انطلقنآآ بتجمعنا .. أقوى تحدي ::: صحية ورشيقة أقوى شي .. مع طفولية أحلى شي ::: ‏

[طـفولية]

بنات انصحكم حييييييييييييييييل حييييييييييييييييل انكم تقرون موضوع مثبت بقسم السمنة والنحافة " برنامج سعرات في لحظات حق عبد الله المطوع كل يوم اقروا جم صحفة دامكم تحوسون بالمنتدى .. وشوفوا الفيديوات وتابعوا البرنامج بكبرة من الثلاثاء الياي ..
تبارك الله عبد الله المطوع انا مو من المراجعين ولكن من المتاعين ومن الي متبنين افكاره .. تبارك الله عجيييب .. والفضل لله وحده ..​

 

[روعة خيال]

طفولية انا وحدة مدددددمنة غازيات و اليوم ما قدرت اقاوم السفن آب بس تووووبة خلااااااص مابي اشرب بعد

انزين انا ع الساعة 6 اكلت سلطة يونانية و بعدها بنص ساعة شربت برتقال فرش بس مو بارد

ما يخالف بعد الـ 7 اشرب نسكافيه؟؟

 

[o$oOo$]

رد : انطلقنآآ بتجمعنا .. أقوى تحدي ::: صحية ورشيقة أقوى شي .. مع طفولية أحلى شي ::: ‏

بنات وينكم ....................................................
يلا وين التحدي......................................

 

[طـفولية]

بناااات بقولكم شي تعالووووا ​

بنات تدرون شنو خاطري من هالتجمع !!
ترى انا وزني 63 ولله الحمد وكسور .. وخاطري يكون وزني 58 .. يعني 5 كيلوات !!
باي نظام خربوطة اقدر باسبوع انزلهم صح !!
بس لا انا مابي جذي ..
انا ابي احب نفسي !! .. ابي اكون صحية ورشيقة !! ابي احس اني محترمة جسمي ومهتمة فيه .. !!
انا ما اوجه كلامي حق وحدة فيكم لا .. الكلام حق الكللل ..
ابي لمن ينحط صحن جدامي محدددد بالدنيا يفرض علي آكله ولا مآ آكله ..
انا اسأل ..
لان اهوا موجود ويمعة والكل ياكل .. انا لازم اكل واترس منه بطني وانا ما احبه ولا ميتة عليه ويمكن مو يوعانة والهم لهام وما احس .. ولا انا فعلا احب هالاكلة ؟!
هالاكلة شكثر منها فايدة ؟!
وقته اني آكلها ولا لا ؟!
ترى انا ما يمعتكم عشان نسوي رجيم ..
تدرون ؟!
نظام " اتكنز " الي انا عندي اهما دمار للجسم ويسوي خلل حقيقي فيه " يضعف "
نظام تاكلين بس توست ترى " يضعف "
نظام تاكلين فواكه بس .. او خضار بس .. او شوبة بس صدقوني " بضعف "

بس بسالكم عن نفسيتكم !!
بسألكم عن مشاعركم .. بدون مبالغة تكرهون الدنيا ..
مالكم خلق شي اصلا !!

انا ترى تعمممممدت اليوم اوريكم شغلة ..
اليوم ريوقي صحي .. بس رفيجاتي لزموا علي آكل .. صج الله يحفظهم يعرفون وجبتي الي احبها ..بس ترى انا ما اعتربته تخربط لان انا مشتهيتها اصلا .. ومقتنعة بداخلي انها ما راح تأثر علي .. ومتى كانت وقت غدى الساعة 2 وشي .. يعني عندي مجال احرقها .. وكليت وراها ككاو ادري مو واحد كليت اثنين ..
وهم باذن الله راح " اضعف " بتشوفون ان شاء الله شلون راح " اضعف " ..
مو لان جسمي نوعه جذي لا ..
لان جسمي حاب هالاكل .. متقبل هالاكل .. نفسيتي مرتاحلته ..
ترى الجسم يا بنات ذكككككي !!

وسبحآآآن ربي الي خلقه !! .. مهيئ للمجاعات .. لمن كنتي تاكلين كلللللل شي ..بعدين فجأة اقل قليييل !!
جسمج راح يقول ستووووب .. وبيخزن وبيسوي حالة طوارئ " سبحآن الخالق " !!
انا ان شاء الله بحط العادات السيئة الي لازم كل وحدة فينا تسوي على الاقل وحدة منهم ونعالجها ..

