اطباق لذيذه ( سهل - متنوع - منقول - متجدد ) تابعونا

[78MariMar78]

waaaaaaaaaaaaaaaaaaaaaaaaaaaaaaaaaaaaaaaw

عجيييييييييييييييييييييييييييييييييييييييييييييييييييييييييييييبة


تسلم ايدك بطة على النقل الأكثر من مميز

 

[بطه فيها نطه]

Panokah cheesecake

منقوله من : مس بنك

والصوره للاخت : ميعاد



للطبقة آلآولى ,,



علبة بسكويت دآيجستف 250g لآيت << for your health ,,

ترى موب ضروري لآيت بس إذآ بتخآفي على صحتكـ وبتحبي حآلكـ ليش لآ ,, !!

+ زبدهـ غير مملحة 100g ,, آستخدمت بس نصهآ ,, !!


الطريقه :


نطحن آلبسكوت ,, بس مو مرهـ بس شوي ,, آحلى لمآيكون خشن ومقرمش ,, !!

ونذوب آلزبدهـ ,, تنويه << آنآ مآ آضفتهآ كآملة ,, حطيت بس نص آلكمية


ونخلطهمـ مع بعض ,, تقدري تنكهي آلخليط بآضآفة ملعقة صغيرة قرفة مع ملعقة كآكآو بودرة يطلع آزكى ,,

ونرصه بآلكآسآت ,, إذآ حآبه تحطيه بآلقآلب تبع آلقآعدهـ آلمتحركة برآحتكـ

ولآ تخآفي رح يكون متمآسكـ ,, !!

بآلنسبة لي تعجبني آلكآسآت آحسهآ آحلى ,, !!



للطبقة آلثآنية ,,


ظرف وآحد دريمـ ويب + علبة جبن فيلآدلفيآ 200g << آفضل آللآيت ,, !!

+ علبتين صغآر قشطة قيمر << آنآ آفضلهآ لآنهآ متمآسكة آكثر ,, تقدري تستبدليهآ بعلبتين قشطة

عآدية ,, !!

+ ظرف جلو بنكهة آلفرآولة ,, آو بآي نكهة تفضلينهآ مثلآ ليمون آو آنآنآس ,, !!


الطريقه :


نذوب آلجلو بكآس مآء سآخن 200 مل ونحركـ << لآزمـ يكون آلمآء سآخن يعني مغلي تحطينة من

آلغلآية عشآن يذوب آلجلو ,, ويعطيكـِ آلتمآسكـ آلمطلوب ,, !!

ونخلط بقية آلمكونآت مع بعض في آلخلآط ,, القيمر + آلفيلآدلفيآ + آلدريمـ ويب ,, !!

ونضيف آلجلو آلمذآب ,, ونخلط عدل حتى يتجآنس ,, !!

ونضيفه على طبقة آلبسكوت ,,

بعدهآ حطيه بآلفريزر سآعة بعدين نزليه آلبرآد ,,


الطبقه الاخيره



نزينه او الطبقه الاخيره Pie filling ( الكرز او الفراوله المعلبه مالت الجيز كيك )

نحطهآ عآلطبقة آلثآنية ,, و بكذآ آنتهينآ ,, وتمتعي بآزكى تشيز كيكـ ,, !!

 

[بطه فيها نطه]

شوربة الفطر بطريقه مختلفه




منقوله من : دانه



{المقادير


20 جم زبده >> انا احط مكعبين صغار زبده الواحده تكون 10 جم

فص ثوم مطحون

1 بصل اخضر مقطع كامل يعني الجزء الابيض والجزء الاخضر منه

ملعقتين اكل بقدونس مفروم ناعم

3 اكواب مرقة دجاج او مرقة خضار >>> 3 اكواب مويه مغليه اضفت عليها مكعبين ماجي دجاج

400 جم فطر مقطع شرائح >>>> انا اشتريه طازه واخذت نص العلبه وقطعتها شرائح

كووب كريمة خفق




{الطريقه


ذوبي الزبده في القدر ثم اضيفي عليها الثوم والبصل الاخضر والبقدونس والفطر وقلبيه كويس الى ان

تطرى جميع المكونات اضيفيمرقة الدجاج وخليها تغلي تقريبا خمس دقائق

اخلطيها بالخلاط او بجهاز البراون >>> اكيد عرفتوه

الى ان تنطحن جميع المكونات بعد كذا اضيفي كريمة الخفق وخلي الشوربه تغلي وبعد كذا قدميها

 

[أحلى همبه كويتية]

تسللللللللللللللللللم ايدج بطوووووووووووووووطة


يعطيك الف الف عافية

 

[78MariMar78]

يمي يمي

تسلم ايدك بطة

 

[بطه فيها نطه]

ساندويش البيض الذيذ

منقول من : دانه



المقادير

توست محمص + جرجير + طماطم شرائح+ بيض مسلوق مقطع شرائح +ملح + رشة فلفل اسود


والمنتج الخطير صلصة الطماطم والزيتون





اول حاجه ندهن التوست بطبقه من صلصة الطماطم و الزيتون

وبعدين باقي المقادير ...

