اطباق لذيذه ( سهل - متنوع - منقول - متجدد ) تابعونا

[78MariMar78]

تسلم ايدك بطة

 

[بطه فيها نطه]

كـاسات انمــا آيه يهــبل وكششخهـْ


منقوله من : شوقي زايد



نبدا بالمقادير ..ْ

باكيت بسكويت شاي
ظرف كريم كراميل
علبة قشطة
فنجان شاي ماء
2 م ك سكر
نضربهم مع بعض زيييييين وهنا شكلهم بعد ماخلطتهم

الطبقه الثانيه


وحدات مارس
3 وحدات سنيكرز
علبة قشطة
نسيح المارس والسنيكرز في المايكرويف قليلا ونضيف عليهم علبة القشطة ونخلطهم كويس

الطبقه الثالثه

نصف كوب حليب
ظرف دريم ويب او ويبينج كريم
علبة جبن كيري 6 قطع
نخلطهم في الخلاط ونضيفهم على الخليط في الكاسات ونزينهم باللي نبيه
انا زينته برشه سكر بودره

ونسكافيه

وووووبس دخليه يبرد وذوووقيه جنان

 

[بطه فيها نطه]

التراميسو




منقول من : توب شيف



المقادير :

حوالي كوب إسبريسو مخففة بكوب مويه ،

أنا لأني أمووووت في شي إسمه إسبريسو أسويها بكوبين بس أنتي ورغبتك عاد

مخلوط معاها ملعقة كبيرة سكر .

١/٢كوب سكر

4صفارات بيض

نص كيلو جبن ماسكاربوني

كوب قشطة خفق باااااااااااااارد

حوالي ٣٦ حبة أصابع السيدة أو الليدي فينجر

قشر برتقال أو فانيلا أو حتى شوي إسبريسو ( إختياري)



الطريقه :





أول شي في حمام مائي أخفقي البيض و السكر بخلاط يدوي أو باليد

إلين ما يتضاعف حجمه حوالي ٣ مرات (حوالي ٥ - ٨ دقايق).

لو تبين حطي النكهات اللي تبين الحين ، إستخدمي فانيلا أوبرتقال

لو تحبين بس أنا زي ماقلت أعشق القهوة عشان كذا أستخدم يمكن

شوت إسبريسو مع البيض و السكر.بعدين شيليها من الحمام و أخلطي معاها المسكربوني.

الحين في صحن معدني نظيف وبارد ومضرب خلاط بعد نظيييييييف

أخفقي القشطة إلين ما تثبت وتوصل مرحلة منقار الطير.

الحين أخلطي الإثنين مع بعض شوي شوي.

الحين جيبي صينية قزاز أو عاد أي شي أنتي وفنك في التزيين تبين أكواب، تبين صينية وحده كبيرة اللي تبين .

أنا أستخدم صينية بايركس كبيرة و منها أستخدم قالب دائري

و أقطعها على شكل دوائر قبل التقديم يطلع شكلها خرااااافي ، بس زي ماقلت أنتي وفنك.

غطسي البسكوت في الإسبريسو غمسه سريييييييعة ،راح تشرب القهوة بسرعة وتتفتت

فأنتبهي إنك تغمسنها كثير.رصيها في الصينية بعدين صبي فوقها نص الخلطة

بعدين باقي البسكوت و باقي الخلطة فوقها .

رشي فوقها شكولاته بودرة للتزيين وطبعا ما يحتاج أقولك زينيها على كيفك .

حطيها في الثلاجة ٦ ساعات على الأقل ، تقعد في الثلاجة إلى يومين .

هذي طريقة تقليدية جدا .لو تبين تعديل حلو قد سويته صدقيني جربيه مرة راح يعجبك .

أخلطي مع الزابيوني شكولاته بيضاء جدا لذيذة مع القهوة.

 

[بطه فيها نطه]

طريقة صنع التوفي



منقوله من : توب شيف



المقادير :



كمية سكر + نص الكمية مويه + نفس كمية السكر قشطة خفق ،طبعا هذا عشان تحفظينها بعدين

كوبين سكر

كوب مويه

كوبين قشطة خفق

ملعقة كبيرة عسل( إختياري بس إجراء إحتياطي )

نكهات لو تبين : جربي معاها قشر برتقال ، فانيلا ، ملح أو الثلاثة مع بعض.

حطي السكر و المويه في قدر ثقيل على حرارة وسط إلى عالية

إذا بدت تغلي غطي القدر عشان الموية اللي تتكثف على الغطاء تمسحلك جوانب القدر شفتي الذكاء.

بعد دقيقتين شيلي الغطاء وخليها تغلي لا تحركينها أبببببدا

إلين ما يبدأ يتحول لونها ذهبي . الحين هزي القدر شوي شوي عشان اللون يتوزع صح إلين ما يوصل لدرجة الكراميل اللي تبينه .

