اطباق لذيذه ( سهل - متنوع - منقول - متجدد ) تابعونا

[نورآ ..]

Mini Cheesecake **
للعضوه : طابتن بالبرتسه


** المقــاديــر ..
علبة بسكوت شاي مطحون
اصبع زبده << استغني عنها واحط بيالة شاي ثلاث ارباعها زيت والباقي مويه
2 م ك قشطه

** الطبقـة البيضـاء ..
6 حبات جبن كيري
علبة قشطة
علبة حليب نستله كبيره
2 ظرفين دريم ويب

** التغـطيـهـ ..
علبة قشطة
ظرف دريم ويب
علبة حليب بوني او ابو قوس
علبتين جيلي اي نوع تحبين
1 ك ماء مغلي
1 ك ماء بارد

** الطريقــهـ ..
اعجني مقادير الطبقه الاولى ولبسي فيها الاوراق الصغيره ..
- الافضل انك تشتغلين عليهم وهم بصينية الميني كب كيك علشان يتماسك مضبوط -

اخلطي مقادير الطبقة الثانيه بالخلاط وصبي عالبسكوت بس لاتملينها ودخليها الثلاجه او الفريزر اذا كنتي مستعجله ..

نجي للطبقه الثالثه ،،
انا استخدمت علبة جيلي ليمون وعلبة جيلي كرز
اخلطي اول شي الدريم ويب والحليب والقشطه سوا بعدين اقسميهم على صحنين ،
ذوبي كل ظرف جيلي بنصف كوب مويه مغليه بعدين اضيفي عليه نصف كوب ماء بارد ..
واضيفيه على نصف خليط الدريم ويب واخلطيهم زين ،،
انا اخذت شوي من خليط جيلي الليمون وحطيت عليه ملون طعام اخضر ..
وصبي شوي من الخليط على التشيز كيك ورجعيهم الثلاجه يبردون حتى وقت التقديم .
وزينيهم باللي تبغين ،،
اكيد الافضل تزينينهم بقطع صغيره من الفواكه بس انا كنت مستعجله فجبت سكر
وحطيت عليه الوان طعام ورشيته فوق التشيز كيك
بس عيبه جلس شوي شكله يجنن بعدين ذاب ولا كأني مسويه شي
وبالعااااااااااااافيه

** ملاحظااااااااااااااااات هااااااااااااااااااااامه ::
~ مقدار الطبقة الثانيه والثالثه مررره كثير ، انا سويت نصف المقدار وصلح لي 40 حبة ميني تشيز كيك ..
~ اذا كنتي بتاخذينه برا البيت افضل انه تضيفين شوي جيلاتين مذوب بمويه حاره للطبقة الثانيه علشان تتماسك زين وماتسيح مع الطلعه والطريق

 

[نورآ ..]

سـوفليـه الشكولاتـه
للعضوه : طابتن بالبرتسه


المقـاديـر ::
كيك بيتي كروكر بالشكولاته السوداء او شكولاته بالحليب ماتفرق
بيض + زيت + ماء مثل ماهو مكتوب عالكرتون
نوتيلا
كريمة بيتي كروكر بالشكولاته


الطـريقـه ::
اخلطي نوتيلا مع كريمه بيتي كروكر الشكولاته الكميات اللي تحبين <== بس كثري النوتيلا
بتلاحظين انهم بيثقلون مره مع الخلط فياسخنيهم شوي بالمايكروويف او حطيهم على حمام مائي حتى يسيحون
اعملي خليط الكيك مثل ماهو مكتوب عالكرتون
صبي خليط الكيك بقوالب السوفليه - ثلثها تقريبا -

ودخليهم الفرن 10 دقايق بس
طلعيهم من الفرن وحطي بوسط كل واحد ملعقه من خليط النوتيلا او اكثر

عبي باقي صحون السوفليه بباقي خليط الكيك ورجعيهم للفرن 10 دقايق من تحت وحمريهم من فوق وطلعيهم

التقديم انتِ ورغبتك ،، يارشي سكر بودره او حطي عليه ملعقة ايس كريم
وتذوقي اروع مزيج شكولاته بالعالم


هنا بالسكر البودره

شوفي من جوا كيف العذاب
النوتيلا معطيته طعم خرااااافي

 

[نورآ ..]

توست الدجاج
للعضوه : R a i n

الطبقة الأولى:
توست منزوع الاطراف، تصفينه بصينية و نمسح فيه الخليط هذا:
(كريمة خفق، جبن سايل، مايونيز، زبادي، فلفل اسود، واذا حابه اضيفي له نعناع مجفف مطحون).

