بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[Melo]

السلااااااام عليكم
شلونكم بنات شخباركم
وناااااااسه حددددددددي مشتطه قاعده اسكر و الملم اخر الاغراض الحين
و بعد شوي بتريق و انظف البيت
مو مصدقه اني برجع الكويت امبيه احس في شي غلط ما ادري شعوري عجيب غريب ملخبط

مهندسة الله اعينج يا قلبي
ما حاشج صيام بريطانيا الفجر ااذن الساعه 2:26
و المغرب ااذن الساعة 9:32
طبعا هذا الحين
اتوقع تبجين من اليوع

دنياي لا لين الحين اليوم بليل ان شاء الله طيارتي
و باجر الفجر ان ربي احيانا اوصل ديرة الخير


يالله بنات اشوفكم ع خير ان شاء الله و ادعولي

 

[غارقة بأحزانها]

السلام عليكم

حبيبتي يامييلو والله عيونج الحلوة انا لما قلت فيني فقرة من هالكلام قصدت ريلي مو احد ثاني
ولا الحمدلله الكل يمدح فيني

وبالنسبه حق الدي جي سواء اسلامي او لا مايعجبني انزعج هههههه

وانا امس تريقت الساعة وحدة الظهر هههه
كليت ٢ بيض مسلوق
وجبن فيتا المراعي قليل الملح والدسم ( جبني العزيز)
وخيار وطماط وفلفل بارد

وماكليت شي لي الليل الساعة ١٠ مت من اليوع
جان امر المطعم واخذ لي صحن شاورما لحم كليت نصه مع الطحينة
وكليت فطيرة جبنة (( انفجعت ))

عاد اليوم صايمة وان شاالله بتفطر نفس ريوقي امس بيض وجبن وطماط وخيار
يشبع الحمدلله وانا الحمدلله اذا صمت تنسد نفسي
عاد اذا يعت باكل فواكه وبشرب جاي اعشاب

ودنياي ملل يقلبي الحمدلله يوم ريجيم ويوم لا احسن ماتصير كل الايام لا
عالاقل جذي وزنا ثابت مايزيد
ويارب ننقص

حق السفرة بروح الصيدلية اخذ حبوب سليملاكس مع خل التفاح
عشان ادري بنهد عالبرياني وعالعيش الشبنت مع الشبزي
ايباااااااا
ومابي ارد ب ٥ كيلو زيادة

 

[غارقة بأحزانها]

اي ونسيت اقولكم
ايس كريم وبوب كورن بالسينما
وووووو
ماخذين الفندق مع الريوق
ايباااا عالدانيش بيستري مع الزبدة والمربى
والبان كيك مع المابل سوس ههههههههههههههه

 

[غارقة بأحزانها]

اي ونسيت اقولكم
ايس كريم وبوب كورن بالسينما
وووووو
ماخذين الفندق مع الريوق
ايباااا عالدانيش بيستري مع الزبدة والمربى
والبان كيك مع المابل سوس ههههههههههههههه

 

[{meme}]

مساء الخير

شلووونكم واخبار الرجيم

اليوم رحت موعدي في نيوترشن والحمدلله نازله كيلوين
وعطاني رجيم مخفف فيه توست وعيش وفواكه وبسكوت مع مشي لمدة ساعه كل يوم
وموعدي الجاي يوم الاربعاء

وعطاني اليوم فري يعني من المغرب فكلت وجبه من هارديز وخربطت شوي شربت كرك وكلت متاي وحلويات وسندويشات صغار

وبس

 

[dnyay_mll]

عليكم بالعافيه بنات
غارقه حرام عليج شهيتييييني هههههه مع السلم لاكس والشاي الابيض وهالسوالف ماراح يزيد وزنج لاتحاتين

ميلوو ان شاءالله توصلين بالسلامه يارب

مي مي مبرووك نزول الكيلوين

وين باجي البناااات طمنونا عليكم حبايبي

اليوم وامس يومين تنظيف للجسم امس فواكه واليوم شوية خضار وفواكه والحمدلله مرتاحه جذي صج احس بيوع بس اضغط على نفسي

 

[مهندسه "]

صباح الخير ~

اليوم انا ما صمت ~

غداي ؛ خضار ع البخار وستيك


حسيت اني قمت اخرررربط وايد
فمن بااجر انا صايمه بإذن الله

و راح ازييد ساعات المشي ع الجهاز

والله يعين



انا قست وزني الحمدلله ٩٠
يعني نتيجه غير مرضيه بس الحمدلله

 

[dnyay_mll]

اهلين بنات
اليوم شوي دخلت بروتين بالعشا هوت دوق مشوي ولازلت على تنظيف الجسم اعتقد يسمونه نظام الديتوكس
واحس بنفسي حيل خاقه ويهي مبين عليه ومستمره على هالنظام ان شاءالله

مهندسه عليج بالعافيه الصيام زين وهم ينزل وزنج
وويارب ينزل وزنج وتطلعين من ال90 بس جم كان وزنج قبل

 

[غارقة بأحزانها]

هااااي
وينكم اليون ليش التجمع صخة

 

[dnyay_mll]

