بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[غارقة بأحزانها]

بالعافية برووورقة

اي هذا التجمع اللي يفتح النفس بردتكم يابعد قلبي

اليوم وقفت عالميزان وشفت الكارثة بعيونيييي
٨٥.٦

قلت لااااااااا خلااااااااااص عيييييييب عليييييبج غارقوووووو استحييي على ويهججج
من اليوم ريجيم قاسي تنزلين هالزيادة وفوقها
تحبين التمر ولا ماتحبينه تاااااكلين غصبن عليج
من اليوم لي رمضان تمر ولبن
وجان تبين عصير فرش برتقال ولا كيوي ( عشان فيتامين سي)
وقهوة وجاي واعشاب وبس


خلاص شمتنج ضعفي يالبتمبة >>> احبط عمري وافشلها عشان مااخربط ههههههه

 

[{meme}]

اي والله ياغارقه حلات التجمع بالمشاركات والتشجيع

اليوم انا خربتها
الريوق كان اوكي
بيضه وسلطه وكوفي لاتيه شوقر فري و حبتين خوخ

والغدا 3 كفته دجاج مشويه + حبتين كفته من غدا بيتنا

والعصر كلت كم حبه بسكوت شوقر فري و حبه جوكلت

والعشا معكرونه وكفته

وشربت كوبين شاي اخصر مع زنجبيل ودارسين

 

[غارقة بأحزانها]

واااااي اخيييييرا مر اليوم بسلام

الساعة ٣ كليت ٥ تمرات مع نسكافيه

والساعة ٦ كليت ٦ تمرات مع نسكافيه

والساعة ١٢ كليت رووبه خالية الدسم

فديييييتني مسكت نفسي ببيت خالتي عن الكيك والسمبوسة


يااااااااارب استمر بهالعزيمة لي رمضان

 

[dnyay_mll]

صباحكم ورد
امس طول اليوم ظليت على غداي بس قررت من امس اكل وجبه وحده باليوم
اليوم فتحت عالاخر من اول ماقمت وانا اكل لين قبل شوي ويعني مكفره عن ذنبي شربت عصير قريب فروت وحبة ايزي لاكس
ماكو اراده استغفر الله مادري شصار فيني
بنات شالحللللل تعبببببت ابي اضعف اكثررر

 

[Lulu_Perla]

صباح الخير
يالبطااااااااااااااااااااااااااااااااااااااااااااااااات
شسويتوا بروحكم حرااااااااام تخربونها جذي شبقى عالعيد
حلاتج تفترين بالسوق ماتلاقين شي سنع يدش فيج
بسكم عاااد عن التبربس بالاكلو التزموا برجيمكم



انا امس الحمد لله ملتزمة و الله يعين على اليوم
بروح الافنيوز ان شالله مع بنتي بقز في ايكيا لوووووووول
يعني بمشي وايد بالافنيوز و بتقضى اغراض

الحين انا بالدوام مقزرتها كوفي و ماي


الريوق
دايجستيف و كوووفي


الغدا
مااادري يمكن دياية مشوية


العشا
عصير او فروزن يوقرت

 

[Hyoonaaa]

شلونكم بنات شخباركم اليوم قست وزني 68.8 بس بنات فيني امساك صارلي حوالي ثباث ايام المهم الحين خلصت هالشهر برتاحلي ثلاث ايام تخفيف واذا زودتها رح امشي ويمكن ابدي رجيم التمر واللبن لي ليله رمضان وبرمضان بشوف شسوي بس مارح ادب وايد واروح تعبي نزلت حوالي 6 كيلو الله يكثر وشدو الهمه يلا قوي ارادتكم مو من زينا واحنا بطاط

 

[غارقة بأحزانها]

صباح الخير

بالعافية بنات

هيونة اخذي ملين من الصيدلية

بس مايكون شراب لان يمتن في شكر وااايد جن شيرة

في واحد يصير جن لهوم حبيبات صغار تحطينهم بقفشه وتشربين عليهم ماي
وحاولي تاكلين برتقال او كيوي خلال وجباتج

امس قريت شي يضيق الخلق عن ريجيم التمر والحليب
ان النقص بهالريجيم مايكون من دهون الجسم يكون من العضلات اللي احنا لازم نبنيها
وان راح يسبب ترهل
بس صراحة انا بكمل عليه هالاسبوع ( معاقبه نفسي )
ولان ليلة رمضان في عزيمة ببيت جدي بمناسبه تخرج اختي وبكشخ
ابي اضعف لي جم كيلو
عشان لاشريت بدله اكون سيمباتيك

