اطباق لذيذه ( سهل - متنوع - منقول - متجدد ) تابعونا

[نورآ ..]

حلى صبايا "
للعضوه : لسوعه ~

المقادير والطريقة بالصورة:

- كيكة بيتي كركور بنكهة الفانيلااا , مفتته أي تحوسينهاأأ بالشوكة .
- بسكويت أوريو مفرغ من الكريمة .
- دريم ويب .
- حبيبات الحلاو و و و

* ناخذ البسكوته نمسحها بالدريم ويب ونكور الكيك ونضع كل كوره
فوق كل حبة بسكويت . بهالشكل /

ونرجع نمسح الكورة بالدريم ويب ونغمسها بحبيبات الحلاو
وهذا الشكل النهائي

ويقدم للضيوف بهالشكل

 

[نورآ ..]

Chocolate Mousse with fruit

للعضوه : ~Abo0orah ~
-

المقادير :
5 صفار بيض
سكر للتحليه حسب الرغبه .. انا حطيت فنجالين
رشه فانيلا
كاسين حليب ..
2 م نشاء

-
فواكه (فراولة - موز - كيوي )
بسكوت مجروش

-
قطع شوكولا مذوبه في كريمة خفق ..


الطريقه ..

** يسخن الحليب ويضاف له الصفار تدريجيا مع التحريك المستمر
وبعدها الفانيلا والسكر والنشا ..
** يترك ع النار حتى يتماسك مع التحريك المستمر
** وبعدها يضاف له الشوكولا المذوب ونحركه لين ما يندمجون مع بعض ..

-

في الكاسات ..
الطبقه الاولى :
شوية من الخليط ..
الطبقه الثانيه كيوي + موز + فراوله ..
وفوقه بسكوت مجروش ..
وبعدها طبقه من الخليط ..

يترك ليبرد .. وبعدها ندخله الثلاجه

-

 

[نورآ ..]

الباستا الأيطاليه
للعضوه : لسوعه ~



المقادير :
* معكرونه نوعين / لولبي والثاني الطويل بتشوفون شكله بالنتيجه

* بصل شرائح
* زيتون أسود
*شرائح فليفله حمراء
* بروكلي قطع
* صدور دجاج شرائح
* كريمة خفق
* جبن موزاريلا وبارميزان
* علبة صلصة طماطم
* مشروم

الطريقة :
ناخذ القدر ونضع زيت ملعقه مع أضافة البصل ويقلى لمدة دقيقتين
ثم نضيف الدجاج ونقلبه لمدة دقيقتين
نسلق المعكرونه في هالوقت
ونرجع للقدر ونضيف علبة الطماطم في القدر بعد مانخلطها بالخلاط ونقلب الي بالقدر
وبعدها نضيف باقي الخضروات فليفله وزيتون وبروكلي والمشروم
ونضيف المعكرونه ونقلبهم مع بعض
من ثم نضيف كريمة الخفق ونقلب ونضيف الجبن ونقلب ونقلب لمدة 5 دقائق
لحتى تغلي المكونات مع بعض
ونضيف ملح وبعدها نضيفه بصحن التقديم

وهذا شكله بالمطبخ

 

[نورآ ..]

رولات الخبز بالخضار
للعضوه : ّّّ``كارمن``

خبز مفرود
بطاطس مقطع مكعبات صغيره جدا و مقليه
باذنجان مقطع صغيير جدا و مقليه
كوسه مقطعه صغيره جدا و مقليه
بصل , ثوم
ملح , فلفل , كمون
سماق , بصل أخضر
الطريقه : ننقع أعواد البصل الاخضر بماء لحد ما تلين
نحمس البصل و الثوم و ننتبله بالملح و الفلفل و الكاري و الكمون
و نضيف الخضار المقليه و نقلبها عالنار
نفصل شريحتي الخبز عن بعضها و ندهنها بالصلصه اللي هي :
5 ملاعق ك زبادي , 1 ملعقه ك مايونيز , 1 ملعقه ك ليمون , ربع ملعقه ص ماسترد
بعد ما ندهن الشريحه كامله بس مسحه خفيفه ما نكثر على كامل شريحة الخبز و نضيف
الحشو برضو على الخبزه كلها مو جزء منها يعني زي ما نسوي بالسينمون , و نلفها رول
و نقطعها عشان تكون عندنا رولات صغيره و ثم نربطها بالبصل الاخضر و نغمس أطرافها بالسماق

 

[نورآ ..]

