بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[غارقة بأحزانها]

مبارك عليكم الشهر
وكل عام وانتوا بالف خير
والله يعينكم على صيامه وقيامه
وربي يتقبل منكم
يااااااارب اميييييين


احبكم قروبي العزييييز فديتكم كلكم
نفر نفر



ميمي الف مبروك نزولج وعقبال ماتبشرينا بوزنج المثالي

اليوم كان عندنا قريش الحمدلله ماخربطت
اكلت سيخ كباب مع سلطات وشويه حمص وشوية جريش ضواقة يعني

واصلا ماكنت متريقة
غداي كان توست بلبنه وتركي

وشربت جاي ريجيم

من باجر ان شاء الله ولمدة شهر راح توصلني وجبات الدايت كير
يارب اضعف عليهم واودع الثمانينات يااااارب

 

[غارقة بأحزانها]

بنات حبايبي شرايكم نرد نقوي عزيمتنا من اول ونحط جدامنا هدف
اللي اهو بدلة العيد الحلوة عالجسم الحلو الرشيق

خلونا من باجر نقيس اوزاننا
ويصير ميزاننا كل جمعة
ندخل ونحط يومياتنا ونشجع بعض
ولو يكون بالصور وناسة بعد

خلونا نرد الحماس للقروب بعد الهدوء اللي حاشه

ورمضان فرصة ان الواحد يضعف لان ماناكل فترة طويله
والاذان متأخر


عن نفسي راح احاول اني مااغير بروقرام حياتي
بقعد مبجر على صلاة الظهر ( يعني مبجر ) هههه

وانام عال12 واحط المنبه قبل الامساك عشان اشرب ماي
عموما انا كلش مااخب اتسحر هذي عادة فيني من زمان بس زوجي
ساعات يخربني
وانا بعد كلش مو نوعي اروح غبقات وهالسوالف فالحمدلله هالشي حيل يساعد

بس في مشكله صغيرة اني مدمنه فروزن يوقرت
احبه حييييل
يارب مااشتهيه برمضان واذا سمحتلي الاخصائية مالت التغذية اني اكل فلله الحمد

 

[dnyay_mll]

مبارك عليكم الشهر وتقبل الله طاعتكم

 

[مهندسه "]

السلام عليكم
مبارك عليكم الشهر وكل عام وانتم بخير


أنا تأخرت عليكم بالميزان. بس. وزني كان ٩٠ بالضبط

انشالله بعد رمضان انزل اكثر

 

[غارقة بأحزانها]

حبايبي علينا وعليكم دنياي ملل ومهندسة


عفية بنات لا تتاخرون علينا
يوميا دخلو خمس دقايق كتبوا يومياتكم
ولا تنسون الميزان كل جمعة
ويارب تضعفون بصحة وعافية

 

[dlo3at babaty]

قوة بنات مبارك عليكم الشهر وعساكم من عواده ............... امس قست وزني ونازله كيلوين الحمد لله يعني صار وزني 71".........

 

[غارقة بأحزانها]

ما شاء الله دلوعة استمري ياحلوة مابينج وبين الرشاقة والوزن المثالي الا القليل
حياج الله معانا كل يوم كتبي يومياتج وكل جمعة الميزان خل نشجع بعض
ماباقي عالعيد شي نبي البدلات تطلع زووووغة علينا

 

[مهندسه "]

غارقه انا ما صبرت لي اليمعه
توني وزنت وانصدمت

٨٨.٦
مادري شلون بس اتوقع الكيلوات اللي زدتها بايام الدوره الحين تنقص !

انشالله ي رب يتمم علينا

 

[غارقة بأحزانها]

عاشت عاشت مهندسة
مبروووووووووووووك
وعقبال ماتودعين الثمانينات عالعيد ان شاء الله


يالله بنات كل وحدة تكتب يومياتها

ببدي بنفسي

الصبح وزنت للاسف وزني
٨٦،٤

الفطور
من دايت كير

تمرتين
وجريش دجاج فيه ٤٠٠ كالوري
وجم حبه ناتشوز معاهم تغميسه لوبيا ( لذيييذ) فيه ١٠٠ كالوري

التمر كاتبين عليه ١٠٠ كالوري بس ابدا مااعتقد
لان انا خابرة التمر ال٣ حبات فيهم ٧٠ كالوري
وانا حاطيلي حبتين من النوع الناشف مو هذاك اللي فيه دبس


وسناكي بخليه
الساعة ١٠ عبارة عن بطيخ ( ١٠٠ كالوري)

والسحور
سلطة مع تيركي ( ١٠٠ كالوري)



ياااارب مااخربط برة صندوقي

 

[{meme}]

