(¯`•.¸(¯`'•.¸حلمي اصبح حقيقه ¸.•'´¯).•'´¯)

[ليااااان]

بالتوفيق بنات

 

[((!ورد جوري!))]

بالعافيه بنات علي ما كليتوا أنا قعدت متاخر ما تريقت غداي كان سويت حميسه مرتدلا مع فلفل بارد وبصل بملعقه زيت زيتون وحطيت مع قفشه جبن سائل لذيذه مع سلطه والحين قاعده أشرب جاي أخضر

 

[$كشوخه$]

^ شكلها لذيذه يبيلها تجربة . .

أنا تغديت اقل ربع دجاجة مشوية وتقريبا كوب عيش وسلطة وكوب عصير برتقال فرررش

ومشيت على جهاز المشي 35 دقيقه وحرقت 141.2

 

[بدويه برستيج]

انا تريقت ملعقتين لبنه بالخلطه الفرنسيه مع نص خبزه لبنانيه
وكوب كبير عصير برتقال


وسويت بعدها بساعه
ايروبيك نص ساعه
ونص ساعه مشي


الغدا كان كبسه دجاج حسيت بعمري زدت الكميه شوي

وبعدها شربت كوبين شاي اخضر


العصر السناك
٣ قطع بطيخ صغار
وكوبين شاي اخضر


العشا ملعقتين لبنه بالزعتر
وزعتر بزيت الزيتون وخبزه لبنانيه

حسيت بعمري شوي زدت العشا اليوم والغدا
بس انشالله ما ياثر كنت بطلب وجبه من المطعم وقاومت الحمدلله

 

[$كشوخه$]

^ لا تحآآتين دام سويتي رياضه وشربتي جآي أخضر ما علييج إن شاء الله في السلييم . .

أنا طلعت وكليت قطعه صغييره حييل من الكيك و شوي آيسكرييم :$ وعصير كوكتييل . . إن شاء الله ما عدآآ ال 300 كآآلوري

ولحد ألحين ما تعشيت ولا بتعشى

المشكلة صايرة ماشرب مآآي وااجد :\\ اليوم بس شربت 3 أكواآب

أفكر أسوي رياضه يا أمشي أو أسوي تمآآرين بطن . . بشوف شنو أسوي وأقولكم

أنا ودي أستمر على تمآرين البطن لمدة إسبووع وأزيد الكمية كل يوم لأن يقولون يشد والنتيجة تبين في الإسبوع بس مشكلتي أتكيسل بس بحاول ألتززم

 

[$كشوخه$]

سويت تمآرين الآيروبيكس 50 مرره

 

[((!ورد جوري!))]

بالعافيه سناك كوفي والعشا سلطه روب مع خيار وتبلته بليمون وملح وثوم مع كيوي

 

[بدويه برستيج]

بالعافيه عليكم

احس براحه عجيبه بعد ما اسوي رياضه سبحان الله
احب الرياضه لو اكل كل شي ويوم اخرب ما اسوي بس الحين اذا ما سويت على طول يزيد وزني واتم كسلانه طول اليوم ومافيني حيل ومتضايقه حيل واي شي يصير ينرفزني بس الحمدالله على الصحه والعافيه

صدقوني الرياضه اهم شي

شوفي الناس باعمارنا هنيه وشوفوهم عند الاجانب نفس العمر بتعرفون الفرق نحن عندنا الوحده كانها اكبر عن عمرها ب ١٥ سنه من الاهمال على قولتهم اكل ومرعى وقله صنعا

بس شو نسوي الحمدلله على كل حال

انا بصراحه صرت ما اشتهي الاكل بس لما اكل اكل من الملل
ومن الضيقةوبعدين اندم

الحين ابتدى يومي.
وبوافيكم بالتفاصيل ان شاء الله

 

[تبولة حامضة]

صباح الورد ..

أمس كان يومي :

سبع حبات تمر .. برتقالة .. جزرة

بعدها خبزت لي خبزة لبنانية سمره بر صغيرة .. واكلتها مع شريحة جبن لايت وزبادي وخيارة ..


وبس ..

بنات تحسون أكلي واااااااااايد والا معقول .. مادري شفيني .. أحيانا أحس حالي أكلي واااايد وأحيانا أوكيه .. طبعا مستمرة بالصوم رغم الدورة الشهرية .. بس أشرب لي كاسة ماي في النهار ...

وتعودت أسوي خبزي في البيت ..تصدقون سهل وحلو .. لا مخابز ولا يحزنون .. وضامنه مافيه لا سكر ولاملح ولا زيت..