الطبقة الثانية:
دجاج على طريقتك أما طريقتي فهي صدور دجاج سلقتها نص سلق بعدين شوحتها في مقلاة مع:
(ماجي، بصل، جزر مبشور، ثوم مفروم، بصل اخضر، بقدونس مفروم، فطر، ملح، بهارات، وذره معلبه اذا تحبين)
بعد ما أحط الحشوه على التوست في الصينية اصب عليها شوي من الخليط اللي قبل.

الطبقة الثالثة:
توست منزوع الاطراف نصفه فوق الدجاج ونصب عليه باقي الخليط عشان يغطيه تماماً، واحط موزريلا وبقدونس مفروم.

ندخلها الفرن من تحت، ثم من فوق لين يتحمر الوجه.

 

[نورآ ..]

..[ اكواب البطاطس ]..
للعضوه : آنفاس لم تكتمل

المقادير :

[ حبتين بطاطس مقشره ومقطعه شرائح رفيعه ]..
[ ملح .. فلفل اسود ]..
[ جبن سلايس .. جبن موزريلا ] ..

الصوص /
[ كوب حليب .. ملعقه مايونيز .. 2ملعقة قشطه ]..
[ ملعقة جبن .. فلفل اسود .. ملح ],,

الحشوه /

[ صدور دجاج مكعبات .. ذره ملح .. فلفل اسود ]..
[ فطر .. كريمة خفق .. مايونيز ]..

* يحمر الدجاج بقليل من الزيت ثم يوضع الفلفل الاسود والملح والفطر ..
* يضاف المايونيز والكريمه ويقلب حتى يثقل المزيج ثم تطفىء النار وتضاف الذره ..

الطريقه :

1- يتبل البطاطس بالملح والفلفل الاسود ويوضع في خليط الصوص لمدة 5 دقائق ..
2- تصف قطع البطاطس على جدران الكوب وبالقاع ثم توضع الحشوه ..
3- تغطى بشرائح بطاطس ويغطى بخليط الحليب ..
4- تدخل الفرن مدة 25 دقيقه او حتى تنضج دون ان يجف مزيج الحليب ..
5- توضع قطعه من جبن السلايس وموزريلا .. وتدخل حتى تتحمر ..


/

 

[نورآ ..]

السلطه بطريقتي :
للعضوه : coockis

المقادير والطريقه :

قصصي الخيار والطماطم والبصل الابيض والبصل الاخضر
والجزر والخس والملفوف والبقدونس بشكل اللي انتي تحبينه
بعدين حطي عليهم زيتون اخضر مقع شرايح والبصل الابيض حاولي تقطعينه
ناعم كثيير عشان مايبين بالسلطه
نجي هنا لسر النكهه
استخدمي الخلطه اللي بالصوره من كنور اللي هي (الفلفل الرومي مع الخل )
بس لاتتبعين الطريقه اللي بالخلف اتبعي طريقتي
فرغي المغلف في باديه (صحن صغير)
وحطي عليهم اربع ملاعق كبيره زيت زيتون وعصير ليمونه وملعقه وحده ماء
ومقدار الملح اللي تحبينه واخلطيهم كويس وحطيهم مع السلطه وحركيهم
وبعدين زينيهم بالسماق

اقتراحات التقديم :

تقدرون تستخدمون معه الخبز المحمص(المقلي) نكهته رهيبه لما تكون كميه السلطه كبيره
وحسيتي لما ذقتيها ان طعمة الصوص مو واضحه بامكانك تحطين مغلف ثاني مع ملعقه زيت زيتون
وملعقه ماء و نص ليمونه بيعطي لسلطتك طعم متوازن

 

[نورآ ..]

صينية بطاطس الايطاليه
للعضوه : RoOoh AL sultan

المقادير/بطاطس

صدور دجاج

بصل

فلفل رومي

معجون طماطم

بهارات ايطاليه

قشطة الخفق

جبن موزريلا

فلفل اسود

ملح

الطريقه/

نسلق البطاطس نص سلقه او ثلاث اربع سلقه المهم وعلى بال ماينسلق نصلح الدجاج اللي هو نقطع الدجاج الى قطع صغار

ونقطع البصل والفلفل ونبدأ نحمس البصل الين يحمر ونضيف له معجون الطماطم والبهارات وبعدين نضيف الدجاج والملح

ونتركه الين يستوي لا قرب يستوي نضيف الفلفل الرومي..