الريآضة !! الي الناس عندهم انها تعذذذذذذيييييييييييب .. وتكفون اسوي اي شي وما اسوي رياضة .ز
ومآآآ عندي وقت !!
والله عندج وقت .. اذا حابتها .. وخذيتيها بتفكير ايجابي بتحبينها حيييييييييييل ..
ترى شوفوا اعماركم .. كلكم اقل من اربعين !!
واغلبكم بين 20 وال30 يعني عززز شبابكم ..
عشان جذي انا بنت 20 سنة ظهري وريولي وكل شي فيني يعورني من اقل مجهود !! ما تعودنا !!
لان ربطنا الرياضة بالرجيم او نظام التعذيب بالاصح !!
صدقوني فكري بالرياضة انها " دلع " دلعي نفسج ..
شوفي يومج الصبح !!
وانتي قاااعدة من النوم مبببجر .. وعلى معدة فاضية لاعبة تمارين خفييييفة ما تتعدى ال10 دقايق ..
وشربتي بطل ماي على الريج ..
وبعد شوي حضرتي فطورج بنفسج " من البيت " ..
وخذيتي معاج سناكج الدوام ..
رديتي البيت .. غداج " من البيت " ..
وهم بعدها سناك خفيف انتي تحبنه ..
وعشى خفيييف" من البيت " انتي مشتهيته ..
ورى الساعة 7 معدتج مرتاااحة ..
وبعدها بساعتين .. عال9 امشي نص ساعة .. بممشى .. بمجمع .. بجهاز ببيتج .. بالفريج والجو الحين عجيييب ..
تحركي سوي كل شي بيدج ..
صدقووووووووني ما راح يصير في شي اسمه سمنه .. لا تقولون انا مو حاسة بلي اوزانهم اوفر .. انا كنت اسمن من جذي بوايد ..
والحين آكل طبيعي لان ما سويت رجيم .. ما سويت عذاب .. عدلت عاداتي الغذائية بس ..
ما منعت نفسي من الشي الي احبه بالعكس ..
كل يوم آكل ككاو .. ترى انا مدمنة ككاو !!
بس شلت الاشياء الي قاعدة آكلها وانا ما احبها وتزيد وزني على الفاضي !!
بس لاني " تعووووود " اني آكلها او اسويها !!

حتى الطباخ كل ما صارتلي فرصة مع اني طالبة وما ارد الا على ال4 العصر بس هم ..
ايام الاجازة .. برمضان دخلته كله وكل يوم اتفنن بشي ..
حتى الطباخ طلعي روحج فيه ..



ونصيييييييييحة نصييييييييحة نصيييييييييييييحة

" اقروووووا " ..

ترى قاعدين تفرون بالمنتدى بالساعات ..
ترى انا تغيرت حياتي من بديت اقرى .. صج اني مو رفيجة الكتب ولا احبهم وايد .. بس احب النت ..
الحمد لله شغلت عقلي وقمت ادور واقرى وافيد واستفيد ..
بندش 2011 وما بقى رجيم ما جربتووووه وانصصصدم لما وحدة تقول الككاو يمتن !! وما ادري شنو على الريج يضعف !!
لان احنا ما نقرى " آسفة على هالكلام بس عشانكم " يستخفووون بعقولنا ..
حبوب وجاي وخرابيط .. واشياء تخرع وتقصر العمر .. لان بنضعف .. !!
هالنظام الي قلته فوق ويمكن ما يملي العين عن تجربة نزلني وآآآيد ..
لازم لما ينزل منتج يديد احكم عقلي ..
اسال هذا شنو وظيفته .. شلون يشتغل على جسمي ؟ على اي اساس يظعف ؟!
تبنيت افكار دكتور ربي يخليه حق اهله ويزيده من العلم ويآجره " عبد الله المطوع " اقروله ..
مو شرط تروحون عيادته .. تباااارك الرحمن شي خيال !!
مع ان مو قاعد يقول شي من الفضاء بس الناس تحب تقط فلوسها

