بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[غارقة بأحزانها]

هلا بنات اليوم تريقت رقي شويه
والغدا كان ببيت يدتي من زمااااان مو رايحة
كليت شويه دياي وجم قفشة يريش
والمغرب كليت تفاحة
والله يستر انا عند خالتي ام زوجي
عسى مااخربها عندها لاني حاسة بيووووع
وشربت قلاصين ماي
بكثر ماي خل تنسد نفسي


بريق حبيبتي انا عندي مشكله بهالسوالف
اذا شربت جذي يحوشني عوار واسهال تكرمين
ومع المده اتعود عليه ويصير فيني امساك شديد
فما احب اني اشرب لان انقرصت منها

 

[Melo]

السلااااااام عليكم

شلونكم بنات شخباركم
اليوم اجرمت بحق نفسي مريت الجمعية و لا اشم ريحت الخبز توه طالع من الفرن واااااااي قلبي قطف عليه رحت خذتلي خبزة تقريبا قد كف الايد
ماكليتها كلها والله يدوب كليت لقمتين عن خاطري
يوم اصعد ع الميزان ولا زايد كيلووين وااااااي مو من صج ع هاللقمتين جذي صار عيل لي وقفت الرجيم شنو بيصير
المهم باقيلي يومين على هالريجيم بريح عقبها يومين احس خلاص لاعت جبدي و بطني يقول ارحميني نفس الاكل قاعده اكله من 3 اسابيع
و بعدها بسوي ريجيم مال 3 ايامم اللي كاتبته قيثارة
و لين الحين ما استقريت على ريجيم اسويه بعدها خصوصا ان فتره اختبارات نهائية و عسا الله اوفق الكل و الجميع يااااااااارب
ابي شي مضمون ان انزل و بنفس الوقت احصل كل المواد الغذائية اللي يحتاجها المخ و ما ايوع لان تحوشني حالة فتح الشهية فترة الامتحانات

 

[Melo]

اي صج انا لاحظت شي ما ادري صح ولا لا
لي خذيت اعشاب و لا هالسوالف مع الريجيم ما اضعف
من اهدهم يبدا يتحرك وزني
و نفس الشي حق الجاي و هالسوالف
في احد مثلي و لا شنو السالفه بالضبط

 

[منوششي]

^

طيب ليش حآرمةة نفسك
يمكن زآد لآنك حآرمته من آلخبز و يوم آكلتيه م صدق
آفضل حل آنك تغيرين حيآتك جذرياً
بدون ريجيم 3 آيآم و لآ شئ مجرد تغيير عآدآت سيئةة

فيه كتآب يجنن آسمهه ( أسرآر آلتغذية مع كارلا )
تلقين تحميله بآلنت فيه كل شئ عن آلتغذيةة و كذآ

ممم آلآعشآب نآدر آشربهآ عشآن كذآ م لآحظت
بس آلنعنآع يجنن يخليكك تروقين و آلبآبونج بعد حلو

آنآ مخططةة للدآيت على آلهرم آلغذآئي :

إلآ آلنشويآت لآنهآ سبب سمنتي صرآحةة ب آخففهم شوي بس يعني 4 حصص
لآن صعبةة 6 حصص :|

و الله يعينكم على قرقي

 

[رواسي شامخة]

السلام عليكم ...
يومياتي لليوووم...
اول ماقمت كنت حااااسة بدووخة قوووية وتريقت كورن فليكس مع بيضة مع تمر...وعالغدا اخذت صحن في مرقة دجااج مع خضرة مع عصير اناناس مع برتقال. وبعدهم اخذت لي كم قطعة شوكولا وكم قطعة برنجلز...هع

وان شاااء الله اكمل اليوم بطوون لقمة مني والا منااااك

 

[رواسي شامخة]

بطووون...=>>>يعني بدووون

مااااعليييه طوفوا البدلية...(؛

 

[Melo]

منوششي
الريجيم ما اكل خبر و هالاشياء و اكل توست مصنوع من النخاله و ما ادري شنو سوالف وايد
كل ساعه اجرب شي <<< حدددي عجيبة و لا ابي انزل بعد
الله اسلمج ابي انزل وزني قبل لا انزل الكويت اجازة الصيف و لا ورانا رمضان بعد عز الله فرشنا
و اصلا انا سمنتي من هالسوالف خبز و بطاط و كاكاو و هالخرابيط كنت عايشه عليهم ما اكل و لي رحت الكلية القم من هالاشياء
و الحين انا اوفر ويت 20 كيلو تقريبا اذا مو اكثر على الحسبة اللي عندي

و الاعشاب اللي اقصدها مو هذول جاي اخضر و بابونج و نعناع
لا اصلا هذول مع القهوة العربية شي اساسي عندي
انا اقصد الخلطات اللي يقولون تضعف و هالسوالف

 

[Melo]

رواسي
و عليكم السلام و رحمة الله و بركاته
لا تخربطين و لا تاخذين مني مناك
شدي الهمة شوي و قاومي حطي هدفج جدام عنونج

 

[غارقة بأحزانها]

الحمدلله ماخبصت
عند خالتي كليت شريحتين شمام بس
وعقب ماطلعت رحت الجمعية خذيتلي ساندويش امريكانا
وخذيت ماي المرقدوش قلت بقلد اختي دنياي ملل

