بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[غارقة بأحزانها]

هلا بنات شلونكم اليوم بديت ريجيم الشوربة
الحمدلله ليلحين كل شي تمام
دنياي ملل اهو م راضي وانا مستأذنه منه بس فاض فيه
لان ناطر من زمان ويقولي كافي ضعف خلاص بعد ضعفانة فوق ال 15 كيلو
ويمديني ان شااء الله اضعف بعد لي اخر الشهر
وودي اضعف بعد مثل ما قلت اخذ من وراه
الله كريم

 

[طـفولية]

لا غارقة لا تسوين جذي .. يا تفاهمين معاه بويهه و توصلون لحل يا لا تسوين جذي ..
الا الجذب بعدين تفقدين مصداقيتج عنده وبعد ما يصدقج .. وبعدين الرياييل مو غشيمين وخصوصاً معرفته ان انتي مو خاطج بدون شي راح يشك بهالموضوع ..
ادعي بالذرية الصالحة السليمة ..
ومثل ما قلتي اشتركي دايت كير بكل الاشهر ولا تتحسفين لان رجيم من نفسج ممكن يضر البيبي او يخليج ما تلتزمين
ولا تخلينه يدخل بهالموضوع وكوني جادة فيه ..
مو يقولج لا تضرين البيبي .. قولي البيبي رغبتك بس ان يخترب جسمي بعد لا ..
و اصلا صحة اكثر هذا مو رجيم اخصائية تغذية باتابعني طول اشهر الحمل ..
على الاقل تحافظين على وزنج لا يروح كل تعب هالاشهور ملح ..

حسافة ما بقي شي على هدفج و الرشاقة مو بس جمال .. صحة و عافية بعد ..

و اتوقع ورى ما جربتيها ما تبين تردين للسمنه

الله يوفقج و يرزقج الذرية الصالحة و يهديلج زوجج و عيالج يا رب

 

[غارقة بأحزانها]

صح كلامج طفوليه
وانا اكيد ماني مسويه جذي
وان شاء الله هال ٢٠ يوم فيهم بركة وادش السبعينات
وانا اولريدي اقنعته بسالفة دايت كير وقلتله في اخصائية بتابعني
وصراحة صج الرشاقة حلووة
اليوم لما رحت الصالون استانسوا فيني
حتى الكوافيرة تقولي ( رجعتي بنت الاربعطش سنة )
هههههههه

 

[غارقة بأحزانها]

وينكم بناااات

اليوم جدولي كان كالتالي

الصبح كليت خوختين مع ماي

ورحت الصالون

ولما رجعت الظهر سويت الشوربه
وعلى ما خلصت
لعبت بو ربع ساعة عالقاري

وشربت ماي

وتغديت من الشوربه

والساعة ٤ كليت وحدة بيبي اناناس مع شويه توت

وقبل شوي كليت شوي من الشوربه


الحمدلله كل شي تمام
بس تكرمون رايحة رادة عالحمام كل ١٠ دقايقث

بعد شوي باكل كيوي وكرز

اليوم يوم الفاكهه
والشوربه يوميا

 

[غارقة بأحزانها]

ويييينكم ليش جذي التجمع نااااايم

 

[Melo]

السلام عليكم
صباح الخير بنات


هههههههههه
دنياي مو من صجج حلو لايت هني و عافيه قلبوووو
الله يعطيج الصحة و العافيه ونااااسه احب هالسوالف مالت تجهيز رمضان بس للاسف بيتنا ما نسوي بس نجهز الملابس و هالسوالف
عاد مو تنسينا برمضان بالنقصة صحن كبب من هني بادية قبوط من هناك و انتي ماشية *.^
اللهم امين و الله يسلمج يا قلبي
غريبة معنه اللي سويتها وااايد حلوة كانها شوربة خضار مافيها مرورة ولا شي بالعكس احس فيها طعم حلا


