تجمع امهات العالمية الامريكية

[mr000]

السلام أمهات اشلونكم..هلا والله بيلا اشلونج شخبارج..الله يعينج عاليهال اسم الله عليهم بالسفر..مايمكم محل اللي فيه غسالات ونشافات جنه أريحلج من تغسل البيت..بيلا الله يرحم أخوج..ويصبركم على فراقه ..والله هم آنا ماأحب طيبه كلينك..قبل سنه أو سنتين صبي شاب كان مع ولدي يعرفه أيام الثانويه بالجابريه.. راح بيسوي عندهم شفط دهون وتوفى الله يرحمه بسبة البنج ..وريلي الحمدلله الله عداه الشر والله ماكان ناوي كلش يسوي عندهم عمليه بس رايح جذي يبي علاج وهناك أقنعوه إنه يسوي عمليه ثاني يوم وسووله تحاليل ودخلوه عند طبيب التخدير كلشي بسرعه بسرعه علشان لايهون..والله لي السبت خامس يوم بعد العمليه وهو دايخ وتكرمون يرجع ومعاه صداع قوي..بس الحمدلله على كل حال..بيلا آنا عايشه على سيمفونية ريلي( الشخير) من 27 سنه..أول كنت منزعجه ألحين تصدقين جني تكيفت قمت أنام عادي..

 

[ملكة بيتها]

سلام أمهات عساكم بخير
بيلا ..الله يرحم أخوج حبيبتي وترى صج أنا هم في ناس من بعيد نعرفهم هم ولدهم شذي توفى من بنج طيبه كلنك وكتبوا عنه بالجرايد بعد الله المستعان ...
والله يعينج أنا لما أسافر وعندي بنت وحده أهستر لما توصخ ملابسها ولا تحن عليج وإنتي بعز التسوق ،،، السفره اللي طافت تصدقون رديت اللي كويت وأنا ما شريتلي ولا عود وكنت رايحه دبي وحاطه ببالي بشتريلي بدلتين سهره كان عقب ردتي بيومين عرس ولد أخوي ما عطتني فجه أبد ...

 

[mr000]

السلام أمهات العالميه اشلونكم..ملكه شخبارج.. بيلا اشلونج اشلون عيالج ..بس لاتنسين صوغتنا من البراد

 

[bella bambina]

السلام أمهات اشلونكم واشلون عيالكم ؟
آمريني مرو أي شي تبينه من النمسا بس دزي لي مسج وان جان على البراد هذا طلب مستحيل على الكراف اللي منكرفته اهني بس لما أشوف الجو أقول هم أحسن من حرنا كنت أتعييز بالعطل أروح الجمعيه اهني أروح مشي

 

[mr000]

مشكوره بيلا ماتقصرين نبي سلامتج..وان شاءالله تستانسين بالسفر..ميخالف الله يعينج عالكراف..يعني الخدم هم اللي استانسوا بالإجازه حاطين راسهم ونايمين لاشغل ولا يهال..

 

[mr000]

سوووووري بنات ماسلمت عليكم اشلونكم شخباركم مع الاجازه والجو اللطيف..الحمدلله على كل حال..بيلا ترى يايتنا رطوبه مو طبيعيه..ميخالف تحملي اليهال بالبراد ولا بالحر..

 

[mr000]

السلام امهات اشلونكم شخباركم..

 

[Fouz]

رد : تجمع امهات العالمية الامريكية

السلام عليكم أمهات شخباركم
مرو شلونج ان شاءالله بخير، انا الله يسلمج عندي بيات صايرة ما أطلع الا للضرورة القصوى استغفر الله الجو مو طبيعي عساه يتعدل قبل رمضان

بيلا شلونج مع التعب الله يكون بعونج و ان شاءالله تعوضين التعب بالجو الحلو و الوناسة ان شاءالله، و الله يرحم أخوج ان شاءالله

ملكة شخبارج ، صاجة السفر مع الياهل لوية و شقا و هم اذا خليتيهم قلبج ينشلع، تصدقين عندي وحدة من رفيجاتي عندها 3 أولاد الله يحفظهم عمرها ما سفرتهم لأنهم صغار بس تونسهم اهني كل مرة شاليه والا منتجع و اذا بغت تسافر راحت مع زوجها و خلت اليهال عند أهلها لانهم الحمدلله استانسوا بالشاليه و النوادي، لان صج السفر مع اليهال خاصة اذا صغار وايد متعب و ماراح يذكرون شي على كثر التعب

كاراميلا شلونج بشرينا عن صحتج ان شاءالله أمورج مستقرة يارب

ريمان شخبارج صامدة مثلنا و الا أمانة الله مسافرة

عندي استفسار ليش المدرسة ما تفتح بعد العيد؟؟ استغفر الله من له خلق فزعة من الصبح خصوصا اني بإجازة مادري ليش مدرسة عيالنا أول مدرسة تفتح