تحياتي ..

 

[تبولة حامضة]

صادقة يا بدوية .. الرياضة تفرق واااااااااايد نفسيا وجسديا ..

وااااااايد متكاسلة عن الرياضة .. وجهازي الاوربتراك اخترب بعد اكملت .. باخذ لي واحد جديد بعد فترة ..وباحاول أمشي شوي ..

 

[بدويه برستيج]

يعطيج العافيه تبوله حامضه كيف طريقتج بالخبز فيدينا

 

[بدويه برستيج]

انا سويت رياضه ربع ساعه ومشيت نص ساعه

تريقت سمونه مدوره مع ملعقه لبنه بالمكدوس وكوب عصير برتقال


وبس لي عوده ان شاء الله

 

[تبولة حامضة]

أهلين ..
طريقتي في الخبز سهلة وسريعة ولذيذة ..

طبعا ماراح اكتب كميات لأني المقادير عندي بالنظر.. ماكو مقادير محددة ..

حطي مثلا كوب طحين أسمر .. واخذي كوب صغير حطي فيه ماي دافي وخميرة .. وابدأي صبي عالطحين شوي شوي ..موتصبينه كاااااامل .. لااا .. صبي شوي شوي لحد ما تصير عندج عجينة حلوة لينة .. وطبعا وازنيها بالطحين اذا صارت لينة وااايد او بالماي اذا خشنة ..

خليها تتخمر ما بتاخذ وقت .. يفضل تتركينها نصف ساعة ..

تاخذينها وتمدينها بالشوبك ولا تخلينها رقيقة وااااااااايد ولا سميكة واااااااايد .. طبعا قبل تكونين ناثرة طحين علشان لا تلصق .. بعدها اقطعيها باي شي دائري عندج .. علشان يصير شكلها مرتب ..

حمّي مقلاة تيفال على النار .. وحطي القرص بعد ما يكون الصاج او المقلاة صارو حارين .. اتركيها نص دقيقة وارجعي قلبيها .. راح تشوفين انها راح تنتفخ شوي شوي لما تصير منفوخة .. قلبيها على كل جهة لماتحسين ان ريحة الخبز فاحت واستوى .. وخلاص .. شيلي القرص وحطيه في حافظة ..

الخبز الابيض اسويه بنفس الطريقة بس اضيف للماي سكر مع الخميرة .. وشوية ملح مع الطحين ..

طبعا تقدرين تضيفين اضافات .. سمسم .. نعناع يابس مع الطحين .. حبة البركة ..

 

[$كشوخه$]

تريقت توستين مع بيض ممسوحه بجبن ونص كوب جآآي حليب

تغديت أقل من ربع دجآآجه مشوية مع شوي سلطة وكوب ونص عصير برتقال فررش

 

[بدويه برستيج]

شكرا تبوله حامضه سهله الطريقه بنجربها ان شاء الله

 

[بدويه برستيج]

بالعافيه كشوخه ماشالله عليج ملتزمه ان شاءالله تنزلين

 

[بدويه برستيج]

انا تغديت شويه عيش برياني مع طماط وفلفل


والحين ريلي يتغدا جدامي معكذونه ما قدرت اقاوم بصراحه كلت منها لذيذه بس الله يعين بشرب شاي اخضر وايد عشان احرقها

 

[$كشوخه$]

الله يعافييج حبيبتي ، احس معدتي صغرت عن قبل الحمدالله

بدوية امشي شوي لو ربع ساعه او تمارين بسيطة

انا مشييت عالجهاز ١٥ دقيقه وحرقت ٦٢،٥ كالووري

 

[((!ورد جوري!))]

أهلين حبايبي بالعافيه بدويه صاجه الرياضيه مفيده وايد اذا سويتي تحسين نفسج خفيفه تبوله بالعكس أكلج حلوووو جذي ماشالله تسوين الخبز بنفسج أحسن بدون إضافات صحي كشوخه بالعافيه علي ما كليتي يومي تريقت حليب خالي الدسم نص كوب والغدا ٢كباب مشوي مع شرائح طماط وخيار وفلفل وبشرب جاي أخضر

 

[((!ورد جوري!))]

بنات باجر بوزن لاني يوم الخميس إن شاالله مسافره إسبوع وأرد بس إن شاالله إدعولي ما يزيد وزني لانب ما أقدر أمسك نفسي بالسفر راح أشتاقلكم