بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[غارقة بأحزانها]

انا حيل عجبني الريجيم ( الاكتوتين)
دزته لي الحلوة القمر
واااايد حلو ومقتنعه فيه
بس انا احب الفواكه والعصاير
وهالريجيم ممنوع فيه هالسوالف
مادري يمكن اضغط على نفسي واجربه اسبوعين

 

[غارقة بأحزانها]

ويييي انا لحد الحين على التوقيع القديم خل اغيره شفيني
شفتي يا رواسي مو بس انتي اللي الريجيم ماثر عليج ههههه

 

[غارقة بأحزانها]

يومياتي

اليوم سحبت عالدوام حدي تعبانة والمسكنات مخدرتني

فاول ماقعدت الصبح ماكنت مشتهية شي قعدت عال ١٠ جذي
الساعة ١١ شربت عصير ليمون سويته بسكر الريجيم تروبيكانا

و١٢ ونص كليت سلطة فتوش من امريكانا بس شلت الخبز

والغدا كنت معزومة ببيت اهلي
بس نسوا يشترولي من دايت كير نفس كل مرة فاضطريت اكل شويييييييه عيش ومرق بامية
من مطعم ناز الايراني تغصبت كلش مو حلو


والساعة ٨ رحت عند خالتي عاد شربت عصير تانج برتقال ( مااقاومه)

ولما رديت البيت من شوي شربت لبن ايراني بالنعناع لذيييييذ بس حاسة ان خلاااااص
بطني راح ينفجر

 

[قيثارةالشوق]

هاي صبايا انا امس واليوم تخبيص ومالي خلق اتحرك ياربي مادري شفيني بنات تكفووووون وبخوووني طقوووني أستاهل

 

[غارقة بأحزانها]

ماعليه ياقيثارة
كلنا مرينا بهالمرحله
يمكن قربت دورتج او شي
يلا ميخالف ابتدي من بكرة صفحة جديدة
ووعدنا عالميزان تاريخ ٢١ الشهر
وتحدينا عشان يصير عندج حافز




بنات شرايكم نقترح جائزة للفايزة بالمركز الاول
هالمرحله
عشان يصير في حافز مشجع
يعني
نحطلها شعار بتوقيعنا مثلا انها بطله المرحله الاولى
او اي
شي قدموا اقتراحات

 

[قيثارةالشوق]

اي معاك انا بالهدية التشجيعيه والله ياغارقه انا توني مخلصه دوره من 3 ايام بس لازم هالتخبيص ان شاللله ربي يقدرني بكره اصوم عقاب لي

 

[dnyay_mll]

بنات فتحت عالعشا ممممم ورق عنب ومقالي وخرابيط بس مو بكثره
الله يستر عسى مايزيد وزني بس جد احسه بتعب مو طبيعي وخمووول ذابحني احس جسمي كله يرجف

 

[Lulu_Perla]

صباح الخير


شلونكم بطوطات


خلاص اتفقنا الميزان كل 14 يوم..
و الميزان الياي بيكون بتاريخ 21-5


امس غداي كان يهبببببببببببببببل
يايبيلي عيش برياني خضار معاه دقووووس
ياااااااااااي اموت عالعيش من زمااااان ما كليت عيش
و غشيت كليت شيبس من ريلي مقلين شيبس شكله يهبببببببل و طعمه مينوووووون

كليت سناك حبة حلو مدورة عنونة
هي كيكة مغطية بالفستق و عليها صوص طعه حلوو جنه سيريلاك ^^


اليوم ريوقي راب خبز اسمر مع جبن تشيدر
بشرب ماي وايد < بحااااااااول
لحد الحين شاربة 3 اكواب


و الغدا ارجع و اشوف شنو دازيلي

 

[خلطات المذهله]

ماشاء الله ربي يثبتكم وان شاء الله تنزلون بسرعه
شربو ماي دافي علي الريق كوبين الصبح واااايد راح يفرق معاكم وياليت معاه عصره ليمون بتدعون لي عن تجربه

 

[Melo]

السلاااام عليكم

شلونكم بنات شخباركم
ويييي شالسالفة فترة التلخبط العالمي ولا شنو
لاااا خلونا نشد الهمة و نضغط شوي على روحنا هانت ما بقا شي ترا حديدن سهل على بوابة السبعينات
يالله اننا ندخلها بصحة و عافيه يارب

الا بغيت اسالكم كلكم قاعدين تمشون على نفس الريم و لا شنو السالفة
و لا كل وحده تشوف الريجيم اللي يناسبها و تسويه

 

[Lulu_Perla]

انا مشتركة وجبات من كالوري كنترول
وجبتين ريوق و غدا و سنلك و ما اتعشى

 

[رواسي شامخة]

السلااام عليكم يارشييييقاااااات المستقبل باذن الله ..