ميمي شنو شوربة البصل هذي هي نفسها شوربة السلري و الملفوف؟؟ و الله يسمع منج

غارقة لا تاخذين شي من وراه انتي حاولي تقنعينه ان ما ابي الحين رمضان ياي و مالي خلق سوالف الحمل و جذي من بعد رمضان اقطها
تدرين توني اشوف توقيعج
يحليلنا انا معاج نفس الوزن كنا و صرنا و الفال ما ندخل السبيعينات يااااااارب (( تتوقعين اهلي بيلاحضون لي شافوني الحين << بما ان نفس الوزن كنا و صرنا ))
انا عارفه كل يوم شنو اكل بس كنت اقصد لازم اكلهم و اشرب الشوربة بعدهم و لا كل شي بروح عادي
الله اسلمج صارلي يومين من بديت و ما تغير فيني شي و توني قست و زايده كيلو يحليلي والله الله يستر
و الشوربة صايره كانها ماي بالنسبة لي يوعانة و لا لا اشربها
بس في نقطه انا مو قاعده احط شوربة بصل معاها لان ما عندي هني عادي و لا لا
اقصد يعني ياثر ع الخلطة و لا عادي
شكل جسمي الوع الجبد استغفر الله ابد مو متناسق
و الجنب اليمين مو مثل الشمال و الزغاديد الطالعه و الغسالات و المطبات
شكلي بشتري كورسيه بصراحة رحمة من الله ان هني البس واسع و بالكويت عباية ب الطامه لي صارت يمعات و هالسوالف

 

[غارقة بأحزانها]

ميلووو حبيبتي اي انا بعد طعم الشوربه مقبول عندي
وانا مثلج ماحطيت فيها شوربه جاهزة
بس الخضروات ملفوف والسلري الامريكي وبقدونس وطماط وفلفل بارد وبصل عادي
وكثر ماتقدرين شربيها لان اهي اللي تنزل الوزن وكل ماشتهيتي خضار وفاكهه اكلي انا امس خلصت يوم الفاكهه واليوم يوم الخضار وكثري مااااي
امس انا شربت خمس قلاصات وااااي قعدت بالحمام تكرمين
ولا تستعجلين علميزان خليه لي نهايه الاسبوع وكملي بهالرجيم لين تردين الكويت ولا تاخذين يوم فري كلش
واكيد دام كنتي نفس وزني اول يعني ٩٩
اكيد الحين فرق عليهم اذا انتي ٨٣ وان شالله مع هتلريجيم تدشين السبعينات محد بيعرفج شعليج يه يه يه يه يه

 

[{meme}]

مرحباااا يالرشيقات

ميلو الشوربة اي نفسها الملفوف والسلري والبصل وااايد بنات ضعفوا عليها

اليوم جدولي كالاتي
اليوم ماداومت شوي بلاعيمي وبدايه زكام فاول ماقمت شربت ماي وكلت بيضه مسلوقه مع قفشة جبن قليلة الملح والدسم وسلطه

والغدا سمك مشوي + سلطه

وبروح بعد شوي اسوي شوبنغ وبرجع وبمشي 45 دقيقه ان شاء الله

والعشا شي خفيف سلطه وجبن او سلطه وبيض

الحمدلله احس واااايد خفيفه
شدو الهمه عشان ندخل السبيعينات انا اتوقع دخلت 79

 

[{meme}]

ميلو ان شاء الله ماترجعين الكويت الا انتي 75 ياااارب بس شدي حيلج وعليج بالمشي امشي كل يوم ساعه اقل شي المشي واااايد يرتب الجسم
تبين اعطيح رجيم اول اسبوع من نيوترشن نزلني باسبوع 5 كيلو صعب بس ينزل وااايد وتخسرين دهون

 

[غارقة بأحزانها]

ماشاء الله عليج ميمي
استمري ياحلوة
توني انتبه على توقيعج لا اله الا الله


انا جدولي اليوم كالتالي الصبح
ماااي

وبعدها سويت هالخلطة

ماي مغلي + شريحتين ليمون+ دارسين + زنجبيل + كمون

وبعدها بثلث ساعة خذيتلي مله من الشوربه الحارقة

وقبل الغدا شربت بطلين ماي

وغداي كان عبارة عن سلطة ( بما ان اليوم يوم الخضروات)
مكوناتها ( ملفوف ابيض- ملفوف بنفسجي - خس- بقدونس- خيار - فلفل بارد -فجل احمر )
وحطيت عليها دريسنق كنور ( فلفل رومي مع خل)


شبعانة حاليا وراح اوافيكم ببقية يومي في المساء

 

[{meme}]

غارقة باحزانها ترا هالوزن او انا اسوي رجيم من 2009 وانزل واوصل لين 75 وعقب ارجع امتن وهاي حالتي
بس هالمره مصممه الا انزل واوصل الستين ياااارب

اما عن بقية يومي مشيت قبل المغرب 45 دقيقه
وكانو عندنا حريم فماتعشيت بس كلت حبة فاكهه