تقبل الله طاعتكم

غارقه الله يبارك فيج وان شاء الله اودع السبعين

بقول لكم عن فطوري اليوم
اول شي مشيت الساعه 4 لمدة 45 دقيقه وان شاء الله بكرا بمشي ساعه

فطوري اول شي حبه تمر + غرشتين ماي
وعقب صليت وبديت بفطوري قفشتين هريس و قطعه لحم وشوربة خضار ونسيت اكل السلطه هههه
وشربت عقب نسكافيه وحطيت بدل الكوفي ميت حليب خالي الدسم شوي ربع الكوب

وان شاء الله ع الساعه 9 ونص بلعب 5 دقايق على الاوربتراك
وعقب باكل حبه فاكهه وماي

والسحور قفشتين ثريد وسلطه بس يمكن ابدل بدال الثريد اكل بيض او جبن

 

[Melo]

السلام عليكم
شلونكم بنات شخباركم
مبارك عليكم الشهر
كل عام و انتو بخير
و الله يجعلكم من قيامه و صيامه و يجعلكم من عتقاءه يااااارب

اليوم اول يوم رجيم التمر و كان عذااااب ما تفطرت مع بيت يدي لانهم مسوين مطبق زبيدي و هو من اطباقي المفضلة
و تعالو شوفو الشوكولاته و الحلا اللي يايبينه بعدين والله تععععععبت و انا اقاوم
و طبعا ميته يووووع لاني ما اكلت الا 6 تمرات و شربت 2 لبن الصغير من الفطور لين الحين
بروح باكل الحين بعد شوية تمر و بشرب لبن

توني قست وزني ما ادري عاد صح ولا لا بس باجر ان شاء الله بوزن قبل الفطور ان ربي احيانا
المهم وزني 88 و ان شاء الله يارب انزل 10 كيلو برمضان عشان نفنوف العيد يصير قدي و يسكر علي
لان شكلي بطيح ع ويهي و بتوهق بالبدلة ما عندي غيره هالنفنوف للعيد
قلبي عورني تعب شكثر راح باقل من 3 اسابيع و النفسية ما تساعد ابداااا

 

[غارقة بأحزانها]

ميخالف ميلو حبيبتي
لاتضغطين علي عمرج
وتري هالريجيم مو زين اكثر من اسبوع والنزول فيه وهمي عن تجربه

اوك خلي سحورج تمر ولبن
بس الفطور اكلي سلطة وعصير فرش وقطعة ايدام
ولا تخربطين بالحلو
وامشي يوميا
اشتريلج جهاز مشي وامشي
والله الرياضة اهي اللي تضعف وتشد الجسم
انا ضعفت من غير رياضة وجسمي احسه مترهل

ان شاء الله تنزلين بصحة وعافية

وبالعافية ماكليتوا بنات
الحمدلله عدا اليوم الاول بدون تخبيص

 

[dlo3at babaty]

وااااااااااااااااااي بناااااااات احس اني خربطت على الفطور
صج ما اكلت وايد بس عمتي قالت لي جنج كثرتي شوي ضاق خلقييييييي لانه انا وياها مسويين رجيم مع بعض
من باجر باعاقب عمري خلاص توووووووووبه :eh_s(11):
اي والله غارقه صج صج الشكل يغير والجسم يغير بالبدله اهوا اللي يحليها والله يسمع منج يارب :yaaaaaarb:

 

[Melo]

السلام عليكم
مساء الخير
شلونكم بنات شخباركم

غارقة شنو يعني النزول الوهمي
انا اتحرك بالبيت انظف و ارتب و جذي و اصعد و انزل الدري كل يوم لاني اروح ازور يدتي
و شكلي من اليوم اذا اهلي خلوني بروح امشي بالممشى جذي ساعه الا ربع ساعه قبل الفطور
و لازم اضغط ع روحي لان وراي عرس بعد العيد ان ربي اراد و بدلة العيد مو قياسي و مستحييييييل اروح السوق برمضان و احنا اصلا ومن النوع اللي نطلع من بيتنا لين بيت يدي اللي اصلا لزيجنا
و بعدين فرصة ان رمضان صيام بس العيب ان تعالي بعدين شوفي شيصير و تعالي بعد شوفي طباخ رمضان و اكلاته و انا بعد المقرودة قاعده اطبخ عنبو اني واعده اهلي
و رجيم التمر بسويه اسبوع بعدين بسوي رجيم ثاني لقيته لمده 10 ايام ان شاء الله و المفروض انزل عليه 5 -7 كيلو و بشوف بعدها شنو اسوي احتمال اخذ رجيم د. عبدالله المطوع بس ما ادري هو انزل 6 كيلو باسبوع و لا اسبوعين