 

[بطه فيها نطه]

مرمر - هبوشه

الله يعافيكم تسلمون ... وسامحوني على القصور

 

[78MariMar78]

احم احم

انا مرمر

ولمورة صديقتنا الحلوة

 

[بطه فيها نطه]

احم احم

انا مرمر

ولمورة صديقتنا الحلوة

لوووووووول

السموحه منك ياجميل ههههههه

عدلتها :s141:

 

[78MariMar78]

عااادي بطووووووطة

كلناااااااااا خوااااااااااااااااااااااااااااااااااااااات


ولموووورة عزيزة وغاااااااااااالية

 

[بطه فيها نطه]

PiNk PaStA.... وصفة شوكليت باااار




منقوله من : بنت الديره




المقادير


علبه صلصه المعكرونه بالزيتون ماركه العلالي

علبه كريما سائله (( الحمره سابقا ))

ملح

رشتين تباسكو

باستا بالشكل اللي تحبونه

و جبن موتزريلا مبشور




الطريقه:


تسلق الباستا بس مو كامل خلو فيها مقاومه شوي ومثل ما يسمونها ا " آل دنتي ""

نخلط باجي المكونات على النار ونعدل الملح وبعدين نضيف الباستا ونخليها تتشرب من الصلصه ونرش جزء من الجبن ونخلطها بعد ما نسكر

النار


نصفها بالصحن ونرش باجي الجبن على الويه وتقدم في الحال

لا تنشف لانها بتصير مو حلوه

وبالعافيه

 

[بطه فيها نطه]

باستا دياي بالكريمه...



منقوله من : بنت الديره




المقادير :



مشروم فرش شرايح

فلفل اخضر مقطع طولي

بصل شرايح

بقدونس مفروم

ثوم مهروس

كريما

جبن موتزريلا

ماجي

كاري

بزار

معكرونه مسلوقه

دياي مسلوق او مشوي مسحب

زيت نباتي

شوي من ماي سلق المعكرونه





الطريقه:


نحمس البصل لين يذبل شوي وبعدين نضيف الثوم والكاري والبزار والدياي ونحمسهم عدل

نضيف المشروم والفلفل الاخضر وننطرهم لين يذبون نضيف شوي من ماي سلق المعكرونه والماجي ونخلطهم على الناره ليين ينشف نضيف

البقدونس

نضيف الكريمه ونخليها شوي

واخر شي نضيف المعكرونه نخلطهم مرتين ونسكر النار ونضيف الجبن ونخليه يذوب من حراره الباستا

يا ينوكل بالعافيه او ينرش جبن على الويه ويدخل الفرن لين يتحمر الطبقه الفوقيه

 

[بطه فيها نطه]

فيتوشيني الربيان بالكريما...


منقوله من : بنت الديره



الوصفه مراح تاخذ منكم 10 دقايق .. سلقو الباستا وعلى ما تستوي الا الصلصه خالصه ..

طبعا تقدرون تضيفون ماجي اوصوياا اواي نكهه اضافيه بالصلصه





المقادير:


جم حبه ربيان مغسوله ومنزوع منها خيط الظهر

كريما

ثوم مهروس

كاري اذا تحبون

ملح

فلفل اسود

ماي سلق الباستا

عصير ليمون بمقدارعصره او عصرتين

بقدونس مفروم ( اقل من قفشه )

جبن بارميزان للويه






الطريقة:


نسلق الباستا ونخلي فيا شوي مقاومه .. يعني مو نضج كامل

نحمس الثوم ونضيف له الربيان وننطره لين ينزل مايه وينشف وبعدين نضيف الكاري والملح والفلفل الاسود والكريما ونخليها على النار لين

تثقل شوي

نضيف الباستامع ماي السلق ونتركها شوي عشان تتشرب من الصلصه

نعصر الليمون ونرش البقدونس ونخلطها خلطه اخيره ونقدمها بصحن التقديم مع رش جبن بارميزان بالويه والف عافيه

 

[بطه فيها نطه]

دجاج مشوي مع الاسباجيتي


منقوله من : بنت الديره



المقادير :