انا من الناس الي داوموا عن دايت كير وقطيت فلوووووووووووس بهالبل .. ورديت الكيلوات الي ضعفتهم .. ليش !! لان دايت كير وغيره مو قاعدلي طول عمري ..
اهما يمصون فلوسنا لان يدرون ان احنا شعب "يدفع " وما يفكر وين يقط فلوسه ..
وللاسف صار موضه..
الاكلة الوحدة تنباع بدينار ونص .. ودينارين ..
وبالبيت تكلفتها ولا شي !! وتكفي اشخآآآآص والمكونات اخشها حق جم طبخة !!
لان يدرون ان احنا نحب نجرب كل شي يديد ..
الاشياء التجارية قاعدة تستغلنا .. وتستغل نقاط ظعفنا ..
الحين انا لو تاجر .. اقول اي .. هذولي يبون يضعفون بسرعة .. وعادي يدفعون اي سعر وبدون رياضة ..
اسويلي منتج .. ولا كتاب واكتب عليه 30 كيلو بشهر !! وبدووون رياضة .. :/ والمشكلة الاكبر ان الناس تشتريييييي !!
ادري كلامي ملخبط .. بس صج ودي يكون في توعية ..
حاولت اقول كل الي ببالي وارتبه كثر ما اقدر ..
والي عندها ملاحظات وتحب تناقشي حياااااها الله ..
وهالكلام ما طلع مني الا من قلب محب فارجوا انكم تتقبلونه :**​

بنات على فكرة .. للفائدة بحط هالي كتبته بموضوع مستقل بمنتدى السمنة والنحافة :*

 

[بنت عطا 24]

طفوووليه ماشالله عليج ربي يخليج لهلج ويرزقج باللي تمنيينه
صج صج كلامج مقنع ويشجع

انا نفسج حلمي ووزني المثااالي 58
لان طولي 58 فراااح يكوون رووعه علي

ياالله يااارب نضعف بصحه وعاافيه

 

[طـفولية]

طفوووليه ماشالله عليج ربي يخليج لهلج ويرزقج باللي تمنيينه
صج صج كلامج مقنع ويشجع

انا نفسج حلمي ووزني المثااالي 58
لان طولي 58 فراااح يكوون رووعه علي

ياالله يااارب نضعف بصحه وعاافيه

حبيبتي اللهم آميييين ويآآآج ..

الله يوفقكم وينفعكم بكل كلمة ..
اللهم آمين


على هالكلام الحلو بعترف اعتراف ..
توة ابوي الله يحفظه طالب عشى باستا بدياي وخضار .. مو عاجبته وعلى ابو اني بذوقها ليش مو عاجبته كليت قفشتين صغار ..
وبث :$ ​

 

[بنت عطا 24]

بالعااافيه طفووليه

انا نفسج ساعات زوجي يجيب اكل من المطعم وانا اكون مسوويه ريجيم
اكل لقمه او لقمتين منه ارد خاطري فيه
وترى ماايضر
بس موو تبدعين وتاكلين واجد بس لقمه او لقمتين
ههههههههههههه

 

[احسااااس]

رد : انطلقنآآ بتجمعنا .. أقوى تحدي ::: صحية ورشيقة أقوى شي .. مع طفولية أحلى شي ::: ‏

صبااااااااااااااااح الخييييييييييييييير

طفوووووووووووووليه كلاااااااااااااااامج حييييييييييل حلو

ويشجع الوحده ع انها تفكر قبل ات تقرر تاكل

 

[طـفولية]

صبآآآح الورد على ورداتي بنات تجمعي ..

انا ولله الحمد مستااانسة بداوم واخيرا من بعد ما استرديت صحتي وعافيتي :") ..

اليوم قعدت مبجر 8 صباحا و7 دقايق تحديدا .. مع ان دوامي 10

لعبت تمارين ال 8 دقايق الصبآحية ..

شربت بطل ماي ابراج صغير ..

والحين بروح ابدل وتوكل على الله ..

وهم ان شاء الله بشرب بطل ماي ثاني ..

ريوقي " بيتزا قيصر " وحدة + صمونة من قيصر + حليب السعودية .. ​

 

[احسااااس]

رد : انطلقنآآ بتجمعنا .. أقوى تحدي ::: صحية ورشيقة أقوى شي .. مع طفولية أحلى شي ::: ‏

يومياتي

قعدت الصبح وشربت ماااي ع الريج

وتريقت شريحتين توست اسمر مع مرتديلا وعصير اناناس

 

[روعة خيال]

صباح الخييييييير

قعدت الساعة ٥ الفير عشان اقعد ريلي للصلاة (متأخر لوووول)

و ارضع بنتي و ابدلها تكرمون

و قعدت اراجع امتحاني

لمن يت الساعة 7 شربت خلطة واصفها لي د.طالب الشمري عجيييييييبة

و بعدها دقيت سلف و رحت للكلية ع الساعة ٨ تريقت ٢توست عادي+جبن سلايس

و توني الحين طالعة من المحاضرة و شربت عصير برتقال كي دي دي

بروح بيت اهلي ان شاء الله و اوافيكم بالتفاصيل خخخخخخخ

 

[مشتاقه للحب]

