تجمع خاص للي أوزانهم 60 كيلو و حابين يكون 55 كيلو أو 50 كيلو

[sho-sho_93]

مرحبا
شلونكم ياحلوات

شوشو خلاص ماكو فايده مافكر بالرجيم يبيلنا طق انا وتوته هههههه
كنت افكر ارد للرجيم بس عارفه نفسي بخربه لانه امتحان ولدي الفاينل قرب ومنها شتا وجمعات فبراير قربت
وبعدها بعقل واسوي رجيم وترد لي ارادتي يارب بس ان شاء الله حاليا ماامتن حيل

هههه عاد تدرين انا كنت مقتنعه انالرجيمما يفيد احسن شي تخفيف امس ببشت رجيم دشتي امبيه تخيلي صداااااع طول اليوم ما قدرت انام دووووخه ولايعه جبدي بغيت اطيح اصلا عادي قمت تريقت العاده ما اتريق لووول الله يوفقه اهو يمتحن وانتي تحاتين وتاكلين لوووول جنه انتي تمتحنين ?هههههه طقوني معاكم لا اكلي بس بكميات اقل

 

[طريق السعاده]

اليوم الميزان واليوم انفكت العقده عندي
الحمد لله بعد ثبات 3 اسابيع ع 68 نزل اليوم اخيرا هع
الوزن قبل عشر ايام = 68,7
الوزن الحالي = 67,5

بقول حاجه صراحه انا مشتركه بقروب ثاني وكان يوم الميزان كل يوم سبت امس كان ثالث سبت ووزني ثابت ف سويت رجيم التمر امس واليوم وبكرا عشان اكسر الرقم والحمد لله مشى حالي وتحرك الرقم ..

 

[صغيرة على الحب]

واااااااو شوفو الانجاز



يالااا اشوف تصفيق حااااار

 

[صغيرة على الحب]

شدعوة محد ملقيني ويه

 

[رومي]

السلام عليكم



اليوم وزنت. والحمدلله


الوزن السابق :64,90
الوزن الحالي :63,2


ونااااااااسه الله يتمم

 

[FatoOoMa_<3]

طرييق السعاده و. صغيره على الحب و رومي
كلكم مبرووووك حباايبي كفو والله ماشالله عليكم يالله استمرووو استمروووو نبي الوزن ينزل و ينزل و مااا يرد يصعد ؛)

 

[FatoOoMa_<3]

صغيره على الحب : حبيبتي الف مبروووك بس كتبي الوزن السابق عشان نعرف جم نزلتي

 

[طريق السعاده]

روووومي & صغيره على الحب:eh_s(15)::ggdw:
الف مبروووك النزووول قربتو للخمسينات خلاص :eh_s(9)::eh_s(9):

عقبالي يااااااااارب قريب:yaaaaaarb::yaaaaaarb::yaaaaaarb:

 

[طريق السعاده]

مبرووووك النزول فطوم & صغيره ع الحب & رومي والباقيات حراير و توته وشوشو وينكم اليوم مافي اوزان

شدو حيلكم بنات نبي نودع هالستينات وندخل عالم الرشاقه عالم ال 50 وال 40

يارب ينزلنا ويسهلها علينا بصحه وعافيه

 

[سهام الهاشمي]

السلام عليكم
الوزن السابق : 64.0
الوزن الحالي :63.0

 

[توووووتة الحلوة]

صغيرة على الحب

حطي وزنج السابق علشان ادخلك بالقائمة، يمكن تصيرين رشيقة الاسبوع

 

[أم وليد الشمري]

مساااااء الخيرررر
صغيره.. طريق السعاده.. سهااام ... الف مبرررروك وفالكم الرشاقه
الحلوه تبي تشرف واحس ان الوزن مومضبوط
الوزن السابق:60
الوزن الحالي: 60
معدل النزول: لا شي
بس لله الحمد احس القياسات اصغررر
واهم شي اني مازدت ابي ادخل الخمسينات

 

[FatoOoMa_<3]

تووته و شوشو وين اوزانكم

 

[توووووتة الحلوة]

فطومه

انا وزني راح انزله مع القائمة لكن ناطره البنات اللي ما حطوه اوزانهم

شوشو اعتذرت هالاسبوع

 

[sho-sho_93]

انا عطوني جم يوم وانشالله و اوزن&#55357;&#56833;

طبعا رجيم دشتي حييييييل تعبني وحسيت بهبوط وأنا اساسا تعبانه عوار بطن وتكرمون لوعه وجذي كله نايمه&#55357;&#56906;

طبعا قعدت الدنيا تدور فيني فأكلت طبجه توسته سمره وجبنه مثلث لايت وحليب خالي الدسم

بعدها طلعت مشوار خخخخخ وأنا ما اشوف جدامي بس اشوه كان ماكو دوخه

رديت تغديت حيل مبجر ١ الا لازانيا مالت دايت كير حدها لذيذه عجيييبه بالنسبه لي الذ من المطاعم&#55357;&#56845; فيها جنه ٣٩٠ كالوري اكلتها مع دقوس غراش بس

مع الاسف ما مشيت لأني ما قدرت اقوم&#55357;&#56883; ما ادري شفيني كل شوي مرض معنه آكلي احسن من قبل قبل حتن حليب ما اشرب&#55357;&#56833; وما اقدر اخذ مالتي ڤايتامين لان يفتح شهيتي لي درجه عطوني حديد اخذتها وحده يومين ما اقدر اسيطر ع شهيتي