.. سلطة البقوليات الحاره
للعضوه : ṂṸṜ₳Ṣ₳ḰḮ


المقادير:

طماطم - فلفل رومي أخضر - فلفل رومي أحمر - خيار - بقدونس - خس - علبة زيتون أخضر حار - علبة ذره - علبة حمص - علبة فاصولياء حمراء - علبة فاصولياء بيضاء - علبة بازلاء - ملعقتين كاتشاب - ملعقتين مايونيز - ملح

الطريقه:

قطعي الخضروات كلها مربعات صغيره والخس قطعيه ناعم والبقدونس افرميه..

اغسلي جميع المعلبّات ماعدا الزيتون وصفيهن من الماء( لأن نكهة المواد الحافظه بتخرب السلطه )...
ثم اضيفي المعلبات على الخضار وحطيه عليهم الزيتون( هو وزيته لا تصفينه )ثم حطي عليهم ملعقتين كبار مايونيز وكاتشاب وملح واخلطيهم.

ثم قدميه وبالعافيه..

​

 

[نورآ ..]

.. سلطة البطاطس ..
للعضوه : ṂṸṜ₳Ṣ₳ḰḮ

المقادير:

بطاطس - خس - بقدونس - فلفل رومي أحمر - بصل أخضر - ليمون - زيت زيتون - ملح - فلفل أسود

الطريقه:

اسلقي البطاطس أفضل لو ماتخليه ينضج بالحيل يعني يكون فيه قساوه شوي مو ينهرس..
قشريه وقطعيه مكعبات وسط(لا كبيره ولاصغيره)
قطعي الفلفل الرومي والبصل الأخضر صغير...والخس قطعيه ناعم - وافرمي البقدونس..

اخلطيهم مع بعض واضيفي عليهم ليمون وملح وفلفل أسود وزيت زيتون<<<هنا خليك كريمه لأن البطاطس ناشف ويحتاج زيت أكثر
ثم قدميه وبالعافيه...مررره لذيذه..

​

 

[نورآ ..]

.. حلى موراساكي..
للعضوه : ṂṸṜ₳Ṣ₳ḰḮ

المقادير:

بسكوت سمسم - بسكوت أوريو - حليب سائل
ربع نستلة كبير - فنجان قهوه سكر - فنجان قهوة حليب بودره - حليب سائل عند الحاجه
علبة قشطة - ظرف كريم كراميل - ظرف دريم ويب - جالكسي ساده

الطريقة:

أول شي وزعي ورق البليسيه بصينية الكوب كيك
اغمسي بسكوت السمسم بالحليب وحطيه في ورق البليسيه .
اخلطي بالخلاط ربع نستلة كبير + فنجان قهوة سكر+فنجان قهوة حليب بودره( اذا طلعت ثقيله شوي زيدي حليب سائل شوي لاتكون سائله بالحيل )
ثم صبي الخليط على بسكوت السمسم ودخليه الفرن من فوق شوي بس حتى تتماسك الخلطه...

بعد ماتطلعيه من الفرن خوذي بسكوت الاوريو وفكيه( يعني الوحده تكون ثنتين )وحطي على الخلطه السابقه..
اخلطي بالخلاط نص علبة قشطة + ظرف دريم ويب + ظرف كريم كراميل..وصبيه على الأوريو..ودخليه الثلاجه لين تجمد وتتماسك( خطوة ضروريه ومهمه )..

ذوبي جالكسي ساده واخلطيه مع باقي القشطه وصبيه على شكل خطوط أو أي شكل تبينه على الطبقة الصفراء ودخليه الثلاجه يبرد شوي

بعد مايبرد قدميه وبالعافيه...

​

 

[نورآ ..]