 

[mr000]

السلام امهات اشلونكم..هلا والله فوز اشلونج شخبارج ..والله آنا ماأطلع إلا المغرب..حتى موعد الطبيب طوفته مع ان ناطرته من 6 اشهر..لازم اروح احط موعد غيره..والله صاجه فوز كلش ماله معنى الدوام بنص رمضان ..بنت اخوي بمدرسة الكويت الانجليزيه..دوامها عقب العيد..حتى الدوليه الامريكيه دايما دوامهم عقبنا..

 

[caramella]

رد : تجمع امهات العالمية الامريكية

السلام عليكم أمهات
اشلونكم كلكم
فوز مشكوره عالسؤال
غطيت عنكم الفتره اللي فاتت بسبب ظروف صعبه مريت فيها بس ربي ما قصر وعدت على خير
ربي لك الحمد على كل حال
السالفه و مافيها اني رايحه مراجعتي العاديه والدكتوره تشيك بالسونار قالت لي عنق الرحم مو مبين معاي بالسونار لازم اسوي سونار داخلي قلت اوكي
سوت و طلعت المفاجأه اني عندي عنق الرحم مبطل و انا توني بالسادس
يعنس احتمال كبير ولاده مبكره
فقالت لازم عملية ربط آنا هني تصروعت قالت تعالي عالمكتب وقعدت تفهم ريلي إذا ما سوينا العمليه راح تولد و إهي بالسادس
قالت الحين الحين دخول مستشفى تنسدح عالسرير حتى حمام ما تروووح بركب لها بربيش عشان ما ابي ضغط اكثر على عنق الرحم و اركب لها دوا بالوريد يوقف الطلق مني لي باجر المغرب بعد عيادتي اسويلها العمليه
آنا هني قمت ارجف من الخرعه و اشوفها تعبي الأوراق مالت الدخول و خذوني بالويل جير دخلوني طوارئ الولاده وركبو الدرب و البربيش ومنسدحه و مخاد تحت ريلي حتى اكلي و آنا نايمه احس الأكل ما ينزل يوقف بالمريئ وتالي احس بيطلع من بلعومي
وعطوني مضاد فيني حساسيه منه يتفخ جسمي كله و يورم و جسمي كله يحكني لي درجه حتى لثتي و اسناني تحكني نفس المضاد اللي عطونياه بولادتي اللي فاتت و الله يسامحها دكتورتي الأوليه ماكتبت عالملف إن عندي حساسيه منه عشان هالدكتوره ماينعطى لي مره ثانيه هالمره ما راح مني إلا لما عطوني إبرة كرتزون تضادد هالمضاد و ارتحت بعد ساعه
ريلي سأل دكتور نسا مستشفى الأحمدي من باب الإستشاره قاله العمليه بهالوقت حيل صعبه وخطره ما منها فايده لأن الحمل في مراحله المتقدمه
إشتبون مني ما ادري شسوي اسوي ولا ما اسوي العمليه قال حق ريلي إخذو استشارة دكتور ثاني يعني قصده يكشف علي مو بس بالكلام
إنزين شلون اطلع اروح حق دكتور ثاني و آنا بالأصل داخله المستشفى ومركب علي البربيش و الدرب
نطرت دكتورتي ياتني حول 7 المغرب سألتها عن العمليه ومن هالكلام قالت توكلي على الله و سويها ترى والله خطر عليج ومن قالج خطره آنا مسويتها حق وحده بالسابع طيعيني لا يتوسع العنق اكثر من جذي وتالي ماكو حل ذيك الساعه
آخر شي قلت آنا فيها فيها إذا سويتها خطر تحوشني ولاده بوقت العمليه و إذا ما سويتها آنا معرضه لنفس الخطر خليني اتوكل على الله و اسويها واللي الله كاتبه بيصير
ما اطول عليكم سويتها و نزل ضغطي بالعمليه و احس اني مختنقه ماني قادره آخذ نفس معنه كمام الأكسجين علي تعبت من البنج وايد مو من البنج نفسه لأن كان نصفي إبرة ظهر تعبت من المهدئات لأن آنا ما تحمل المهددئات اللي تنعطى مع البنج وظليت بالمستشفى تحت الملاحظه 5 ايام بطوارئ الولاده حتى ولدي ما شفته 5 ايام حبيبي ممنوع يدخلون اطفال
وآخر توصيات الدكتوره راحه سريريه إلى الولاده الحركه كلش مو زينه علي نهائي بس اروح الحمام و ارجع سريري وما اطلع نهائي إلا لمواعيد الطبيب وبس
تعبت من السدحه والله إدعولي بنات الله يعدي هالأيام على خير
الحمدلله على كل حال

