بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[dnyay_mll]

بنات حلجي مشرع عالاخر الله لا يبلي احد
موقادره امسك نفسي شنو صارلي مادري
تكفون شنوووو الحل
مابقى شي على رمضان وخايفه ازييييد

 

[dnyay_mll]

صج البنات وينهم محد مبين كلش
كاني مخبصه وموجوده لي الحين بالتجمع لان ادري مردي برد وبسكر هالحلج
طمنونا عليكم بنات

 

[غارقة بأحزانها]

اي والله دنياي ملل يلا خل ادخل السبعين عشان ابطل تجمع يديد
الظاهر ملوا من هذا ههههه

ميلو اكيد مستانسة ويا اهلها الله يحفظها صارلها شكثر مو شايفتهم
ومنجزة عروس الله يوفقها

والباجي مادري وين غاطين

دنياي انا ماسكة نفسي غصب مو بكيفي خلاص اتت اللحظة الحاسمة
الحين علي الدورة وخلاص ماراح اخذ مانع
وان شاء الله خير

عاد اصناف الاكل اللي احبها قاعدة تييني بالحلم
حلمانة اني كليت باستا خضرا بالدياي والمشروم والكريمة كانت لذيذة الحمدلله
هههههههههه
وقعدت من النوم شبعااااااانة

 

[*MANOY*]

غارقه بـأاحزانهـأ : انشاء الله انشجع بعض وننزل ونوصل للوزن الي نبييه

وزني : 76
طولي : 161
وابي اوصل 70 بعدهـأ 65 وانشاء الله اوصل 60

حتى انا شهيتي حدها مفتووحه قمت اكل كل شي جداامي مادري شفيني
قمت اكل رووب واايد عشان يسد نفسي واشبع بسرعه وهمن مايزييد الوزن << طبعا مو برووحه اضيف عليه اشياء انا احبها يعني ذره او شمندر
وشربي ماي واايد مو قلاص واحد .! قلاصين ورا بعض احسن يسد شهيتج ويخليج تشبعين ​

 

[غارقة بأحزانها]

حياج الله
بس اذا الشمندر معلبات بعدي عنه احسن
والذرة تزيد الوزن

ضيفي عليها خس وخيار وملفوف ونعناع احسن
وبذرة الكتان انصحج فيها

وفي ناس يقولون تفاح اخضر بس انا مااتقبله مع الروب
كل واحد بروحه اوك عادي

 

[dnyay_mll]

صباحكم خير

انا اليوم مسكت نفسي ولله الحمد ورديت للدايت مره ثانيه ومع رياضه بعد

هههههه غارقه عاد مشتهيه باستا واااااو وفوقها فلفل مجروش مممممم شهيتيني
ان شاءالله بتدخلين السبعين بس انتي ضغطي على نفسج هالفتره شلون حبوب خل التفاح معاج ؟ ودي اجربها
البنات الله يعينهم شكلهم خبصوو لين قالو بس
واحنا بعد تخبيص معاهم بس الحمدلله انا يومين تخبيص وجم يوم رجيم يعني مسويه شي

 

[dnyay_mll]

منوي حبيبتي حياج الله معانا
وان شاءالله بتوصلين للوزن اللي تبينه
حبيبتي الروب ضيفي له شوية بذر الكتان تضعف وتحرق الدهون
او ثوم مهروس مع بقدونس

 

[نفيشة بالعسل]

آنــــِآ بصيير معااگم
عمري ١٣ :$
طولي ١٧٢ تقريباً
وزني كان ٨٩ بعد رجيم من تأليفي هههع صار بين الـ٨٠ والـ٧٩
وابي تشجييع وابي اوصل اول السبعينات او الستينات بما اني طويله ؛)

 

[{meme}]

غارقه أي استخدم شاي الرشاقه والحمدلله مر الامر بسلام
والله يبارك فيج


بقول لكم يومياتي امس واليوم
امس تريقت 1 توست اسمر + قفشة جبن قليلة الملح والدسم + نص كوب حليب مع نسكافيه
الغدا حبتين كفته دجاج مشويه + سلطه
فالليل كنت معزومه على عرس وماتعشيت بس شربت هناك شاي + شوي عن خاطري كابتشينو شووووي مب وايد