 

[غارقة بأحزانها]

الحمدلله الريجيم يايب نتيجة معاي
اليوم وقفت عالميزان
ولقيت وزني ٨٤.١

 

[غارقة بأحزانها]

دنياي ملل حبوب الايزيلاكس مو جذي طريقتهم
انا من ٦ سنين
كنت رايحة عند طالب الشمري واهو اللي وصفلي اياهم
قالي حبتين مع قلاصين ماي قبل الوجبه بنص ساعة

وخل اكتب الريجيم عشان تستفيدون منه
نزلت ٥ كيلو باسبوعين


الريوق
تروبيكانا سلم
او شاي حليب بسكر عادي

الضحى
عصير اناناس
او تروبيكانا سلم

قبل الغدا بنص ساعة حبتين ايزيلاكس مع قلاصين ماي

الغدا
يومين
٢ همبرجر مشوي مع خضار ( خس - طماط- خيار - فلفل بارد )

يوم
ساندويش امريكانا البارد ( فيتا مع طماط) بالخبز الاسمر مع خضار

السناك
شاي او شاي اخضر
مع ٢-٤ بسكويت بيتي بور المطاحن


قبل العشا بنص ساعة حبتين ايزيلاكس مع قلاصين ماي

يومين
سلطة مع ٤ قطع ( حجم الكيري) جبن ابيض

يوم
حمسه خضار ( بصل - طماط - جزر - فلفل بارد )
مع بيضتين تسوينه نفس الشكشوكة

طبعا بدون دهن

قالي تبين تمشين امشي ماتبين كيفج هم راح تضعفين
وبس موعدي اللي وراه كان ملجتي ومارحتله بعد هههههع

 

[مهندسه "]

مسااء الخير حبايبي

شلونكم ؟

يومياتي ؛
الريوق ؛ ٢ توست اسمر + لبنه وخيار + جاي مع سكر تروبيكانا سلم
الغدا ؛ همبرجر مشوي + شوي شوربه عدس + بطيخ وماي
العصر ؛ قهوة عربيه وتمرتين
المغرب ؛ مشيت نص ساعه
الحين او قبل شوي ؛ تمره وحده وحليب قليل الدسم وشربت وراها جاي



والحمدلله
وعوااافي ما كليتوا بنات

 

[{meme}]

بقول لكم يومياتي اليوم
الصبح غرشتين ماي صغار
وعقب لاتيه شوقر فري
الريوق بيضه وحده وحبه خوخ
وكلت شوووي جي لقمتين من سندويشين فلافل وبيض يعني شوي عن خاطري
وكلت حبتين بسكوت داجستيف مع قهوه << كان غداي
والمغرب كلت سندويش دجاج + حبتين فطاير صغار
ومشيت 45 دقيقه ولعبت 5 دقايق اوربتراك

وبكرا ان شاء الله موعدي وماعتقد اني نزلت وخاصه ان الدوره اليوم نزلت علي
وان شاء الله من الجمعه ببتدي رجيم قاسي ينزل من 3 إلى 4 كيلو
اللي تبيه تقول لي عشان اكتبه

 

[غارقة بأحزانها]

يومياتي لهذا اليوم

قعدت من النوم الساعة وحدة

بعد ساعة الا ربع خذيت ٥ تمرات ونسكافيه

والعصر كليت عنقود عنب مع روب خالي الدسم

المغرب حسيت بجوع خذيت لي ٣ حبات مرتديلا مع مسحة جبن فيتا قليل الدسم
وهوت شوكليت من تروبيكانا في ٤٥ كالوري بس لاني ماحبه مااشربه كله نص بس



عاااد لاني بصوم باجر تسحرت
وحدة شباتي براتا مع جبن وجم حبه كفته صغار ( طول الصبع الصغير ) >>> ارقع حق عمري
وروب خالي الدسم
وخذيت جاي الضيافة وحبوب خل التفاح

وان شاء الله باجر افضل

 

[dnyay_mll]

صباحكم ورد
انا وقفت رجيم خلاص سامحوني ماراح اقدر اكمل صج تعبت موقادره اسكر هالحلج وامنع نفسي اكثر
راح اخفف اكلي وراح استمر عالشاي الابيض والشاي الاخضر وحبوب الايزي لاكس والرياضه وعصير القريب فروت لي بعد رمضان ان شاءالله
راح ارجع للرجيم ان شاءالله وبقووووه