.. عصير برتقال بنكهة التفاح والخوخ ..
للعضوه : ṂṸṜ₳Ṣ₳ḰḮ


المقادير:
تسع برتقالات-تفاحه واحده(حمراء)-خوخه واحده..(الكميه تكفي ثلاث كاسات تقريبا)

الطريقة:
اعصري البرتقال بعصارة البرتقال(انتبهي مو بخلاط العصير)لأننا نبي العصير فقط بدون اللب.
قطعي التفاحه والخوخه وحطيهن مع عصير البرتقال اللي عصرناه بخلاط العصير وخليهن يخلطن لييييين يقولون أرحمينا(عشان مايكون فيه قطع)
وقدميه وهو بارد ومع مكعبات ثلج .. وبالعافيه ..

​

 

[نورآ ..]

كساديا لحم ...
للعضوه : ّّّ``كارمن``

المقادير

خبز تورتيللا ( الراشد حبيب الكل )
لحم مفروم
بصل مفروم
فلفل بارد أحمر
بقدونس مفروم
جبن تشيدر مبشور
بابريكا و ملح و فلفل
الطريقه
نكشن البصل و نضيف اللحم المفروم ونخليه ينشف بعد كذا
نضيف الفلفل البارد و الفلفل الأسود و الملح
نآخذ شريحة تورتيللا و ننثر عليها جبن تشدر شوي مو كثير ونضيف لها اللحم بعدين الجبن و نسكرها بشريحةتورتيللا و نسخن التاوه و نكون داهنينها بزيت
ونحمرما من الجهتين

و نقطعها مثلثات و زينتها انها تكون حاره و مقرمشه شوي


​

 

[نورآ ..]

حلآ
للعضوه : , r.n






نذوب بحمام مائي ( 100 جم شكولاته خام + حبتين جالكسي )
ونلبسهم الاوراق .. نحط شوي ونبدا نرفعها ع الاطراف لحد ماتتغطا
عيدي ع الطبقه اذا تبينها تكون عريضه وماتتكسر بسهوله ,
ودخليها الثلاجه تبرد ..

الحشوه :

100 جم شكولاته خام غامقه " مذوب بحمام مائي " +
4 ملاعق كبيره جبنة فيلادلفيا + 1 ملعقه صغيره سكر بودره

نخلط الجبن والسكر بالخلاط اليدوي زيين ونصب عليها الشوكولاته
ونخلطهم سسسسواء , احتمال تصير ثقيله شوي بس عادي

نحطها بأكياس التزيين ونشكلها فوق الاوراق الملبسه ونزينها ..
وبالثلاجه لحد وقت التقديم ،

​

 

[نورآ ..]

تشيز كيك
للعضوه : , r.n


بسكويت دايجستيف مطحون " الكرتون الصغير " + نص زبده مذوبه

اخلطيهم سوا .. وحطي شوي بصينية الميني تشيز كيك

بالخلاط :
1 جبنة فيلادلفيا العلبه الصغيره + 1 ظرف دريم ويب +
1 كاس كريمة خفق + 5 ملاعق سكر + قشطه +
2 ملعقه صغيره جيلاتين مذوبه بشوي مويه دافيه

حطيهم فوق البسكويت .. وفوقها باي فيلينق بلوبري او كرز
ودخليها الثلاجه تبرد , وقدميها

​

 

[نورآ ..]

حلآ
للعضوه : , r.n






بقوالب السيلكون حطي ربع القالب بسكويت دايجستيف مع زبده

شوكولاته خام مذوب بحمام مائي حطيه ع الاطراف الباقيه من القالب
وبالفريزر لحد مايجمد

الحشوه :

نصف علبة جبنة فيلادلفيا + ربع علبة حليب مركز " الكبيره " .. اخلطيهم سوا

حطي بالقالب ملعقه منه وملعقه باي فيلينق بلوبري او كرز

اخر شي حطي بسكويت ابو ولد بعد ماتفكين الطبقتين عن بعض
" كسري شوي من اطرافه عشان يصير نفس حجم القالب "

وغطيه بباقي الشوكولاته الخام ..

يصير كذا من جوا

​

 

[نورآ ..]