انا اليوم قمت لقيت الانسة الشهرية ناااازلة علي...شربت ماي مع شوي ليموون وبعدها سويت لي شووربة وكليتها مع برتقاالة وبعدهم كليت اثنين ايسكريم لااااازم الشفاااحة وقت الدووورة وبس وان شااااء الله ما اخبص اكثر باااقي اليوووم...

 

[رواسي شامخة]

بررروقة حبيبتي ...بكم الاشترااااك ؟؟؟وتحسين انج نزلتي والا لا؟؟؟؟

 

[سوسن مالك]

هلا وغلا بالرشيقات .... عساكم على القوة ....الحمد لله ان شاء الله قربت اوصل من الحين الى 21 ان شاء الله تساهيل ....بنات ترى عصير الاناناس والكيوي بدل العشا زين :eh_s(8):

 

[meee]

سلام بنات انا ببدا من بكرا

بس تاريخ 21 باقي عليه خمس ايام صح وانا تو بديت

بس علشان متاخر راح التزم معكم والمره الثانيه اكون معكم مو مخربطه

ايه امس نزلت علي الدوره بس ببدا الميزان الثاني متى ؟!

 

[meee]

سلام بنات انا ببدا من بكرا

بس تاريخ ٢١ باقي عليه خمس ايام صح وانا تو بديت

بس علشان متاخر راح التزم معكم والمره الثانيه اكون معكم مو مخربطه

ايه امس نزلت علي الدوره بس ببدا الميزان الثاني متى ؟!

 

[سأكون مُنجِزة]

مرررراحب بالغغغغاليات

اليوم كان المفروض يكون فررري

لان الاستراحة بعد ايام البرتقال والتفاح في اليوم الخامس

وانا اليوم الخامس كملت فيه الرجيم الكيميائي

واحتمال باكر فررري

وراح اكمل بعدها الرجيم

وما راح اوزن

الا فالوقت المحدد مع القروب

او

ممكن اتأخر عنكم شوي

حسب الظروف

لاني عروس وحايسة اسوي الف شغلة ف وقت واحد

لكن تأكدوا منجزة انجاااااااااااااااز

معااااااااااااااااكم

ومتااااااااااااااابعة لكم​

 

[سأكون مُنجِزة]

الهدف الحالي نطلع من الثمانيييين

وندش السبعييييييييييييين

دعواتكم لنا كلنا ندش السبعييييييييييييييييييييييييييييييييييييييين

على خير

وصحة وسلاااااااااااااااااااااامة

يااااااااااااااااااااااااااااااارب

آمييييييييييييييييييييييييييييييييييييييييين

يااااااااااااااااااااااااااااااارب

ما اشووووووووووووووووووووووووف رقم 8 ابدا

واودعه للابد

وادخل لرقم 7

يااااااااااااااااااااااااااااااارب

آميييييييييييييييين

جميعا

بإذن الله​

 

[engineera_2007]

سلااااام عليكم بناااات

أنا ودي أنضم لكم تكفووون خلاص مو قادرة أستحمل أكثر بنفجر ووزني مو راضي ينزل ! أبي تشجيع ومؤازرة

طولي 146

وزني 85

عمري 22

ماشيه الحين على رجيم بوعباس .. وان شاء الله أصمد هالمرة !

صارلي يومين ملتزمة .. بس أتغدا ربع ديايه ومرق .. والمغرب آكل سلطه .. وبالليل أتعشا نقانق مع جبن سلايس قليل الدسم ..

هذا وايد ولا زين ؟؟ لأن بيومين ما نزل وزني ولااا نتفه !

 

[dnyay_mll]

اهلين بنات
اليوم صدمة العمر بس ان شاءالله يكووون غلط اللي نزلته الاسبوع اللي طاف كيلوين ونص رديت زدت كيلو ونص عليهم ؟؟
جد ماني عارفه ليش ان شاءالله اكون غلطانه او من الدوره زايد الوزن مو معقوله افتح يومين عشا بس وجذي يسير في شي غلط

اليوم تغديت ستيك مشوي وشوية سلطه وروب اكتيفيا وقطعة عرايس

وخذيت سناك حليب كاكاو قليل دسم مع قطعة كوكيز لايت

شربت كوب شاي اخضر ولعبت عالقاري ساعه

والحين بتعشى شوربه وهوت دوق مشوي وبشرب كوب ماي الزعتر بالمرقدوش

نشوفكم باجر