بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[dnyay_mll]

عليكم بالعافيه وعلي بالعافيه ههههههههه كلنا مخبصين وين الاراده مالت امس مادري
اليوم قعدت مبجر عالساعه 12 ياحلو القعده بهالوقت وتعمدت اتغدا عدل عشان عندي اشغال وبخلصها
رحت وطلبت لي عيش ولحم من المطعم وبعدها حليت شويه مو وايد
ورديت البيت لعبت عالاب فلاير والحين بشرب شاي اعشاب مع شاي اخضر وماني متعشيه بكتفي بوجبه وحده اليوم بس
وبتمرن عالقاري 20 دقيقه وبنام

غارقه حتى انا الصداع والدوخه ذابحتني احس احنا نعاقب نفسنا مانسوي رجيم انا اقول ابتدي خطه يديده اتبعي المثل اللي يقول اتريق ريوق ملوك واتغدا غدا وزير واتعشى عشا فقير جذي افضل لج مع الرياضه والاعشاب راح ينزل وزنج صدقيني
ماشاءالله احنا وايد نزلنا من اوزاننا كل وحده فينا نزلت مالايقل عن 15 كيلو وعدينا مرحلة التخسيس الحين كملي الرجيم بس بدون حرمان لو ينزل وزنج بالشهر 4 كيلو نعمه
انا مكمله عالرجيم ان شاءالله بس بركز على وجبة العشا انها تكوون خفيفه حييييل يعني بكتفي بروب او فواكه او شوربه
وبنات جربو عصير القريب فروت صارلي فتره اشربه يوميا وربي جسمي حييييل فرق عن قبل
حتى حبوب سلم لاكس ترى تنشف الجسم وتضعف ومامنها اضرار نهائيا كلها اعشاب انا قريت عنها بالنت وايد

سوسن ومنجزه والقمر ورواسي وباقي البنات وينكم مالكم حس طمنونا عليكم

 

[Hyoonaaa]

بنات اليوم خربتها وقلبتها مناحه كليت ديايه مشويه وبعدها ككاوين بو نجوم وحلاوتيت او ثلاث صغارر ماني متعشيه و وبشرب قشر القهوا بس شنو احسن طريقه ياريت تفيدوني وبمشي ع الاقل ساعه او ساعه ونص

 

[متى ارتاح ؟؟]

السلام ممكن ادخل معاكم ؟

 

[مهندسه "]

صبااح الخير والسعاده

شلونكم وحشتوني ؟
غبت عنكككم فترة كان عندي امتحانات
اخبااركم


انا خربطت شوي ايام الامتحااانات
لكن امس عطلت وبديت من اليوم صيام
تفطرت ؛
عصير برتقال + شوربه + ٢ توست اسمر + ٣ همبرجر و خس وطماط

مشيت ؛ ربع ساعه

تسحرت قبل شوي ؛ صمون اسمر من مركز سلطان + مرتديلا و طماط



والحمدلله ع النعمه |||



حدي خايفه من الميزان انشالله ما زدت
وراح اشد حيلي ابي اضعععف للعيد

> بشوف خطيبي 
هههههههههههههههه

 

[Hyoonaaa]

اهلين مهندسه متى ارتاح اكيد حياج

 

[Hyoonaaa]

بنات شرايكم ببذؤه الكتان ؟؟

 

[مهندسه "]

هيونه

هلا فيج

بذرة الكتان يقولون تضعف بس انا شخصياً ما جربتها !!

\\\\\

اليوم فطرت عندنا عزيمه

الريوق ؛ قلاص ماي
الغدا ؛ ٢ همبرجر + ٢توست اسمر + خس وطماط

وامي مسويه دياي مع خضار كليت منها شوي

والحمدلله
*

 

[{meme}]

مساء الخير

امس كان اكلي شوووي بس تريقت والمغرب تعشيت بيضتين ولبنه قليلة الدسم

اما اليوم قمت ع 11 فماتريقت بس تغديت شرايح دجاج مع سلطه وقفشتين روب قليلة الدسم
وكلت حبه فاكهه
وماعتقد امشي لاني تعبانه من الزكام والبلاعيم

وموعدي يوم الاحد ان شاء الله اكون نازله

 

[غارقة بأحزانها]

عليكم بالعافية بنات
والله يادنياي ملل من عقب ذاك اليوم وانا مفجوعة حلجي مشرع على كل شي
بس قاعدة اشرب شاي الضيافة اللي خلاني مرابطة عند الحمام تكرمون
بس حيل زعلانة من نفسي ابي اشد حيلي لي اخر الشهر
واكمل تخفيف لي مااحلل واطلع حامل باذنه واحد احد
والله كريم