صنيه بطاطس
للعضوه : فهاووه

المقادير والطريقه
اول طبقه صدور دجاج مقطعه صغيره مرره احمسيها ببصل وثوم وبهارات لين تستوي الدجاج معك
بعدها حطي فلفل رومي مقطع صغير وبقدونس وذره وشوي باربيكيا
ثاني طبقه فوق الدجاج بطاطس مقلي مربعات
الطبقه الاخيره بالخلاط قشطه + شوي جبن سائل + شوي مايونيز + ثوم + ليمون + خل وشوي ماء
عشان ماتصير ثقيله
ادهنيها فوق البطاطس ورشيها جبن ودخليها الفرن








​

 

[نورآ ..]

Cups potatoes
للعضوه : عطر المســـاء ​

المقادير والطريقه
بطاطس مسلوق ومبشور ويضاف اليه رشه ملح ورشه فلفل اسود ومايونيز ملعقه ويخلط
نعمل دجاج بدون عظم نقطعه صغار ونحمسه مع شوي بصل وملح وفلفل اسود الى ان يستوي
بعدها نضع عليه بقدونس وشوي بصل اخضر
جبن مبشوور كرفت
قشطه خفق مع جبن وقشطه
الصور توضح كل شيي

يكور البطاطس كور متساويه بعدها توضع بالطبق وتفرد بحيث تعبى الاطراف والوسط فآضي

توضع عليها الحشوووه

توضع الجبنه

وتسكر ببطاطس

تدخل الفرن وترش بالكريمه مع القشطه والجبن وترش بالجبنه​

​

 

[نورآ ..]

تارت السنكرس
للعضوه : ~’,* أم عبدالله​

​

*1 بسكوت شاي مطحون ناعم
50 غرام زبده
*2 م ك قشطه
*1/4 علبه نستله
*3 حبات كيري
*سنكرز
* و هيرشي الشوكلت نفس الي بالصوره hershey`s kisses
* كراميل
* فراوله​

​

اول شي نحط البسكوت و الزبده و القشطه ​

​

و نعجنهم الين تتماسك​

​

نحطهم في القوالب و نحط السنكرز بوسطهم ​

​

و هنا خلطنا الكيري مع النستله الين تجانسو و حطيناهم في القوالب

​

​

نشغل الفرن مسبقا 10 دقايق
و بعدين ندخل الصحن جوا الفرن 10 دقايق و نطلعها
نخليها لين تبرد
و نطلعها بشويش و حذر من القوالب عشان ما تتفتت
و نحط الكرميل و نزينها ب فراوله او هيرشي
و هذي النتيجه ​

​

​

 

[نورآ ..]

بطاطا حره عند عبدالوهاب
للعضوه : Solitaire 85

....


المقادير

٢ حبة بطاطس مقطعه مكعبات بقشرتها
نص فنجال زيت زيتون
نص فنجال ليمون
نص فنجال دبس الرمان ( نسيت اصوره )
نص ملعقه صغيره ثوم ( و اللي يحب الثوم اكثر ممكن يزيد )
كزبره مفرومه تقريبا نص كوب
فلفل اسود
ملح


الطريقة :

ممكن بطريقتين

١/ إما انك تسلقين البطاطس نص سلقه و تخلطينه بالمقادير كلها و تغطينه بقصدير و تدخلينه الفرن ساعه او اكثر , بعدين تشيلين القصدير و تتركينه يتحمر من فوق

٢/ او تقلين البطاطس .
تسخنين زيت الزيتون و تضيفين الثوم و تقلبينه شوي , بعدين الكزبره , بعدين الليمون و الدبس و الملح و الفلفل , قلبيهم شوي بعدين ضيفي البطاطس و قلبيه شوي و بس

....

 

[نورآ ..]

حمص
للعضوه : ~’,* أم عبدالله​

نحتاج الى

​

*1 علبه حمص مسلوق "حدائق كاليفرونيا "
*3 م ك طحينيه سايله
3م ك زيت زيتون
عصير نص ليمونه
فص ثوم متوسط
رشه كمون
رشه ملح​

نحطهم كلهم بالخلاط و بس
نزينها بالسماق و الزيت زيتون و النعناع و الي يتورط ما عندهم حزتها نعناع حطوا اي شي اخضر ​

و هذي النتيجه​

 

[نورآ ..]