المهم عالساعه ٦ شربت حليب حار وزعفران مع سكرين

واخر وجبه العشا أكلت تفاحه و افندي &#55357;&#56860; ما ادري شفيني لوول ما شربت جاي اليوم ولا أعشاب بس اشمه احس معدني تقلب&#55357;&#56877; طبعا ما حطيت صور لان ما صورت كل شئ وشابكه بايبود&#55357;&#56860;

 

[sho-sho_93]

صج مبروك نزول البنات ويالله منها للاعلئ الفأل حق الوزن الي تبونه

 

[توووووتة الحلوة]

صباح الخير على الكل

باك على ردود شوشو المبهجة

انا و انتي نكفي و نوفي :ggdw:

يومك امس تعرفين رايي فيه مو عاجبني لانه ريجيم اتكنز و هالدايت مو صحي كلش ... بروتين في بروتين :eh_s(16):

بس عرفت شي يديد بيض السمان مو معروف عندنا بالسعودية

الحق حق ... اعجبتني السلطة صحية ومغذية :eh_s(15):

بليييييز لا تسوين دشتي ... صحتك اهم من الدايت كله بكبره يا حبيبتي انتي

الحراير
لا ... ما نحتاج طق بصراحة سوينا اللي علينا و اكثر و انتي و بدون مجاملة كنتي عنوان للالتزام الله يبارك لك. انا ما ادري ايش سر ثبات الوزن. لي 8 شهور ما خليت شي ما سويته ... اكل و قللت و مشي و مشيت :eh_s(16):

تخيلي لي 8 شهور ما اشوف الا 62 او 61 او 60

الله يوفقك ولدج بدراسته يااااااارب و تشوفينه شي مهم بالديرة

شوشو
بليييييز تركي دشتي عنج، قمت احاتيج :eh_s(16): خايفة على صحتج، الوزن لاحقة عليه ان شاء الله لكن الصحة ما تتعوض

شوشو المبهجة ردي على يومج اليوم
سلامات قلبج يالغالية ما تشوفين شر ان شاء الله. خطاك السوء ان شاء الله

يومك حلو كثير و الاحلى انج تركي ريجيم دشتي :eh_s(15): عوافي ما اكلتي :eh_s(17):
قلبو انتي الحين مريضة الزمي الراحة و لاحقة على المشي و الدايت ... و معدتج تقولب من الفلو ... سلامة قلبج

قولي امين ... جعل ايدينك ما تمسها النار لانك بالرغم من تعبك و مرضك دخلتي و كتبتي يومك :eh_s(15): احب الناس اللي ملتزمة ... الله يقويك :yaaaaaarb:

يا حياتي حتى و انتي تعبانه مانسيتي تباركين للبنات :ggdw:


شوي و نزل القائمة نطروني

 

[توووووتة الحلوة]

فطومة

الوزن السابق: 70.9
الوزن الحالي: 69.5
مقدار النقصان: 1.400

طريق السعادة

الوزن السابق: 68.7
الوزن الحالي: 67.5
مقدار النقصان: 1.200

رومي

الوزن السابق: 64.9
الوزن الحالي: 63.2
مقدار النقصان: كيلو و 700 جرام

سهام الهاشمي

الوزن السابق: 64
الوزن الحالي: 63
مقدار النقصان: كيلو

ام وليد

الوزن السابق: 60
الوزن الحالي: 60
مقدار النقصان: ثابت

توتة الحلوة

الوزن السابق: 61.7
الوزن الحالي: 61.1
مقدار النقصان: 600 جرام

الحائزة على لقب رشيقة الاسبوع هي رومي بمعدل خسارة كيلو و 700 جرام :eh_s(9): :ggdw: :eh_s(9):

المركز الثاني فطومة بمعدل خسارة كيلو و 400 جرام

المركز الثالث من نصيب طريق السعادة بمعدل خسارة كيلو و 200 جرام

الف مبروووووووك رومي فرحت لك كثيرررررر :eh_s(9):

فطومة و طريق السعادة انا فخورة فيكم كثيرر :ggdw: بيضتو الويه :ggdw:

 

[أم وليد الشمري]

مسااااء الخيرر
شلونكم رشيقات المستقبل؟
الف سلامه عليج شوشو ما تشوفين شر حبيبتي.. ولا تتبعين اي رجيم خففي لانج تعبانه
توووته... شقوووولج فيني تعب قد الدنيااااا
عندي الله يخليهم امتحانات فاينل ومطلعين عيني والعرس بعد عشر ايام
وتخيلي لما الحين ما شريت بدله للعرس
الحمدلله ... شخبارج ياحلوه واستمري بالرجيم الحمدلله هالمره انتي نازله في تقدم
كثري ماي ... وسوي تحليل فتيامين دال
الحراير... امتحانات واااي حاله استنفار الله يكون بالعون ويخليهم لنا
ام براك ... وينج غايبه عسا ما شر
زوراسااا.. اين انتي،؟؟؟
توووته.... العيال ع قد تعبهم وشقااااهم ياحلاتهم ربي يرزق كل من يتمني

 

[رومي]

الله يبارك فيك حبيبتي

وعقبال البنات


مستااانسه :ggdw:

الله يتمم على خير



ومبروك لكم كلكم