بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[غارقة بأحزانها]

هلا بنات شدوا الحيل ياحلوات الحمدلله انا صاااامدة
ومدريدية حبيبتي انا مااعرف عن الحبوب هذي والله اول مرة اسمع اسمها
جربيها وقوليلنا
انتي تقولين دكتورة رفيجتج نصحتها فيهم
رفيجتج خل تسال الدكتورة من وين
ودام دكتورة مدحتها يعني خوش
بس عن تجربه حبوب سد الشهية من تهدينهم تردين مفجوعة عالاكل وتردين دبل

 

[Melo]

السلام عليكم

صحة و عافيه بنات اللي كليتو
تفطرت روب و خيار و حطيت عليه كمون يمكن بطني يمشي ذبحني الامساك
و مسوين برياني بصدور الدجاج مقطعينهم كليت جم قطعه من الدجاج
و بس احس روحي انملييييت مو قادره اتنسم حتى و ان يعت بعدين بشرب جاي

 

[غارقة بأحزانها]

عافية بنات

حبيبتي ميلو ترى الجاي يسوي امساك حتى الروب

شربي عصير برتقال فريش وكثري ماي

انا بعد صراحة ذبحني الامساك بس اليوم شربت جاي ابن سينا الملين

انا الحمدلله ملتزمة بالريجيم

يارب انزل ٥ لي العيد يارب

 

[غارقة بأحزانها]

وينكم بناااات

 

[Melo]

السلام عليكم

شلونكم بنات شخباركم
اليوم فطوري شوربة عدس
و مسوين عصير افوكادو و حليب احتمال اتسحر منه كوب
و بيننهم طبعا القهوة العربيه و الماي و اذا يعت بسويلي عصير برتقال

غارقة الجاي اللي اشربه اعشاب اخضر و زنجبيل
و الروب عشان طعم الكمون حطيته

شفبه القروب نايم

 

[غارقة بأحزانها]

اي والله نايم القروب

 

[Lulu_Perla]

قوة بنات شخباركم..؟؟؟؟؟
كللللللللش ماكو وقت نسوي شي ولا اكو وقت اشبك ><


الحمدلله ملتزمة 90%
امس ماعجبني الفطور قزرتها كبة و معجنات صغيرة يمكن 5 حبات و ما تسحرت

اليوم الفطور عند امي


صايرة اروح السوق من عقب المغرب هناك اصلي العشا و واتسوق لين الـ 11 او 12 ساعات
الافنيووز افره كله و المارينا و حوش الجواتي مكرمين


رحت بووتس خذيت من عندهم كريم بالبرتقال للسيلوليت و يشد الجسم و يحرق دهون
و جل حراري للدهون
استخدمتهم صارلي اسبوعين زينين وايد
بس لازم اسبح اول بعدين استخدمهم عشان تتفتح المسام
انا اسبح بالصابون الافريقي من جراس مال السيلوليت و عقبه السنفرة يشدون و يبيضون و اتفرك عدل مدل بالجلووفز ملوت بودي شوب و عقب احط كريم البرتقال
و انام
و الصبح الجل الحراري يوم و ترك
و ربي يتمم علي حاسة بطني شاد مع ان الوزن ثابت

 

[غارقة بأحزانها]

الله يوفقج بريق

 

[غارقة بأحزانها]

واي بنات وينكم من امس محد دش
صحصحوا يلاااااا

 

[{meme}]

بااااااااااك عقب ماغطيت اسبوع

انشغلت شووي والحمدلله كنت ملتزمه شوووييووونه بالرجيم خربطت شووي

حاليا وزني 72 الحمدلله
واشتركت في جيم العب ايروبك وبشترك بعد فالاجهزه من السبت ان شاء الله يعني العب ساعتين رياضه
واكلي بيتم نفسه مال نيوترشن
معنه قال لي الدكتور ان مايصير رياضه وايروبك وتبنين عضل بس لازم اشد جسمي احس يبيلي واااااايد

وبشوف شهر اذا نزلت بكمل واذا مانزلت برجع للمشي بس

 

[Hyoonaaa]

السلتم شلوونكم بنات وشلونكم مع رمضان سورى شسوي مادش الوقت يركض مانلحق شي ياينات ببدي باجر تخفيف قاسي ع الاقل اوصل لي ٦٥ بالعيد واكمل ورا العيد رجيم ثاني شدو حيلكم وعساكم ع القوه

 

[غارقة بأحزانها]

هلا بنااات شلووونكم لا لا لا شدعوة يباااا
ولهنا عليكم
افا والله افا جذي القروب مو حلو بدونكم
تعالوا نحمس بعض
دنياي ملل وميلو وبريق ومي مي وهيونة
وباجي القروب
انا طبعا وزني زاد عقب الخربطة ذيج الايام وصل لي ٨٨ تقريبا
طبعا هسترت من شفت الرقم وشديت علي نفسي هالاسبوع
والحمدلله اليوم وزني ٨٥
وبشد علي نفسي اكثر واكثر بعد
يارب عالعيد اكون ٨٠ يااارب

