رجيمي ... يوميات ومعلومات وفضفضة بالصور

[عاشقة الككاو]

عوااااااااااااااااااااااااافي يارب

انا صابتني نزلة معوية واستغفر الله صرت اخاف من الاكل وكلة مغثوثة

والسبب لاني خربطت وايد كنت طوول الاسبوع صحي واسمر
وبالويك اند مادري شصار لي ما خليت شي ما كليته وكثرت ككاو ف الظاهر بطني ما تحملته مادري والله
المهم تريقت توست شريحتين وجبن سلايز وكوب شاي بدون سكر وما كملته مو حلوو


والغدا مو عارفة وبصراحه مو مشتهية بس مجبورة وراي حبوب علاج



الحمدلله ع كل حال

 

[بـ سـ كـ وتـ ة]

عوااااااااااااااااااااااااافي يارب

انا صابتني نزلة معوية واستغفر الله صرت اخاف من الاكل وكلة مغثوثة

والسبب لاني خربطت وايد كنت طوول الاسبوع صحي واسمر
وبالويك اند مادري شصار لي ما خليت شي ما كليته وكثرت ككاو ف الظاهر بطني ما تحملته مادري والله
المهم تريقت توست شريحتين وجبن سلايز وكوب شاي بدون سكر وما كملته مو حلوو


والغدا مو عارفة وبصراحه مو مشتهية بس مجبورة وراي حبوب علاج



الحمدلله ع كل حال

سلامات حبيبتي ما تشوفين شر

الله يقومج بالسلامة ديري بالج على نفسج وانتظمي بالمضاد الحيوي عشان اطيبين

صح لاحظت الحين لما آكل شي ثقيل يتعب معدتي مو نفس أول كان عادي عندي

 

[بـ سـ كـ وتـ ة]

الاثنين 1 أكتوبر 2012


ما كليت شي الصبح بس شربت حليب دافي بالشكر

تغديت مشويات من نايف مو وايد عجبتني وحمص ولبن ... ما كملت المشويات شبعت بس كليت خبزة كاملة خفيفة

وحبيب قلبي البطاط كليته كله



سوري الصورة مهزوزة

والمغرب كليت فروزن يوقرت

وما تعشيت​

 

[بـ سـ كـ وتـ ة]

اليوم الثلاثاء 2 أكتـــوبر 2012

تريقت فطيرة جبن لوزين مع كوب جاي حليب

والغدا شاورما لحم بدون خبز وحبة كباب وحبتين تكا لحم وحبتين تكا دياي

كليت أقل من ربع خبزة لأني كليت البطاط المقلي اللي فوق المشويات

وقبل شوي شربت ماي وانتو بكرامة رجعته مادري ليش

ومن الساعة 11 يوعانة ومسوية روحي مو فاهمة :bbbiu:

الحين بسوي رياضة وأنام ... حاسة إنها يتني بس مابي أشوف إلا لما أخلص رياضة عشان ما أتحبط، أهم شي إني حاسبة حسابي عشان ما أتدمر

 

[عاشقة الككاو]

ههههههههههههههههه
تونسين ام فطوووم
عساج ع القوة


والله يسلمج والشر ما ييج

 

[Madrideya ~]

لج وحشه بسكوته حبيبتي برافو عليج استمري ويارب توصلين للي تطمحيله وأحسن
لإنج انسانه مجتهده وعارفه شقاعده تسوين ومتمسكه بهدفج والله يعطيج على قد نيتج يا أم فطووومه



بس ما قلتيلناا جم صار وزنج الحين دخلنا أكتوبر !! أن شاء الله حققتي الهدف الاول يااارب


~

 

[بـ سـ كـ وتـ ة]

ههههههههههههههههه
تونسين ام فطوووم
عساج ع القوة


والله يسلمج والشر ما ييج

الله يقويج حبيبتي ويقومج بالسلامة وتردين تكملين مشوارج

 

[بـ سـ كـ وتـ ة]

لج وحشه بسكوته حبيبتي برافو عليج استمري ويارب توصلين للي تطمحيله وأحسن

لإنج انسانه مجتهده وعارفه شقاعده تسوين ومتمسكه بهدفج والله يعطيج على قد نيتج يا أم فطووومه



بس ما قلتيلناا جم صار وزنج الحين دخلنا أكتوبر !! أن شاء الله حققتي الهدف الاول يااارب


~

حبيبتي ... ما يوحشج غالي

وانتي بعد وحشتينا كتكوتة

ميزاني يبيله بطارية بس عادي آنا مو متحمسة أشتري بطارية أصلا

خاطري أنطر لي العيد وأوزن لأن لو الميزان عندي كل خمس ثواني تلقيني ناطة وأقول أوه زدت 200 جرام أكيد من الماي

