البطة البلدية و د\ طالب الشمري ...

[البطه البلدية]

اتصدقين لي ثلاث ايام ماشيه ع رجيمج الي اول صفحه نازله كيلو وقرامات
كنت 63 صرت 61.7
بس تصدقين انا ماحط كوفي ميت لايت احط حليب التموين هههههههههه
والشهاده لله ماجوع حيل يعني نفسيتي عالاكل خفت
وريوق بيضه وتوستين سمرا وشاي
وغداي هو عشاي لاني اتاخر بنوم اصبح
يعني توستين وبرجر دجاج شوي +وببسي لايت

بس رفيجتي تقول مو اي عصير تشربينه لان في تركيز سكر ..يعني لازم مكتوب عليه عصير ..ومو نكتار
وabc مكتوب عليه نكتار بعد والكي دي دي..
انا ماحب الغازات ...وابي عصير اي نوع اشرب احترت
وحبوب سليم<مدري احس لهم مضاعفات عشان جذيه ماراح استخدمهم

ع فكره انا اشرب شاي اخضر+زنجبيل+قطرات ليمون
واحيان ثلاث ملاعق متوسطه حبه حلوه+وكمون+وخردل <واصب عليهم ماي حار وانقعه ربع ساعه واصفيه واشربه

وبعد الاسبوعين فيه نظام ثاني للاكل؟؟بليز قوليلي

وعساج تضعفين بصحه وعافيه

ما شا الله تبارك الله الله يهنيج ان شا الله
:ggdw:

والله بالنسبه للعصير .. انا قلته ما احب الغازيات .. ابي عصير و ما رضى

مرات اشرب شاي مرات غازييات و مرات اطنش و اشرب عصير كيوي و اناناس

اخذي كي دي دي .. برتقال .. اقل سعرات حراريه فيه ...


انا مرات اشرب ع الريج .. كوب ماي دافي + نص ليمونه + قفشه حوس كمون

والله توخر الغازات بشكل رهيب ...


ورجيماته تلقينهم بالصفحات الالى ..


حياج الله حبيبتي

 

[؛؛حلاوه؛؛]

حلو الرجيم

انتي متى راح تطبقينه

 

[؛؛حلاوه؛؛]

انا قعدت الساعه 12 بليل وكليت

نص صمونة ساب واي وتحسفت

بعد شوي بشرب ينسون وزنجبيل

 

[do0ora]

السلام انا حابهة اشارك معاكم الحمدلله ربي تمم علي وولدت بالسلامة بس وزني وصل 98 وانا احب رجيم طالب لان مرة سويته وضعفت 3كيلوات بسبوع ماشاءالله بس انا لازم اخذ حبوب لان وزني وليد وثانيا فيني تكرمون مساك واستخدم كورسيه صارلي 3ايام برجيم طالب وان شاءالله ننزل بصحه وعافية

 

[؛؛حلاوه؛؛]

هلا دوره الحمدالله على سلامتج

متى ولدتي

وشنو كورسيهج

انا من باجر بجرب رجيم طالب

 

[do0ora]

الله يسلمج حبيبتي ولدت شهر 6 كنت البس المشد الاندونسي بس ما استمريت فيه لاسف وايد عجبني بس وبدي اسم الله عليه تعبني والحين استخدم كورسيه المعرض الي الصينيات يبيعونه ي

 

[؛؛حلاوه؛؛]

انا صارلي شهر والده وللحين مالبست كورسيه

وين المعرض الصيني وبجم

وشلون صاير الكورسيه وتحسين يشد البطن ويخشه

على فكره انا والده قيصريه

 

[LUXURY]

هلا بطوطه

انا من نص رمضان كان ودي اضعف للعيد وادري ماكو اراده جان اشترك بكالوري كنترول وصج اكلهم حيييييييل حلو ويضعف بس انا ملييييييت بسرعه باقل من اسبوع قمت اخربط وازرق واخر 3 ايام ما اكلت الاكل كلش يعني كليت منهم 11 يوم فقط مع خرابيط
ونزلت كيلو الحمدلله ماصعدت

وكان ودي الحين اشترك بشركة تغذيه كنت مفكره اذا اشتركت بشركه بالتزم لاني قاطه فلوسي بس عقب تجربتي اكتشفت اني بطرانه حتى مو هامتني فلوسي خخخخخخخخ

عاد قلت شالله حادني خل اسوي ريجيم بروحي وافتك واشوف اذا نزلت صج وابي اثبت وزني اشترك بشركة تغذيه علشان لا ارد وزني

وهذي فيديوات الرياضه

وهذا سي دي كامل عباره عن 5 اميال
الميل الاول
http://www.youtube.com/watch?v=6wmor6zl_w8&feature=related
الميل الثاني
http://www.youtube.com/watch?v=paassinsqjo&feature=related
الميل الثالث
http://www.youtube.com/watch?v=2nnmxaqdx5i&feature=related
الميل الرابع
http://www.youtube.com/watch?v=h8e6ga4cics&feature=related
الميل الخامس
http://www.youtube.com/watch?v=0ia8radeggo&feature=related