سلطه الجبس
للعضوه : مشــــكله

المقادير والطريقه
خس مقطع شرائح وشيبس مثل ليز بنكهة البصل والجبن احلـــى شي او الجبنه الفرنسيه وصبي عليه صلصلة رانش واخلطيهم سوا وبالعااافيه

 

[نورآ ..]

كاساديلا الدجاج
للعضوه : مشــــكله

المقادير والطريقه

دجاج مقطع مربعات صغيره وبصله مقطعه صغيره وفلفل بارد مقطع صغير وثوم مفروم وكزبره مفرومه وبهارات مشكله وفلفل اسود وباربيكا ملعقه صغيره مره ومكعب ماجي وخبز تورتيلا وجبنة موزاريلا

يحمس البصل مع الثوم على ملعقة زيت زيتون ونضع عليه الدجاج ونقلبه بعدين نحط البهارات المشكله والماجي والبربيكا والفلفل الاسود ونقلبها ونحط عليها شوي مويه ونخليها تستوي وقبل ماتستوي بنص ساعه نحط عليها الكزبره والفلفل البارد بعدين نشيلها من على النار ونجهز الخبز على الشوايه ونحط عليه الحشوه وبعدين نحط عليه الجبن ونغطيه بخبز ثانيه بهالطريقه

ونخليها لحد ماتتحمر بعدين نقطعها مثلثات وبالعاااافيه

 

[نورآ ..]

صينيه البطاطس مع الدجاج
للعضوه : ظل الازهار

نحتاج اى :
للبشاميل :
نص اصبع زبدة في حرارة الغرفة
كاسين حليب سائل
نص كاس كريمة طازجة ان وجد ( غير ضرورية)
مقدار ملعقتين 3 ملاعق كبار بقدونس مفروم
فص ثوم مفروم
ملعقتين كبيرة دقيق
جبن برميزان حسب الرغبة
جبن امنتال مبشور حوالي نص كاس( او حسب الرغبة الجبن المتوفر عندك )
ملعقة ملح صغيرة ( او حسب الرغبة )
الحشوة :
صدور دجاج مقطعه شرائح
2 حبة بطاطس مقشرة ومقطعه حلقات ( لاتكون رقيقة ولا سميكة وسط )
بصلتين مقطعه شرائح
فصين ثوم مفرومه او مقطعه
فلفل اسود وملح حسب الرغبة
ملعقتين زيت زيتون
الطريقة :
او شيء نبداء في الحشوة
نحط زيت الزيتون وملعقة صغيرة زبدة وننكهه بفصين الثوم ونضيف لها البصل ونحركة
ونضيف له ملح عشان يذبل ومايحترق او يتحمر ( نقطه مهمة )
بعدها نضيف قطع الدجاج ونحركة حتى تتسبك ماولازم يستوى الدجاج
ونضيف لها الفلفل الاسود ونتركها على جنب
نحضر البشامل
نضع الزبدة ونضيف لها الدقيق ونحمرة شوي
وبعدين نشيلها من على النار ونضيف لها كاس حليب شوي شوي ونحرك حتى يتمازج
نضيف الكاس الثاني ونرجعها على النار حتى يثقل شوي ( البشاميل مايكون ثقيل نهائيا لازم يكون شوي سائل )
لان البطاطس يحتاج سائل يستوي فيه
نشيله من على النار ونضيف له البقدونس والثوم والملح وشوي فلفل اسود ونحرك ثم نضيف له الكريمة الطازجة
ونضيف له الاجبان ونحركها شوية حتى تذوب
,
,
نحضر الصينية ونحط في قاع الصينية شوي من البشاميل
وبعدها نرص البطاطس الشرائح حتى نشكل طبقتين
بعدها نضيف لها الدجاج مع البصل ونسويها على الوجة ونضيف لها كمية البشامل المتبقيه
نرش على الوجة جبن مبشور وجبن برميزان وندخلها الفرن
تحتاج من ثلث ساعه الى نص فقط واحياناً اقل
وبالعافيه