كل ما طبخيته كلما صار مر أكثر بس طبعا نكهته معقدة تسير لو تحبينه حلو مرررة لا تخلينه يلون مرة أنتي بكيفك .

طفي النار وصبي القشطة مع التحريك المستمررررررر

طبعا إنتبهي لاتحرقين يدك تراه حااااااااااااااااااااااار وتراه بيغلي بقوة .

الحين خليه يبرد وبتلاقينه بدا يثقل زود.

يمكن تترطب مع الهوا موب بس الكراميل ؟ طبعا لوبيتكم رطب ....

جربي تقللين السكر في الخلطة حقتك يمكن تتحسن السكر يسحب الرطوبة

من الأشياء اللي حوليه عشان كذا لو كمية السكر كبيرة أحيانا يخلي الأكل يترطب أسرع .

 

[بطه فيها نطه]

صوص الدونات


منقوله من : توب شيف


المقادير والطريقه :


١/٤كوب حليب سخنيه في قدر إلين ما يسخن شوي

بعدين حطي عليه كوبين سكر مطحون و أخلطي

غطسي الدونات في الخلطة وهي حارة وحطيها على شبك عشان تبرد .

لاحظي إن الخلطة هذي راح تجمد بسرعة لو بردت

فأفضل شي تشيلينها من النار وتحطينها في صحن فوق حمام مائي.

 

[78MariMar78]

الله الله


تسلم ايدك بطة

 

[صوت الناى]

الف شكر لج يا الغالية

 

[amoon]

رد : اطباق لذيذه ( سهل - متنوع - منقول - متجدد ) تابعونا

ماشاالله عليييييج
ومشكوووورة ع المجهود

 

[بطه فيها نطه]

كيكة النعناع

منقوله من : قنوف





المقادير :


2 كوب طحين جميع الآستعمآلات


1 كوب سكر


نصف كوب زيت


نصف كوب حليب سائل ( آنا وضعت حليب آلمرآعي )


2 ملعقة صغيرة بيكن بودر


قليل من آلفانيليا


ملعقة صغيرة من روح نكهة آلنعنآع


4 بيضآت


صرة نعنآع ( يؤخذ منهآ آلورق فقط )





الطريقة :





يخفق آلبيض + آلفانيليا .. حتى يصبح كالرغوة


يضاف السكر ويخفق

ثم يضاف الزيت للخليط آلسابق ويخفق لمدة 10 دقائق حتى


يصبح كالكريمة

يخلط كل من الحليب + آوراق آلنعنآع في الخلاط الكهربائي


ومن ثم يضآف للمزيج السابق


وآخيرا يضآف بيكن بودر والطحين بالتدريج ويخلط ثم يصب في



قالب مدهون ويدخل الفرن لمدة نصف ساعة آو لحين يتم


آستوائه



وهذي الكيكة بعد التزيين




الزينه :



1 علبة قشطة


2 جالاكسي

فستق


نذوب الجالكسي على بخآر ماء حتى يذوب ثم نخلط معه آلقشطة


ونزين وجه الكيكة بالفستق

 

[بطه فيها نطه]

غريبه بنكهة الكويكر والقرفه .. من اطباق دندونه



المقادير :





2 كاس

كويكر

1 كاس سمن

1 كاس طحين

نصف كاس سكر ((وانا وضعت كاس واحد وطلع حالى مره))

رشة ملح

2 ملعقة قرفة



طريقة التحضير :



ننخل المواد الجافه ويترك على جنب مع الكويكر










بالخلاط يخلط السمن ثم نضيف السكر ويخلط جيدا ثم نضيف خليط الطحين والكويكر
















تشكل العجينة الى كرات نضغط عليها براحة اليد





تخبز لمدة 12_ 15 دقيقة

ثم يترك خارجا حتى يجمد اكثر

 

[بطه فيها نطه]

بطاطا حره





منقوله من : بنت الديره


المقادير:



3-4 حبات بطاطس مقطعه مكعبات

نص كوب كزبره مفرومه ناعم

ملعقه كبيره عصير ليمون

ملح او اقل حسب الرغبه

ثوم مهروس حسب الرغبه وانا احبها مثومه فاحط ملعقه كبيره متروسه

م ص بابريكا

2 م ص بهار اسناد ( متبل حار )

4 م ك زيت زيتون

نص م ص كزبره بودر





الطريقه:



نسلق البطاط بماي مغلي وتقدرون تملحونه بالماي بعد ما تبرد البطاط نقليها والهدف منه عشان ما تشيل دهن وايد بالقلي وتحافظ على شكلها

نسخن زيت الزيتون ونضيف الثوم والكزبره البودر والكزبره الخضرا ونحمسهم حمستين وبعدين نضيف البطاط والملح والبابريكا وبهار اسناد

واخر شي الليمون ونسكر النار ونقدمها بالف عافيه

 

[بطه فيها نطه]

ستيك بصلصه المشروم والجبن .. شي خطير



منقول من : بنت الديره







المقادير:



