربع ساعه

تمارين متنوعه للبطن 60 مره مع اني كنت باول شهر مبلشه فيه مو مقتنعه اسوي تمارين البطن لاني كنت متخوفه وسمعت مدريب يقول احسن تمارين للمرأه الرقص والمشي وما ينصح بتمارين البطن

بس كنت اعمل تمارين البطن بس 21 مره

بس بصراحه حبيت هالشهر اني اكثف
وصرت ازيدها وحسيت اني حابه بطني يكون مشدود

عملت تمارين الخصر 10 يمين و10 شمال

والمؤخره 50 مره

والكرسي 21 مره

وتمارين رقص برازيلي 10 دقايق تقريبا او ربع ساعه

تقريبا كل التمارين خذت ساعه

اخذذت دوووووش منعش

والحين راح اشرب حليب شوكليط خالي الدسم

النت عندي ضعيف مبين الاشتراك بيخلص راح اقولهم يجددونه ن شاء الله.