تجمع خاص للي أوزانهم 60 كيلو و حابين يكون 55 كيلو أو 50 كيلو

[صغيرة على الحب]

هاي بنات انا صايرة كله تمر و لبن ريوق و عشا و الغدا ست ملاعق من اي نوع اكل

احس اني خافة وايد بس ما قربت الميزان

امتى يوم الميزان بنات اتفقتًو

اليوم تريقت همن بس لبن

 

[سلاسل ذهبيه]

سؤال بنات اللبن يزيد الوزن؟اذاكان قليل الدسم

 

[STILL G L A M ~]

حطي ببالج ان الاكل الي كله فات و سكريات و الككاوات كلها ضاره و ما راح اييج الا الامراض منهم لا تحطين ببالج بسوي رجيم حطي ببالج نظام حياتج يكون اكل مفيد و نظفي جسمج واساسا لا تيبين جدامج ككاوات وسكريات ضاره الحمدلله مشالله مشالله من 1-1 ما ذقت ككاو وحلويات ضاره غير كيكه عيد ميلادي اذا شهيتج مفتوحه خلي جدامج كله فواكه او خضره مقصصه مثلا طوال اوًمكسرات مو محمصه او كلش كلش اشتهيتي سكريات اكلي تمر للامانه هذا الي ما اقاومه او خليلج باليوم مثلا ككاو حدج 100 كالوري مثل رجيم عبدالله المطوع الاكل ما راح يروح تخيلي شكلج اذا ضعفتي شلون بتلبسين ميخالف اكلي بس بحدود بالمعقول لا تحرمين عمرج وحرقيه مشي قنعيه تسون دايت مع بعض كتحدي وامشو مع بعض اختاري دايما البديل الافضل صغري صحنج لا تاخذين مشروبات غازيه حتن لو تاكلين بمطعم اكلي سلطات بدووون صوص خل ايبلج ماسترد وايد لذيذ بالسلطه او طلبي مع ليمون وجذي واخذي اعشاب قشر قهوه قشر رمان حبه حلوه كمون دارسين اكليل الجبل مراميه دارسين وبذره الكتان زنجبيل جاي ابيض جاي اخضرينحتون جسمج والوقت اذا فاضيه لعبي رياضه صدقيني لو تمشين بالشقه انا كنت بلندن امشي بالممر ? وشربي ماي وايد خلي اكلج النشويات اسمر حتن المعكرونيات وقطعي العيوش وحاولي تقطعين المطاعم لا تحطين ببالج شهيتي مفتوحه لهي نفسج باي شي واستبدلي المقلي بالمشوي و امتنعين عن صلصات السلطات ا تبين صوص استخدمي ماسترد او روب او ليمون وخل تفاح وزيت زيتون واذا بتاكلين من اكلكم اكلي 4-5 قفشات بس وسلطه دايما نوعي عشان تاخذين حاجتج من كل العناصر طبقي الي قتلج وادعيلي ? وسوري عالقرقه بس القروب نايم

حبيبتي والله مشكووره ع النصااااااااااايح ان شاء الله اطبقها :eh_s(17)::eh_s(17)::eh_s(22):


اليوم اكلت بيض مفيوح ع الظهر :rgewrg:
وتغديت مرق لحم وعيش بس ماكثرت يمكن 4 ملاعق
والحين اكلت شسمه امبيه 3 كاكاو و 3 بفك 2بيبسي دايت لصغير :eh_s(16):
مراح اتعشا خو الي اكلت عن عشا وسحور :eh_s(11):
بتعشا ان شاء الله شاي اعشاب وشسمه ان شاء الله مو وجبه :eh_s(16):



.​

 

[STILL G L A M ~]

سؤال بنات اللبن يزيد الوزن؟اذاكان قليل الدسم

اعتقد قليل الدسم لا بس تكونين مخففه اكل
والله انا من اشرب لبن بطني ينتفخ :eh_s(10):

 

[sho-sho_93]