علبه تقريبا مشروم شرايح ( خلطو نوعين مشوروم احلى )

قفشتين كبار او اكثر من جبنه الماسكربوني ( ترسو القفشه عدل )

كريما ( انا كانت عندي دبل كريم استخدمتها تقريبا علبه )

فلفل اسود حسب الرغبه

قفشه كبيره خل بلساميك

مكعب ماجي بقر مذوب بشوي ماي

قفشه كبيره مسترد انا استخدمت المسترد مع الحبيبات

شويه بقدونس

زيت زيتون

شويه روزماري

رشه زعتر يابس

فص ثومه كبيره مهروسه





الطريقه:


نسخن زيت الزيتون ونضيف الثوم والمشروم والروزماري لين يذبلون وبعدين نخلطهم مع باجي المقادير بس نخلي الكريما والبقدونس اخر

شي


واول ما تغلي الكريمه نسكر عليها

نكون متبلين الستيك مثل ما تحبون ( انا تبلته بثوم و روزماري و عصير ليمون وزيت زيتون ) ولما بتشونه ترشونه ملح وفلفل اسود على

الجهتين وتشونه عادي ...و تصبون الصلصه فوقه عند التقديم وبالف عافيه

 

[بطه فيها نطه]

قبوط نفاس... من بنت الديره





هالقبوط يختلف عنهم انه بالحلبه وحبه البركه = السويده= حبه سمره

بتلاحظون ان هالقبوط مافيه طمط مهروس لانهم يقولون مو زين للحامل بس عادي نستخدم المعجون.. ليش لاحد يسالني!!!!

عاده القبوط يكون دسم... والهدف منه انه يثقل الرحم بعد الولاده.. الحلبه وحبه البركه عشان تقويه الظهر وحليب الام


المقدار حسب الكميه:

ثوم مهروس

معجون

زيت

قبوط ( عجينتك وطريقتك )

حلبه

حبه البركه




الطريقة:



ننقع الحلبه طول الليل عشان نتخلص من المروره


نحمس الثوم وبعدين نضيف المعجون والماي الساخن واول ما يغلي نسقط القبوط ونضيف الحلبه والبركه ونتركه لين ينضج

 

[بطه فيها نطه]

سلطه جرجير ورمان .. بنت الديره






نصف الجرجير وفوقه الرمان ونقلي الخبز بالزيت ونقطع بصل ابيض شرايح رفيعه جدا ونضيفهم لهم.. الدريسنغ

عباره عن دبس الرمان وخل بلسميك مع شكر وزيت زيتون وملح

 

[بطه فيها نطه]

سلطه بطاط عمان .. بنت الديره





هالسلطه احبها.... وهي سهله جدا جدا ما يبيلها شي

البهارات اللي مع بطاط عمان اكثر من كافيه وقرمشتها مع السلطه يم يم ... اذا تحبون الزهره تقدرون تسلقون زهره

وتضيفونها معاها




المقادير والطريقه:


خضراوات ورقيه مقصصه ناعم ( خس وجرجير ونعناع وبقدونس وفجل و بقل ... الخ )

اذا تحبون خبار هم قطعوه صغار وضيفوه انا ما اضيفه كل مره

وبعدين اخذو روب وزيدوه ملح وعصير ليمون وشوي زيت زيتون وصبوه فوق الخضار

وحطو كميه وفيره من البطاط

واخر شي الطماط المقطع ( انا ضفته اخر شي عشان لا ينزل سوائل مع الخضار )

وبالف عافيه :>

 

[بطه فيها نطه]

سلطة الخس بالزعتر... بنت الديره




المقادير :



خس منوع

جبن كرافت مبشور

ذره

خبز خفيف مقصص حسب الرغبه

زيت زيتون

زعتر



الدريسنغ :


صلصه ايطاليه وانا استخدمت ماركه كريستال

شبنت

بقدونس

مايونيز




الطريقة :



نرش على الخبز زيت زيتون ونحمصه بالفرن.. وبعدين نخلطه مع زيت وزعتر او نتركه للنهايه

نخل مقادير الدريسنغ بالخلاط

عشان نحافظ على التقرمش بالخس نغسله وانقعه بماي مثلج شويه وبعدين انشفه وارده الثلاجه

نخلط الجبن مع الذره والخس والدريسنغ ونصفه بصحن التقديم

نضيف الخبز فوقهم ونمرر عليهم زيت وزعتر مره ثانيه اذا حبيتو وبالف عافيه

 

[نووووونا]

موضوع روعه

يزاج الله خير بطه

 

[78MariMar78]

ماشاءالله بطة

تسلم ايدك حبيبتي

ويعطيكِ الف مليون عافية

 

[بحور االشوق]

رد : اطباق لذيذه ( سهل - متنوع - منقول - متجدد ) تابعونا

روعه والله حفظك ويسلم ايديك

 

[Om_Ksha]

يعطييييييييج الف عاافيه بطه و الللللللله يهون عليييييج غربتج يااارب :**