أوه الصبح كان 76 الحين 77

ما كو شغل هالموضوع الوحيد اللي مو قادرة أسوي عليه كنترول ليلحين جني ياهل مع إني أدري إن التغيير يبيله عالأقل 3 أيام سواء التزام أو خربطة على مايبين ههه

على قولتهم

إن كنت لا تـــــدري فتلك مصيبة
وإن كنت تــدري فالمصيبة أعظم

 

[swanyway]

اتابعك وانا مستمتعه وحبيت نظامك الله يتمم لك على خير

ان شاء الله انضم لكم قريب بعد الولاده والنفاس , الحمل لعب فيني لعب وزني قبل الحمل 59 و الحين انا بالشهر التاسع وصاير 82 مره خايفه ومتوهقه مع ان اكلي والله هو نفسه قبل الحمل احس بأحباط كبير الله يستر بس

 

[الوناسة]

^^
ان شاء الله بعد الولادة تصيرين مثل أول واحسن

 

[بـ سـ كـ وتـ ة]

اتابعك وانا مستمتعه وحبيت نظامك الله يتمم لك على خير

ان شاء الله انضم لكم قريب بعد الولاده والنفاس , الحمل لعب فيني لعب وزني قبل الحمل 59 و الحين انا بالشهر التاسع وصاير 82 مره خايفه ومتوهقه مع ان اكلي والله هو نفسه قبل الحمل احس بأحباط كبير الله يستر بس

حياج الله حبيبتي

الله يعينج وايد زدتي بالحمل بس ما عليه أول ما تولدين راح تنزلين من 5 إلى 7 كيلو

وفي الأربعين 10 كيلوات تقريبا راح ينزلون بروحهم بدون شي

اهني عاد ايي دورج اتحافظين وتسوين رياضة وتمشين

وكثر ما تقدرين حاولي ترضعين طبيعي

ولا يقصون عليج يقولون لج قبوط وعصيدة ومادري شنو ترى يتفخون عالفاضي

وإذا أهلج من النوع اللي يصممون أو انتي تحبين هالسوالف وما تقاومينها أهم شي تاكلين كمية مناسبة

إذا كانت ولادتج طبيعية تقدرين تبدين رياضة امبجر وإذا الله لا يقول قيصرية آنا عقب 20 يوم راح العوار ... حاولي تبدين تمشين لو نص ساعة كل يوم تفرق

وإذا كنتي ترضعين وحليبج قل من كل قلبي أنصحج ... رهش لأ لأ لأ

شربي شوربة دياي

اكلي خضرة وايد بقل جرجير

ألياف شوفان خبز أسمر

اكلي سمج

وأهم شي السوائل لا تخلينها اطيح من ايدج وكل ما بغى البيبي يرضع خليه يرضع

وترى أول فترة راح تكونين مصاصة لول

بتشوفين الياهل طووووول الوقت على صدرج لأنه ينام واهو يشرب وفكه بعده ضعيف وكمية حليبج ما تكيفت على حاجته

وأي شي تحتاجينه احنا كلنا خواتج نفيد ونستفيد ان شالله

 

[بـ سـ كـ وتـ ة]

^^
ان شاء الله بعد الولادة تصيرين مثل أول واحسن

حياج الله في يومياتي يا عسل

 

[بـ سـ كـ وتـ ة]

السلام عليكم ورحمة الله وبركاته

صار لي جم يوم ما أحط يومياتي

بس عموما يومياتي متشابهة الريوق كان طول الأسبوع اللي طاف تصبيرة لوزين بالجبن

الغدا من بوفيه الدوام بكميات قليلة أو ساندويتش وسلطة أو فروزن يوقرت بعد الساندويتش

في أيام ما تعشيت فيها وفي ايام عشا خفيف

أمس ما تريقت

حزة الغدا رحنا كناري ما حصلنا مواقف جان نروح ماكدونالدز طلبت برجر وحدة وقطع الجبن اليديدة وسلطة مع عصير تفاح

العصير والسلطة ما كملتهم

والعشا



شوربة خضار وشوفان



صمونتين نفس هذي ... خبز أسمر محشي كباب وشريحة جبن وصلصة عبارة عن بصل ومخلل خيار وروب وخل وليمون ونتفة مايونيز

ضربتهم بالخلاط لأن آنا وريلي ما ناكل بصل فقلت أخفيه عشان ما نحس فيه

ما سويت رياضة أمس

 

[بـ سـ كـ وتـ ة]

اليوم

تريقنا بحدود الساعة 10

ريوقي كان



صمونة بيض (حبتين توست + بيضتين عيون قليتهم في مقلاة وحدة صغيرة + شريحة جبن)

صحن فواكه وخيار ... كنت مقصصة خيار وبرتقال بعدين تذكرت إن الفارة بنتي أمس قرمت التفاحة في الجمعية من كل الجهات