حبيبتي والله مشكووره ع النصااااااااااايح ان شاء الله اطبقها :eh_s(17)::eh_s(17)::eh_s(22):​

اليوم اكلت بيض مفيوح ع الظهر :rgewrg:
وتغديت مرق لحم وعيش بس ماكثرت يمكن 4 ملاعق
والحين اكلت شسمه امبيه 3 كاكاو و 3 بفك 2بيبسي دايت لصغير :eh_s(16):
مراح اتعشا خو الي اكلت عن عشا وسحور :eh_s(11):
بتعشا ان شاء الله شاي اعشاب وشسمه ان شاء الله مو وجبه :eh_s(16):​

.​

لووول عشرين تعش ساعه قاعده اكتب اخر شي تاكل بفك ههههه عوافي زين ليش ماتاخذين البفك الي يكون عيش لذيذ وسعراته شويه او المشوي مال ليز او في نوع اقل فات او رينقولز لايت خليها كسناك مع جي ابيض ههههههه خلاص لا توقفين عالتخبيصه كملي عشا خفيف:eh_s(9): او سلطه لا تدرين عبالي ماكله بفك واحد :eh_s(10): امبيه شقد انتي شريره:lololoe: هممممممم ما ادري شقول خخخخ ليش ماتجربين اساي بيري او اذا ما تبين حبوب زيت زيتون وماي انا اليوم جربته عالغدا سد نفسي لو عشبه اسبنغول :bbbiu:

 

[sho-sho_93]

اليوم اول ما قعدت من النوم شربت ماي مع ملعقه وسط زيت زيتون :eh_s(15): اول مره اجرب

بعدها تغديت 7 تمرات وحليب ناسكفيه :eh_s(10): وانا امشي حسيت بدوخه بسيطه قلت باجر بغير و اشوف لان الصراحه كنت مستيله بطلع

بعد ما رديت مشيت ساعه

وسناك اناناس

العشا خذيت ستيكه حيل ضعيفه مع خضره محموسه واليوم ما اخذت نشويات ف ضفتلي بطاط حييييل صغيره مفيوحه وبعد شوي جايي

 

[sho-sho_93]

حاليا الشهيه مفتوحه عالاخر :"(((((( قاعده اكل تفاحه وافنديه و جم تمره ضميري يعورني لوول زفوني

 

[توووووتة الحلوة]

شوشو المبهجة

وحشتيني وحشتيني وحشتيني اتعب و انا اقولج وحشتيني من قلب :eh_s(22): >> خلاص فديتج ... درت البنية ليش الاعادة هههههههه

اسفه شوشو ما قدرت ادخل امس كنت عبانه :eh_s(16): >> مضاعفات البطالة

الحين راح اشوف ردودك المبهجة يا مبهجة و اعلق عليهم نطريني شوي

 

[توووووتة الحلوة]

حاليا الشهيه مفتوحه عالاخر :"(((((( قاعده اكل تفاحه وافنديه و جم تمره ضميري يعورني لوول زفوني

لا مستحيل ازفج قلبي ما يطاوعني كلش بعدين الاكل اللي تأكلينه صحي كثير. و من ريجيم انواع الجسم، اللي جسمها كمثري مثلج ... عادي تاكل فواكه وقت الجوع ماراح يأثر عليها اطلاقا :eh_s(15):

بالعافية حبي :eh_s(7):

 

[توووووتة الحلوة]

شوشو المبهجة

لا قلبي ما يطاوعني اصلا اطردج كنت اتغشمر معاج و احارشك لانك وااايد نحيفة :eh_s(15): الله يبارك لك
و مشكورة رحت وشفت انستقرام دايت نينجا لكن الى الحين ما قريت شي ان شاء الله لي باك عليه

حلوة تأثير المرحلة العشرينية انا ما بقى لي الا سنة وادش الثلاثين يمكن اللي قاعد يصير لي هالايام مو من تأثير البطالة ... تأثير المرحلة الثلاثينية هههههههههه

لا حبيبتي ... انا اقرأ كثير في عالم التغذية وكتب لكن تبين الصدق تأثرت كثير بي يومياتك لانو اكلك صحي :eh_s(15): الله يبارك

يومك امس:

روووووووعه بكل المقاييس :eh_s(15): على فكرة ما عرفت المكسرات اللايت و فوندو الدايت الا منج امس جربت الفوندو الديت، اتعب و انا اقول عجيب :rerrerek:

و صحن اليهال ذكرني ب ليز هيرلي تقول سر من اسرار رشاقتي ... الصحون الصغيرة اخذها معاي وين ما اروح حتى للمطعم. عادي بيني و بينج انا احب صحون اليهال ... ملونة تفتح النفس

 

[توووووتة الحلوة]

زورا
يعجبني حماسك استمرررررررري :eh_s(9):

همسة
مشكورة على النصايح :eh_s(15): الله يقويك :yaaaaaarb:

still
ما شاء الله شوشو متوصيه فيج، عطتج معلومات كثيرة .... على قولت الشاعر "عطاء خذه من كبدي لا يأخذ الشي الا من مصادره"

الله يعينك، صعب الواحد و هو يسوي دايت يكون عنده في البيت شخص اكيل

زورا
وبعدين مع الشكولاته و الشيبس :rgewrg: حبيبتي عادا مو كل يوم، انا اصلا ما اشتريهم لاني اذا اشتريتهم راح اكل ... بين فترة وفترة مسموح تأكلينه ... مو كل يوم :eh_s(17):

يومك اليوم حلو ما عدا الغدا. الله يهديك، في احد يتغدى شكولاته و شيبس ...

يعجبني اهتمامك الشديد بالرياضة :eh_s(15): الله يوفقك يااااااااااارب

صغيرة على الحب
اهلا فيك

الميزان يوم الاحد بتاريخ 20/1 ان شاء الله

الله يوفقك، استمررررري بالدايت و الرياضة

سلاسل ذهبية
لا مايزيد الوزن اللبن قليل الدسم اطلاقا. اصلا اهو صحي

دبة موت
وينج ولهت عليج وااااااااااااايد :eh_s(2):

 

[توووووتة الحلوة]

شوشو المبهجة

قبل لا انسى انتى امس ... اكلت لبنة خالية الدسم ... وبعدين معاج مع منتجات خالية الدسم :rgewrg: اطقج يعني ... مو زينة كلش .. اخذي قليل دسم

يومك اليوم:
ايه يقولون اول ما تقويم من النوم خوذي ملعقة زيت زيتون مع ماي تنظف الكبد، و لا مرة جربتها

يومك رائع كالعادة من ناحية الاكل و العادات الصحية السليمة و الرياضة و حتى طريقة سردك ليومك و انو يكون مدعم بالصور "حيثما توجد شوشو يكون التميز "

الحراير
على فكرة انا ولهت عليج بالرغم من اني عارفة انج تركتينا لانو خلاص مو محتاجة دايت تبارك الرحمن

 

[توووووتة الحلوة]

بعض العادات اللي استبدلتها :​

أوقف السيارة فالمواقف البعيده عشان أمشي للمكان :rerrerek:​

أستخدم الدرج بدل المصعد وخاصة فالدوام ( أداوم فالطابق ال3:eh_s(1): )​

أستبدلت القلي فالطبخ بالبخار والحمدلله حصلت نفس الطعم ​

بنات اقرأوا النصايح اللي كتبتها همسة تراها وااااااااايد مفيدة، و دايم اخصائيين التغذية يكررونها :eh_s(15):

 

[الحراير]

صباحوووو

انا مو تاركتكم توته اقرأ كل شي بس الجو مايخلي الواحد
يسوي رجيم قاسي انا اللحين تخفيف واحبكم وااااااااايد

 

[sho-sho_93]

