بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[غارقة بأحزانها]

هلا بنات
شلونكم الدورة شرفت اخيرا بس تعرفون النفسية معاها
الله كريم استمروا حبايبي انا حايشني اكتئاب
ادعولي

 

[dnyay_mll]

هلا بنات
شلونكم مع الرجيم
انا اشوف ان مهندسه اهي اللي ملتزمه حاليا ماشاءالله عليج

انا قاعده اكل اللي بخاطري عالفطور بس عالسحور لو اموت من اليوع ما اتسحر كلش
مرتين تسحرت بس من بدا رمضان
بس هم متنانه ومبين علي
قاعده العب عالقاري ربع ساعه بس مو يوميا وقاعده اشرب خلطات
ماقست وزني بس اتوقع رديت لل80

 

[غارقة بأحزانها]

اي حبيبتي مهندسة الله يحفظها وتضعف بصحة وعافية ويارب ماتروح همتها وعزيمتها
يالله يارب يعطيها الصحة والعافية وكل كيلو تنزله يعطيها دافع وفرحة ويروح مايرد ان شاء الله

والفال لنا بنات شدوا حيلكم وانا بعد وياكم الله كريم ان شاء الله

دنياي ملل فقدناج
مو جن كافي تخربط يلا نشد الحيل

 

[برنسيسه ورده]

انا انا انا انا ابي اشااااااااااااااااااارك بلييييييييييييييز

وزني 79 قبل امس كان 78 بس كسرت الرجيم امس وجا 79
الطول 157
العمر 21 سنه

مسويه رجيم برمضان للحين ما خبصت فقط امس اكلت مع الفطور سمبوسه 2 عشان اكسر الرجيم
يمكن اشاااااااااارك؟؟؟؟؟؟؟

 

[غارقة بأحزانها]

حياج الله برنسيسة المكان اوسع لج من العين ياحلوة

 

[مهندسه "]

دنياي ملل
تسلمين حبيبتي وانتم بعد شدوا الهممممه يلا ما بقى شي واذا خربطتي ردي للرجيم ميخالف وانتي قدها وقدوووود


غارقة بأحزانها
الله يسمع منج حبيبتي وانشالله كل دعوة دعيتيها لي لج بالمثللل انشالله والله يرزقج بالذرية الصالحه ولا تكتئبين ربج كريم ما يخيب ظن احد

 

[مهندسه "]

امس يومياتي . .
بالفطور ،
قطعة فليه سمج + تبوله + لبن + تمره + شوربة

ورجيم السوائل كنت بكمل عليه بس رحت للدكتورة قالت لي لازم تاكلين و امي زفتني بس ميخاالف راح اكل اقل من قبل

 

[مهندسه "]

ونسيت اقول
اني امس رحت السوق وفريتتتتت لين قلت بس وريولي تكسرت
وشربت مااااي

والسحور ؛
ولا شي

 

[برنسيسه ورده]

غارقه باحزانها من ذوقج فديتج

^^
مهندسه مثلي اليوم فريت السوق بس انا استغرقت ساعتين وكانت الظهر عشان اشتري ملابس

الفطور اليوم

اكلت جبن قليل الدسم شريحه + لبن فيتال +تمر 4 + شوربه كوب شاي

^^ بكثر الرياضة اليوم لاني اضفت الجبن والشوربه كنت مرره جوعانه اليوم فأضفتهم

باقي ساعه واقوم اسوي الرياضة

وزنت لقيته 78 الحمدلله


http://www.q8yat.com/t1080823.html#post31167160

بنات انا اعتقد والله اعلم ان هالتمارين هي فادتني اكثر من الرجيم

 

[Mooooooooody@]

السلام يا رشيقات ويني عنكم من زمان انا من اليوم بلتزم وياكم عادي وان شاء الله كلنى نضعف بصحه وعافيه


وزني : 82,7 وأبي أوصل 72 هذا الهدف الاول

 

[غارقة بأحزانها]

هلا بنات شلونكم
تدرون ان طلعت مو دورة
وقفت مانزل شي وهم بعد مو حامل
الظاهر تخربطت هرموناتي
حللت هرموني مرتين يطلع نيقاتيف

عاد خلاص من اليوم التزمت وماخربطت كلش
وبلتزم لين اوصل للي ابيه

قواكم الله واللي دخلوا معانا يدد حياكم الله حبايبي
نورتوا الموضوع
والله يسهل علينا كلنا ونضعف

 

[غارقة بأحزانها]

طبعا الايام اللي فاتت كنت اجهز للقرقيعان
واليوم وباجر عندنا حفلات قرقيعان

 

[dnyay_mll]

غارقه حبيبتي الله يرزقج بالذريه الصالحه اللي تقر عينج
اذا مو هالشهر ان شاءالله الشهر الياي حامل باذن الله

بنات انا لايعه جبدي من نفسي جد متنانه احس منفوخه عاد انا المتن يبين علي بسرعه والمصيبه رد علي عوار ظهري والشد اللي بجسمي كله من المتن
اليوم بالسوق ماني قادره امشي لكن اغصب نفسي وكل ما امر يم منظره تلوع جبدي من جسمي ليش جذي خربته حرام
مفكره اسوي رجيم لو اسبوع بس اطيح 3 لي 4 كيلوات وارد اوقف لي بعد رمضان
بس المشكله رمضان عزايم وغبقات ماني عارفه شنو اسوي
احتمال هاليومين عقب الدوره راح ارجع للرجيم ادعوولي

