يومياتي ..لقتل ودفن ووداع السمنه (الجزء الثالث من ستة اجزاء)(مدة شهر من تاريخه)

[lemonah]

1000 كالوري!! شوي .. تقللين اكثر من جذي مو زين..
اهو المفروض لي احد بيسوي رجيم المفروض تبدين من الكالوري اللي انتي كنتي تاخذينه قبل لا تبدين وتنزلين منه 500 واول ما يثبت الوزن تنزلين 200 وتظلين جذي لي توصلين الى 1200 واهو اقل شي..
بس ان تاخذين بس الف... وبالذات انج تمارسين رياضة..
ولما تقللين وايد جذي يمكن الجسم يصير عندة ردت فعل تخلية يخزن كل اللي تاكلينه ويمكن عشان جذي ما ينزل الوزن ..
لا تحرمين جسمج قللي اكل بس مو مرة وحده .. شوي شوي عشان الجسم يتاقلم مع النظام اللي تسوينه..
ويارب توصلين للي تبين وبصحة ان شاء لله :tek:​

 

[atosha]

:

100 كالوري!! شوي .. تقللين اكثر من جذي مو زين..
اهو المفروض لي احد بيسوي رجيم المفروض تبدين من الكالوري اللي انتي كنتي تاخذينه قبل لا تبدين وتنزلين منه 500 واول ما يثبت الوزن تنزلين 200 وتظلين جذي لي توصلين الى 1200 واهو اقل شي..
بس ان تاخذين بس الف... وبالذات انج تمارسين رياضة..
ولما تقللين وايد جذي يمكن الجسم يصير عندة ردت فعل تخلية يخزن كل اللي تاكلينه ويمكن عشان جذي ما ينزل الوزن ..
لا تحرمين جسمج قللي اكل بس مو مرة وحده .. شوي شوي عشان الجسم يتاقلم مع النظام اللي تسوينه..
ويارب توصلين للي تبين وبصحة ان شاء لله :tek:​

بعد قلبي والله كلامج مقنع صراحه ولا غبار عليه .. :eh_s(12):

انا قالتلي دكتوره الدايت كير لما سوتلي فحص على نسبه السوائل والدهون والعضل بالجسم قالتلي انتي جسمج معدل الايض عنده 1300 وشي .. وحتى 1200 شويه .. بس ما صدقتها ..

عموما تسلمين والله جنه ردتلي الروح شوي .. صح اهو مو بتقليل الكميه اهو بتنظيم الاكل وتعرفين شنو تاكلين ..

حبوبه ما قلتيلنا جم وزنج انتي .. سؤال يراودني من دخلتي علينه << لقافه

 

[lemonah]

:bbbiu: ليش الاحراج..
عاد قاعدة انطر.. احاول ينزل لي يوم السبت وبعدين اقولكم ..
بس دام سألتي بقول
انا طولي 169 ووزني كان اقل والله بس الحين حدي زايدة وصلت 87
وناوية ان شاء الله وانا معاكم انزل لل 60 يا رب يا رب كلنا نوصل للوزن اللي نبيه
:yaaaaaarb: يا رب​

 

[نورعلي]

مالي وجه اليوم ادخل واكمل يومي:s141:

الله يسلمكم اليوم عندنا طلعه مع الابو والعيال ولازم الاكل :eshrab:

وما يحتاج اكمل انتو تعرفون الباقي:eh_s:

 

[جواهر2009]

مرحبا شلونكم توني متعشية توست وجبن لايت وسلطة وشاي بحليب ودي اسال ليمونة لو ابي اكل قبوط عادي بدون لحم يعني مو محشي ولا مطبوخ مع لحم شكثر اكل ابي الكمية المسموح فيها انا الحين قاعده اغير نظام اكلي واقلل من الدهون والنشويات يعني زين اذا بالشهر نزلت 5 ما ابي رجيم بعدين ادبل الوزن اللي قطيتة ابي شي على طول وشكرا..ليمونة عفية ردي علي

 

[lemonah]

اختي جواهر 2009 .. شكراً ع الثقة
بس حبيبتي انا ما عرف انتوا شلون تسونه ولا شتضيفون له وقت الطبخ عشان اقدر احسب السعرات الحرارية اللي فية
بس اعتقد ان لي كليتي منه كمية معقولة يعني ما كثرتي ما اظن انه بيضر.. ولي حسيتي انج كثرتي والا حسيتي بثقل
زيدي الحركة وخففي في باقي وجبات اليوم..
سوري اذا كنت ما قدرت افيدج بس ما ودي اعطيج معلومات مو متاكدة منها..

