بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[Lulu_Perla]

امس
كليت سلطة و هريسة نجبت لي قفشة وحدة بس و كليت جم حبة كبة يمكن 5 حبات وزنت الصبح زايد وزني

و اليوم مسوية سلطة بطاط و بيديان و زهرة
مع صوص روب بالطحينة
باكل منها مع شوربة و 5 قفشات جريش او هريس او عيش من اللي موجود

و عقب بشرب شاي اعشاب زنجبيل و خلطة ريجيم من الحواي و نعناع
يالله يفيد فيني ><

 

[غارقة بأحزانها]

انا اليوم الدايت كير حاطيلي تمرتين
وسلطة فتوش
والسناك حبتين صغااار معجنات( مناقيش تبوله)
والطبق الرئيسي فوتوشيني بالخضار
وسلطة رقي



تقسيمتي اليوم
الفطور تمرتين وماي
والوجبه الرئسية
والحمدلله

السناك
سلطة الفواكه

السحور
حبتين المعجنات
مع سلطة الفتوش

 

[{meme}]

اليوم فطوري
حبه رطب + قلاصين ماي + قفشتين هريس + شوربة خصار(ملفوف وفلفل اخضر وكوسا) + سلطة فجل وملفوف + قطعه لحم

وشربت من شوي حليب خالي الدسم + قفشة كاسترد مع سكر دايت مادري الكاسترد يمتن او لا؟ لان ماعرف

والسحور ان شاء الله قفشتين ثريد + سلطه وحبه تمر

 

[Melo]

السلام عليكم
شلونكم بنات شخبارككم

اليوم تفطرت ع تمر و حليب
و ع الساعه 10 تقريبا شربت قهوة عربية و كليت نص قطعه حلا
و توني كليت 3 تمرات و شربت حليب
و السحور باكل تمر و بشرب حليب
و مييييته ابي اقيس وزني بس ماسكه عمري ابي اقيس يوم الجمعه و اشوف جم نزلت و يارب نازلة 5 كيلو ياااااارب
و يارب كلنا ننزل بصحة و عافيه

 

[غارقة بأحزانها]

امين ميلو حبيبتي تنزلين بصحة وعافية

وانا اليوم حدي مت من اليوع

سويتلي عالسحور ساندويش تركي مع لبنة
ومق نسكافيه

والحمدلله ماخربطت
غير بهالشي

 

[Lulu_Perla]

صباح الخير بنات

اعترفلكم
امس نحبتلي قفشة وحدة مجبوس دياي
يالله عالدياي و الدقوس غيبت
و كليت سلطة و شوربة
بس ما تسحرت


اليوم بصير خوش بنية
بحط لي خطة شنو اكل ماني مخلية روحي هدد عشان لا اعفس الدنيا

 

[Melo]

غارقة
اجمعين يارب
عسانا كلن نضعف و نفرح بنزولنا يااااارب

لووول و انا بعد خربتها ع السحور اكلت قفشتين معكرونة حدددي اشتهيتها و بطني ما غير اصفر
بس جد جد خلاص ان شاء الله من اليوم بلتزم و ما راح اخربط
و اليوم اللي اخربط فيه كعقاب ما راح اتسحر بس راح اشرب حليب

 

[غارقة بأحزانها]

ياعيني علينا يابنات

نكسر الخاطر والله

 

[{meme}]

شدو حيلكم بنات

انا متضايقه من وزني ماينزل كلش ثاااااااااابت

اليوم بقول لكم شباكل
فطوري حبه رطب + ماي
وعقب الصلاة4 حبات تكا + بسويلي بيتزامن حبه توست اسمر + شوربة خضار

والسحور بيضه مسلوقه وسلطه وحبه رطب

وبمشي على الساعه 9 ان شاء الله

 

[غارقة بأحزانها]

مو قادرة اصبر كل شوي ناطة عالميزان والنتيجة
صدمة تؤدي الى الاحباط
يارب انزل كيلو عالاقل لي يوم اليمعة

 