 

[N0oNa]

هاي بنات شلونكم ؟؟
صج المدرسه نص ارمضان ؟؟
هذي اول سنه حق ولدي عندهم
كل المراحل؟؟

 

[bella bambina]

السلام أمهات اشلونكم واشلون عيالكم ؟ولهت عليكم
ألأف سلامه عليج كراميلا ما تشوفين شر حبيبتي والله يتمم عليج وتولدين بالسلامه
لحد يسألني عن الكراف لأني صج تعبت وعندي القعده بحر الكويت وايد أرحم وما شفت من الديره شي من كثر ما أحوس ورا اليهال واحنا بعد حايشتنا موجة حر الجو بالثلاثينات على الأقل بالكويت فيه مكيفات
اي والله مرو خدمي اهمه اللي مكيفين مفتكين منا
الدوام مع أمريكا مالهم شغل برمضان وحق كل المراحل بس دوام الوضه خفيف

 

[ملكة بيتها]

السلام أمهات
كارميلا ...حبيبتي ما تشوفين شر .. الله يعينج على حكره السرير إن شاء الله تعدي هالأيام وتفرحين بشوفه ضناج ..
باجي الأمهات شلونكم وشخباركم ...

 

[mr000]

السلام امهات اشلونكم شخباركم..كراميلا سلامات حبيبتي ماتشوفين شر..والحمدلله على سلامتج من بعد العمليه..والله يتمم عليج الحمل وتولدين بموعدج بالسلامه..ان شاءالله ماعليج إلا العافيه..وميخالف تحملي السدحه والحكره الفتره اللي باقيتلج لما الله يهون عليج ان شاءالله بالسلامه..بيلا اشلونج شخبارج الله يعينج عاليهال اسم الله عليهم..وعن الحر مافكرتوا تغيرون تروحون مكان ثاني أبرد؟ رفيجتي بإيطاليه نفس سالفتكم تقول خسنا من الحر وحتى المجمعات تكييفها ضعيف قته حر فراحوا ألحين أسبوع فرنسا تقول برااااد ونااااسه..ملكه اشلونج اشلون بنيتج ..ها بعدج صامده معانا بالديره..فوز ورمان اشلونكم شخباركم..ياكره الدوام بنص رمضان..بس شنسوي حكم القوي..

 

[ملكة بيتها]

مروو ..شلونج عساج بخير ؟؟ بنتي الحمد الله بخير عقب عمليه اللحميه طلعت لنا سالفه ضرسها بس الحمد الله سويته لها وشالوا لها العصب والحين الحمد الله وايد أحسن ...وباقي على صمودي في الديره خمس أيام ويوم الأحد إن شاء الله أحدثكم من فرنسا ..وعلى فكره ما تآمرون شي من باريس ترى ما يردكم إلا الكي بورد

 

[mr000]

سووووري توني اشوف البدليات..ريمان خوش اسم عطيتج(رمان) سوووري..ملكه تروحون وتردون بالسلامه..وان شاءالله تستانسون هناك..مشكوره ماتقصرين ..نبي سلامتج..وشوية براد جان قدرتي..

 

[omlolo]

السلام عليكم امهات شلونكم وشخباركم من زماااان عنكم

الله يعينا يا امهات على دوام رمضان والله كل الخاص دوامهم عقب العيد مادري من حلات الجو عاد تصدقون انا ماخذه اجازه من دوامي ماتسوى علي بقعد اودي واييب
يالله بعد شنسوي

 

[mr000]

السلام امهات اشلونكم..هلا والله ام لولو اشلونج ..والله التعب موبس علينا احنا اللي نوصل هم بعد على العيال اللي صايمين مساكين ودوام طويل وحر..يعني أذكر العام جنه كان ولدي ينهد الساعه 2 وعلما يوصل 2 ونص. أو اكثر.وصيام..الله يعينهم مساكين..بس هم اشوه هالسنه يداوم نص رمضان العام داوم رمضان كله..أمهات حطيتلكم صورة الهايدبارك بشهر 4 علشان تحسون بالبراد شوي

 

[ملكة بيتها]

سلام أمهات
مروو ...يعني طلبت أصعب شي ودي أقولج حاضر بس حتى لو يبت معاي شوي براد على ما ندخل أجواء الكويت بيصير حار صعب جدا ..طلبي برج إيفل وايد أسهل ييبته ههههه

 

[mr000]

أهلين ملكه..لا موصعب حطيه في ice box إلا قولي ماتبين تييبين لنا :rgewrg: