تجمع خاص للي أوزانهم 60 كيلو و حابين يكون 55 كيلو أو 50 كيلو

[sho-sho_93]

بنات الخل موووووزين عالجلد موووزين يشيل صبغه الجلد و مره قريت عن وحده كانت تحط ع بطنها خل التفاح لمن استوا لحمها توهقو فيها ما يقدرون يخيطون بطنها له مضار عالجلد استبدلوه بزنجبيل وزيت زيتون هم نتيجته حلوه

اليوم قعدت عال٣ اكلت توست اسمر وجبن لايت ودايت

عال٦ ممكن اخذت حبه حديد و برتقاله صغيره لووول اهي برتقاله وحده اكلناها انا وبنت اختي و ولد اختي�� برتقاله مشتركه

الساعه ٨ اكلت باستا سمره تقريبا نص كوب سويت مع صوص طماط وجبن بارميزان ودايت سفن �� اكلت مبجر عشانما انغث

 

[توووووتة الحلوة]

شوشو المبهجة
سلامات ما تشوفين شر ان شاء الله. احسن ما تسوين نامي كثير لانج حيييل تعبانه ... الله يشفيك
قلبي معاك

فطومتي
ايه معاج حق الظاهر عندي نقص فيتامين دال لاني على طول مكتئبة بدون سبب ... راح انزل معلومة عن فيتامين دال

مشكورة يا قلبو اني ما رديتي طلبي ... امممممممممواه

ودي اكتب يومياتي لكن هالايام مو قاعدة اسوي دايت ... صايرة اكل ... النفسية كثيررررر تعبانه هالايام :eh_s(2): الظاهر من النقص اللي عندي

حبيبتي انتي دراستج اهم، اذا خلصتي امتحانات تعالي عندنا :rerrerek:
ادري فيج ما تقصرين و مشكوووورة على المعلومات المفيدة

شوشو المبهجة
مشكورة على النصيحة بخصوص الخل ... انا لست من المؤيدين له
يومك زين لكن الاكل قليل مررررررة ... ترى بعدين يقل معدل الحرق بجسمك

و مشروبات الدايت ساء سفن او بيبسي ... هذي اكبر كارثة ترتكبينها بحق جسمج
و على فكرة مو زينة حق الدايت فيها الصوديوم عالي ... و هالشي يخلي جسمج يحبس السوايل

 

[توووووتة الحلوة]

شوشو و فطومه
اعذروني لاني اليوم دشيت متأخر لكن كلش النفسية تعبانه :eh_s(2):

معلومة مهمة عن فيتامين د
فيتامين د! دراسه إسبانيه عطوا مجموعتين بنات و شباب متان نظام غذائي يضعف. المجموعة الاوله عطوهم فيتامين د و الثانية ما عطوهم شي. مجموعة الفيتامين د ضعفوا اكثر من المجموعة الثانية. دراسه ثانيه إيرانية اثبتت اللي فيهم نقص فيتامين د و عطوهم كورس ضعفوا دهون و زادوا نسبة العضل. دراسه ثالثه من جامعة بردو وكلوا مجموعتين اكل دسم. اول مجموعه عطوهم فيتامين د و المجموعة الثانية ما عطوهم شي. المجموعة الاوله زادوا عضل و شوية فات و المجموعة الثانية بس زادوا فات. آخر دراسه استراليه اثبتت اللي ياخذون فيتامين د بعد اول وجبه في اليوم ياكلون اقل كالوريز و يحرقون اكثر باليوم. الخلاصه: بنات: 1000-2000 iu باليوم بعد اول وجبه. شباب: 3000-5000 iu باليوم بعد اول وجبه.

نقلتها لكم من انستقرام دايت نينجا

 

[sho-sho_93]

السلام
شلونكم بنات اشكركم وايد ساعدتوني و حفزتوني انزل الحمدلله توني وزنت وزني ٥٧ اعتبربه مناسب لي بس احس جسمي حييييل تعب و مو مستحمل بعد شكلي بوقف رجيم لان ما اتوقع الا فيني فلو كله تعب وغثيان و ارهاق و عوار بجسمي وحاليا جسمي اوكي وراضيه عن نزولي وبخلي اكلي عادي من اكل البيت بس بكميات معقوله وبشوف شيصير معاي انشالله ما ازيد ��وبحاول لو امشي نص ساعه او ساعه عشان احافظ ع وزني وببعد انشالله عن السويت او اكله بالمعقول ومو كل يوم �� كان ودي استمر معاكم لكن موبيد شدو حيلكم بنات اوصلو للوزن الي تبونه