و مبروووووك لكل البنات اللي نزلو و الفال للوزن المثالي ياااااااااااااااااااااااااااارب
و صحة و عافيه ما تاكلون
و تقبل اللله طاعتكم

 

[غارقة بأحزانها]

هلا ميلو النزول الوهمي يعني تنزلين وبس تردين تاكلين يرد بسرعة البرق

واعرف هذا الريجيم اللي ينزل من ٥ الي ٧ كيلو
هذا بو اناناس وكيوي وصحن رقي عالساعة ١٠

خوش ريجيم

وعبدالله المطوع ريجيمه ينزل ٦ كيلو باسبوعين
يعني بالاسبوع ٣ كيلو

والله يوفقج

انا قاعدة اطبخ بس مو قاعد اكل الحمدلله
مكتفية بوجبات الدايت كير لانها مشهية ولذيذة
بس قليلة السعرات

 

[مهندسه "]

الله يبارك فيج غاررقه

يلا بنات شدوا حيلكم نبي رشاقتنا بالعيييد


امس :
ستيك لحم مع شوربة وسلطه ةعصير سيزرولبن وتمر


السحور:
2 توست اسمر مع جبنه خالي الدسم

 

[Lulu_Perla]

كتبت لكم رد وين راح..!!!!

مبارك عليكم الشهر بنااااااااااااااات
و ربي يتقبل منا و منكم و ما ايي اخر الشهر الا و احنا واصلين للي نبيه


هدفي برمضان 5 - 7 كيلوات


يوم الخميس
ماكليت غدا الا قطعه ناجيتس بالفرن
و العشا مت من اليوم و ليش من اجر رمضان قلت بخليه مرة وحدة سحور
كليت فطاير لحم و جبن


الجمعه

فطوري : 7 تمرات & شوربة شعرية & 3 ملاعق سلطة
السحور : ما تسحرت


اليوم

الفطور عند امي.. و امي مسوية جريش ههههههههههههه
اذا الجريشة مضبوطة باكل منها 3 قفشات
و بكثر سلطة و شوربة و بس

الله يسهل


حاليا وزني مثل ماو مكتوب بالتوقيع 77.8
ابي عالعيد اوصل 70 ودي امشي كل يوم بس صعب مع الدوام
الاوربت تراك يهد حيلي قبل الفطور و مادري شسوي مالي الا اليوع

مفكرة اشغل تمارين على يوتيوب

 

[{meme}]

مساء الخير
وتقبل الله طاعتكم

اليوم مشيت ساعه الا ربع قبل الفطور
وفطوري حبه رطب + غرشتين ماي
وقفشتين ثريد وقطعه لحم وشوربة خضار وسلطة خضرا

وشربت عقب حليب خالي الدسم مع قفشة كاسترد خاطري بشي حلوو

وكلت على الساعه 10 تقريبا حبه خوخ

والسحور ان شاء الله حبه رطب وماي المفروض بعد كوب حليب بس شربته عقب الفطور

 

[Melo]

السلام عليكم
شلونكم شخباركم
تقبل الله طاعتكم ان شاء الله

اليوم خربطت بشيين كليت كبة دجاج جنة اربع ما ادري خمس حبات اللي يصيرون قد الصبع الصغير (( الخنصر))
و شربت زقمة عصير فراولة من الحر ما حسيت بعمري يوم شربت الا لمن حسيت بالحلا بريقي
و الله يستر من الميزان ان شاء الله
بس اللي مريحني اني تحركت رايحة راده و صعدت الدرج و نزلت 4 مرات لين الطابق الثالث

توني شربت حليب و كليت 5 تمرات

بنات ادعولي بظهر الغيب الله يحققلي اللي ببالي
و عسا ربي يتقبل منا و منكم يارب صالح الاعمال و الدعاء

 

[غارقة بأحزانها]

هلا بنات اليوم طبعا كان فطوري من الدايت كير
بس خربطت شويه لان اليوم زوارتي عند اهلي وانا اللي طابخة

سويت ورق عنب
ومكرونه بالبشاميل
ومجبوس دياي
وشوربه كريمة الدجاج والمشروم
وستروبري جيز كيك

كليت من الكيك قطعة محترمة
و٦ ورق عنب
وبالسحور
خربطت ب٢ جكن وينقز من ماكدونالدز

ادري حسافة بس خلاااااص توبه

صراحة اليوم ريحة المجبوس كفخت براسي ومنظر الشوربه والاكل ماشاء الله مالذ وطاب
قاومت كثر مااقدر

بس ورق العنب من حلاته اخوي يقولي يلا مشروع بيعي هههههه
حتي الجيز كيك حيل استانسوا عليه

عليهم بالعافية

الله يكرهني بالاكل ياااااارب