تجمع بداية حياة يديدة و رشاقة (نيو لوك العيد ) تعالو نشجع بعض

[NaYoob]

صباح الخير على الحلوين

ابشركم نزلت صرت ٦٧.٣

 

[لله دري]

مبرروك اللي نزلووووا وان شاءالله دبل هالاسبوع

نوووحا شدي حيلج والله يوفقج يااارب :

 

[NaYoob]

الله يبارك فيج


وبنات هم انتوا مبرووووك على نزوالكم

 

[اخت خالتهم]

الريم ما شاءالله وايد حلو رجيمج
و يشبع
والماي صج مفيد



انا المشكله مالي خلق رياضة قبل احبها مادري شفيني

 

[دلع24]

مبرووووووك للي نزلواا


أَنٌـ«❤»ـآإ توني قست وزني

يلاا الحمدلله العووض ولا القطيعه

شي احسن من ولاا شي


كان وزني قبل 77.1
الحين76.7

نعمه ههههههه

 

[noo7a]

غداي اليوم كانت
2توست مع نص خياره و خستين و قفشه جبن ابيض

و اكلت المغرب تقريبا 3 شرايح اناناس

واي صج نسيت اقولكم نزلت كيلو الحمدلله

 

[جعفرية و أفتخر]

شلونكم بنات أنا السبت كان موعدي عند دكتوري بالميزان نازلة كيلو بس بس الدكتور يجمع الوزن معه الكتله اهوا طريقته جذي أول ما أروح يأخذون مقاس البطن و صوب الأرداف يعني المجموع ٣ كيلوات وشي معه الكتله طبعا يوم الي روحله يقولنه أخذوا فري ونبدأ من يوم ثاني و موعدي كل أسبوعين بس هالمرة عقب عشرة أيام ...

 

[جعفرية و أفتخر]

وهذا نظامي لي مدة عشر أيام و طبعا كل زيارة يغير الرجيم عشان ما نمل :-

الريوق :-
٢ كوب ماي بعدين مشروب دافي
بعدين تختارين من هالثلاث اختيارات :-

١) حبة كرواسون صغيرة+جبنة+خضره
٢) خبزة رجيم +جبنة+خضره
٣) شريحة توست أسمر+٤ شريحة مرتديلا+خس

بين الوجبتين:
٢ كوب ماء+حبة فاكهة + مشروب دافئ

الغداء :-

٢ كوب ماي بعدين سلطة بعدين شوربة رجيم بعدين يا ربع دياية أو شريحة لحم أو ٢سمكة مشوية أو مسلوقة +مرق أو خضار سوتيه بأي كمية + ٤ قفاش عيش أو معكرونية أو ٤ حبات ورق عنب .

العشاء :-
مثل اختيارات الريوق أو إنج تاكلين اي صنف فواكة بأي كمية ما عدا الفاكهة الممنوعة الي اهيا الموز و المانجا.

ملاحظة :-
يقولج تقدرين يومين تاكلين برد رجيم أو حبتين كاكاو صغار أو بنك بيري صغير معه الفواكة بدون صوص
موعدي عنده تاريخ ٢٠ وراح أوافيكم بنتائج ...

 

[بـ سـ كـ وتـ ة]

السلام عليكم

عذروني ما نزلت يومياتي

مبروك النزول بنوتات

وزني في البداية كان 79.4

اليوم 78.9

يعني ناقصة نص كيلو بالضبط الحمدلله

أمس تعشيت نص صمونة فيها قطعة وحدة تكا دياي ونص قفشة مايونيز ومخلل خيار صغار


اليوم تريقت عدل

أول شي سناك موزة وخيارة

الساعة 10 صمونة لبنة ومرتديلا وكوب شاي وحليب

الساعة 12 كليت سناك مكسرات نية وأناناس مجفف

بحدود 3ونص رديت يعت كليت فراولة ونص برتقالة ونص حبة كيوي

طلعنا من الدوام ودينا بنتي تلعب تغير جو ومشينا وركضنا ولعبنا معاها تقريبا ساعة

وتعشيت شوية يريش وتوستتين فيهم chutney بحدود الساعة 8

وتوني قبل شوي شفت الروست بيف بالثلاجة أغراني جان أتعوذ من ابليس وأشرب عصير

في صور بس مافيني حيل أسويلهم upload أحس خلاص أبي أنام دخت

 

[صمت شفايف]