مشكورين يا احلا تجمع مشكورين ام وليد وفطوم وكل البنات

توته الحلوه فديتج مشكوره وايد حبيتي ما قصرتي لووول استحملتيني وايد�� فديتج الله يحفظج وتوصلين للوزن الي تبينه بصحه وعافيه ولا تقطعين من التويتر �� خو صرتي اخت وصديقه

يالله لووول انا راح اسير عليكم اشوف شنو اخر التطورات شدو حليكم وراح توصلون للي تبونه وانشالله تضعفون بصحه وعافيه خلو عنكم الرجيم المو صحي اخذو فيتامينات �� وبالتوفيق جميعا

 

[Rawan00]

االسلام عليكم
انا بدش وياكم
اليوم اول يوم رجيم
الوزن :67
الطول :161
الهدف الاول :62
الهدف الثاني :57
الاخير :55
انا بس اكلت غدا شربت شوربة دياي بالكريمة
والسناك راح يكون برتقالة
والعشا كورن فلكس فتنس فواكة

 

[Rawan00]

وتمرنت على هالجهاز ربع ساعة

 

[FatoOoMa_<3]

تووته : حبيبتي و لو ما سويت شي و لو الود ودي اسوي اكثر و ما اخلي التجمع دقيقه بس شسوي لويه امتحانات بس راح احاول ايبلكم معلومات كثر ما اقدر ، و لا تقولين جذي لا تحطين ببالج هالشي .. قعدي ويا نفسج شوي و فكري ليش مكتئبه شنو فيه ... و طلعي روحج من هالمود و القي حل ... و لا تطلعين حرتج بالاكل في واايد اشياء تقدر تخليج مستانسه غير الاكل و هم ما علييه كل انسان لازم تحوشه فتره تصير فيه هالحاله بس لازم ما تخلين هالحاله تطول انتييي حطي لها حد ... و اهتمي بروحج فكري بنفسج انتي بس .. و صدقيني شويشوي راح تترتب افكارج و تسوين الي تبينه ؛)
قلبووو ريحي شوي و ردي للاكل الصحي كلناا و ياج هالتجمع عشان نصير رشيقاات

و شوشووو : لييييش ماراح تكملييين شووش خلج ويانا مو شرط تكونين برجيم اهم شي اكلج صحي ... او ريحي اسبوع و ردي ويانا لا تقطعييييين
حبيبتي الله يوفقج و ديري بالج على روحج و اهتمي بصحتج و رشاقتج
و طلي علينا يوميا ؛**

 

[sho-sho_93]

:eh_s(1):

تووته : حبيبتي و لو ما سويت شي و لو الود ودي اسوي اكثر و ما اخلي التجمع دقيقه بس شسوي لويه امتحانات بس راح احاول ايبلكم معلومات كثر ما اقدر ، و لا تقولين جذي لا تحطين ببالج هالشي .. قعدي ويا نفسج شوي و فكري ليش مكتئبه شنو فيه ... و طلعي روحج من هالمود و القي حل ... و لا تطلعين حرتج بالاكل في واايد اشياء تقدر تخليج مستانسه غير الاكل و هم ما علييه كل انسان لازم تحوشه فتره تصير فيه هالحاله بس لازم ما تخلين هالحاله تطول انتييي حطي لها حد ... و اهتمي بروحج فكري بنفسج انتي بس .. و صدقيني شويشوي راح تترتب افكارج و تسوين الي تبينه ؛)
قلبووو ريحي شوي و ردي للاكل الصحي كلناا و ياج هالتجمع عشان نصير رشيقاات

و شوشووو : لييييش ماراح تكملييين شووش خلج ويانا مو شرط تكونين برجيم اهم شي اكلج صحي ... او ريحي اسبوع و ردي ويانا لا تقطعييييين
حبيبتي الله يوفقج و ديري بالج على روحج و اهتمي بصحتج و رشاقتج
و طلي علينا يوميا ؛**

اي افا عليج :eh_s(22): والله تعبانه جسمي كله يعرني غثيان وارهاااااق وكله نوم تسكربت لووول:krkrkr:غيرت يبت حليب نص دسم هههه وقاعده اخذ الحديد اساسا احط الاكل ما اقدر اكمله :eh_s(16): بس باكل من اكل البيت اسبوع جذي اشوف وضعي اليوم مشيت 25 دقيقه حسيتت الدنيا تفتر فيني بسير عليكم لووول هههه لاتحبطيني قاعده اشوف وزني 57 وطولي 171جني اقتنعت فيه ع الي صاير قيني :eh_s(2):

 

[FatoOoMa_<3]

شوشو : قلبو كثري من الاكل الصحييي ! الاكل الصحي مااا يمتن .. كثري سلطاات فوااكه مكسرات بروتييين كل شي مفيد اكلييه . و وخري عن الخرابيط ما تمتنيين .. و اصلن ماشالله وزنج على طولج احسج عصصصله .. ١٧١ و وزنج تحت ال ٦٠ تعتبرين عصقوله ؛) ف ثبتي على وزنج و اكلي اكل صحي عشان صحتج .... موفقه حبيبتي

 

[توووووتة الحلوة]

مساء الخير على الكل

فطومتي

هالمرة دشيت علشانج خجلتيني بكلامج و اسلوبج الحلوة :eh_s(7): مشكورة حبيبتي ما تقصرين ... الله يرفع قدرك ... قلبو خلي التجمع هالفترة لانها امتحانات ... سكتي انا لما تجي الامتحانات ... اعتبرها خط احمر لا دايت و لا شي غير الكتب لانها بالكثير اسبوعين و بعدين اسوي كل اللي ابيه ... ناطرتج على احر من الجمر بعد الامتحانات ان شاء الله.

اما سالفه الاكتئاب اتوقع بسبب نقص فيتامين دال :eh_s(2): لاني لاحظت لما اكثر اكل تمر تتحسن نفسيتي واااااايد و مثل ما تعرفين التمر يعتبر منجم لكل الفيتامينات و المعادن. صدقيني ما فيه شي مضيق خلقي الحمدلله ... و سالفه البطالة مو شي جديد من زمان ... يعني مو اهي السبب ... الحمدلله

انا قاعدة مع نفسي و سألتها كذا مرة ... ما فيه سبب. مشكورة قلبو على اهتمامك و نصيحتك لي. جزاك الله خير يالغالية

انا اتوقع و الحين صرت شبه موقنه انو عندي نقص فيتامين دال ... اقري هالمقال علشان تعرفين
ط¬ط±ظٹط¯ط© ط§ظ„ط±ظٹط§ط¶ : ظپظٹطھط§ظ…ظٹظ† ط¯ط§ظ„ ...(( ط£ظٹظ‡ط§ ط§ظ„ظ…ظƒطھط¦ط¨ظˆظ† )) !!

و ان شاء الله راح اسمع كلامج و ما اطلع حرتي بالاكل ...

فطومة انا قايله لشوشو من زمان انها عصلة اظن الحين تصلح تشتغل عارضة ازياء :eh_s(10):

شوشو المبهجة
من كثر ما انتي تعبانه جسديا بسبب الدايت ... تخيلتج مثل السيارة السكراب :krkrkr: << اتغشمر وياج، كلش ما ايوز

و قرارك بترك الدايت عين العقل اهم شي الصحة :eh_s(15): لانها ما تتعوض ... مرة تعورج معدتج ... مرة ريلج ... ايش بقى :eh_s(10):

امس لما قريت ردج انج تبي تتركين التجمع ... اخنقتني العبرة :eh_s(2): الله يوفقك و ين ما كنتي
بين فترة و الثانية تعالي طلي علينا ... بلييييييييز لا تنسيننا

روان
وعليكم السلام
اهلا و سهلا فيج
نورتينا :eh_s(7):

طولج مثل طولي انا بعد هدفي 55

يومك يعتبر قاسي شوي مو كثير، كثري خضار منها تشبع و منها صحية ... و رائعة على الرياضة اللي سويتها

 

[توووووتة الحلوة]

شوشو
ايه اقتنعي ترى الطمع قل ما جمع ... و بعدين لا تصيرين مثل المثل القايل ... يبي يكحلها، عماها

بنات الميزان راح يكون ان شاء الله يوم الخميس الموافق 31/1

 

[sho-sho_93]

توته والله ماني قادره اكل معدتي كلملها اسوء الغذا كليت شوي عيش وانا نص الاكل خلااااص ما قدرت حسيت ان كملت بيصير فيني شي والعصر اكلت موزه صغيييييره وحبت حديد ما قدرت اتعشا من التعب ومعدتي &#55357;&#56883; الحليب ما اقدر اشرب احس معدتي مو مستحمله اي اكل الظاهر منها الغثيان &#55357;&#56883; اول مره يصير فيني جذي العاده اكل كل شي اصلا صرت اخاف من الاكل قاعد يسببلي رعب ههههه المشكله اني لمن الحين مبسطه بتجمعكم&#55357;&#56860;

 

[رومي]

انا لي ثلاث ايام من شرفت. الدوره.



وكنت اكل من الاكل العادي بدون حذر
وخايفه يزيد وزني.