 

[dяέἆᶆ qûếếἦ]

السلام عليكم ورحمة الله وبركاته

قوووة فديتكم فردا فراد:eh_s(6):

شسالفه كلكم نوم بالنهار وقاعدين بالليل

اتووش سلامتج إن شاء الله لا فيج غده ولا شي

تعبت اشتفت لج وووينج ؟؟

باجي البنات كملووا كملوووا وربي معانا

ليمونه حبيبتي جزاج اللـه خير انج تردين على تساؤلاتنا مشكووورة وبميزان اعمالج إن شاء الله

وعافيه عليكم بنات مطرح مايسري يمري

المهم يومياتي تريقت بيضتين مقلي بس مسحه خفيفه زيت زيتون +جبن وطماط+خبزه سمره وجاي طبعا سكر اسمر

الغدا إن شاء الله 2 همرجر وسلطه وبحلي قطعه كاكاو صغييييييير كادبوري البنفسجي الصغنون

العشااء ولله الحمد والمنة صارلي تقريبا 4 ايام انام بدون عشاء واليوم بطلع إن شاء الله عندي جم مشوار يعني مادري

للحين بس وعد ماراح اتعشى الا لمن اكون صج جوعانه وراح اشرب شوربه

بناات شدوا حيلكم العيد قرب _03BA:
<<<خل اول يجي رمضان :dddds:

اعطيكم حمااس ودفعه يعني :ggdw:

 

[تفاح بنفسجي]

صباح الخير ..كيف حال الحبوبات.... الدبدوبات...الحلوات.... اللي انشاء الله بيصيرون رشيقات..:dddds:

كيف الرجيم وياكم ...بنات بيغيت اسالكم...انا كنت ماشيه على رجيم د.هدى الدويسان وخلصت الاسابيع السته ...

بس حابه اغير نظام وش تنصحوني فيه... اكون شاكره لكم

بنسبه ليومياتي.الصبح شربت حليب مع خبزه بر محشيه جبن دايت.والغدا انشاء الله بيكون سمك مع سلطه مع ربع خبزه+حبه

فاكهه...والعشاء والله ماادري وش بيكون...بس رح اقولكم.. ​

 

[Pretty Amoola]

مالي وجه اليوم ادخل واكمل يومي:s141:

الله يسلمكم اليوم عندنا طلعه مع الابو والعيال ولازم الاكل :eshrab:

وما يحتاج اكمل انتو تعرفون الباقي:eh_s:

ان شاء الله تستانسون بس ممكن تاكلين اكل صحي بدون ما تخبصين،

عليج بالسلطة والمشاوي وتجنبي الأكلات الدسمة

​

 

[Pretty Amoola]

بس حابه اغير نظام وش تنصحوني فيه... اكون شاكره لكم

بنسبه ليومياتي.الصبح شربت حليب مع خبزه بر محشيه جبن دايت.والغدا انشاء الله بيكون سمك مع سلطه مع ربع خبزه+حبه

فاكهه...والعشاء والله ماادري وش بيكون...بس رح اقولكم.. ​

بالعافية تفاح،

انا انصحج برجيم السعرات :tek:​

 

[dяέἆᶆ qûếếἦ]

صبااح الورد تفاااح

عافيــة ..

 

[تفاح بنفسجي]

هلا والله رفيلو....صباح النور والسرورمشكوره حبيبتي الله يعافيك....طيب حبيبتي مثل اي رجيم..

 

[جواهر2009]

السلام عليكم ..
شلونكم بنات ..مشكورة ليمونة عالرد وما قصرتي ..باقي البنات شخباركم ..اليوم المنتدى صخة ليش وين باقي البنات..انشاءالله المانع خير..
اليوم تريقت توست وجبن لايت وشاي وخيار وبس ..اوافيكم بالغدا اذا تغديت ..بااااااي
سلامي للكل..

