بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[{meme}]

غارقة ان شاء الله حبيبتي الله يرزقج بالذريه الصالحه
وانا الميزان بقول لكم يوم السبت موعدي الظهر

اليوم باكل نفس امس
مشيت من وقت ع الساعه 3 لمدة 45 دقيقه
وفالليل بسوي تمارين

 

[غارقة بأحزانها]

حبيبتي ميمي
ماقصرتي

بالنسبة للميزان على راحتج يقلبي
اي وقت
انا بعد عندي موعد مع اخصائية التغذية
بالدايت كير
يوم 30-7

 

[غارقة بأحزانها]

اليوم الدايت كير
حاطين لي

٣ تمرات

جريش لحم

حلو التك

سلطة روب بالخيار

٢ معجنات صغار



عالفطور
باكل التمر مع مق نسكافيه

بعد ساعة باكل الفطاير الصغيرة

عالساعة ١٠ باكل الروب بالخيار

الساعة ١١ باكل الجريش

وبالسحور باكل حلو التك

وبين الوجبات راح اشرب ماي

ومو عبالكم هالاكل وايد او اني اشبع ترى حدة شويه عينات

الله كريم

 

[Melo]

السلام عليكم
شلونكم بنات شخباركم

غارقة ان شاء الله تفرحين و تبشرينا بحملج
و لا تحاتين و لا شي و الله يرزقج ما تتمنيني يارب

توني شربت كوب اللي ايون شوي كبار عصير مانجا و فراولة
لان فيني حساسية منهم و اغثوني فما راح اقدر اكل او اشرب شي عقبه غير الماي
و كليت قفشه هريس واااااااي من اول رمضان ما اكلت بس حسافه مو مضبوط
بحاول اشرب بعد التراويح شاي اخضر لان الامساك ذابحني
و ان شاء الله بكمل رجيم التمر الاسبوع الياي لين نص رمضان

 

[{meme}]

عوافي ماكلتوا

وميلو شربي شاي الرشاقه عشان الامساك انا جي كل ماصادني امساك اشرب منه

خربت شوووووويووونه كلت حبه صغيره بف باستري بالجبن
وقفشتين ونص ثريد مع قطعه لحم
وقلاصين ماي + حبه تمر

والحين اشرب حليب خالي الدسم مع قفشة كاسترد

 

[غارقة بأحزانها]

انا بعد خربت بحبتين سمبوسه وحبتين كبه

بس اساسا عادي لان انا مشتركة بفطور بس وسناك
علي اساس اتسحر من البيت بعتبره بدال السحور

 

[Melo]

اهي اهي
بنات مو من صج اللي قاعد يصير
اجرااااااام بيت يدي باجر فطورهم مرقوق و هريس و مطبق زبيدي
بصراه ما بقدر اقاوم فبكسر الرجيم باجر
باكل باديه هريس و باديه مرقوق اللي ايون قد كف الايد لي مسكتو كرة التنس <<< ما اعرف شلون اشرح الحجم بس الصغيرة

قست وزني اليوم 85 يعني نازلة 4 كيلو ما ادري 3 كيلو
اهم شي نسيت جم وزني كان يوم الجمعه اللي فات
نطرو باجر اشوف الدفتر و اقولكم جم كان وزني اللي يسمع فرقت هالكيلو

بنات الدورة تاثر ع الوزن بصراحة انصدمت من الرقم بس قلت يمكن من التخربط اللي اخربطه
بس و لو مو معقولة جذي بس جذي توقعت كل يوم كيلو خصوصا اني واااايد اترك بالبيت

المهم قررت اني من يوم السبت ابدي رجيم المفروض اني بالاسبوع انزل 5 كيلو و الله يستر<< مال الاناناس و كيوي
لان رجيم التمر برمضان عذااااااب
خصوصا مع كل هالاغراءات اللي حولي و البلعه و من قرادتي بعد هالسنة كل يوم اطبخ و اسوي حلو
و بحاول اسوي سويدي و تمارين بالبيت لي الاقوام نامت لووول
و يااااارب ياااارب اشوف ال 70 بالعشر الاواخر يااااااارب

 

[غارقة بأحزانها]

امين اجمعين ياميلووو

 

[غارقة بأحزانها]

هلووووو بنات

ها وينكم اليووووم

محد فيكم حط وزنه



انا اليوم
وزني ٨٥.٥

ويييييييع كل من الخربطة

اليوع كافر يابنات صرت انام واحلم بالاكل

 

[{meme}]