[غارقة بأحزانها]

انا اليوم فطوري من دايت كير

تمرتين
هريس لحم

سلطة روب بخيار

سناك رولات دجاج

والحلو ميني بان كيك بلو بيري

مجموع الكالوريز اليوم ٩٠٠ كالوري يارب مااطلع عنهم

وزني اليوم ٨٥،٧

 

[Melo]

السلام عليكم
شلونكم بنات
اليوم يتني المسعده و السكر عندي نزل ففطرت ع كوب فينتو يا اابو التخربط
و بعد شوي باكل تمر و بشرب قوطي حليب
و ان شاء الله اقعد بدون اكل و شي لين الساعه 10 و بعدها باخذ الوجبة الثانية تمر و حليب و سحوري ان شاء الله تمر و لبن
و ربنا يستر بجرب اجوع روحي وقت الدورة عشان ما اسمن و لا ازيد وزني عالاقل ابي احافظ و من حظيي ميزان البيت خربان
فالله يستر ان شاء االله

 

[غارقة بأحزانها]

اااااه يابنات الله يعينا على اللي احنا فيه

والله تعبنا

صايمين طول النهار واخرتها ناكل اكل طيور

الله لايضيع تعبنا ان شاء الله

ونضعف

والله صايرة اشتهي اكل بس مااقدر اكل مااتذكر وزني يحوشني احباط

يالله يارب اضعف مع الدايت كير موعدي مع الاخصائية تاريخ ٧/٣٠
يعني الاسبوع الياي

الله يعيني والتزم بالاكل اللي داخل الصندوق بس

 

[غارقة بأحزانها]

امبييييه عفست الدنيا


اهي اهي اهي


مادري ليش مو قادرة امسك نفسي

 

[{meme}]

حرام عليج غارقة فكري بالتعب اللي تعبتيه قبل وشلون نزل وزنج لاتضيعين هالتعب
وخلي العلج على طول بحلجج عشان ماتخربطين انا جي

بقول لكم يومياتي
فطوري : تمر + قلاصين ماي وعقب الصلاة كلت فطيرتين نفس المطبق لحم مفروم مع جبن كيري لذيذ + 3 حبات تكا
وعقب شربت كوب حليب خالي الدسم مع قفشة كاسترد

ومشيت 45 دقيقه والحين اشرب ماي وقهوه
والسحور قلت لهم يسون لي بيضه مع سلطه فجل وملفوف

وبكمل على الماي

موعدي السبت ابي انزل يااارب

 

[*MANOY*]

بنات اخر مرا كان وزني 77 والحين الحمد الله 74
3 كيلوو الحمد الله ​

 

[Lulu_Perla]

صباح الخير
شلونكم بنات..؟؟؟؟؟؟؟؟؟؟؟


انا اتحبط من الميزان.. جسمي خاق و بالميزان مو نازل وزني

امس فطوري 3 تمرات
كوبين شوربة
حبتين كبة
عقب صليت و رديت كليت لي سلطة بطاط بالربيان و بس

شربت قهوة و شاي و بعدين طلعت افتريت بالسوق و رديت ميته من اليوع و تعبااانة
سبحت و نمت و حقرت روحي ماتسحرت ><

 

[غارقة بأحزانها]

زين سويتي بريق انا وايد زعلانة من نفسي لاني مو قادرة اتحكم بشهيتي المفتوحة والله حرام
واشتراكي بالدايت كير صار مامنه فايدة
ابي طويقة تخليني امسك نفسي

مابي امتن مابي يزيد وزني تعبت 

 

[غارقة بأحزانها]

ميمي ادوي والله ان حرام علي
حرام علي ونص

بس شسوي ان شاء الله اتحكم بنفسي باجي الايام

 

[{meme}]

بقول لكم جدولي عن اليوم
الفطور حبه رطب وماي وعقب شوربة عدس و2 سمبوسه لحم مشويه وقطعه لحم وسلطه

وسناك تفاحه خضرا

والسحور سلطه وروب قليل الدسم