 

[Melo]

السلاااااااااااام عليكم

شلونكم بنات شخباركم
الحمدلله رب العالمين ياني الافراج و خلصت الاختبارات:ggdw: و الفال للنتايج الطيبة ياااااارب:yaaaaaarb:
و الوالد طلع مقدم حجزنا برجع عقب يومين الكويت ان شاء الله لاني يدتي تعبانة شوي و بنسافر انزور اهلنا قبل لا ايي رمضان
رجيم الشوربة وقفته لان يتني المسعده و الوالد حرام ينحرم عشاني من الاكل و هم ابي اروح اتغدا اليوم بالمطعم مع البنات اللي كانو معاي بالكليه:eh_s(15):
ان شاء الله بسويه مره ثانية لي رجعت الكويت
و احتمال برمضان بعد ارد اسويه
ابي اوصل السبعين قبل العيد لان بتليعن و بشتري بدلة ضيقة عشان تصير قياسي و اقعد اسوي رجيم و التزم فيه:rerrerek::eh_s(4):


بنااااات شدوو حيلكم ما نبي التخبيصات اللي قاعده تصير
خففو اذا ما تقدرون تمسكون عمركم لا تسوون رجيمات قاسية
سوو مره قاسي و مره عادي اول شي عشان جسمكم ما يتعود و ثاني شي عشان ما تتعبون


دنياي حبيبتي والله فدييييتج
تبشرين بالجنة و الفردوس الاعلى يارب
خلاص عيل ان شاء الله برمضان ادزلج العنوان :eh_s(15)::ggdw:

غارقة وناااااااسه حددددي اشتطيت معني عارفة رد امي اول ما بتشوفني (( صايرة دددددب بتنبطين يالمتينة))
لا تتتعبين عمرج اهم ما عليج صحتج و عافيتج يامره
خففي و ان شاء الله تبشرينا بحمالج يارب و لي ولدتي ازورج و امصع ببيبيج تمصصصصع
و يحليلي صج صج طلعت عزباء الشله لان بسم الله عليها مهندسه طلعت مخطوبة
خاااااااطري احضر عرس ابي اروح الصالون اسوي شعري و احط ميك اب و البس
صج هبلة بس طوفو

يا بنات اللي تامر بشي من هني خل تقول ماكو الا اليوم و باجر نصه و ترا كل شي بحسابه الا حق خيتوو دنياي لانها بتسويلي اكلات عجيبة:eh_s(9):
في وااااايد بنات مالهم حس وينهم عسا ماشر غايبين عن الساحه طمنونا عنكم

يالله اشوفكم ع خير

 

[مهندسه "]

Melo


وحشت سوالفج وربي 
وييه لا انا للحين معاج عزباء ماصار شي بس حجي وانا ملقووفه بشوفه
هههههههه

_-----------_
امس ما تعشيت لاني كليت قطعتين حلو

بس شربت لبن *
مشيت نص ساعه
عقب شربت ماي ونمت

 

[مهندسه "]

اليوم انا صايمه


انشالله لي باك حزة الفطور

 

[Melo]

حياتي والله
استحييييييي
ما يوحشج عزيز و غالي يارب
اللي هو يا الله اتمملج على خير يارب
عسانا نفرح فيج قريب اللهم امين
بسس عاد عزمينا عشان نفرح معاج

تقبل الله حبيبتي

 

[{meme}]

تقبل الله مهندسه

واشوف الاراده خفت بدينا نخربط
انا عن نفسي شوووي احس اني ابي اكل واكل واكل
بس اخاف امتن وبكرا موعدي وابي انزل ع الاقل كيلو وادخل السبعين

بقول لكم شكلت اليوم
الريوق قفشه جبن قليل الدسم والملح مع 3 اوراق خس
والغدا عبارة عن شوربة دجاج

والسناك برتقاله وكم حبة كرز ونص حبة بسكوت داجستيف خربطت صح

والعشا كوب حليب مع كورن فلكس دايت
والحليب ممنوع بس مادري شفيني اشتهيته

ومشيت نص ساعه ودي اكثر بس ماقدرت من الزكام

وبكرا بقول لكم شخبار الموعد

 

[Hyoonaaa]

يابنات اليوم قست وزني 70 مانزلت يمكن بس نص كيلو الحمدالله بس بالشكل يمكن اكثر ويمكن من الامساك صارله اسبوع امي تثولي يمكن لاني الاكل اقل فصارلج امساك وعدتج متعوده ع اكثر ومااتوقع صح هالكلام ابي شي حق الامساك لاعت جبدي احس وزني ماينزل بسبه هالشي لان شكلي قطيت اكثر من كيلو.