موعدي يوم الاحد ابي انزل كيلوين =( ان شاءالله

 

[غارقة بأحزانها]

بنات يايتني دوخة ولوعة
ادري من قلة الاكل بس حدي مو مشتهية خضار ولا شوربه
استغفر الله
شكلي بنام

 

[dnyay_mll]

اهلين بنات
امس يوم التخبيص العالمي ويييع ماتغديت ورحت مع خواتي مطعم وكليت عيش وخبز ورديت البيت تعبانه من بطني شربت 3 اكواب شاي اخضر ولما بطني خفت قمت وكليت لانشون مقلي وكيك وكاكاو وييييع جد واقف الدهن على جبدي ماقدرت انام ختمت اليوم بعصير قريب فروت هههههههههههه توبه ياربي بعد ماعيدها معدتي صايره ماتتحمل الدهن والخرابيط

اليوم بدايه يديده قررت اني ابدا من اول ويديد وماراح افكـر بالخمس الاشهر الرجيم اللي طافو وببدا كاني اول مره اسوي رجيم
بس تعبت بطني يبيله تخفيف جسمي كله حلو وعاجبني ماعدى هالبطن كارهتها والله يقدرني واشيلها

تغديت قطعة ستيك مع شوية شوربه ونص كوب عصير تفاح
وشربت كوب شاي اعشاب مع شاي اخضر

وتعشيت عالساعه 10 ونص حليب خالي الدسم ولوح شوفان فيه 190 سعره حراريه
والحين قاعده اشرب كوب شاي اعشاب مع شاي اخضر

 

[dnyay_mll]

غارقه حبيبتي دام يبي ياهل خلاص وقفي رجيم وحملي واسهل لج بالنفاس تضعفين بسرعه انا طلعت من نفاسي الاخير بطني لازق بظهري

ميلوو من عيوني حبيبتي انتي تعالي الديره وابشري بالقبووط والكبب السنعه

 

[dnyay_mll]

اليوم وايد حلوو
شربت شاي اخضر مع اعشاب ولبست المشد والحزام وتمرنت عالقاري ثلث ساعه ولعبت عالاب فلاير
وكليت روب قليل الدسم مع بذر الكتان
وقبل شوي لعبت عالاب فلاير وشربت عصير قريب فروت
ان شاءالله دوووم هالاراده القويه
وبحاول انام يلا نشوفكم باجر على خير

 

[Hyoonaaa]

بنات هم انا خبصت اليوم بما اني صايمه كليت ع الفطور قفشه لبنه وثلاث تمرات والساعه عشر او تسع ونص كليتلي نص زبيدي مشوي وبعدين كليتلي حوال 5 زيتونات وثلاث تمرات بعد عشان السحور وماقدرت اقاوم المعكرونه كليت حوالي خمس لقمات ومشيت ساعه الا نص تقريبا وبنات احس جسمي مو متغير مع اني بثاني اسبوع ليش ....؟؟؟؟ بنات يلا نبيكم تدشون السبعين يلا شدو الهمه

 

[غارقة بأحزانها]

امبيه شنو كلنا مخبصين امس انا امس تميت صاندة لي الساعة 10 بالليل
زوجي رد شافني تعبانة ومصدعة قالي حرام عليج والله بيصير فيج شي
وطلبلنا بيتزا هت وطحناله من قلب

 

[غارقة بأحزانها]

صج دنياي ملل
يعني انا جذي خذيت منج القربن لايت اهد الريجيم
هههههه
بكمل تخفيف ورياضة
بس مو ريجيم قاسي مت من الصداع امس

 

[{meme}]

مساء الخير

اليوم قمت والا زاد المرض علي زكام وبلاعيم بس تريقت شريحتين تركي مع قفشة لبنه قليلة الدسم ومالي خاطر اتغدى
يمكن اكل المغرب ويكون غدا وعشا مره وحده
ومابي امشي فبرقص نص ساعه بعد شوي
والحين اشرب شاي اخضر مال نيوترشن

 

[Hyoonaaa]

كليتلي قطعه جبن قليل الدسم ع الفطور لان اليوم صايمه بعد وتوني ماكلتلي حلاوه صغيره وعالساعه عشر باكل ديايه وبمشي يمكن نص ساعه او ساعه وصراحه الحلاوه ماقدرت اقاومها فكليتها بروحها صغيره