 

[غارقة بأحزانها]

اي يادنياي ملل حسافة شفتي شنو سوينا
حرام
لا والله انا خلاص الحمدلله لي يومين ملتزمة
وماراح اخربط ان شاالله حسافة التعب اللي تعبناه يروح
ومشكورة حبيبتي عالدعوة الحلوة
خلاص الحمدلله نزلت وطايحتله دارسين ولهوم

الحمدلله حيل مخففة وراح ابدي امشي من اليوم

 

[Lulu_Perla]

مساكم الله بالخير

حددددددددددددددددددددددددددددي غطيت عنكم
اعذروني لهيت بقرقيعان بنتي طول الاسبوع اللي فات و انا اجهز فيه و الفه
و اذا مو قاعدة اسوي قرقيعان قاعدة احوس بالسوق

مقاساتي فارقة علي
الميزان مو راضي يغير الرقم يا يروح 77 و نص يا يصعد 78 و نص
بدلة العيد اللي خيطتها وسعت علي لووووووووووووول و حسيت شكلها يلوع الجبد و بشتري غيرها
ماكو نظام معين ماشية عليه حاليا بس مخففة من كل شي شوية
و امشي بالسوق وايد و مشيتي سريعه حتى و انا اتسوق يعني ما اتمشى شوي شوي لا امشي بسرعه جوود يشد جسمي

اي و جسمي وايد مترهل لاني ضعفت بدون رياضة
ناوية عقب رمضان ابدى مع اوربت تراك و ممشى


تصدقون مجرد اني دخلت عندكم تجددت ارادتي
يالله ننزل عالاقل 3 كيلو للعيد

 

[Madrideya ~]

بنآت بسألكُم منو جربت حبوب slim body ؟
دكتورة رفيجتي مادحتها تقول انها تسد الشهية وتساعد على النزول ! حابة استعملها بس مو عارفة وين القاها
باي صيديلية ؟ وبنفس الوقت ابي اعرف للي استعملتها جم نزلت بالاسبوع !

علما اني راح استمر بالدايت والرياضة حتى مع الحبوب ..
ياليت تفيدوني =(

 

[غارقة بأحزانها]

والله صراحة اول مرة اسمع بهالحبوب

وبريق ولكم باك الحمدلله ان ردتلج العزيمة يلاشدي حيلج
كلنا خربطنا برمضان
بس تندمنا والحين انا صارلي يومين ملتزمة الحمدلله

 

[Melo]

السلام عليكم و رحمة الله و بركاته
شلونكم بنات شخباركم
غطيت اسبوع لاني رحت العمره و صارت السفره بسرعه بسرعه خصوصا اني ما كنت ناوية اروح بسبة المسعده و عوارها

المهم كنت مخففه اكل بس خربت 3 ايام كنت اكل من بيرجركنج اطلب صمونة و بس اكل الدجاج اللي فيها بدون الخبر
اليوم قست وزني طلع 86 زايده بس الحمدلله مو وايد
اليوم تفطرت مرق دجاج و خضرة كوسا و قرع

من باجر ببدي نظام السوائل لمده 3 ايام بعدين بتناوب يوم فواكة و يوم خضرة
و بعد اسبوع بشوف نظام ثاني محتاره بين اثنين بشوف ابدا باي واحد بعدين
الحمدلله نفنوف العيد سكر علي و كان مرتب ماعدا الزوايد اللي عالجوانب ببدا اسوي رياضه عشان اروحهم
دعواتكم بنات جد جد جد محتاجتها الحين

 

[مهندسه "]

قوة بنات شلونكم
غارقه حبيبتي ما تشوفين شر
ودنياي ملل نفس حالتي احس متنانه بس مو مخربطه

البنات اليدد حياكم الله معانا

انا حاشني احبااااااط رحت السوق عجبتني بدله خذيت مقاس وما كنا احاتيه
والصدمة انه ما يكفي لي حاشني احبااااط طلعت من السوق ما شريت شي
عقبها خربطت وكليت ومع القرقيعان كليت جم حلاوه مني ومناك وك العاده بعدين اتحسف وصايرة ايوووع بعد الفطور واايد
الله يعيين

 

[Madrideya ~]

بنات لا تتحطمون من البداية خلو عزيمتكم وارادتكم قوية
هذا الرجيم يبيلة طولة بال يعني مو معقولة بيوم وليلة تنزلين كل هالشحوم اللي جمعتيهم بهالسنين
صبروا وكملو وصدقوني بتوصلون لاهدافكم ، الله ما يضيع جهد عبده ؛**
أدري انه الكل متسرع وتبون تشوفون اشكالكم بالرشاقة وانا منكم بس أصمدوا خخخخ << متعوب عليها :d

المهم بنات ما قلتولي عن الحبوب slim body ؟؟
منو مجربتهآ ؟؟ وجم تنزل بالاسبوع ؟؟ [ سمعت انها تسد الشهيه وتساعد على النزول ]