كيس سباجيتي مسلوق

4 شرايح فيليه

كوب فلفل ملون شرايح

كوب بصل اخضر شرايح

كوب جزر مكعبات مسلوقه

كوب ذره مكعبات

بصله كبيره مفرومه

ربع كوب زيت زيتون

نص كوب كزبره مفرومه

مكعب ماجي

وشوي من الصلصه السائله

2 م ك صلصه اتش بي

3 م ك كاتشب

رشه سكر

ملح




مقادير تتبيل الدياي:


م ص ثوم مهروس

م ص زنجبيل مهروس

1 بصل مبشور

2 م ك خل

2 م ك روب

3 م ك عصير ليمون

ربع م ص كركم

1 م ص بهار تندوري

ربع م ص فلفل اسود

ملح



الطريقة:

تضرب الفيليهات بطرقه المطبخعشان نخفف سمكها ونخلطها مع مقادير التتبيله ونخليها لمده ساعه او اكثر

في مقلا الووك نحمس البصل مع الثوم والزنجبيل وكل الخضار وبعدين نضيف الصلصات ونتركهم يتشربون وبعدين نضيف السباجيتي

ونخلطهم عدل ونتركهم شوي بالمقلاه عشان ينشف عدل

نشوي الفيليهات ونقدمهم معاه وبالف عافيه

 

[بطه فيها نطه]

باستا الريحان بالكريما...


منقوله من : بنت الديره



المقادير:

ثلث كوب بصل ابيض مقطع

كوبين اوراق ريحان

علبه كريما

كوب جبن بارميزان مبشور

زبده حبتين صغار

بهار الباستا .. تكلمت عنه بموضوع البهارات

5 حبات مشروم كبيره شرايح

طماط مجفف شرايح حسب الرغبه

باستا مسلوقه " ال دنتي "



الطريقه:


نفرم الريحان بالبلندر وبعدين نضيف الكريما ونخلطهم شوي عشان يتمازجون بس ما نكثر عشان لا تتكثف الكريما

نذوب الزبده على النار ونضيف البصل وبهار الباستا ونخلطهم ليما يذبل البصل شوب وبعدين نضيف المشروم وهم نحركه لين يذبل

نضيف خليط الكريما وننطره لين يبتدي بالغلي ونضيف له الجبن والفلفل الاسود ونحركهم لين يثقلون شوي وبعدين نضيف الباستا وننطرها

تتشرب الصلصه

يقدم مع جبن البارميزان والطماط المجفف وبالف عافيه

 

[بطه فيها نطه]

simple pizza


منقوله من : بنت الديره


الطريقه والمقادير :




اول شي ابطل الفرن على اعلى درجه حراره وارفع الشبك حق اول رف

لاني كنت ابي الخبزه مقرمشه فسخنتها وحطيت فوقها الصلصه وانواع المشروم والجبن ولاوريغانو

دخلتها الفرن وباقل من 10 دقايق صارت جاهزه بس نطرو يذوب الجبن

رشو عليها زيت زيتون على الويه وبالف عافيه

 

[بطه فيها نطه]

معكرونه دياي بالبشاميل...


منقوله من : بنت الديره




المقادير :



ديايه مسحبه

ذره

فلفل اخضر

مشروم علب

كاري

فلفل اسود

ملح

ماجي

بهار

بصل

ربع كوب ماي

جبن موتزريلا

جيس معكرونه




مقادير البشاميل:

حليب

زبده

طحين

رشه جوز الطيب

رشه دارسين




الطريقة:


نسلق المعكرونه بماي وملح

نسوي البشاميل عن طريق تذويب الزبده وحمسها بالطحين من غير ما يتغير لونه واضافه الحليب على دفعات واخير نرش الجوزالطيب

والدارسين

نسوي خلطه الخضار عن طريق حمس البصل بزيت بس ما نخليه يذوب يا دوب تشويح ونضيف الدياي والخضار والبهارات والماجي

ناخذ جزء المعكرونه ونخلطها مع البشاميل شوي ونحطها بالبايركس

نحط الحشوه بالنص

نضيف باجي المعكرونه

ونصب مقدار البشاميل

واخيرا نرش الجبن على الويه ونحط جم قطعة زبده علشان الويه يصير ذهبي وندخلها الفرن لين يتحمر وثتقل البشاميل

وبالعافيه

 

[بطه فيها نطه]

مجبوس دياي او مطمطه او مجبوس احمر او مجبوس حساوي


منقوله من : بنت الديره




المقادير:



ديايه منظفه


طماط مهروس

بصل مفروم

ثوم مدقوق

فلفل اخضر حار ( للنكهه ومو ضروري )


بهارات المجبوس كامله ( كزبره و هيل و مسمار وهيل حبشي و بهار وفلفل اسود وورق غار ودارسين وزنجبيل )