جان أقصصها مثل الشاطرة وناكلها

الغدا ما صورته حسافة كنت مضيعة التلفون ويوعانة

تغديت عيش أسمر بكوب أصغر شوي من علبة الروب + حمسة تونة + معجون طماط ونتفة معجون عشان اللون بس

وعقب الغدا اشتهيت جاي بالزعفران وماي الورد



شربت أكثر من لتر ماي الحمدلله

حاسة نفسي ليلحين شبعانة الحمدلله لأن ماشالله العيش الاسمر فيه ألياف يشبع

فقلت ما دام ما راح أتعشى خل آمل ام اند امز عن خاطري

خصوصا إن الدورة مقربة وأي لحظة ممكن اتييني ولا آنا مو ذاك الزود مع الككاو



الجيس الكامل فيه 228 كالوري وايد مناسب بالنسبة حق يومي

أحس ما راح أعيد هالحركة لأن مو وايد استمتعت فيه وما قمت وايد أشتهي هالخرابيط

ان شالله مرة ثانية إذا مابي أتعشى آكل روب أو فاكهة أو أنام خفيفة وخلاص

يمكن أسوي رياضة ويمكن لأ مادري ما قررت

الأغلب لأ بروح أنام باجر وراي دوام

 

[عاشقة الككاو]

عليج بالف عافيه

وايد حلو برنامجج منوع ومافية حرمان
ربي يتمم عليج

انا تريقت امس شابورة 3 حبات غمستهم بحليب خالي الدسم وتوستتين ولبنه وزعتر


والغدا عيش اسمر وشوية دياي صدر وسلطة


والعشا نص فطيرة جبن ونص لبنه وفلافل والف حمدلله



والحين ريوقي حليب مع دارسين لانه يتلي الحجية

وقبضتين كورن فلكس + 3 بسكوتات شوفان

وبس بشرب بعد شوي زعتر وشاي اخضر لييييييييييين الغدا

ربي يقوي ارادتنا ع خير

 

[رتو الكيوت]

عادي اشارك وياكم

انا اخففف ماتبع دايت

 

[رتو الكيوت]

ريوقي متاخر توست اسمر حبتين ويا جبن قليل الدسممم و مربى فرواله وجاي اخظر

عقب نقنقت كور فليكسسسس بالالياف اكلته هيك بدون حليب وانا احوس بدروسي

والعشا والغدا واحد ديك رومي ودجاج مرتديلا وجبن وصوص فرنسي وشريحتين توست وببسي دايت ان شالله : )

 

[شـيـوخـهـ]

مشاء الله الله يوفقج حبيت اصرارج والتزامج ولو اني نوعا ما اختلف معاج بكميه الاكل الي بيومج
بس معلوماتج رووعه وانا من متابعينج ..

انا اتبع نفس نظامج تقريبا وبديت اوصل لهدفي الحمدالله .. وعقب ببدي بنظام التثبيت الي اهو بخليه اسلوب حياتي
انا لو خربط يوم امسك نفسي يومين واكل كميات اقل والحمدالله هانت مابقى شي

استمري حبيبتي حييييل اتابعج واحب اسلوبج

 

[بـ سـ كـ وتـ ة]

هلا وغلا فيكم نور الموضوع

صار له جم يوم نايم

رتو حبيبتي أكيد حياج الله

شجعيني وأشجعج

وعليج بالعافية حبيبتي


شيوخه الله يخلي لج بنيتج يا رب

ما شالله عليج الله يتمم عليج وتوصلين الوزن اللي تبينه بصحة وعافية

ومعاج حق ... كمية أكلي مرات تكون كبيرة لأن دوامي طويل فما حبيت أفاجئ جسمي بتخفيف مفاجئ عشان ما أدوخ ولا يصير فيني هبوط

والحين أكلي صار أقل بوايد الحمدلله وكلش ما أحس باليوع بين الوجبات

بس ترى في أيام تكون الكمية حقنا ثلاثتنا آنا وبنتي وريلي مثل صحن الفواكه اللي بالريوق والشوربات

 

[بـ سـ كـ وتـ ة]

صار لي 3 أيام ماشية على نظام يديد آنا سويته حق نفسي وبتم أمشي عليه لي العيد ان شالله

الريوق إما صمونة وحدة من أي نوع أو كورن فليكس وحليب

سناك كوب شاي وحليب أو هوت جوكليت

الغدا على كيفي ما أتقيد لأنها بتكون الوجبة الوحيدة الثقيلة في اليوم وبعدها شغل وحركة فما تأثر

والعشا يا إما روب وفواكه أو خضرة أو شوربة ... أي شي المهم ما يكون فيه خبز ولا عيش ولا هالسوالف

الفواكه الكمية مفتوحة طول اليوم والخضرة نفس الشي

والماي ان شالله بشتري ماي الأطفال بطول صغار لأن من فترة حسيت إن صار فيني أملاح بسبة ماي الصحة

وراح أشرب مو أقل من لتر كل يوم بإذن الله