 

[Hyoonaaa]

بنااات انا انا ومني ع ٦٩و٦٨وببدي رجيم من باجر خلاص كرهت نفسي بسوي رجيم التمر واللبن ماعاد اتحمل لازم اضعف بس شرايكم فيه ؟؟ع الاقل ع العيد انزل ٢ كيلو او ٣

 

[مهندسه "]

قوة


انا قبل شوي وزنت . .
٨٧ الحمدلله بس اليوم خربطت ،
كليت حلوى بحرينيه بس اليوم فطوري
سويت محشي كوسا بلبن بس بدون عيش يعني سويت كل شي بخاطري بدون عيش
الحمدلله كان يهبل و حلو


انا يوم العيد بخليه فررررري
عاد مستعيله ع الفري 
انشالله ما خربط وايد



وشريت بدلة العيد الحمدلله وانشالله بعد العيد ارجع برجيم اقوى 

 

[Melo]

السلام عليكم
شلونكم بنات شخباركم
من زمان ما دخلت بس والله الوقت يمر بسرعه ما يمدينا نسوي شي استغفر الله
قاعده اكل عادي طبيعي بس مو لحد الشبع و قاعده اتحرك وايد بالبيت
وزني 87 عكل هالتخربط و الاكل اللي اكله بس ثابت نوعا ما الزياده حدها خفيفة معناه اذا سويت رجيم راح ينزل وزني بسرعه ان شاء الله
بعد العيد ان ربي اراد و سهل راح اسوي رجيم مع اختي
ويهي رد انتفخ شوي و طلعولي خديدات

 

[غارقة بأحزانها]

واااااي ليش التجمع نايم جذيييي
تبون ازعل منكم

مهندسه الله يوفقج استمري


ميلووووو شنو هذااا ليش جذي الحين بدله العيد ماتتسكر عليج مرة ثانية
بنات حرام لاتضيعون تعبكم

الحمدلله انا مستمرة وملتزمة بالريجيم والحمدلله وزنت اليوم رد وزني ٨٤ وشويات
الميزان مخرف كل مرة يعطيني رقم

بس صج تعباااانة وشعري صار خفيييف يتساقط بشكل مرعب امس رحت قصيته لي تحت اذني حشيته حش
حسافه صج
بس شسوي صاير باهت وميت ونااشف ويتساقط الله يعوضني يارب *

 

[Melo]

لا غارقة ما نبيج تزعلين علينا
بس والله صج مافي وقت صاير و خلاص الشهر قرب يروح
لازم نستغل كل لحظة و كل دقيقة فيه
والله تعبت غارقة و النفسية هم مو قاعده تساعد أبداااا الله كريم


بليل بقيس ملابس العيد ان شاءالله

و تراني كل يوم اشرب مطارة زنجبيل و شاي اخضر

 

[Melo]

امبييييييييه ولا بدلة من بدل العيد سكرت علي امبييييه
بنات في كورسيت حق منطقة الصدر و القفص الصدري و اذا في وين القاه عفية بنات

ابي ابجي والله نفسيتي زبالة مو ناقصة
بروح بأجر الطبيب و بشوف اذا عادي أخذ حبوب سد الشهية و من بأجر بسوي رجيم التمر
عسا يااااارب جسمي يتغير و يضعف ياااااارب

 

[غارقة بأحزانها]

امبييييييه ميلووو
حساااااافة اسبوع مايمديج تضعفين الا ٢ كيلو بالكثير مااعتقد يتغير جسمج فيهم
واغلب الكورسيهات تكون لمنطقة البطن والارداف يكون معاهم ستيان بس مااعتقد انه يصغر
انا اقول احسنلج اشتري بدله يديدة عشان لاتتوهقين وهالبدلات اللي ماسكرو عليج شدي حيلج وضعفي ولبسيهم بوقت ثاني


ضيقتي خلقي

 

[غارقة بأحزانها]

جربي روحي انور في كورسيهات وماركس اند سبنسر
ايي كورسيه كامل شورت ويضب البطن لي فوق يكون نفس المايوه وستيانه منه وفيه شوفي يمكن يحل المشكله
وحبيبتي الجاي الاخضر والزنجبيل وهالسوالف عن تجربه ماتضعف ولا تحافظ علي الوزن اذا انتي قاعدة تخربينها
لازم رياضة وريجيم
هذا اذا اخي اساسا تسوي شي ماغير تسحن جبودنا ماكو الا الصيام
وحبوب سد الشهية بس تتركينها راح تنفجعين عالاكل ويرد وزنج دبل
مع انها في البداية تعطيج نتايج ممتازة

بس جربي هالحبوب يمكن تنفع معاج انا ماكملت عليهم مادري ليش
لانهم ينرفزون ويسببون ارق وانا تركتهم بعد لاني ناويه عالحمل
اسمهم اساي بيري ملوت اوبرا ويفنري ينباعون بالصيدليات سعرهم ١٠ دنانير اعتقد
والله يوفقج
شديييييي حيييييييلج