واليوم ريوقي 1 توست بيضه مسلوقه وقفشة جبن وشوية طماط وخس + كوب حليب مع نسكافيه
وكلت 3 حبات رطب + حبه خوخ صغيره

والغدا ان شاء الله بيكون 3 كفته دجاج مشويه + سلطه
وبمشي ساعه العصر
والعشا 3 حبات فلافل + قفشة لبنه + توست اسمر

وبسويلي بعد شوي شاي اخصر زنجبيل وقرفه

 

[غارقة بأحزانها]

السلام عليكم
والله يادنياي ملل مادري ليلحين ماشوف نتيجة ولا لاني اخذ اكثر من شي مع بعض

اخذ ايزيلاكس واخذ شاي الضيافة للرشاقة ( يهري البطن وااااي جن طلق)

وصراحة امس انبطت جبدي
طول اليوم ملتزمة شحلاتني

وايي عالساعة ١١ ونص اخربها مع اني مو يوعانة بس نفس دنية

كليت وجبه اطفال من برجر كنج
ونص فطيرة جبن كرافت
وخربتها بتوست نوتيلا ( قلت هي خاربه خاربه خلونا نعميها )


وتي وبعدين وايااااااي جذي ماراح اطلع من الثمانينات
من الاحد بصوم بس خل اخلص من الدورة

ياانا ياهالثمانين

 

[{meme}]

احس الاراده ضعفت
مشيت ساعه وعقب شربت شاي اعشاب (زنجبيل و شاي اخضر وقرفه ) وكلت تفاحه
ورحت اللولو اخذ اغراض الرجيم
ورجعت مب يوعانه بس شفت الخدامه تسوي خبز رقاق واطلع جبن لايت وقلت لها سويلي خبزه مع جبن بس صغيره =(
بس هاي بيكون عشاي
والحين اشرب شاي الاعشاب

 

[Lulu_Perla]

قوة بنات شخباركم..؟؟؟؟!
حدي عتيجة عنكم غطيت و لهيت بالدوام و البيبي

وزني على خبري ٧٨
بس صرلي ٤ ايام بالشاليه و البلع على اصوله
و كرشتي انتفخت يااااااااربي ماكون زدت وايد


ببدي ريجيم صجي من الاحد
و ودي اوصل ٧٥ ليلة رمضان .. ان شالله اقدر احقق امنيتي

عقابي اليوم انا مسوية العشا بالشاليه و مراح ابلع كفااااااية بلع
يوم شفت كرشتي بانعكاس الجام انصدمت

 

[غارقة بأحزانها]

الف الصلاة والسلاااام عليك ياحبييييب الله محمد
قلللللللللللللللللووووووووووووووووووش


ياحيالله بريييييييق
ولكم بااااااك حبييييبتي
نورتي القروب يالغااااااالية
حياج الله ويانا

والله اني فقدتج انتي ورواسي وميلو ومنجزة والقمر وسوسن
كلكم حبيبات قلبي وجوه الخييير علي

انا لحد الحين وزني ٨٤
وودي ادش السبعينات ليلة رمضان بس مو قادرة امسك نفسي انهديت مادري شفيني

تعالوا مرة ثانية نشد حيلنا
والميزان ليله رمضان نشوف شكثر نزلنا


وااااااي حدي استانست فيج
والله اني اشتركت مع قروب ثاني بس مو متشجعة وياهم
هني القى نفسي معاكم


يلا يلا شدوا الحيل
دنياي ملل

والبنات الجدد اللي انضموا معانا حياكم الله كلكم خلونا نلتزم ونشجع بعض
ويرد قروبنا نشيط ورشيق

وباذن الله كلنا نفتح قروب جديد من السبعينات لي عالم الستينات والاوزان المثالية

 

[غارقة بأحزانها]

نفيشة قلبي سوري طبعا حياج الله ويانا
وعفية عليج والله استمري بهالارادة وضعفي انتي صغيرة
عيشي حياتج لا تخربينها بالمتن

 

[{meme}]