كنت 96 كيلوو
واليوم 77 و6
الحمدلله رب العالمين
بديت الرجيم 1-2


ماراح اقطع عن القروب ويلا بنات دوركم انتو شدو حيلكم انا افتكيت هههههههههه
غارقه حبيبتي اعرف طريقة الايزي لاكس بس انا حاليا اخذ ايزي لاكس ملوت ايران هذيل اقوى ماقدر اخذ الا حبه بس لان تسبب لي مغص

 

[Hyoonaaa]

غارقه عفيه حبيبتي اذا شفتي نفسج استفدتي من الرجيم التمر واللبن فيديني وقوليلي شصار معاج لان تمي تقولي جذبيه وانا ودي اجرب رجيم شفته بالصدقه
الريوق ٢ زبادى او حليب والغدا اي نوع عصير بأي كميه بس في ممنوع العنب والبلح ومادري بعد شنو والعشاء لحم مشوي مع سلطه او سمجه مع سلطه او ديايه

 

[Lulu_Perla]

صبااااااااااح الخير

امس رديت البيت و الا الغدا محترق ><
كليت قفشتين سلطة خضرا و نمت
و المغرب كليت 2 توست اسمر مع مرتديلا و جبن سلايس قليل الدسم
و عالـ 10 روب اكتيفيا بالفراولة و شاي ريجيم


اليوم
كالعادة صبحت على قلاص ماي و كوفي
و بعد شوي قلاص ماي و كوفي

و عالـ 10 بتريق دايجستيف 5 حبات مع كوفي ايضا ^^

الغدا مادري الله و اعلم ارجع البيت و اشوف

 

[Lulu_Perla]

دنياي ملل

تبين نصيحتي..؟؟؟؟

اخذي بريك يومين ولا 3 ايام
غيري اكلج
اكلي من مطاعم..
بس عاد مو تخربينها 100%
يعني مثلا خربيها عادي اليوم كله بس عشاج جاي اخضر و شاي ريجيم رويال
منها تغيرين و منها تشوفين الفرق بنفسيتج انج قاعدة تاكلين و ايدج على قلبج خايفة تمتنين

انا سويت جذي وزني ثابت و ملوع جبدي صارله شهرين
رحت الشاليه 4 ايام كليت جني مفجوعه لووووووووووووووول
رديت وزني زايد 2 كيلو..!!

رجعت عالريجيم و وزني رجع يقل مرة ثانية و ليلحينه ينزل



انتي وصلتي لوزن وااااااايد حلو.. حرام استمري عالخفيف
عطي نفسج بريك جم يوم عشان تكسرين الروتين اللي جسمج متعود عليه و على رمضان رجعي عالريجيم..
رمضان فرصة حلوة عشان نضعف فيها لا تهملينها
حلااااتج بالعيد و انتي داشة الستينات و بدلة العيد تشووووووووق عليج..!! < قاعدة اغريج لوووووووول




يااا رب نضعف كلنا بصحة و عافية

 

[غارقة بأحزانها]

السلااااااام عليكم


ميخالف دنياي ملل ولو اني متحسفة عليج
اخاف تخربين اللي بديتيه
انا اقول كل يوم بس وجبه وحدة فري والباجي خفايف

المهم على راحتج المهم ماتقطعين عنا تعالي صيري مشرفتنا زفينا اذا خربطنا


انا اليوم صايمة
ان شاء الله اكمل عالتمر واللبن

 

[{meme}]

اليوم بديت اوكي ريوقي سلطه وجبن قليل الدسم

وعقب طلعت من الدوام من وقت ورجعت البيت الا اتم اكل رطب وغريبه وقهوه وفطاير زعتر
وتغديت 3 كفته مشويه مع كاتشب

موعدي عقب ساعه الله يستر اهم شي مايزيد الوزن
وان شاء الله من بكرا ببتدي عدل ومابي اخربط خلاااااص

 

[مهندسه "]

دنياي ملل الله يوفقج وراح نفقدج


يومياتي ؛

الريوق ؛ توست وحده مع جبن
الغدا ؛ كليت شوي من صدر الدياي + زبادي خالي الدسم + شوربه
العصر ؛ اختي تغدت وكليت لي جم قفشه عيش بس مو وايد
المغرب؛ حليب ونسكافيه
العشا ؛ شوربه فطر + سلطه + خضار مسلوقه



بس اليوم ما سويت رياضه تعبانه الدورة بتيي لي

 

[مهندسه "]

ويييينكم بنااات ؟؟