ملح


بهارات ناعمه

بزار

ليمون اسود ناعم


هيل ناعم

معجون طماط

عيش مغسول ومنقوع بماي وملح لمده ربع ساعه

خليط من سمنه وزيت

صنوبر

لوز

زرشت




الطريقه:



نحمس البصل واذا ذبل نضيف له البهارات ونحمسهم لين تطلع ريحتهم

نضيف الهيل الناعم والبهار واللومي والدياي ونقلبها على النار مع البصل والبهار وبعدين نضيف الطماط والملح والماجي اذا حبيتو والفلفل

ونخليها تطبخ لين تستوي ثلاث ارباع

نشيلها ونرش عليها بهار ناعم ودارسين ناعم ولومي وهيل وندخلها الفرن تتحمر




الحشو:


نقلي المكسرات في البدايه ونشيلها على جنب

نغسل الزرشت وننقعه بماي دافي عشان يتفتح


نقلب البصل على النار من غير زيت مع رشات ماي لين يذبل وبعدين نضيف الزيت والهيل الناعم والدارسين والبهار مع المكسرات والزرشت

واذا تحبون ضيفو ماي ورد يعطي ريحه حلوه وقلبوه قلبتين وبعدين قدموه مع المجبوس وبالف عافيه

 

[بطه فيها نطه]

حميسة الربيان مع الشبنت الذيذه



منقوله من : بنت الديره





المقادير


ربيان مقشر

شبنت مفروم

فلفل اخضر شرايح

بصل مفروم

زنجبيل مفروم


كاري

ملح

فلفل اسود


ماجي اذا حبيتو

زيت




الطريقه



نخلي الربيان على النار لين ينزل ماي وينشف


نحمس البصل مع الزنجبيل ونضيف له الشبنت ونقلبهم قلبتين ونضيف الربيان والبهارات والفلفل الاخضر وشوي ماي ونتركهم لين يستوون

وتبقى صلصله خفيفه وبالف عافيه مع خبز ايراني محمش

 

[بطه فيها نطه]

المجدره او المدردره بطريقتي



منقوله من : بنت الديره


المقادير :



كوب كشري منقع 3 كوب رز صنوايت او مصري

6 حبات شعريه مكسره نص قفشه صغيره حلبه

2 مكعب ماجي= علبه

كمون وكزبره بودر حسب الرغبه

معكرونه حسب الرغبه ( انا احط نص كيس )

3 حبات بصل ابيض كبار للقلي

وحبه بصل احمر صغيره مفرومه للكشري

واذا تحبون نخي ( حمص ) مسلوق للتقديم على الوجه

زيت نباتي للقلي والطبخ




مقادير الشطه او صلصه الطماط:


3 حبات طماط مهروسه

بصله صغيره او نص

ثوم تقريبا 6 فصوص

فلفل حار حبه او حبتين

معجون نص علبه لي علبه كامله

كمون

فلفل اسود او احمر حسب الرغبه

ملح

خل

قطرات من الشطه الحاره ( دقوس)





الطريقة:



نسلق المعكرونه عادي ونحليها على جنب

ناخذ البصل الابيض ونقطعه شرايح ونرش عليه طحين ونحمره بزيت غزير لين يتغير لونه ويقرمش

نغطي العدس بماي بارد ونسلقه مع نتفه كمون وورق غار لين يكتمل نص سواه

نحمر الشعريه بالزيت ( انا اخذ من زيت قلي البصل عشان النكهه) واذا تغير لونها نشيلها على طول

نحمر البصل ( بنفس الزيت) لين يقلب لونه وبعدين نضيف الكمون و الكزبره البودر والماجي ونضيف له العدس ( الكشري) ونحمسه عدل

الشعريه تكون مقليه وخالصه .. نضيفها فوق العدس والبصل و بعدين نضيف الرز ونفلفله معاهم شوي

نضيف الماي الحار والحلبه ونتاكد من الملح ونخليهم على النار لين يتدي ينشف الماي وبعدين نخليه على نار واطيه لين اكتمال السواء

في هالاثناء نسوي الصلصه.. نفرم الثوم مع البصل والفلفل ونحمرهم بالزيت وبعدين نضيف الطماط والمعجون ونتركهم لين يتسبكون شوي

نضيف الملح والفلفل الاسود او الاحمر حسب الرغبه والماي حسب الكثافه اللي تحبونها.. وبعد ما نسكر عليه نضيف الخل والدقوس والشطه.

وبالتقديم نحط العيش في البدايه وفوقه المعكرونه والبصل المحمر والنخي حسب الرغبه ويقدم مع الصلصه

وبالعافيه