صباح الخير بنات

اخباركم ؟؟

انا امس خربتها في الغدى والعشى ماقدرت اقاوم الاكل لان الي جايبينه لي مركز الدايت ماعجبني

اليوم ان شاء الله بحاول ماخرب رجيمي بحاول ​

 

[أنثى ملاائكيه]

موفقات ان شاء الله

 

[الريم_85]

صبحكم الله بالخيرررررر ​

شخباركم ؟؟ ​

اخت خالتهم
اي والله حلوو الرجيم وخفيف ^_^ ​

أمــس ​

تغديت سلطة كودو كالعاده وعقبها شاااي الرجيم ​

السناك: هني الخربطه اهيء اهيء
5 حبات لوز وانا سويتهم 6 هههههه

+ قرمه من الكب كيك مال ولدي صار خاطري فيه واخاف على ولدي لايصيده شي هههههههههه:eh_s(*): + نتفه يحه :eh_s(1):​

العشا: ربع كوب شوربه خضار مالت الرجيم .. لان صادني تأنيب الضمير وماكملتهااا +كوووب عصير بوليرو ​

الـــيـــــــوم :yaaaaaarb:
الريوق :ماكلت شي بس لان شوي بلاعيمي شربت جاي حليب بدون شكر
وان شااااااااااءالله ما اخرررررررررررررررررربط اليوم :eh_s(*)::eh_s(11):

لي عوده :eh_s(1):​

 

[نوفلتي]

صباح الخيرـ،،

الريم _85 لاتخربطين اخر لج مره ها.... خخخخ

انا اليوم اوبن داي تريقت 3 انواع من المعجنات الصغيره وشربت عصير اناناس وجوافه ...بعدين تحسفت اني كليت

 

[الريم_85]

صباح الخيرـ،،

الريم _85 لاتخربطين اخر لج مره ها.... خخخخ

انا اليوم اوبن داي تريقت 3 انواع من المعجنات الصغيره وشربت عصير اناناس وجوافه ...بعدين تحسفت اني كليت

:eh_s(11): لاتحسفيني اختي :eh_s(11):

ونتي OPEN DAY اكلي ولا يهمج :bbbiu: .. ​

 

[اخت خالتهم]

مساء الخير
فديت الرشيقات والله
الله يثبتنا وياكم يارب


انا اليوم ريوقي حليب مع قفشة نسكفيه

و غداي بيضتين مع بيبسي دايت وجبن

و العشا بخليه بعدين واليوم ماكو سناك


والله يتمم لنا على خير ههه

 

[Ba6oo6a-Q8]

up
up

 

[Ba6oo6a-Q8]

السلام عليكم ..
يعطيج العافيه أختي \ اخت خالتهم
اقدر اشارك معاكم ؟؟

وشكرا ..

 

[fatma A]

مساء الخير

باجر باذن الله ببتدى برجيم التمر واللبن

 

[بـ سـ كـ وتـ ة]

وناسة ما شالله حماس

اليوم تريقت صمونة مرتديلا وجبن سلايس توست أبيض عادي

وفي الدوام شربت شاي وحليب الضحى

والظهر كوب عصير برتقال

كليت قطعة وحدة ككاو بالمكسرات

والغدا توني تغديت صمونة بيض مفيوح بتوست الساور دو مع شريحة روست بيف

وليلحين شربت قلاصين ماي

مقصصة برتقالة كنت ناوية أخليها سناك بس شكلها بتصير عشا مع قوطي روب

بس مو أكيد لأن بنروح بيت عمتي فمو عارفة ظروفي وما أدري متى برجع البيت

دعواتكم بنات

 

[بـ سـ كـ وتـ ة]

وناسة ما شالله حماس

اليوم تريقت صمونة مرتديلا وجبن سلايس توست أبيض عادي (ما صورتهاش)

وفي الدوام شربت شاي وحليب الضحى حب حياتي ما أستغنى عنه

والظهر كوب عصير برتقال فريش

وكليت قطعة وحدة ككاو بالمكسرات من رفيجتي

والغدا توني تغديت صمونة بيض مفيوح بتوست الساور دو مع شريحة روست بيف

وليلحين شربت قلاصين ماي

مقصصة برتقالة كنت ناوية أخليها سناك بس شكلها بتصير عشا مع قوطي روب

بس مو أكيد لأن بنروح بيت عمتي فمو عارفة ظروفي وما أدري متى برجع البيت

وان شالله أصير خوش بنية ,اصور لكم العشا


دعواتكم بنات