حطيت قلاص في نص ماي عادي وبعدين حطيت ربع من ماي الزعتر
وربع من ماي المرقدوش

واي
واي
واي
واي




شهالطعم استغفر الله
بس سديت خشمي وشربته كله مرة وحدة

اهي اهي اهي

قلبت جبدي استغفر الله

الله يعينج دنياي ملل صارلج شكثر تشربينه يوميا
شلون مستحمله الطعم

 

[منوششي]

-

ميلو

الله يعينكك و تنحفين آن شآء الله
بس عشآن صحتكك آحرصي على آلفوآكه و آلخضآر آكثثثر شئئ

غآرقة بآحزآنهآ

وش فآيدته هذآ ><""
من وصفكك حسيت عليه طعم

فيه دآيت حلو آسمه آلآتكوتين
مع آني م آحب آلدآيت بس هذآ دآخل مزآجي
بس مدري آخآف آسويه وآول م آكل خبزة آرجع كل وزني

 

[غارقة بأحزانها]

منووووشي
حياج الله معانا

بالعكس الريجيم وايد حلو
وعلي مراحل يشبه ريجيم دشتي

اذكر مرة سويت ريجيم دشتي وضعفت عليه ١٢ كيلو بشهر ونص
ومارديت وزني الا بعد ٤ او ٥ شهور وطبعا لاني كنت اكل وايد خرابيط

 

[غارقة بأحزانها]

علي فكرة منوووشي صورتج الرمزية عجيبه شوقتني

 

[غارقة بأحزانها]

مادري شفيني مو راضيه اغير التوقيع
لازم ادخل من اللابتوب وانا اشبك من الايفون ومااعرف انزل الصور
او اعدل التوقيع
ومالي خلق اشبك باللابتوب

 

[dnyay_mll]

اهلين بنات
اليوم ماتغديت الا شوية سلطه تعمدت عشان اتعشى مع اهلي اليوم اليمعه ببيتي
تعشيت معاهم عيش محمر ومرق سمج
ادري مصختها بس يلا ماخذه راحه
بعد شوي بشرب ماي الزعتر وبلعب عالقاري ساعه وهذا يومي
ومن باجر ان شاءالله ببدا رجيم ثاني اسمه الرجيم السريع حصلته بتويتر وان شاءالله ينفع معاي
الحين بحطه لكم

غارقه تعودت على طعم المرقدوش وماي الزعتر انتي لو تشربين الخلطات اللي اشربها وربي تنسد نفسج حتى عن الاكل بس مجبوره حاليا قاطعه الخلطات اشرب بس شاي اخضر وماي الزعتر بالمرقدوش

نشوفكم باجر على خير

 

[dnyay_mll]

​

قائمة طعام الرجيم السريع:
- ½ رغيف خبز
- بيضة مسلوقة أو قطعة صغيرة جبن خفيف
- كوب حليب خالي أو كامل الدسم
- قطعتين صدر دجاج مشوي أو سمك أو كبد مشوي أو لحم مشوي أو مسلوق
- كمية كبيرة من السلطة بدون زيت ويمكنك وضع عصير الليمون أو خل التفاح.
- 2 ثمرة تفاح أو برتقال أو كيوي.
- كوب متوسط من الزبادي.
- أي كمية من الخس والخيار.​

يعمل الرجيم السريع على تخسيس الوزن الزائد عن طريق توزيع قائمة الطعام السابقة على مدار اليوم وكيفما يشاء متبع هذا النظام، على أن يتم ممارسة رياضة المشي لمدة 200 دقيقة أسبوعياً يتم توزعيها على أيام الأسبوع، مع تناول لتر ونصف من الماء يومياً.*​

 

[Melo]

منوششي
اللهم امين و من قال

دنياي ملل
شسوي المرقدوش و ماي الزعتر
اللهم اتمم عليج و تنزلين بصحة يارب
انا من اشرب و لا اكل هالخلطات خلاص وزني يثبت مستحييييل ينزل
لووووول عاد قاعده افكر اسوي هالرجيم بعد اسبوع ان شاء الله
لان ما في وجبات معينة اوزع الاكل مثل ما ابي و وقت ما بي

بروح اكل ريوقي
توست و جبن و عصير برتقال

 

[منوششي]

-

آلسلآم عليككم
آخبآركون ؟

يومي بديته ب نص خبزة بر صغيرةة مع بيضةة مسلوقةة ونص ملعقة جبن
و كوب عصير برتقآل

 

[غارقة بأحزانها]

صباح الخيييير

اليوم مادري شنو اكل

الحين بقصلي صحن رقي

والغدا اليوم عند امي بقولها ابي من دايت كير
ستيك مع المشاروم والماشد بوتيتو

والعشا مادري ان شاء الله ما اشتهي وانام خفيفة

والله يعينج حبيبتي دنياي ملل على هالخلطات
يلا انا بستمر علي هالمرقدوش والزعتر لان حسيت ان ينظف الجسم
بالليل رحت الحمام تكرمون مرتين صج يعني ينشط الكلى ويغسلها
باخذه للصحة العامة لما له من فوائد في تخليص الجسم من السموم >>>>>شفتوا الفصاحة

واذا له فايدة في الرشاقة خير وبركة

 

[غارقة بأحزانها]

وين القمر

وعروستنا منجزة انجاز

مختفين الله يستر

 

[قَلبڪْ صًخرْ]

بنات عادي اشترك معاكم &#55357;&#56883;