وعلى فكره اهي تمارينها للمشي تتضمن حركات للياقه وتمارين للزنود والكرش والحوض والفخوذ والسيقان وجتوف
يعني اذا سويتي هال5 اميال بس ماتحتاجين تسوين اي رياضه ثانيه

وان شاء الله ابدي عقب باجر لان باجر اول يوم دوام وادري بنخربط خخخخخخ
وتره تقدرين توصلين لل70 واقل بعد بس شدي حيلج وراج عيد الاضحى عقب شهرين ان شاء الله تغيري فيهم

انزين ماقالج اذا القهوه وجاي حليب كمية مفتوحه؟؟

 

[؛؛حلاوه؛؛]

هلا لوكسري مادري قلت اسمج صح

يلا ناطرتج باجر بس جم وزنج وجم هدفج

ولاتقولين ماكو اراده ترى اهم شي الاراده

انا حدي مابي اخربط لاني متحسفه

كنت بالستينات ووزني بسرعه يتنح

 

[do0ora]

حلاوة الكورسيهه خفيف بس مو الي يشد يخليج ماتتتفسين لاعملي ايي 3 قطع من ارض المعارض والحبوب من الصيدلية والحمدلله على سلامتج


واناحربت لمن كنت حامل دايت كير بس مافكر اشترك لان اول شي بنزل من وزني والشركات ماتنزل وايد وحسيت انه ماينفعني لان الصبح دوام ولازم اسخن الاكل على ما اوصل الدوام الا مرات يصير يابس وغيره عندي زواراا اهلي وحمولتي وطلعات والمتزوجات اكثر طلعاتهم مطاعمههه

 

[do0ora]

لاكيجريو انا كل مايعت اشرب نسكافيه واهم شي الصبح والمغرب احسنشي بهالوقتين في احد جرب القرين كوووفي

ونظام الشركات احسه حق الي تبي تحافظ او تنزل شوي او تبي تتزل على راحتها بس انا ماينفعني لان وزني بابتسعينات وابي اضعف اول اشتهيت شي اروح اخذ منهم

 

[؛؛حلاوه؛؛]

دورا انا جربتها بس ماسدت شهيتي

يمكن وحده عن وحده تفرق وجربت الاصليه الي فيها ستكر

كان واحد يبيعها بفندق رجينسي فتره وطلع

بس حسيت اول يومين سدت شهيتي شوي

بس بعدين لا

وريلي جربها يقول سدت شهيته

كان ياكل وجبه وحده باليوم

بس انا اقوله يمكن ماسدت شهيتك انت تتخيل

لووول يقولي ليش محتره عشان ماسدت شهيتج
انا اليوم بجرب حبوب زين الاتات

يمدحونهم البنات

 

[do0ora]

انا استعمل حبوب طالب الحين تتباع بالصيدليات حلاوة انتي جم وزنج انا وصل وزني 80 بس حملت ورد وزني زاد اذكر طالب كتب لي اعشاب اشربها بس موذاكرتها خل ادور الورقه واقولكم

 

[؛؛حلاوه؛؛]

انا بالحمل وصلت اخر الثمانينات

ولما ولدت بعدها ب 10 ايام قست ولا وزني 82

واليوم وزني 76وابي اوصل 60

 

[do0ora]

الحمدلله مايبيلج وايد بلشي برجيم طالب انا كنت عنده لمن وزني كان ماينقال بس نصيحه كل اسبوع او اسبوعين غيري

 

[؛؛حلاوه؛؛]

انا يوعانه حدي

بروح اشرب عصير

 

[الفدنه]

حلاوه. لاكجري. دورا
يارب مايوصل الاضحي الا وانتوا منيكانات يارب
اللي توهم والدين اذا ترضعون او تاخذون حبوب منع حمل تحط فبالها نزولها ممكن يكرن بطي
كثروا منتجات البان خاليه الدسم تنزل الوزن بسرعه
واشربوا اعشاب مثل الزنجبيل والدارسين وجاي اخضر
احس نزلوا وزني بسرعه
الله يوفقكم

 

[do0ora]

الفدنة حبيبتي ماقصرتي انا رضعت بالارربعين كان ودي ارضع بعد بس ماقدر لان لازم اضعف وززني وصل 100 وشوي ومابؤ اهمل نفسي

الحين اخذ حبوب والبس كورسيه والله كريم

 

[LuLiTa]

الريجيم شكله وااايد حلوو .

 

[؛؛حلاوه؛؛]

دورا انا لا ارضع ولا اخذ حبوب منع الحمل

بس اشرب اعشاب