 

[غارقة بأحزانها]

مبرووووووك ميلو
والله بتنورين الكويت
حبيبتي انتي
انا اليون وامس بدعت بالاكل والله شفاحة مو طبيعية
لدرجة ان بطني يعورني من كثر الاكل
بس من باجر ان شاء الله برجع علي الريجيم
لاني اكيييييد زااااايدة
باكل فواكه وبسوي الشوربه الحارقة بس مابي امشي على رجيمها
بسوي الصبح فواكه
الغدا شوربه العشا روب او بيض مسلوق

ولاني بروح دبي يوم الخميس ان شالله مع زوجي
ابي اتجهز حق الاكل بدبي نمووووت بالبرياني


ميلو حبيبتي اكيد البيبي حلالج اخذيه هههههه
من الحين متبرعة فيه خخخخخخخ

 

[غارقة بأحزانها]

ميلو تحوشني هالحاله ان ابي اتمكيج والبس واسوي شعري
الله وااايد احساس حلو انج تشوفين نفسج كشخة
بس مااحب العروس احب استقبال اهدأ انا مااحب جو الاغاني والدجي ازعاااااج
احب اقعد واسولف وانا كاشخة
والناس تقولي شحلاتج تهبلين صايرة قمر
فيني فقرة من هالحجي ههههههههههه

 

[Melo]

السلااااااام عليكم
صباح الخير

هيونة الحال من بعضه ذابحني الامساك ما ادري من شنو بطني يتقطع من العوار
برجع الكويت بقعد اطيح بالشاي و هالسوالف اللي تمشي البطن
ع الاقل ضامنه هناك ماكو احرج اقعد بالبيت مو لازم اطلع

غارقة
الله يبارك بعمرج حياتي و اخيرا بشوف امي و اخمها اربع اشهر مو شايفتها
الحال من بعضه انا ابو التخبيص هاليومين بس بصراحة خلاص تعبت من الريجيم ابي اوقف اربع اشهر و انا اسوي ريجيم
تروحين و تردين بالسلامة يارب حبيبتي عاد هاللله هالله بالتسوق و التشري

وناااااااااسه بيصير عندي بيبي اخيرا الحمدلله ييارب
لا تخافين تراه ان شاء الله بايدي امينه عند اديده ميلو

احب كل شي العروس و الاستقبالات لاني ما اروح ما رحت الا لاهلنا القراب حيل حيل يعني بنات و عيال خالاتي و لا بعد ما اختي تزوجت يعني تقريبا بديت اروح من قبل خمس او ست سنين
بس كل اللي رحتلهم ملجة و عرس و استقبال 7 حفلات الله اسلمج
و العروس الدي جي دااايما اسلامي الحمدلله احبه و احس ان حددده يرقص معني ما رقصت الا بعرس اختي و ولد خالتي
و بعدين يا قلبي انتي قمر و ما يحتاج احد يقول <<< ما حاشوج اهلي ابو التدقر سواء عجبهم و لا لا دااايما ويييع و لا تسوين جذي مره ثانيه
و بعدين الحلو حلو لو قعد من النوم و الشيفة شيفة لو فركوه بليفه
انا عن نفسي اتييني اوقات البس و استشور شعري و احط ميك اب و اقعد بالبيت
اهلي يقولون لي وين بتروحين اقولهم و لا مكان الحين خلاص تعودو علي و ع سوالفي

 

[مهندسه "]

مسـآء الخير

منا ومنكم صالح الاعمال حبايبي

اليوم ما صمت تعبت حيل و طحت ما قدرت شبسوي برمضان مادري


ريوق اهو غدا ؛ دياي مشوي ( هوم ميد ) + سلطه وشوي رقي

العصٓر ؛ حليب خالي الدسم و ٤ تمرات

مشييت ؛ نص ساعه

عشاي ؛
ماي
٢ توست مع شرايح ديج رومي
و جاي





بنات الحمدلله صار لي ٤ ايام امشي
اول يون ربع ساعه ، بعدين نص ساعه بعدين ازيييد وهكذا
الحمدلله ع النعمه


متى الميزان ؟؟

 

[dnyay_mll]

اهلين بنات سوري يومين مخربطه واحس اني وارمه من الاكل
اليوم رجيم التنظيف بالفواكه كل اليوم قاعده اكل فواكه ومكمله الحمدلله

ميلوو الحمدلله على سلامتج حبيبتي نورتي الديره اتوقع وصلتي
غارقه نفس الحاله بس انا يوم رجيم ويوم لا ههههههه مادري شالفايده