توته الحلوه

ههههههههه دايما تحرجيني فديتج والله ���� ههههههه احنا من القعده نتعب ومن الشغل نتعب ادري مالنا حل لا افا عليج تعديت هاللقب �� امبيه حده وناسه كان عندي بلوفر يدي حده ضيج ما ينلبس اليوم لبسته وكشخت فيه���� صار قدي صج صج المشي ينحت الجسم اليوم مو قادره العب رياضه ريلي تعوووورني << دشت بالمرحله العشرينيه وعيزت مادري شفيني استغفر الله الكبر شين وانا اختج اذا ضليت جذي ماراح اقدر امشي باجر خخخخخخ انتي تقولين ياكلون فواكه واهم يواعه والي مو يوعان �� اصلا حسيت بالطفحاااان عقب التفاحه

شفتي وانا اقول شلون يهون عليها تفارقني ما تقدر�� ثقه حدي اي هههههه دايت نينجا لازم كل يوم اخذلي فره ببروفايله�� حبيتي الله يطول بعمرج ويحفظج واااي الله يكون بعونج عالبطاله انا ناطره الدوام بس عشان عالاقل اتحرك اكلي يخف يكون ماعندي وقت اكل لان الحمدلله انا مو من ربع ادرس واكل خخخخخ ان كليت فكرت بالاكل مو بالكتاب�� ههههه فديتج يالله انشوف الميزان المره اليايه هههه انا عارفه نفسي�� اصلا ناسيه ان في ميزان اصلا اصلا وناسه اعطي البنات فرصه ينزلون اكثر مني�� خوش عذر هههههه الفوند يبيلي باجر هههه المشكله صايره مالي خلق اسوي شي عالغدا وبالعافيه لووول صحني كل ما ياو عندنا عيال خواتي يتهاوشون عليه���� بس ما اتخيلني ماخذته المطعم ��

الجبن فيه وايد حليب و هم روب يعني صار فيه دسومه هههههه �� برقع مو عارفه المهم هذا الي طلع معاي هههههههه حياتي والله اخجلتي تواضعي ������ حبيتي الله يسعدج كنت مخنسه حدي والله ضحكتيني الله يسعدج وينولج الي ببالج

 

[زوراروسا]

صباح الخير
شو الاخبار بنووتات
امس يومي كان :
ع الريق خذت لي نسكافيه بدون سكر وبعد ساعه قفشه زيت زيتون ويا ماي
الفطور : سندويش + جريب فروت
سناك : شيبس وشاي اعشاب
الغداء : سندويشه
العشاء :اندومي
الرياضه : ماقدرت اكثر من 20 د مشي لانه عندي شد عضلي برقبتي
الحمد لله ع كل حال عندي اكتئاب احس وزني ما ينزل الا يمكن ايزيد مب حاسه اني خفيفه يتراوالي انه متنانه

 

[همسه غرور]

صباحكم شاااااااااي كرك فهالبرد :ch12:​

توته الحلوة تسلميلي والله :eh_s(17):​

الريوق : ساندوتش توست اسمر ( نص خسه ومارتديلا وجبن سلايدس) هذا خذيته قبل لا اطلع من البيت .. لان حسب ما قريت انه افضل الريوق يكون بدري لان عندك فتره تحرقيه الصباح وخاصة فالدوام واساسا ع طبيعه جسمي Pear shaped body الريوق المتأخر ما يناسبني
وبعد اذا تستخدمو توسته وحده افضل من 2 عشان تقللو الكاربوهيدرات :rerrerek:​

والحين اشرب شاي :eh_s(7):​

صح بنات في خبير رياضي قال انه التمارين تكون 3 أيام فالاسبوع ونتايجها أفضل من لما تتدربي كل يوم :bbbiu:​

لان الجسم يتعب ويعطي رد فعل سلبي :eh_s(1):
انا كنت اتدرب يوميا بس الحين غيرت​

في معلومه حلوة بعد :ggdw:​

حصلت موقع أجنبي يحسبلك كتلة جسمك والدهون اللي فيك
وانتي فأي تنصييف واااااايد حلو​

Diet Calculator, Body Fat Calculator​

تدخلو الطول والوزن وقياس الخصر والرقبه والHips​

ويعطيكم معلومات حلوة :eh_s(8):​

 