 

[lemonah]

هلا اختي Pretty Amoola ..سوري تأخرت عليج كنت ادور مشاركتج عشان اردعليج بس ما شفتها .. السموحة حبيبتي
المهم.. شوفي اختي مافي رجيم او نظام نقدر نقول ان يناسب كل الناس بس انا اخذت المعلومات الموجودة عندج اللي اهي الوزن والطول والعمر وحسبت لج الاحتياج اليومي من السعرات الحرارية اللي تحتاجينها بصورة طبيعية تكون تقريباً 1800 كلوري في اليوم المفروض اذا كنتي تبين تنزلين وزن تقللين السعرات تقريباً في حدود500 كالوري كبداية لكن مثل ما قلت لج قبل بما انج ترضعين (المرضع تحتاج سعرات اكثر من الحامل) المفروض تزيدين 500 كالوري يعني لي ظليت على اللي انتي تاخذينه 1800 او حتى لي قللتي الى 1600 يكون اوكي بس حاولي تاكلين اشياء مفيدة وبالذات مثل ما قلنا قبل السوائل .. وحبيبتي اللي لاحظته من الاكل اللي كنتي تاكلينه مافي اكل غني بالكلسيوم وهاذي من العناصر اللي تحتاجينها لانج مرضع لان البيبي ياخذ من الكالسيوم اللي موجود في جسمج ..
و ياربي يوفق لج عيالج ويخليهم

 

[تفاح بنفسجي]

مرحبا ....خواتي جواهر وليمونه انتم وشخباركم...

 

[lemonah]

هلا اختي تفاح :tek:
انا بخير الله يسلمج
انتوا شلونكم

 

[جواهر2009]

هلا تفاح بنفسجي انا تمام وعلى اعصابي خايفة اخرب الرجيم ههههههههههههه

 

["أم شوشة ^^ومنفوشة"]

:68_asmilies-com:

السلام عليكم جميعا

انا نعماااان................... هاهاهاهاهاهاا

شلون الحلوين ام الشواشي معاكم... تحيكم خلسة لاننا ليلحين قاعدين نزل هالرسوم فويل لي ان شاهدني وانا قاعدة عالكمبيوتر

لكني ولهت عليكم وايد وايد

حبيبي اتوشا ... ادري ادري اني خلاص قلتلج بحبي... شفيهااااااااااااااااااااااااا شالفلم؟؟؟

بعد عمري انا هاليوم خربط ريجيم وبصراحة ودي ارد ابلع هاليومين ......فعلشان جذيه سؤالي لليمونة اللطيفة

شنو اهوا افضل نظام غذائي لصديقتك الصغيرة ام شوشة.... مع العلم انه عندي شويه الكوليسترول الضار مرتفع من ضمن الرانج المسموح... واحس اني محتاجة حديد شوي

.... وسؤال ثاني

هل بذر الكتان ياثر صج على المبايض.... لانه ممتاز لحرق الدهون؟؟؟؟؟؟

وشكرا


:tek:​

 

[نورعلي]

:68_asmilies-com:


هلا والله بالحبايب ولهت عليكم فرداً فرداً

عقااب لخربطة البارح اليوم صااااااايمه..بعد الفطور اوافيكم بيومياتي


ابي اسالج ليمونه السندويش المدور كم سعره حراريه فيه؟؟

وصج سوسته وحده تعادل ربع خبزه؟؟ردي علي الله يخليج قبل المغرب

 

[Pretty Amoola]

هلا اختي Pretty Amoola ..سوري تأخرت عليج كنت ادور مشاركتج عشان اردعليج بس ما شفتها .. السموحة حبيبتي
المهم.. شوفي اختي مافي رجيم او نظام نقدر نقول ان يناسب كل الناس بس انا اخذت المعلومات الموجودة عندج اللي اهي الوزن والطول والعمر وحسبت لج الاحتياج اليومي من السعرات الحرارية اللي تحتاجينها بصورة طبيعية تكون تقريباً 1800 كلوري في اليوم المفروض اذا كنتي تبين تنزلين وزن تقللين السعرات تقريباً في حدود500 كالوري كبداية لكن مثل ما قلت لج قبل بما انج ترضعين (المرضع تحتاج سعرات اكثر من الحامل) المفروض تزيدين 500 كالوري يعني لي ظليت على اللي انتي تاخذينه 1800 او حتى لي قللتي الى 1600 يكون اوكي بس حاولي تاكلين اشياء مفيدة وبالذات مثل ما قلنا قبل السوائل .. وحبيبتي اللي لاحظته من الاكل اللي كنتي تاكلينه مافي اكل غني بالكلسيوم وهاذي من العناصر اللي تحتاجينها لانج مرضع لان البيبي ياخذ من الكالسيوم اللي موجود في جسمج ..
و ياربي يوفق لج عيالج ويخليهم

يعطيج العافية ليمونة وان شاء الله بحاول أكثر من الكالسيوم خو انا مو ناقصة

جسمي كله سكرااااب ماكو شي فيني صاحي :dddds: ( الحمد لله والشكر )​