كله من الاظطرابات. حقت الدوره. اففف




الله يعين بس

 

[طريق السعاده]

شوشو ماتشوفين شر يالغاليه وقفي دايتك وحاولي تاكلين صحي واذا في شي قوي لازم تطلعين المستشفى صلحي تحاليل كامله وسوي منظار للمعده اجراء احتياطي اذا صار كل نتايجك سليمه يمكن نوع من بهارات اثر ع معدتك المهم لاتهملين نفسك ..

بنات انا هالاسبوع مخبصه كثير اول شي الدوره عندي ثاني شي لي اربع ايام جمعات مع بنات خالي :/ يوم الجمعه ملكه بنت خالي وبعدها باذن الله التزم صح حتى الحين ماشيه بس انو يكون مثلا عشا من برا وتعرفون ..


تووته اذا شاكه في فيتامين دال روحي حلليه لانه مايخلي الجسم ينزل ويسبب اكتئاب وضيقه صدر انا كان عندي وعطوني كورس شهرين وهذاني ماشيه ع العلاج من شهر ونص لما اخلص برجع احلل وشوف وش صار بس الحقي عمرك وحللي دال اصلت اغلب الشعب ناقص دال عندهم

 

[طريق السعاده]

سوري ع البدليات بس من الايفون ومافيني اعدل هع

 

[طريق السعاده]

شوشو اي نسيت اكتب شي بعد سوي الاشاعه الصوتيه اضن اسمها سونار مدري المهم صلحيها ليكون فيك مراره الله لايقوله او زايده لاتجلسين تتالمين !!

ادري يمكن ردي يخوفك بس احتياط روحي افحصي نفسك كل الي قلت لك يمكن الالم والغثيان نقص كالسيوم او مراره ! الله يحميك منها

 

[sho-sho_93]

شوشو اي نسيت اكتب شي بعد سوي الاشاعه الصوتيه اضن اسمها سونار مدري المهم صلحيها ليكون فيك مراره الله لايقوله او زايده لاتجلسين تتالمين !!

ادري يمكن ردي يخوفك بس احتياط روحي افحصي نفسك كل الي قلت لك يمكن الالم والغثيان نقص كالسيوم او مراره ! الله يحميك منها

الحمدلله الحمدلله وضعي اليوم وايد احسن مستمره عالحديد وفيتامين راحت الدوخه وشريت دوا مال المعده الشراب كل ما حسيت بعثيان وعوار اخذت وقاعده اخذ مرقدوش قبل الاكل لا الحمدلله اليوم قمت واكلت معاهم خذيت عيش ابيض شويه مع روب بستمر جذي جم يوم مابي اتعب معدتي ? لووول ترا كل هذا مالي خلق اروح طيب ? متعيزه اسوق واركب السياره الكبر شين?

 

[Rawan00]

توووووتة الحلوة
ترى وايد زودت امس وخربطت واكلت حلو اوريو بعد
اليوم الصبح قست وزني نزلت نص كيلو

 

[Rawan00]

اللي اكلته طول اليوم
بيض عجه وخبر
و3 عصير اناناس
و3 حبات فستق
ونص صدر دياي وبطاط بالفرن
ومتعيزة اتمرن

 

[توووووتة الحلوة]

مساء الخير على الجميع

شوشو المبهجة
و بعدين مع هالتحلطم على كبر السن هههههه عطي كم سنة انا ودي اكبر، ترى صج مو قاعدة اتغشمر، انتي كريمة و انا استاهل :eh_s(17):

انا كتبت لج انو معدتج من الفلو، و الدليل انها تحسنت واااااايد :eh_s(9):

رومي
مو مشكلة ... تعوضينها لكن بلييييييييز لا تزيدين عن 3 ايام. لا تيأسين كل شي يتعوض الحمدلله

طريق السعادة
بس كافي ايه عطلة بس مو اسبوع نفلها و اذا رحت المطعم اطلبي سلطة و مشاوي و ابتعدي عن الحلو يا حلوة

اهااااااا يا دال :eh_s(16): توي ادري انو هو اللي ماخلا وزني ينزل و خلاني مكتئبة :eh_s(11): ان شاء الله راح اشتري حبوب فيتامين دال و انتي تخذين ابر او حبوب؟ و هل حسيتي فيه تحسن؟

روان
قلبو لا تقسين كل يوم، كل اسبوع قيسي ... ترى الميزان يجيب الاحباط :eh_s(16): عادي انا بعد امس اكلت اوريو و اليوم بعد ما يمنع انك تأكلين حلو لكن بس مرتين بالاسبوع :eh_s(17):

يومك حلو لكن مافهمت 3 عصير اناناس اذا قصدك ثلاث علب فيعتبر وااااااايد ... العصاير فيها وايد كالوريز
مبين انو وزنج من النوع اللي ينزل بسرعة الله يبارك لك

مو شرط تتمرين، امشي لو نص ساعة باليوم