انا الحين قست وزني وطلع 73.7 يعني كيلو الحمدلله
وهاليومين شوووي بخربط يعني مب وايد على خفيف ومن الاثنين برجع للرجيم
واليوم ماقدرت امشي احس بدوخه من قمت وبكرا ان شاء الله بمشي وبلعب على الاوربتراك

 

[{meme}]

لالالالالالالاخربطت من قلب

تفطرت 3 حبات رطب وماي وشوي ثريد وكم قفشة هريس وقطعه صغيره لحم وفطيرتين صغار
والحين كلت بودينغ بالجوكلت

اففففففف شسويت بكرا موعدي الظهر

بشرب شاي الرشاقه عقب التراويح
وبكرا برجع للرجيم

 

[{meme}]

@@ ووووووووووينكم بنات مادخلتوالموضوع
انا مخربه الرجيم من قلب واليوم رحت الموعد تخيلو بس لان امس كلت شوووي متنت كيلو
يلا الحمدلله من الاثنين برجع لرجيم الاسبوع الاول الصعب مع مشي 45 دقيقه وان شاء الله انزل 3 كيلو

 

[decemberq8]

الله يعينا عالرجيم في رمضان

غارقه .. اي والله انتي الصاجه .. و لا دعاية ساب ويه شنو تشهي هالصمون بخاطري فيه ..

 

[مهندسه "]

قوة بنات
ما عليه تأخرت بالميزان لانه يفشل
قبل جم يوم قلت لكم وزني 88.5 بس مادري شفيه هالفنرة بين 88 و89 ومرات 90
والله ببجي من القهر وفوق هذا قمت اخررربط والله ابي اضعفففففف والله

اليوم كليت
( لبن و تمره ) + ( شوربة عدس و سلطه ) + ( عصير تروبيكانا برتقال ) + ( دياي مشوي مع خضار ومشروم )
بعد الفطور
شوي مكسرات وحب + 4 تمرات وحليب قليل الدسم + توسته وحده مع جبن مالح

ومشيت ربع ساعه


امس :
نفس اليوم بس خربطت واااااايد
بس من قهري مشيت ساااعه


تعبت والله بنات ابي شي يضعفني بسرعه او يحرق الدهون ساعدوني بليييييييز

 

[مهندسه "]

سويت موضووع بسبب معااناااااتي
باجر بنااااااااات ببدا رجييييييييم قاسي حيل وموضوعي ( ماذا فعلت بي السمنه ) حق كل اللي تبي تفضفض وتقول شنو تحس فيه



باجر راح يكون

سواااااااائل يعني :
( الشوربات بانواعها + العصاير الطبيعيه + الماي + الجاي وكل شي )

وربي يعينني انشالله

 

[Hyoonaaa]

سلام بنات سامحوني منزمان مادخلت شنسوي برمضان الوقت يركض ركض مايمدى قعدت الا اذن الفير بخصوص الرجيم ماسويت بس تخفيف بس يمكن ارووح لدكتوره تغذيه تعطيني رجيم من عندها شرايكم بوجدان الشمري ؟اي بنات انا وخواتي مفكرين نشتري جهاز مشي شرايكم فيه ايهو احسن اهوا ولا الغزال الطائر ؟؟

 

[مهندسه "]

هلا هيووونه


اي احسن شي تروحين لدكتور بس انصحج ب طالب الشمري
والجهااز اكيييد جهاز مشي لان الغزال الطائر موجود عندي والله يتعب و رياضته صعبه ةاخرته اعلق عليه ملابس هههه

 

[مهندسه "]

اليوم يومياتي . .

اول شي ؛ لبن و تمرتين + شوربه شوفان حمره باللحم + عصير تروبيكانا برتقال + ماي

بعد الفطور
جاي + شراب الورد > مادري تعرفونه ولا لا


السحور كلت فيه
2 توست اسمر + صدر دياي صغير نتفته و خلطته مع روب
و حبتين رقي

 

[غارقة بأحزانها]

هلا بنلت شلونكم من زمان مادشيت
بس تعبانة نفسيا الدورة مانزلت والتحاليل تقول اني مو حامل
وتعبانة حيييل جسمي كله يعورني بنطر لي نهايه هالاسبوع على امل ان التبويض متاخر

والريجيم ساحبه عليه بس ان شاء لي رجعه

 

[مهندسه "]

غارقة حبيبتي ما تشوفين شر . . راح نشتاق لج



يومياتي ..

لبن + تمرتين + 2 شوربة وحده ماجي والثانيه عدس + عصير فلوريدا برتقال + ماي


السحور . .
من الفطور ( كفته مشويه ) خلطتها مع روب و نعناع وليمون وكليتها مع توسته ونص + ماي

ومشيت نص ساااعه