رد : انطلقنآآ بتجمعنا .. أقوى تحدي ::: صحية ورشيقة أقوى شي .. مع طفولية أحلى شي ::: ‏

الله يعطيك العافيه

طفوليه كلامج وايد حلو ومفيد ويحمس

اليوم الصباح اول ماجلست من النوم جى في بالي شوكولاته

وصرت مترده ولما قريت كلامج تشجعت وقلت لايمكن اكله الحين

اخليه وقت السناك يعني مااحرم نفسي

وسويت نفس طريقتك شربت كاسين مائي

وسويت رياضه خفيفه لمة 30 قيقه

وتريقت بيض مع خبز وشويت فول سودني

وحليب مع نسكافيه

وعلى الساعه 11 اكلت كمثرى

مع عصير اناناس


وانشاء الله غدائي

بيكون كوشري حولي 5 قفاش

طريقتي الي تعلمتها من الدكتور عبد الله المطوع

اضع في الصحن الرائيسي

شويت رز مع سلطه وايدام

على شان احس ان الطبق مليئن واحس بشبع

وشويت حمست خضار


مع عصير جريب فروت من كي ي دي

والعشاء

بيكون خفيف

بس الى الان مادري

ونسيت عن اقول لكم

شربت جاي اخضر

طفوليه خلك قد التحدي

مع اني عارفه اني ماريحه افوز

بس اشجع نفسي

هههههههههههههههههههه

بتوفيق للجميع

 

[ملاككك]

طفووووووووووووووووووليه حيااااتي كلامج مشجع
انا اليوم اول ما قعدت الصبح شربت قلاصين مااااااي
وتريقت نص خبزة وشويه بيض مقلي بطماط
وشااااي
مااااكان في سنااااك لاني تريقت متاخر
الغداء سلطه شمندر وصاااج شاورما بدون مايونيز
وعصير برتقااااال فريش
وشربت بطل صغيييير ماااااي
انشاء الله نااااويه اروووح الممشى اليووووم

 

[ام حديجان]

رد : انطلقنآآ بتجمعنا .. أقوى تحدي ::: صحية ورشيقة أقوى شي .. مع طفولية أحلى شي ::: ‏

عيني عليج بارده طفوليه

كلامج توووب

ودي اطبق هالشي بس يأنبني ضميري لي كليت ككاو او هابي ميل او او

صاير عندي هوس بشي اسمه دايت

 

[ملاككك]

السنااااااكـ عصير برتقااااال
وحبه دونااااات صج خرتها بس اشتهيتها اليوووووم
وبشرب شاااااي اخضر

 

[مشتاقه للحب]

رد : انطلقنآآ بتجمعنا .. أقوى تحدي ::: صحية ورشيقة أقوى شي .. مع طفولية أحلى شي ::: ‏

الف الف الف الف مبروك

كويتنا الحبيب

الف الف مبروك لكل شعب الكويت

فرحانه حدي فرحانه

 

[روعة خيال]

اي و الله مبروووووك لمنتخبنا نشف ريييييجي خلصت ماي الكويت

و همن مبروك فوز قطر باستضافة كأس العالم ٢٠٢٢

غداي كان سلطة سيزر مع اكسترا صوص+دايت كولا

عشاي ان شاء الله عصير كيوي و اناناس + بيضة مسلوقة

 

[طـفولية]

ما شاء الله كلكم ريوقكم تمااااااااااام التماااااااااااام ..

وملوكة الحلوة .. ما فيها عن شي عن خاطرج .. بس مرة ثانية الدونت تقاسميها مع احساس لوول لا تاكلينها بروحج ..

بروح اصلي .. وايي اقولكم شنو كليت وسويت :**

 

[مشتاقه للحب]

رد : انطلقنآآ بتجمعنا .. أقوى تحدي ::: صحية ورشيقة أقوى شي .. مع طفولية أحلى شي ::: ‏

انا تعشيت

2 توست مع جبن

وزبادي قليل السم

على الساعه تسع بشرب جاي اخضر

وقبل النوم بشرب عصير اناناس مع كيوي

 

[اثمان]

رد : انطلقنآآ بتجمعنا .. أقوى تحدي ::: صحية ورشيقة أقوى شي .. مع طفولية أحلى شي ::: ‏

السلام عليكم


سامحونى بنات اذا ما دشيت بس ان شاء الله التزم بالميزان

عندى بنتى صغيره حايشها التهاب

وحبيبتى يعورها الحراق وقلبى معورنى حيل عليها

ان شاء الله ربى يشافيها و يرحمنى برحمته