[STILL G L A M ~]

بنات الي تعرف شي يسد الشهيه ويلوع الجبد اتعلمني
والله الصيف ياي وفشله اظل امتينه ولبنات يلبسون قصير بتجمعاتنا وانا البس صير بس وووع ع متن وفخوذ متينه :\

 

[sho-sho_93]

بنات اليوم فليتها عالاخر:eh_s(11)::eh_s(16): امبيه صج صج خبصت :eh_s(16): طبعا

تغديت عادي توست اسمر وجبن لايت وزعتر خفيف وسلطه

ما قدرت امشي:eh_s(11): لاني حتن مشي عادي بالغصب حايشني املاح من ماي الصحه:eh_s(1): كعب ريلي يعورني حدي متأزمه :eh_s(14): ههههههه شفتي توته قتلج تأثير المرحله العشرينيه اذا وصلت المرحله الستينيه شنو يصير فيني هذا الي اشرب ماي وامشي ومخليه اكلي عيل لازم نرد اكل خربوطي

اخذت سناك روب خالي الدسم و مكسرات مكس لايت و بذره الكتان

وبعدها اخوي توه راجع ولا يايبلي صوغه من دبي جيس كله ككاوات :eh_s(14): وانا موصيته مابي ككاو يتني البجيه لووووول المشكله كله ككاوات كبار :eh_s(15): طبعا انا ارادتي قويه طل خخخخ المهم رديته عليه قتله مابي اشوفه :eh_s(9): جان اشرب جاي اخضر خخخخخخخخ

الكارثه بلشت من العشا خل اقول لكم انا متعوده اتغدا و اتعشا بروحي عشان ما اخربط اليوم قعدت معاهم عالسفره غلطه حياتي طبعا يايه انا مع صحني خياره في و افندي و تفاحه كليته شوي جان الف عالحب الابدي التمر واكل واكل :eh_s(16):امبيه ولا ماكله ممكن 13 او 14 شوي امي مسويه جبن خخخخخ اكملت اكلت منه لذيذ كل شوي اكل قطعه:eh_s(1): طبعا خالي حسيتني فاره اتقبل الزف خخخخخ لاني استاهل ياربي ليش جذي هالمره احط اكلي بصحني اوخر عن السفره احسنلي

عالجريمه الي سويتها اخذت حبه اساي بيري وما شربت اعشاب يبت كوب حطيت فيه جيس جياي رويال و جاي اخضر

طبعا ما صورت اليوم لاول مره بفكم من صوري انشالله اذا باجر قدرت اتحرك اصور

 

[sho-sho_93]

بنات الي تعرف شي يسد الشهيه ويلوع الجبد اتعلمني
والله الصيف ياي وفشله اظل امتينه ولبنات يلبسون قصير بتجمعاتنا وانا البس صير بس وووع ع متن وفخوذ متينه :\

ماكو شي يسد الشهيه لو في جان احنا اخذنا بس لاز يكون عندج اراده :eh_s(1): حطي جدامج بدله او شي يكون صغير عليج قولي مثلا بعد شهر بلبسه كل فكرتي تخربطين شوفي البدله و اذا سمنتج من تحت انصحج بالدري و المشي ساعه يوميا او 4 مرات بالاسبوع الي تقدرين عليه و يبي زيت زيتون وزنجبيل مبشور وطبخيه شوي كل يوم تدهني تدهني فيه ترا مافيه ريحه تذكر و هم مرتين باليوم حطي جل نيفيا قودي باي سيلولايت خليه تكرمين بالحمام عشان لي شفتيه تتذكرينه و متى ما فضيتي سوي تمارين اليوتيوب متروس مو شرط تسوين رجيم خلي اكلج صحي وبالمعقول وهم اذا اشتهيتي مثلا سويت اكلي قطعه بس مو علبو مشتهيه سويت كل يوم تشتهين والماي الماي الماي ع طوووول شربي وعندج الاعشاب ويدا حلوه حق الضعف