تجمع خاص للي أوزانهم 60 كيلو و حابين يكون 55 كيلو أو 50 كيلو

[FatoOoMa_<3]

اليوم
الريوق : ١بيضه مقلي بزيت زيتون + ربع خبزه سمره و جبن

و الظهر لعبت ريااظه نص ساعه
و الغدا : شوربه و نتتتفة لحم + سلطة

و العصر السناك كان ٥ حبات كاكاو صغاار كاكاو كادبوري مع جاي اخضر

و العشا كان روب



اليوم يومي كان من احسن الايام بس للاسف !! اخترب على اخر اليوم ! لانه باجر مسافره ف كنه طالعين مشاوير نشتري اغراض السفر ف كلينا ماكدوونلز اوووووف حده قهر طوووول يومي ماشيه عدل ماكدونلدز الحقير خربه ! انا اعلمج يا الوجبة الي كليتها بحرقج حراق باجر !!!!!!*

 

[sho-sho_93]

الحمدلله اليوم قاومت معنه يمعتناوكل ما لذ وما طاب موجود :eh_s(9): معني لوول مسويه فرواله بالجالكسي هههه فكرت احطلكم صورته بعدين تدعون عليو ككاوات و كيك الحمدلله ما كليت شي خربوطي للامانه بغيت اتهور:eh_s(11): بس ما بخونكم واخوي نصحني اذا مثلا اشتهيت ككاو اخذ قطعه صغيره :eh_s(15):

المهم اليوم قعدت الصبع شربت ناسكفيه و حليب خالي الدسم مع قفشه تلبينه وسط:rerrerek: جربوه يشبببببببببببع وبعدها حست بالمطبخ لمن الغدا طبعا انا مو راعيه ريوق كلشششش

و تغديت صدر دياي مشوي مع خضروات مشويه و ورقه خس

بعدها بشوي جاي اعشاب وماي

بعدين لعبت بالحوش مع عيال خواتي:krkrkr: ركض و صيده مصيده لو العب كل يوم جذي جان ما فكرت بالجيم :krkrkr: يتعب اكثر من المشي
بعدها سناكي خذيت كيويه

والمغرب كفخت براسي ريحه القهوه العربيه صبيتلي استكانه مع تمره وحده عن الحسافه هههه احسه احسن من الككاو

و تعشيتاقل من صدر ديايه مع 3 مشرومات و نص جزره و طماطه و شوفان :eh_s(9): ترا لذيييير الشوفان ويد ومفيد وانا اختصرت ع نفسي صار بروتين و سلطه ونشويات مره وحده
وبعد شويه بشرب جويهتي

يالله بنا شدو الهمه ما نبي تخربط او حتن لو تخربطون مثلا وجبه وحده او حلو واحد:rerrerek: لا تخربون مره وحده
احم احم ترا انا مو ماشيه ع نظام معين لكن احاول كذر ما اقدر وجبه فيها نشويات و وجبه فيها

 

[سأكون يوما ما أريد]

هلا حبوبات

اخباركم شلون الدايت وياكم ليه يومين ما دخلت كتبت يومياتي

تعبانه والحلوه علي

بس ماكو تخبيص تخفيف الى حد ما بدون رياضه

ان شاء الله لمن اخلص منها التزم عدل​

 

[الحراير]

مرحبا
انا طول الاسبوع ملتزمه وماخربط بس بجمعتنا اخربط واذوق بس مو ماخذه راحتي
ام براك للحين ماوزنت والله كريم

 

[FatoOoMa_<3]

بنااات
حبايبي انا اليوم مسافره انشالله رايحة العمره ...
راغ اغيب عنكم ٤ ايام
ارد يوم الاربعا الظهر الي اهوه يوم الميزاان
اول ما ارد راح اقيس و ادز لكم
هه عاد عسا هناك ينزل وزني


يالله حبايبي اشوفكم على خيير مع السلامة

 

[Four butterfly]

في أحد منكم جرّب حبوب الأناناس ؟

 

[توووووتة الحلوة]