نجيب البطاطس اللي سلقناه ونقطعه شرائح ونجيب الصينيه ندهنها بشوي زيت ونبدأ نرص طبقه من البطاطس ونحط فوقها الدجاج

وننثر عليه جبن موزريلا ونغطيها بطبقه ثانيه من البطاطس ونجيب قشطة الخفق ونضيف له شوي ملح وفلفل اسود ونخلطه

ونصبها على الصينيه وبرضو نرش شوي جبنه على السطح وندخلها الفرن تتحمر وبالعافيه على قلوبكم..​

 

[78MariMar78]

ماشاءالله

تسلم ايدك

 

[البرنسيسه ستايل]

ما شاء الله انا جديده في المنتدى
اتمنى اعرف اطبخ نفسهم ))

 

[جارة القمر]

روووووووووووووووووووعه


والردود طالعه حبيبتي

 

[نورآ ..]

حيآآكم فديتكم منوررين ^^"

 

[نورآ ..]

صينية الرز بالقشطة والدجاج
للعضوه : سميحه المليحه

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 680x453 و بحجم 305KB.

المقادير :
- رز أبيض ( ٣ بيالات رز + ماجي + بهارات + ملح + زيت )
نغسل الرز ونخليه ساعتين إلى ثلاث ساعات .. ونكبه في قدر مويه مع اللي فوق .. طبعا لاتكثرون بهارات .. وحتى الماجي لو يحصل تقسمونها نصين بعد

لأن خلطة الدجاج ماراح تقصر بالطعم

- خلطة الدجاج ( صدر دجاج مقطع صغار + فلفل بارد مقطع بالطول + جزر مبشور + كرومب مقطع بالطول + بطاطس مقطع مربعات صغار مقلي + بصل + زيت + ملح + بهارات + ماجي )
نحمس البصل في الزيت وبعدين الدجاج .. وباقي المقادير اللي قلتها

وحركوه لين تملون والبطاطس خلوه اخر شي << احس مابيه ينهرس

- خلطة القشطة : نسوي خلطة مكونة من ( ٣ ملاعق جبن سايل + ٣ ملاعق مايونيز

+ علبة قشطة )

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 680x453 و بحجم 244KB.

<< هنا حطيت البطاطس بعد ماقضيت من تقليبه

نجيب الصينية وناخذ جزء من الرز ( الباقي خلوه ع جنب بنستفيد منه بعدين )

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 680x453 و بحجم 246KB.

وبعدها نجيب جزء من الخلطة بعد ( لاتكثرون منها لأننا بنحتاج لأكثرها بعدين

) وفقوها نصف الدجاج

طبعا كله وهذا شكله بعد ماصفيناه في الصينيه

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 680x453 و بحجم 270KB.

بعدها نجيب باقي الرز ونحطه فوقه آخر شي باقي الخلطة

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 680x453 و بحجم 333KB.

ندخله في الفرن من تحت ومن فوق .. وهذي النتيجه

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 680x453 و بحجم 238KB.

 

[أم@الحلوين]

تسلم اييييييييدج
نورا
up
up

 

[78MariMar78]

ماشاءالله نورا

تسلم ايدك

 

[السهم الجارح]

موفقة حبيبتي )))

 

[tofe]

تسلم يدك يالغالية على المجهود الرائع وجد بدعتي

 

[أم@الحلوين]

اب
اب

 

[ام دانة الفواز]

بصرااااااااااااااااااااااااااااااحة ابدااااااااااااااااع ما بعده ابداع روحي الله يوفقك بس ياشيخة كانت في كم اكله ابي اعرف وشلون تتصلح بس لقيتها في الملف .
الف شكر ويسلمو هاليدين وربي يحرمها عن النار .

 

[ام مشعل الحربي]

الله يعطيك العافيه

 

[نيوتن]

مشكوره

 

[ام رتووج الشطي]

ما شاء الله حبيبة قلبي بطه والغاليه نوووورا
يعطيكم الف عافيه حبايب قلبي والله كفيتوا ووفيتوا وكنتوا مكملات لبعض
وهذا ابداع بصرااحه مهما نشكر او نمدح ما نوفيكم حقكم ربي يريح قلوبكم ويسعدكم
مثل ما ريحتونا وهذا كله في ميزان حسناتكم ربي يجزيكم كل خير عنا والله انكم ماقصرتوا
ويعطيج العافيه بطوووطه على هالملف الرائع بروعتج يالغلا
واتمنى منج لا تهملين الملف واحنا كلنا متابعين ولكم منا الدعاء بظهر الغيب