هاااي صبايا

شلووونكم وشخبار الرجيم شكلكم عافسين الدنيا

انا شووي قمت اخربط
اليوم تريقت تفاحه + لاتيه شوقر فري مال تروبيكانا

والغدا صالونه لحم وباميا بس بدون دهن + 4 قفاش عيش ابيض وسلطه

ومشيت 45 دقيقه
وشربت كوبين شاي اعشاب
وكلت 2 سويت مال سبشيل k الوحده فيها 80 سعره
ومسوين بيتنا فطاير صغار بعجينه البف باستري البر وكلت منهم 3 حبات محشين بجبن كيري
وعشان جي مب متعشيه

ااااييي وبقول لكم شريت جهاز اوربترك اظن جي اسمه
بلعب عليه كل يوم خمس دقايق عقب المشي

 

[Hyoonaaa]

باك بنات اسفه مادشيت المنتدى توني باديه الاسبوع الرابع قبل ثلاث ايام ورح اخلصه وبكسر الرجيم بيوميم ويومين تخفيف وببدي رجيم ثاني لان هالرجيم لووع جبدي ماتوقع اقدر اردله وبنات لازم نوصل للي نبيه قبل رمضان يالله مابقا شي شدو حيلكم خلوونا نصير رشيقات في العيد ولا تخبصون وايد برمضان شغلو نفسكم بالمسلسلات ابركلكم اليوم تريقت توسته مع جبن وبما اني مخربه نومي فرا اخلي الغدا الساعه ١٢ والعشا ٥ الصبح ٦ والغدا شوربه خضار مع ديايه مشويه والعشاء شاورما بدوون خبز

 

[Hyoonaaa]

وبالنسبه للمشي ما راح امشي التسبوع الثاني كل يووم امشي والتخفيف مو وايد ونزلت بس كيلو وبنات مرا قست وان شاءالله اوصل ٦٥ قبل رمضان واول ٥٥ او ٦٠ بالعيد ان شاءالله

 

[Hyoonaaa]

ميمي كملي ولا تخربطني وغارقه حبيبتي بس خلاص لازم تهدين الخرابيط مايصير جذي عشان ننزل قبل رمضان لازم نتشجع يالله يابنات كل وحده تشجع الثانيه

 

[Lulu_Perla]

الف الصلاة والسلاااام عليك ياحبييييب الله محمد
قلللللللللللللللللووووووووووووووووووش


ياحيالله بريييييييق
ولكم بااااااك حبييييبتي
نورتي القروب يالغااااااالية
حياج الله ويانا

والله اني فقدتج انتي ورواسي وميلو ومنجزة والقمر وسوسن
كلكم حبيبات قلبي وجوه الخييير علي

انا لحد الحين وزني 84
وودي ادش السبعينات ليلة رمضان بس مو قادرة امسك نفسي انهديت مادري شفيني

تعالوا مرة ثانية نشد حيلنا
والميزان ليله رمضان نشوف شكثر نزلنا


وااااااي حدي استانست فيج
والله اني اشتركت مع قروب ثاني بس مو متشجعة وياهم
هني القى نفسي معاكم


يلا يلا شدوا الحيل
دنياي ملل

والبنات الجدد اللي انضموا معانا حياكم الله كلكم خلونا نلتزم ونشجع بعض
ويرد قروبنا نشيط ورشيق

وباذن الله كلنا نفتح قروب جديد من السبعينات لي عالم الستينات والاوزان المثالية

حبيبة قلبي يا هلا و غلا فيج
وين الباقي هم بعد اقطعوا..!!
يالله ماعليه
نبي نجدد عزيمتنا و نشد الهمة و بننزل باذن الله و نوصل للوزن اللي نبيه

اليوم اخر يوم تخربط
اتوقع وزني رجع للثمانينات

من باجر
ريجيم قاسي و رياضة
و لان مافي مجال اروح ممشى او نادي بقزرها رقص شرقي و اوربت تراك لوووووووووووووول

 

[غارقة بأحزانها]

يالله حياكم الله ياحلوات صح لازم نهد التخربط

خلاص انا خلصت الدورة اليوم ومن باجر باذن الله بصوم
منها اجر ومنها ريجيم