اهلين بنوتات

اسعد الله ظهيرتكم بكل خير :eh_s(17): اسفه لاني ما دخلت امس تالي الليل ... كنت تعبانه :eh_s(16):

شوشو
اهلا فيج :eh_s(17): الله يبارك لك طولك مناسب لوزنج :rerrerek: ليش تبين تسوين دايت :rgewrg: بنات تعالوا نطقها لا انتي اكيد مو صاحية كلش ... لا مو زين 54 خليهم 40 احسن وايييييد علشان تختغين مرة وحده

بنات انا شكلي راح استخف من هالبنية طولها 171 و تبي وزنها اقل من 54 :eh_s(16): يبلها طق :eh_s(14): احسن حل مو

بصراحة اهنيج على هالطول و هالوزن ... الله لا يغير عليك :yaaaaaarb:

يومك قبل امس حلو يا العصلا

رومي
ترى موازين ماركة beurer الألمانيه مو غالية ... تقريبا الواحد 180 ريال سعودي و الريال السعودي قريب من الريال القطري
فطورج قبل امس صحي جدا :rerrerek:
يا هلا فيج، سواء على قلوبنا او كروشنا >> ههههههه تشبيه رائع ، اتغشمر معاج ترى

شوشو
مشكورة على مشاركتج بالصور :rerrerek: عاد وشلون طعمها شوربة الشوفان اللي سويتها؟
و رياضتك تمام التمام :rerrerek:

ام وليد
مساء النور يا حلوتنا :eh_s(17): لا هاي الحقيقة شريت شيبس و كاكاو كيسين مليانات ... وقمت بس اكل منهم و النتيجة هالزيادة :eh_s(16): ان شاء الله تنزلين اكثر من كيلوووووو و انا انزل اللي زدته

ههههههههههههه، ام وليد كااااااااااااك تحذفين الميزان لما تعصبين، انا و لا مرة سويتها خلال الخمس سنوات، فديت نفسي هادية هههههههه

رومي
اكلج صحي تمر و لبن و عصير برتقال لكن بليييز لا تكثرين من عصير البرتقال لانه ملين سعرات
و الشي الحلو انج مستمرة بالرياضة، قوووووو يا حلوة

شوشو
صور الفاكهة و المكسرات تشهي، عليج بالعافية. و اشكرك للمرة الثانية على اثراء الموضوع بالصور. اكلج واااااايد صحي و رياضتك احلى و احلى، الله يبارك لك

 

[توووووتة الحلوة]

فطومتي
الله يسلمك ياااااااارب
اشكرك على اسم البسكويت، كنتي قد مرة شفته عند اخوي ... انا كلش ما اصلح ل هيك نوع، لانو انا من النوع لما تفك ماراح تسك راح اكل كل العبوة

يومك امس تمام التمام :rerrerek: لكن بليز لا تكثيرين كاكاو، كان اكتفيتي بالكاكاو ميلك وايت ... وبعدين وين الرياضة؟ :eh_s(10):

و زين انج قلتي شي لل شوشو فيما يخص وزنها و طولها، يبلها طق الصراحة هههههههههه

سمبتيك و تبي يصير وزنها اقل من 54 تخيلي :eh_s(16): يعني و بالمختصر المفيد تبي تختفي

شوشو
حلو ارداتك و انك قدرتي تنزلين وزنك من 93 الى الوزن الحالي 62 خلاااااااااص خافظي عليه، الظاهر صار فيج هوس ... انا ابي اخذ 15 سم من طولج، انا طولي 160 و اعتبر نفسي قصيرة لازم لما اطلع من البيت البس كعب لا يقل عم 12 سم حتى لو كان لي مول، الطول عندي عقدة ... لكن الحمدلله يعتبر طولي احسن من غيري ... الحق ينقال

حرورتي
يا هلا فيج، اتوقع يبلج بس تزيدين الرياضة علشان تنزلين لانو اصلا انتي اكلج خفيف ...

طريق السعادة
سعيدة انا جدا في تخيمك هني عندنا
ايه صح، جبتي العيد في يومك قبل امس لكن لا تضيقين خلقج ان شاء الله تعوضينها ...
اشكرك على مواساتك لي فيما يخص زيادة وزني، امممممممواه

هذا اللي صار معي زاد كيلوين ... اليوم بادية من جديد، الله يعينني

رومي
عليج بالعافية ما كلتي
سلامات ما تشوفين شر ان شاء الله

طريق السعادة
انتي مثلي انا اشوف الطول رزة ... لكن بالنسبة لي الطويلة احلى من القصيرة بوووووواجد

فطومتي
انتي نفس حالتي احيانا تتعب نفسيتي و امتن :eh_s(16): بعدين اصحي على نفسي و اتبع دايت مرة ثانية

و شكرا على صور البسكويت يا بسكوتة

دبة موت
اين انتي يا جميلة؟
وحشتيني

ام براك
بعدي كل الشوكلت عن بيتك، انا لما اشتريته انهديت عليه و النتيجة ضرب وزني ... صدقيني احسن طريقة :rerrerek:
مو مشكلة على التخبيص، تعوضينها ان شاء الله

 

[توووووتة الحلوة]

فطومتي
يومك حلو لكن بليييز لا تكثرين كاكاو. و البيض لا تقلينه بزيت الزيتون لان زيت الزيتون يتأكسد لما يتعرض لدرجة حرارة عالية لذلك لا يستخدم في القلي لانو يتحول من نافع الى ضار ... استخدمي زيت الذرة، عافية او مازولا ... الخ

هههههههههه مسكين ماك ليش تسبينه، الذنب ذنبك حبيبتى

شوشو
يومياتك تونس الصراحة ابتسم وانا اقرا ... اسلوبك حلووووو و الصور تفتح النفس، مشكورة قلبو. لكن ايش التلبينه؟ مشكورة على النصايح ........ امممممواه :eh_s(22):

سأكون يوما
سلامات ما تشوفين شر ان شاء الله. الله يقويك ... حبيبتي، بصراحة ولهت عليج

الحراير
اهنيك على الالتزام :rerrerek: عقبال ما تفرحينا بنزول الوزن :eh_s(9):

فطومتي
تروحين و تردين بالسلامة، الله يحفظك قلبو من كل شر و سوء. راح توحشينا اكييييد

ان شاء الله راح ينزل وزنك، من المشي لكن لا تكثرين اكل

فور
لا ما قد جربت حبوب الاناناس، اتمنى البنات يفيدونك

 

[sho-sho_93]

اقل من 54 :eh_s(16): يبلها طق :eh_s(14): احسن حل مو

بصراحة اهنيج على هالطول و هالوزن ... الله لا يغير عليك :yaaaaaarb:

يومك قبل امس حلو يا العصلا
لوووووول ضكتني والله الله يسعدج انا الحين وزني ينزل بسررررعه و يصعد اسرع لوول يعني عادي بيومين ازيد كليو والله و ف كله اشوف ملابسي يوم كان وزني 55 اتحسر صج صج كان بيرفكت احسه احلى علي صج عاد صار عندي هوس معنه الكل عباله وزني بال50المشكله قبل تقريبا شهرين كنت بالمانيا كان وزني 57 طبعا كنت ضعفانه من النفسيه لووول لكن وراي دوام شهر 2 لازم اردلهم مثل ما خليتهم
شوشو
مشكورة على مشاركتج بالصور :rerrerek: عاد وشلون طعمها شوربة الشوفان اللي سويتها؟
و رياضتك تمام التمام :rerrerek:

والله وايد لذيذ امس امي شافتها جان تقولي سويلي لووول حده لذيذ استانست عليها تقول وايد لذيذه و مرات اسويها مشروم احمسه و اطحن نصه و قفشه جبن فالاديفيا و قفشه حليب بودر خالي الدسم واطحنه و احط باجي الماشروم و3 قفسات وسط شوفان هم لذيذ حبيت الشوفان اكثر من الخبز و يشبع اكثر وهم اذ حطيتي معاه طماط لذيذ و تقدرين تسوينه خاثر مثل الهريس يصير

صور الفاكهة و المكسرات تشهي، عليج بالعافية. و اشكرك للمرة الثانية على اثراء الموضوع بالصور. اكلج واااااايد صحي و رياضتك احلى و احلى، الله يبارك لك

كح كح الله يعافيج ههههه انا انسانه امشي و اصور لووول مو زين تدشين انستقرامي كله صور اكل

حلو ارداتك و انك قدرتي تنزلين وزنك من 93 الى الوزن الحالي 62 خلاااااااااص خافظي عليه، الظاهر صار فيج هوس ... انا ابي اخذ 15 سم من طولج، انا طولي 160 و اعتبر نفسي قصيرة لازم لما اطلع من البيت البس كعب لا يقل عم 12 سم حتى لو كان لي مول، الطول عندي عقدة ... لكن الحمدلله يعتبر طولي احسن من غيري ... الحق ينقال

لوووول شوفي احس القصر اكثر انوثه انا انسانه كله البس بنطرونات الصراحه مرات اشياء تصير مقصملهه علي انقهر لووول و ما افكر البس تنوره او نفنوف احس يطولون هههههه طبعا انا لازم غصبون علي فلات

شوشو
يومياتك تونس الصراحة ابتسم وانا اقرا ... اسلوبك حلووووو و الصور تفتح النفس، مشكورة قلبو. لكن ايش التلبينه؟ مشكورة على النصايح ........ امممممواه :eh_s(22):


هههههه اخجل اخجل فديتج والله همممم الله يسعدج يارب و ينولج الي ببالج :eh_s(7): التلبينه اهي جنه شعير بس وايد لها فوايد و الرسول وصى فيها واهم بعد تشبع مده طويله انا من زمان ما اتريق كنت ايام الكليه اتغدا الساعه 12 لان ايوع بس الحين من جربت التلبينه عادي ما احس باليوع مثل قبل اذا اخذتها:eh_s(15): بس ما حبيتها لمن سويتها خاثره اهي يسونها مثل محلبيه او شي وهذ فوايدها من النت

(( التلبينة مجمة لفؤاد المريض تذهب بعض الحزن )) (( رواه البخاري في صحيحه ))



و اثبتته الدراسات العلمية الحديثة في فوائد التلبينه ؟؟؟؟؟؟؟
أثبتت الدراسات العلمية الحديثة في فوائد التلبينة ... ما يأتى :-

1- انقاص الوزن
2- ويزيل الاكتئاب

3- أن الشعير الذي تحتويه التلبينة يفيد في علاج :-

الإمساك لإحتوائه على الألياف .
4- أن التلبينه مطهرة للمعدة ومريحة للأمعاء
5- أن التلبينة علاج لمرضى الإكتئاب :-
وذلك لإحتواء التلبينة على :-

* المعادن : لها تأثير على الموصلات العصبية مما يهدئ الأعصاب فيل الإكتئاب والحزن ويتضح ذلك من حديث الرسول في قوله ( .... تذهب بعض الحزن ) وهذا يدل على أن الرسول أوتى جوامع الكلم .
* فيتامين B : لان النقص والتأخر في العمليه الفيسيولجية لتوصيل نبضات الأعصاب الكهربية إلى المخ والقلب يؤدي إلى الإكتئاب ،، وفيتامبن B يقوم بتنشيط هذه العمليه في جسم الإنسان .
* مضادات الأكسدة : والتى تساعد على ذهاب الإكتئاب لإحتواء هذه المضادات على فيتاميني ( A و E ) .
* الأحماض الأمينية : يساعد الحمض الأميني على العملية الحيوية للأعصاب والتى تؤثر على الحالة النفسية للإنسان .
6- التلبينة مهدئ للقولون .7- التلبية لحماية الشرايين التاجية للقلب من التصلب .
8- التلبينة مدرة للبول
9- لعلاج إرتفاع الضغط
10- لعلاج مرضى السكر
11- لعلاج الذبحة الصدرية
12- لبطئ نمو الاطفال

 

[sho-sho_93]

بنات اي يوم الميزان

 

[إم بــــرٍآك]

فطومه تروحين وترجعين بالسلامه عمرة مقبوله ان شاء الله دعواتج لنا

ساكون هلاياقلبي شلونج


شوشو تذكريني ب ام عزيز بتنزيل الصور صراحه تشجيع


احس القروب ناااقص البنات لازم يرجعون مابي اعدد اسمائهم علشان ماانسى احد




البارحه ماقدرت ادخل بالليل اكتب يومياتي بنتي مريضه الله يشفيها معوره قلبي حبيبتي ودي اشيل الصخونه عنها


ليش غيرتو يوم الميزان !!؟ اشوى الصراحه لاني زايده

 

[طريق السعاده]

المفروض انو السبت مثل الاسبوع الي طاف بس مدري شكلهم غيروه خخخ

 

[sho-sho_93]

ام براك لووول انا احس اذا صورت ما راح اخرب عشان تراقبوني لووول ما دي مغيرينه ولا شنو بس ترا انا قام اسال لان اول الصفحات قريت السبت بعدين مكتوب الخميس

وين اختفى القروب

 

[إم بــــرٍآك]

هههه انا احس اراقب نفسي اكثر اذا اكتب يومياتي والله احسن شيء ان نكتب يومياتنا كل يوم

انا ادري الميزان السبت بس ماشوف احد كتب وزنه وتسالون الميزان اي يوم والاربعاء والله مدري خخ احس ضعت بالطوشه وينج ياتوته

 

[إم بــــرٍآك]

اليوم بمااني كنت بالمستشفى مع بنتي فما فطرت

العدى
بيضه بالجبن نص خبز ايراني

العصر كوفي بدون سكر

بعد صلاة المغرب زنجبيل بالنعناع

العشاء
ربع رمانه ونص موزه ونص برتقاله

ماصار عندي وقت للرياضه وهاليومين مقصرة بالماي حتى مااكمل اللتر

 

[sho-sho_93]

اليوم بم اني قاعده وايد متاخر تغديت طبجتين توست اسمر و جبنه سلايت لايت :rerrerek: ما اخذت حبه اساي بيري لان اكلي كان خفيف شربت اعشاب و وماي بعدها مشيتساعه الا عشر دقايق لاني حسيت بدوخه:bbbiu: قلت ممكن هبوط فخليت سناكي فواكه :eh_s(22): اهو كاكا و حبه فروله و فاكهة ما ادري شسمها لوول وعنبب شوي ووتني تعشيت عشى عجييييب لووول نعوض عن الغدا الخفيف اكلت سلطه مع خل تفاح و ليمون و بذره الكتان وبعد سويتلي ستيكه و مشروم :eh_s(15): هههههه كل اكلي مشروم ادي:eh_s(9): احبنه واخذت حبه اساي بيري

و بعد شوي بشرب اعشاب و اكمل ماي وعلي وعليكم بستين ترليون عافيه واي يوم الميزان قلت مابي اوزن الا لمن تعطوني اي يوم

 

[sho-sho_93]

اليوم بمااني كنت بالمستشفى مع بنتي فما فطرت

العدى
بيضه بالجبن نص خبز ايراني

العصر كوفي بدون سكر

بعد صلاة المغرب زنجبيل بالنعناع

العشاء
ربع رمانه ونص موزه ونص برتقاله

ماصار عندي وقت للرياضه وهاليومين مقصرة بالماي حتى مااكمل اللتر

الله يشافيها يارب والحمدلله ع سلامتها و عافي حاولي تزيدين ماي لان ويد مفيد حق تخفيف الوزن

 

[إم بــــرٍآك]

الله يعافيج شوشو.والله ايام اشرب 3 لتر ماي وايام انسى عليج بالعافيه ماكلتي

 

[الحراير]

مرحبا حبايب قلبي

توته والله وزني عارفته صعب ينزل بس اهم شي مايصعد

ومتي الميزان !!