اهلين بنات
مستمره على نظام الديتوكس
تغديت حمسة خضار وكوب عصير برتقال
والحين قاعده اشرب شاي اخضر بالاعشاب

 

[غارقة بأحزانها]

اسلم عليكم بنات انا مسافرة الصبح
تامرون على شي من دبي
يمكن مااقدر اتواصل معاكم من هناك ولا شي
اسلم عليكم نفر نفر
بااااي

 

[طـفولية]

حبيتي غارقة تروحين و تردين بالسلامة

 

[غارقة بأحزانها]

حبيبتي طفوليه
الله يسلمج يقلبي
احبج

 

[{meme}]

dnyay_mllالله يبارك فيج حبيبتي

انا للحين مستمره على رجيم نيوترشن وان شاء الله الموعد الجاي انزل ع الاقل كيلو

 

[غارقة بأحزانها]

مرحبا الساع
ههههههه
محدثتكم من دبي غروووقة الحلوة الرشيقة
كتبت رد شطوله وانمسح
المهم اني شريت مثل ما قلتلكم ايزيلاكس وحبوب خل التفاح وبديت فيها
من الغدا

ريوقي كان عصير اي بي سي الكرز
وبالطيارة نسكافيه مع شويه فواكه معلبه موووو حلوة استغفر الله

الغدا كان جلو كباب مع مرق شبزي كليت الكباب بس العيش والمرق بس شوية وشربت لبن بالنعناع

والعشا كان سلطة مشكلة ( سلطة خضرا وتبوله حمص ومتبل) وورق عنب وشربت عصير برتقال

الحمدلله طبعا مع الحبوب
ادري خربوطة
بس ارجع ان شاء الله ارجع اربط الحزام لان جن وزني زايد ٢ كيلو لاني صارلي اسبوع مخربطة


بااااي

 

[dnyay_mll]

تروحين وتردين بالسلامه غارقه حافظج الله
ديري بالج لايزيد وايد والله انا وزني وصل 82 قبل جم يوم ورديت نزلته لي 78 الحمدلله ترى الخربطه هذي كلها تأثر على اوزاننا

انا مكمله مجاعه ههههه الدايت اللي اسويه مو داااايت مجاعه والله ما اكل شي الا خضره او فاكهه او روب وعصير قريب فروت ومو بكثره الفاكهه حبه بس وامسك نفسي مجبوووره اسوي جذي عشان اضعف اسرع قبل رمضان والحمدلله جذي نزلت 4 كيلو وافتكيت مابقى شي ان شاءالله حتى التخبيص مو هاين علي اخبص على طول اروح غرفتي واسكر الباب على نفسي واقعد افكر بشكلي واني احلى مع الضعف ولاحقه عالتخبيص برمضان باكل لين انفجر هههههه

 

[غارقة بأحزانها]

ههههههههه دنياي ملل الله يسلمج حبيبتي اي والله الضعف احلى
خلاص بدور مطاعم اكلها لايت مثل سبواي او المطاعم اللبنانية بطيحله سلطات
ومشاوي حزة الغدا
الريوق ريلي نايم عنه ههههه نص سفرتنا نوم دافع تذاكر وفندق عشان ينام بس
الحين اعرف شغلي وياه

بالتوفيق والله انج بطله بس اهم شي انج ناوية تخربينها ههههه
لا ان شالله ماتشتهين اي شي برمضان وانا وكل البنات وياج عشان مانخرب كل اللي سويناه
وزنج حلو ماشاء الله استمري حبيبتي ولعبي رياضة عشان الترهل وعشان لا يزيد وزنج وايد وبسرعة اذا هديتي الريجيم


يلا باي
وين البااااااجي كلش ماكو تفاعل
دنياي وانا وميمي بس


القمر - سوسن - ميلو - مهندسة - كويتية كول
بريق - ومنجزة طبعا معذورة - البااااااجي وييييينكم

 

[{meme}]

مساء الخير

بقول لكم عن امس اكلي ريوقي بيضه وسلطه والغدا دجاج مشوي وسلطة والعشا بيضه وسلطه

ومشيت ساعه وكلت تفاحه

اما اليوم

ريوقي 1 توست اسمر + شريحة جبن لايت
الغدا شوربة خضار + دجاج مشوي وسلطه

وان شاء الله عقب شوي بمشي ساعه و السناك حبه بسكوت داجيستيف لايت مع نسكافيه

ووزنت اليوم وزني ماتغير 78 يمكن بتيني الدوره

 

[{meme}]

بنات شعري وايد يطيح عندي فيتامينات بس اخاف اخذهم وماينزل وزني
وبعد ابي اسألكم حبوب الحديد تمتن؟ واذا خذتها تأثر فالرجيم؟

 

[dnyay_mll]

صباح الخير
اليوم خذيته فري من عقب المجاعه
اجرمت اجرام عالعشا مموش وبيذيان محشي وحلويات وخبز ايراني
ماحرمت نفسي من شي
ان شاءالله ماكون زايده وايد من يوم الفري
ومن باجر نرجع لرجيم المجاعه ان شاءالله الله يقدرني وانزل وزني لي 75 قبل رمضان وانا قدها ان شاءالله